Azərbaycanın əbədi müstəqillik və inkişaf tarixinin dönüş nöqtəsi
Tarix: 15-06-2026 | Saat: 11:20
Bölmə:Siyasət | çapa göndər
Azərbaycan xalqının çoxəsrlik dövlətçilik tarixində elə taleyüklü mərhələlər və unudulmaz günlər var ki, onlar ölkənin sadəcə təqvim xronologiyasını deyil, bütövlükdə millətin taleyini, gələcək mövcudluğunu və suverenliyini müəyyən etmişdir. 15 İyun – Milli Qurtuluş Günü Azərbaycan tarixinə qızıl hərflərlə yazılmış taleyüklü əhəmiyyəti olan günlərdən biridir. Bu əlamətdar tarixi gün sadəcə hakimiyyət dəyişikliyi deyil, parçalanmaqda olan, daxili və xarici təhdidlərin məngənəsində sıxılan bir ölkənin yenidən doğulması, milli dövlətçilik ideyasının xilası demək idi. Bu tarixi qurtuluşun mərkəzində isə heç şübhəsiz, Azərbaycan xalqının Ümummilli Lideri, dahi şəxsiyyət və misilsiz dövlət xadimi Heydər Əliyevin böyük siyasi iradəsi, xalqına olan sonsuz sevgisi və sarsılmaz fədakarlığı dayanırdı.
XX əsrin sonlarında sovet imperiyasının süqutu ilə Azərbaycan yenidən öz dövlət müstəqilliyini bəyan etsə də, müstəqilliyin ilk illərində yaşanan problemlər ölkəni çox ağır sınaqlar qarşısında qoymuşdu. Müstəqilliyin qazanılmasından dərhal sonra ölkədə idarəçilik sükanını əldə edən qüvvələrin səriştəsizliyi, geosiyasi prosesləri düzgün qiymətləndirə bilməməsi və daxili çəkişmələr respublikanı xaosa sürükləyirdi. Xüsusilə, Vəzirov-Mütəllibov rejimi, daha sonra Xalq Cəbhəsi-Müsavat cütlüyü Azərbaycanı Heydər Əliyev yolundan döndərməyə çalışıb, ölkənin milli maraqlarını şəxsi və qrup mənafelərinə qurban vermişdilər. Həmin dövrdə AXC-Müsavat cütlüyünün səriştəsiz idarəetməsi ölkəni uçuruma aparırdı. Dövlət institutlarının iflic olması, orduda vahid komandanlığın yoxluğu, iqtisadiyyatın tamamilə çökməsi və ölkə daxilində tüğyan edən silahlı separatizm meylləri Azərbaycanın bir dövlət kimi dünya xəritəsindən silinməsi təhlükəsini real fəlakətə çevirmişdi.
Ulu Öndər Heydər Əliyev o günləri xatırlayarkən vəziyyətin nə dərəcədə qorxulu olduğunu bu sözlərlə ifadə edirdi: “Azərbaycan böyük təhlükə qarşısında idi. Çünki Azərbaycanın müstəqil yaşamasının əleyhinə olan həm daxildəki qüvvələr güclü idi, həm də Azərbaycan kimi böyük coğrafi-strateji əhəmiyyətə, zəngin təbii sərvətlərə malik olan ölkənin tam müstəqil olması başqa ölkələrdə bəzi dairələri qane etmirdi. Ermənistanın Azərbaycana etdiyi təcavüz və bunun nəticəsində Azərbaycanın zəifləməsi, məğlubiyyətə uğraması, ikinci tərəfdən də daxildə hakimiyyət çəkişməsi 1992-ci ilin iyun ayında hakimiyyətə gəlmiş qüvvələri bir ildən sonra hakimiyyətdən saldı, xalq özü saldı”.
Bu ağır və dözülməz şəraitdə ölkə idarəçiliyini tamamilə itirən mövcud hakimiyyət böhrandan çıxış yolu tapa bilmirdi. Ermənistanın havadarlarının dəstəyi ilə torpaqlarımızı işğal etməsi, daxildə isə vətəndaş müharibəsi təhlükəsinin pik həddə çatması xalqın səbrini daşırmışdı. Belə bir məqamda ölkəni düçar olduğu fəlakətdən xilas edə biləcək, dağınıq qüvvələri birləşdirəcək, xalqı öz arxasınca aparacaq peşəkar dövlət xadimi, nüfuzlu siyasi liderə ehtiyac duyulurdu. Həmin dövrdə Azərbaycan xalqı çox yaxşı dərk edirdi ki, mövcud vəziyyətdən yeganə ümid və çıxış yolu – Heydər Əliyev şəxsiyyətidir. Xalq öz dahi oğlunu, Naxçıvandan başlayan xilaskarlıq missiyasının rəhbərini Bakıya, dövlət idarəçiliyinə dəvət etdi. Bu, sadəcə bir siyasi dəvət deyil, bütöv bir millətin ölüm-dirim savaşında öz xilaskarına etdiyi tarixi çağırış idi.
Dahi siyasi lider fenomeni olan Heydər Əliyev xalqın bu təkidli çağırışına biganə qala bilməzdi. Öz canını və siyasi nüfuzunu təhlükəyə ataraq 1993-cü il iyunun 9-da Bakıya gələn Ulu Öndər dərhal gərginliyin aradan qaldırılması, qardaş qırğınının qarşısının alınması üçün qətiyyətli addımlar atmağa başladı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Bu tarix respublikamızın tarixinə Milli Qurtuluş Günü kimi daxil oldu. Həmin gün parlament kürsüsündən bəyan edilən fikirlər həm dövlətin gələcək strateji kursunu müəyyən etdi, həm də sarsılmış ümidləri yenidən canlandırdı. Ulu Öndər hər zaman andına sadiq olub, xalqına verdiyi vədləri, dövlətçilik prinsiplərini canı bahasına yerinə yetirmişdir.
O, Ali Sovetin sədri seçildiyi gün gələcək fəaliyyət proqramını və xalq qarşısındakı tarixi məsuliyyətini belə bəyan etmişdi: “Mənə bu gün böyük etimad göstərdiyinə görə Milli Məclisin üzvlərinə, Azərbaycanın Ali Sovetinə minnətdarlığımı bildirirəm və sizi əmin edirəm ki, bütün imkanlardan istifadə edib bu böyük vəzifəni, ağır bir yükü aparmağa çalışacağam və bu vəzifənin ləyaqətlə yerinə yetirilməsinə səy edəcəyəm. Bildirmək istəyirəm ki, Azərbaycan Respublikasının bugünkü ağır, mürəkkəb və gərgin vəziyyətini tam məsuliyyətlə dərk edirəm. Bu vəzifəni üzərimə götürərək öz məsuliyyətimi anlayıram və bunların hamısını rəhbər tutaraq əlimdən gələni edəcəyəm. Ali Sovetin sədri kimi Azərbaycan xalqının tarixi nailiyyəti olan Azərbaycan Respublikasının dövlət müstəqilliyini qorumağı, möhkəmləndirməyi, inkişaf etdirməyi özüm üçün ən əsas vəzifələrdən biri hesab edirəm. Azərbaycan Respublikasının dövlət müstəqilliyi 1918-ci ildə yaranmış ilk Azərbaycan Demokratik Respublikasının ənənələri əsasında, müasir tələblərlə, dünyada gedən proseslərlə bağlı olaraq təmin olunmalıdır. Bu sahədə mən daim çalışacağam və heç kəsin şübhəsi olmasın ki, ömrümün bundan sonrakı hissəsini harada olursa-olsun, yalnız və yalnız Azərbaycan Respublikasının müstəqil dövlət kimi inkişaf etməsinə həsr edəcəyəm”.
Heydər Əliyevin rəhbərliyi dövründə atılan ilk fundamental addımlar ölkədə daxili sabitliyin, qanunun aliliyinin və dövlət intizamının bərpasına yönəldi. Qısa müddət ərzində qeyri-qanuni silahlı qruplaşmalar zərərsizləşdirildi, vətəndaş müharibəsi təhlükəsi tamamilə aradan qaldırıldı. Göstərilən bu müstəsna fədakarlıq nəticəsində ölkədə sabit inkişafın bünövrəsi qoyuldu. Ulu Öndərin xilaskar missiyası sayəsində 1994-cü ildə atəşkəs rejiminə nail olundu və dərhal ardınca Azərbaycanın iqtisadi müstəqilliyini və gələcək tərəqqisini təmin edən, tarixə “Əsrin müqaviləsi” kimi düşən nəhəng neft sazişi imzalandı. Milli Qurtuluş Günü Azərbaycan tarixində dönüş nöqtəsi idi və bu dönüş ölkəni parçalanmaqdan qurtararaq onu beynəlxalq münasibətlər sisteminin tamhüquqlu, etibarlı tərəfdaşına çevirdi.
Ulu Öndər Heydər Əliyev hər zaman vurğulayırdı: “Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır”. O, əbədi müstəqilliyimizin memarı kimi dövlətin gələcək siyasi sistemini də mükəmməl şəkildə formalaşdırdı. Onun rəhbərliyi ilə yaradılmış Yeni Azərbaycan Partiyası qısa zamanda cəmiyyətin bütün aparıcı qüvvələrini öz ətrafında birləşdirərək ümummilli həmrəylik simvolu halına gəldi. Bu gün Yeni Azərbaycan Partiyası Ulu Öndər Heydər Əliyevin siyasi irsini uğurla davam etdirir, ölkənin ictimai-siyasi həyatında aparıcı rol oynayır. Ulu Öndərin əbədi və unudulmaz xidməti təkcə onun yaşadığı dövrlə məhdudlaşmır, həm də gələcək nəsillərə bəxş etdiyi güclü, dayanıqlı və suveren dövlət modelində özünü büruzə verir. Xalqımız Ümummilli Lider Heydər Əliyevin əziz xatirəsini həmişə uca tutur, onun irsini özünün mənəvi-siyasi sərvəti hesab edir.
Zaman sübut etdi ki, Heydər Əliyev siyasi kursu Azərbaycanın yeganə doğru və alternativsiz inkişaf yoludur. Bu gün Ulu Öndər Heydər Əliyevin siyasi kursunun uğurlu davamı ölkəmizi daha böyük zirvələrə daşımaqdadır. Ümummilli Liderin dövlətçilik və tərəqqi strategiyası Prezident İlham Əliyev tərəfindən böyük uzaqgörənlik, qətiyyət və uğurla həyata keçirilir. Prezident İlham Əliyev bu tarixi günün önəmini yüksək qiymətləndirərək demişdir: “Danılmaz həqiqətdir ki, Azərbaycanın müasir və müstəqil dövlət kimi mövcudluğu, inkişafı XX əsrdə ikinci dəfə qazandığımız müstəqilliyin ilk illərinə təsadüf edən Milli Qurtuluş Günü ilə əlaqədardır. Qurtuluş Günü Azərbaycan tarixində dönüş nöqtəsi idi”.
Ulu Öndərin ən böyük arzusu torpaqlarımızın işğaldan azad edilməsi, ərazi bütövlüyümüzün və suverenliyimizin tam bərpası idi. Müzəffər Ali Baş Komandan İlham Əliyevin rəhbərliyi ilə qüdrətli Azərbaycan Ordusu 44 günlük Vətən müharibəsində və ardınca keçirilən antiterror tədbirlərində tarixi ədaləti bərpa etdi. Bu möhtəşəm tarixi Qələbəyə aparan yol məhz 1993-cü ilin 15 iyununda qoyulmuş möhkəm təməllərdən, milli birlikdən və sabitlikdən başlayırdı. Bu gün Şuşada, Xankəndidə, Qarabağın və Şərqi Zəngəzurun hər bir guşəsində dalğalanan üçrəngli müqəddəs bayrağımız Ulu Öndərin ruhunu şad edir, onun xilaskarlıq missiyasının və dövlətçilik dühasının əbədi təntənəsini təcəssüm etdirir. Milli Qurtuluş Günü ilə əsası qoyulan müstəqilliyimiz sarsılmazdır, daimidir və əbədidir.
İlqar İlyasov
Yeni Azərbaycan Partiyası Laçın rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 15-06-2026 | Saat: 11:20
Bölmə:Siyasət | çapa göndər
Azərbaycan xalqının çoxəsrlik dövlətçilik tarixində elə taleyüklü mərhələlər və unudulmaz günlər var ki, onlar ölkənin sadəcə təqvim xronologiyasını deyil, bütövlükdə millətin taleyini, gələcək mövcudluğunu və suverenliyini müəyyən etmişdir. 15 İyun – Milli Qurtuluş Günü Azərbaycan tarixinə qızıl hərflərlə yazılmış taleyüklü əhəmiyyəti olan günlərdən biridir. Bu əlamətdar tarixi gün sadəcə hakimiyyət dəyişikliyi deyil, parçalanmaqda olan, daxili və xarici təhdidlərin məngənəsində sıxılan bir ölkənin yenidən doğulması, milli dövlətçilik ideyasının xilası demək idi. Bu tarixi qurtuluşun mərkəzində isə heç şübhəsiz, Azərbaycan xalqının Ümummilli Lideri, dahi şəxsiyyət və misilsiz dövlət xadimi Heydər Əliyevin böyük siyasi iradəsi, xalqına olan sonsuz sevgisi və sarsılmaz fədakarlığı dayanırdı.
XX əsrin sonlarında sovet imperiyasının süqutu ilə Azərbaycan yenidən öz dövlət müstəqilliyini bəyan etsə də, müstəqilliyin ilk illərində yaşanan problemlər ölkəni çox ağır sınaqlar qarşısında qoymuşdu. Müstəqilliyin qazanılmasından dərhal sonra ölkədə idarəçilik sükanını əldə edən qüvvələrin səriştəsizliyi, geosiyasi prosesləri düzgün qiymətləndirə bilməməsi və daxili çəkişmələr respublikanı xaosa sürükləyirdi. Xüsusilə, Vəzirov-Mütəllibov rejimi, daha sonra Xalq Cəbhəsi-Müsavat cütlüyü Azərbaycanı Heydər Əliyev yolundan döndərməyə çalışıb, ölkənin milli maraqlarını şəxsi və qrup mənafelərinə qurban vermişdilər. Həmin dövrdə AXC-Müsavat cütlüyünün səriştəsiz idarəetməsi ölkəni uçuruma aparırdı. Dövlət institutlarının iflic olması, orduda vahid komandanlığın yoxluğu, iqtisadiyyatın tamamilə çökməsi və ölkə daxilində tüğyan edən silahlı separatizm meylləri Azərbaycanın bir dövlət kimi dünya xəritəsindən silinməsi təhlükəsini real fəlakətə çevirmişdi.
Ulu Öndər Heydər Əliyev o günləri xatırlayarkən vəziyyətin nə dərəcədə qorxulu olduğunu bu sözlərlə ifadə edirdi: “Azərbaycan böyük təhlükə qarşısında idi. Çünki Azərbaycanın müstəqil yaşamasının əleyhinə olan həm daxildəki qüvvələr güclü idi, həm də Azərbaycan kimi böyük coğrafi-strateji əhəmiyyətə, zəngin təbii sərvətlərə malik olan ölkənin tam müstəqil olması başqa ölkələrdə bəzi dairələri qane etmirdi. Ermənistanın Azərbaycana etdiyi təcavüz və bunun nəticəsində Azərbaycanın zəifləməsi, məğlubiyyətə uğraması, ikinci tərəfdən də daxildə hakimiyyət çəkişməsi 1992-ci ilin iyun ayında hakimiyyətə gəlmiş qüvvələri bir ildən sonra hakimiyyətdən saldı, xalq özü saldı”.
Bu ağır və dözülməz şəraitdə ölkə idarəçiliyini tamamilə itirən mövcud hakimiyyət böhrandan çıxış yolu tapa bilmirdi. Ermənistanın havadarlarının dəstəyi ilə torpaqlarımızı işğal etməsi, daxildə isə vətəndaş müharibəsi təhlükəsinin pik həddə çatması xalqın səbrini daşırmışdı. Belə bir məqamda ölkəni düçar olduğu fəlakətdən xilas edə biləcək, dağınıq qüvvələri birləşdirəcək, xalqı öz arxasınca aparacaq peşəkar dövlət xadimi, nüfuzlu siyasi liderə ehtiyac duyulurdu. Həmin dövrdə Azərbaycan xalqı çox yaxşı dərk edirdi ki, mövcud vəziyyətdən yeganə ümid və çıxış yolu – Heydər Əliyev şəxsiyyətidir. Xalq öz dahi oğlunu, Naxçıvandan başlayan xilaskarlıq missiyasının rəhbərini Bakıya, dövlət idarəçiliyinə dəvət etdi. Bu, sadəcə bir siyasi dəvət deyil, bütöv bir millətin ölüm-dirim savaşında öz xilaskarına etdiyi tarixi çağırış idi.
Dahi siyasi lider fenomeni olan Heydər Əliyev xalqın bu təkidli çağırışına biganə qala bilməzdi. Öz canını və siyasi nüfuzunu təhlükəyə ataraq 1993-cü il iyunun 9-da Bakıya gələn Ulu Öndər dərhal gərginliyin aradan qaldırılması, qardaş qırğınının qarşısının alınması üçün qətiyyətli addımlar atmağa başladı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Bu tarix respublikamızın tarixinə Milli Qurtuluş Günü kimi daxil oldu. Həmin gün parlament kürsüsündən bəyan edilən fikirlər həm dövlətin gələcək strateji kursunu müəyyən etdi, həm də sarsılmış ümidləri yenidən canlandırdı. Ulu Öndər hər zaman andına sadiq olub, xalqına verdiyi vədləri, dövlətçilik prinsiplərini canı bahasına yerinə yetirmişdir.
O, Ali Sovetin sədri seçildiyi gün gələcək fəaliyyət proqramını və xalq qarşısındakı tarixi məsuliyyətini belə bəyan etmişdi: “Mənə bu gün böyük etimad göstərdiyinə görə Milli Məclisin üzvlərinə, Azərbaycanın Ali Sovetinə minnətdarlığımı bildirirəm və sizi əmin edirəm ki, bütün imkanlardan istifadə edib bu böyük vəzifəni, ağır bir yükü aparmağa çalışacağam və bu vəzifənin ləyaqətlə yerinə yetirilməsinə səy edəcəyəm. Bildirmək istəyirəm ki, Azərbaycan Respublikasının bugünkü ağır, mürəkkəb və gərgin vəziyyətini tam məsuliyyətlə dərk edirəm. Bu vəzifəni üzərimə götürərək öz məsuliyyətimi anlayıram və bunların hamısını rəhbər tutaraq əlimdən gələni edəcəyəm. Ali Sovetin sədri kimi Azərbaycan xalqının tarixi nailiyyəti olan Azərbaycan Respublikasının dövlət müstəqilliyini qorumağı, möhkəmləndirməyi, inkişaf etdirməyi özüm üçün ən əsas vəzifələrdən biri hesab edirəm. Azərbaycan Respublikasının dövlət müstəqilliyi 1918-ci ildə yaranmış ilk Azərbaycan Demokratik Respublikasının ənənələri əsasında, müasir tələblərlə, dünyada gedən proseslərlə bağlı olaraq təmin olunmalıdır. Bu sahədə mən daim çalışacağam və heç kəsin şübhəsi olmasın ki, ömrümün bundan sonrakı hissəsini harada olursa-olsun, yalnız və yalnız Azərbaycan Respublikasının müstəqil dövlət kimi inkişaf etməsinə həsr edəcəyəm”.
Heydər Əliyevin rəhbərliyi dövründə atılan ilk fundamental addımlar ölkədə daxili sabitliyin, qanunun aliliyinin və dövlət intizamının bərpasına yönəldi. Qısa müddət ərzində qeyri-qanuni silahlı qruplaşmalar zərərsizləşdirildi, vətəndaş müharibəsi təhlükəsi tamamilə aradan qaldırıldı. Göstərilən bu müstəsna fədakarlıq nəticəsində ölkədə sabit inkişafın bünövrəsi qoyuldu. Ulu Öndərin xilaskar missiyası sayəsində 1994-cü ildə atəşkəs rejiminə nail olundu və dərhal ardınca Azərbaycanın iqtisadi müstəqilliyini və gələcək tərəqqisini təmin edən, tarixə “Əsrin müqaviləsi” kimi düşən nəhəng neft sazişi imzalandı. Milli Qurtuluş Günü Azərbaycan tarixində dönüş nöqtəsi idi və bu dönüş ölkəni parçalanmaqdan qurtararaq onu beynəlxalq münasibətlər sisteminin tamhüquqlu, etibarlı tərəfdaşına çevirdi.
Ulu Öndər Heydər Əliyev hər zaman vurğulayırdı: “Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır”. O, əbədi müstəqilliyimizin memarı kimi dövlətin gələcək siyasi sistemini də mükəmməl şəkildə formalaşdırdı. Onun rəhbərliyi ilə yaradılmış Yeni Azərbaycan Partiyası qısa zamanda cəmiyyətin bütün aparıcı qüvvələrini öz ətrafında birləşdirərək ümummilli həmrəylik simvolu halına gəldi. Bu gün Yeni Azərbaycan Partiyası Ulu Öndər Heydər Əliyevin siyasi irsini uğurla davam etdirir, ölkənin ictimai-siyasi həyatında aparıcı rol oynayır. Ulu Öndərin əbədi və unudulmaz xidməti təkcə onun yaşadığı dövrlə məhdudlaşmır, həm də gələcək nəsillərə bəxş etdiyi güclü, dayanıqlı və suveren dövlət modelində özünü büruzə verir. Xalqımız Ümummilli Lider Heydər Əliyevin əziz xatirəsini həmişə uca tutur, onun irsini özünün mənəvi-siyasi sərvəti hesab edir.
Zaman sübut etdi ki, Heydər Əliyev siyasi kursu Azərbaycanın yeganə doğru və alternativsiz inkişaf yoludur. Bu gün Ulu Öndər Heydər Əliyevin siyasi kursunun uğurlu davamı ölkəmizi daha böyük zirvələrə daşımaqdadır. Ümummilli Liderin dövlətçilik və tərəqqi strategiyası Prezident İlham Əliyev tərəfindən böyük uzaqgörənlik, qətiyyət və uğurla həyata keçirilir. Prezident İlham Əliyev bu tarixi günün önəmini yüksək qiymətləndirərək demişdir: “Danılmaz həqiqətdir ki, Azərbaycanın müasir və müstəqil dövlət kimi mövcudluğu, inkişafı XX əsrdə ikinci dəfə qazandığımız müstəqilliyin ilk illərinə təsadüf edən Milli Qurtuluş Günü ilə əlaqədardır. Qurtuluş Günü Azərbaycan tarixində dönüş nöqtəsi idi”.
Ulu Öndərin ən böyük arzusu torpaqlarımızın işğaldan azad edilməsi, ərazi bütövlüyümüzün və suverenliyimizin tam bərpası idi. Müzəffər Ali Baş Komandan İlham Əliyevin rəhbərliyi ilə qüdrətli Azərbaycan Ordusu 44 günlük Vətən müharibəsində və ardınca keçirilən antiterror tədbirlərində tarixi ədaləti bərpa etdi. Bu möhtəşəm tarixi Qələbəyə aparan yol məhz 1993-cü ilin 15 iyununda qoyulmuş möhkəm təməllərdən, milli birlikdən və sabitlikdən başlayırdı. Bu gün Şuşada, Xankəndidə, Qarabağın və Şərqi Zəngəzurun hər bir guşəsində dalğalanan üçrəngli müqəddəs bayrağımız Ulu Öndərin ruhunu şad edir, onun xilaskarlıq missiyasının və dövlətçilik dühasının əbədi təntənəsini təcəssüm etdirir. Milli Qurtuluş Günü ilə əsası qoyulan müstəqilliyimiz sarsılmazdır, daimidir və əbədidir.
İlqar İlyasov
Yeni Azərbaycan Partiyası Laçın rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
15-06-2026
