Səttar Möhbalıyev: "Azərbaycan-Türkmənistan əməkdaşlığı regional güc amilinə çevrilir"
Tarix: 22-06-2026 | Saat: 20:04
Bölmə:Manşet / Siyasət | çapa göndər
XXI əsrin mürəkkəb geosiyasi reallıqları fonunda dövlətlər arasında münasibətlərin davamlılığı təkcə iqtisadi maraqlarla deyil, həm də ortaq tarix, mədəniyyət və siyasi etimad amilləri ilə müəyyən olunur. Azərbaycan və Türkmənistan arasında formalaşmış münasibətlər də məhz bu xüsusiyyətləri özündə birləşdirir. İyunun 22-də Azərbaycan Respublikasının Prezidenti cənab İlham Əliyevin Türkmənistan Prezidenti Sərdar Berdiməhəmmədov ilə görüşdən sonra mətbuata verdiyi bəyanat iki qardaş ölkə arasında əlaqələrin hazırkı vəziyyətini və gələcək inkişaf istiqamətlərini aydın şəkildə ortaya qoydu. Dövlət başçısının çıxışı göstərdi ki, Bakı və Aşqabad arasında münasibətlər artıq ənənəvi dostluq və qardaşlıq çərçivəsini aşaraq regional və beynəlxalq əhəmiyyət daşıyan strateji əməkdaşlıq mərhələsinə daxil olub.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, cənab Prezident İlham Əliyev çıxışında xüsusi vurğuladı ki, Azərbaycan-Türkmənistan münasibətlərinin təməlində tarixi köklər, ortaq etnik-mədəni dəyərlər və mənəvi yaxınlıq dayanır. Əslində bu fikir Türk dünyasının inteqrasiya prosesində mühüm yer tutur. Azərbaycan və Türkmənistan xalqları əsrlər boyu eyni sivilizasiya məkanının tərkib hissəsi kimi formalaşıb. Ortaq dil ailəsi, oxşar milli-mədəni ənənələr və tarixi yaddaş bu gün dövlətlərarası münasibətlərin də etibarlı əsasını təşkil edir. Son illər keçirilən qarşılıqlı Mədəniyyət Günləri, yaradıcı kollektivlərin səfərləri və qardaşlaşmış şəhərlər layihələri bu əlaqələrin sadəcə siyasi deyil, həm də ictimai-mədəni müstəvidə dərinləşdiyini göstərir. Bakı-Aşqabad, Arkadağ-Füzuli qardaşlaşması isə simvolik xarakter daşımaqla yanaşı, gələcək əməkdaşlığın humanitar sütunlarını möhkəmləndirir. Cənab Prezident İlham Əliyevin bəyanatında diqqət çəkən məqamlardan biri Türkmənistanın işğaldan azad olunmuş ərazilərin bərpasına verdiyi töhfənin xüsusi qeyd olunması idi. Türkmənistanın Milli Lideri Qurbanqulu Berdiməhəmmədovun təşəbbüsü ilə Füzuli şəhərində məscid tikintisinin başlanması sıradan bir humanitar layihə deyil. Bu addım həm mənəvi həmrəyliyin, həm də Türk dünyasının Qarabağ məsələsində nümayiş etdirdiyi birliyin nümunəsidir. Məscidin inşası Azərbaycanın ərazi bütövlüyünün bərpasına verilən mənəvi dəstəyin və qardaş ölkənin Qarabağın yenidən qurulması prosesində iştirak etmək iradəsinin göstəricisi kimi dəyərləndirilə bilər. Bu, həm də Azərbaycanın postmünaqişə dövründə həyata keçirdiyi bərpa və quruculuq siyasətinin beynəlxalq səviyyədə dəstəkləndiyini göstərən mühüm nümunələrdən biridir. Cənab Prezident İlham Əliyevin çıxışında ən mühüm məqamlardan biri Azərbaycanın Mərkəzi Asiya Dövlət Başçılarının Məşvərət Şurasında iştirakına verilən dəstəyin yüksək qiymətləndirilməsi oldu. Dövlət başçısı bu hadisəni "tarixi hadisə" adlandırmaqla əslində yeni geosiyasi reallığa diqqət çəkdi.
Millət vəkili onu da bildirib ki, Azərbaycan coğrafi baxımdan Cənubi Qafqazda yerləşsə də, tarixi, mədəni və siyasi baxımdan Mərkəzi Asiya ilə sıx bağlıdır. Son illərdə Türk Dövlətləri Təşkilatının güclənməsi, Orta Dəhliz layihəsinin inkişafı və Xəzər regionunda artan əməkdaşlıq Azərbaycanı faktiki olaraq Mərkəzi Asiyanın qərb qapısına çevirib. Bu baxımdan Türkmənistanın dəstəyi ilə Azərbaycanın Məşvərət Şurasında iştirakının genişlənməsi təkcə diplomatik uğur deyil, həm də yeni regional inteqrasiya modelinin formalaşmasının göstəricisidir. Cənab Prezident İlham Əliyevin bəyanatında nəqliyyat-logistika sahəsinə xüsusi yer ayrılması təsadüfi deyil. Son illərdə qlobal ticarət marşrutlarında baş verən dəyişikliklər Orta Dəhlizin əhəmiyyətini ciddi şəkildə artırıb. Çin-Mərkəzi Asiya-Xəzər-Azərbaycan-Gürcüstan-Türkiyə-Avropa xətti üzrə daşımalar artıq dünya iqtisadiyyatının mühüm istiqamətlərindən birinə çevrilir. Azərbaycan və Türkmənistan bu marşrutun əsas həlqələri hesab olunur. Cənab Prezident İlham Əliyevin vurğuladığı kimi, müasir dövrdə etibarlı və təhlükəsiz nəqliyyat dəhlizləri azdır. Buna görə də Bakı ilə Aşqabad arasında koordinasiyanın gücləndirilməsi yalnız iki ölkənin deyil, geniş Avrasiya məkanının maraqlarına xidmət edir. Əslində, Azərbaycanın Bakı Beynəlxalq Dəniz Ticarət Limanı, Türkmənistanın Türkmənbaşı Beynəlxalq Dəniz Limanı və Xəzər üzərindən həyata keçirilən yükdaşımalar gələcəkdə regionun iqtisadi xəritəsini dəyişdirə biləcək potensiala malikdir. Bu əməkdaşlıq eyni zamanda Azərbaycanın təşəbbüsü ilə formalaşan Şərq-Qərb nəqliyyat xəttinin daha da güclənməsinə xidmət edir. Azərbaycan və Türkmənistan dünyanın mühüm enerji istehsalçılarından hesab olunur. Hər iki ölkənin zəngin neft və qaz ehtiyatlarına malik olması əməkdaşlıq üçün geniş perspektivlər yaradır. Cənab Prezident İlham Əliyevin "səylərimizi birləşdirmək niyyətindəyik" ifadəsi enerji diplomatiyasında yeni mərhələnin başlanğıcı kimi qiymətləndirilə bilər. Xəzər hövzəsində enerji resurslarının birgə istifadəsi, qaz ixracı imkanlarının genişləndirilməsi və beynəlxalq enerji təhlükəsizliyinə töhfə verilməsi istiqamətində Bakı ilə Aşqabad arasında əməkdaşlıq yaxın illərdə daha da aktuallaşacaq. Xüsusilə Avropanın enerji təhlükəsizliyi məsələlərinin gündəmdə olduğu bir dövrdə Azərbaycan-Türkmənistan tərəfdaşlığı regional əhəmiyyət çərçivəsindən çıxaraq qlobal enerji bazarının vacib elementlərindən birinə çevrilə bilər. Cənab Prezident İlham Əliyevin çıxışında diqqət çəkən digər məqam Türkmənistanın beynəlxalq siyasətdə yürüdüyü neytrallıq kursuna verilən dəstək oldu. Azərbaycanın Türkmənistanın neytrallıq siyasətini açıq şəkildə dəstəkləməsi iki ölkə arasında qarşılıqlı etimadın yüksək səviyyəsini nümayiş etdirir. Bu yanaşma həm də Türk dünyasında müxtəlif siyasi modellərin qarşılıqlı hörmət və əməkdaşlıq prinsipləri əsasında bir araya gəldiyini göstərir. Müasir beynəlxalq münasibətlər sistemində Türk dövlətlərinin siyasi koordinasiyası getdikcə güclənir. Azərbaycan və Türkmənistan arasındakı münasibətlər də bu prosesin vacib tərkib hissəsinə çevrilir.
Cənab Prezident İlham Əliyevin bəyanatı göstərir ki, Azərbaycan-Türkmənistan münasibətləri artıq yalnız ikitərəfli gündəliklə məhdudlaşmır. Bu münasibətlər nəqliyyat, logistika, enerji, regional təhlükəsizlik, humanitar əməkdaşlıq və Türk dünyasının inteqrasiyası kimi geniş spektri əhatə edir. Ən mühüm məqam isə ondan ibarətdir ki, Bakı və Aşqabad arasında formalaşmış siyasi etimad gələcək böyük layihələrin həyata keçirilməsi üçün etibarlı zəmin yaradır. Bu gün Azərbaycan və Türkmənistan təkcə qardaş ölkələr deyil, həm də Avrasiyanın yeni iqtisadi və geosiyasi xəritəsinin formalaşmasında mühüm rol oynayan strateji tərəfdaşlardır. Cənab Prezident İlham Əliyevin səsləndirdiyi fikirlər də məhz bu reallığı təsdiqləyir. İki ölkə arasında mövcud olan qarşılıqlı etimad, ortaq maraqlar və siyasi iradə gələcək illərdə Azərbaycan-Türkmənistan əməkdaşlığını daha yüksək səviyyəyə qaldıracaq, Türk dünyasının birliyinə və regionun sabit inkişafına mühüm töhfələr verəcəkdir-deyə Səttar Möhbalıyev fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 22-06-2026 | Saat: 20:04
Bölmə:Manşet / Siyasət | çapa göndər
XXI əsrin mürəkkəb geosiyasi reallıqları fonunda dövlətlər arasında münasibətlərin davamlılığı təkcə iqtisadi maraqlarla deyil, həm də ortaq tarix, mədəniyyət və siyasi etimad amilləri ilə müəyyən olunur. Azərbaycan və Türkmənistan arasında formalaşmış münasibətlər də məhz bu xüsusiyyətləri özündə birləşdirir. İyunun 22-də Azərbaycan Respublikasının Prezidenti cənab İlham Əliyevin Türkmənistan Prezidenti Sərdar Berdiməhəmmədov ilə görüşdən sonra mətbuata verdiyi bəyanat iki qardaş ölkə arasında əlaqələrin hazırkı vəziyyətini və gələcək inkişaf istiqamətlərini aydın şəkildə ortaya qoydu. Dövlət başçısının çıxışı göstərdi ki, Bakı və Aşqabad arasında münasibətlər artıq ənənəvi dostluq və qardaşlıq çərçivəsini aşaraq regional və beynəlxalq əhəmiyyət daşıyan strateji əməkdaşlıq mərhələsinə daxil olub.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, cənab Prezident İlham Əliyev çıxışında xüsusi vurğuladı ki, Azərbaycan-Türkmənistan münasibətlərinin təməlində tarixi köklər, ortaq etnik-mədəni dəyərlər və mənəvi yaxınlıq dayanır. Əslində bu fikir Türk dünyasının inteqrasiya prosesində mühüm yer tutur. Azərbaycan və Türkmənistan xalqları əsrlər boyu eyni sivilizasiya məkanının tərkib hissəsi kimi formalaşıb. Ortaq dil ailəsi, oxşar milli-mədəni ənənələr və tarixi yaddaş bu gün dövlətlərarası münasibətlərin də etibarlı əsasını təşkil edir. Son illər keçirilən qarşılıqlı Mədəniyyət Günləri, yaradıcı kollektivlərin səfərləri və qardaşlaşmış şəhərlər layihələri bu əlaqələrin sadəcə siyasi deyil, həm də ictimai-mədəni müstəvidə dərinləşdiyini göstərir. Bakı-Aşqabad, Arkadağ-Füzuli qardaşlaşması isə simvolik xarakter daşımaqla yanaşı, gələcək əməkdaşlığın humanitar sütunlarını möhkəmləndirir. Cənab Prezident İlham Əliyevin bəyanatında diqqət çəkən məqamlardan biri Türkmənistanın işğaldan azad olunmuş ərazilərin bərpasına verdiyi töhfənin xüsusi qeyd olunması idi. Türkmənistanın Milli Lideri Qurbanqulu Berdiməhəmmədovun təşəbbüsü ilə Füzuli şəhərində məscid tikintisinin başlanması sıradan bir humanitar layihə deyil. Bu addım həm mənəvi həmrəyliyin, həm də Türk dünyasının Qarabağ məsələsində nümayiş etdirdiyi birliyin nümunəsidir. Məscidin inşası Azərbaycanın ərazi bütövlüyünün bərpasına verilən mənəvi dəstəyin və qardaş ölkənin Qarabağın yenidən qurulması prosesində iştirak etmək iradəsinin göstəricisi kimi dəyərləndirilə bilər. Bu, həm də Azərbaycanın postmünaqişə dövründə həyata keçirdiyi bərpa və quruculuq siyasətinin beynəlxalq səviyyədə dəstəkləndiyini göstərən mühüm nümunələrdən biridir. Cənab Prezident İlham Əliyevin çıxışında ən mühüm məqamlardan biri Azərbaycanın Mərkəzi Asiya Dövlət Başçılarının Məşvərət Şurasında iştirakına verilən dəstəyin yüksək qiymətləndirilməsi oldu. Dövlət başçısı bu hadisəni "tarixi hadisə" adlandırmaqla əslində yeni geosiyasi reallığa diqqət çəkdi.
Millət vəkili onu da bildirib ki, Azərbaycan coğrafi baxımdan Cənubi Qafqazda yerləşsə də, tarixi, mədəni və siyasi baxımdan Mərkəzi Asiya ilə sıx bağlıdır. Son illərdə Türk Dövlətləri Təşkilatının güclənməsi, Orta Dəhliz layihəsinin inkişafı və Xəzər regionunda artan əməkdaşlıq Azərbaycanı faktiki olaraq Mərkəzi Asiyanın qərb qapısına çevirib. Bu baxımdan Türkmənistanın dəstəyi ilə Azərbaycanın Məşvərət Şurasında iştirakının genişlənməsi təkcə diplomatik uğur deyil, həm də yeni regional inteqrasiya modelinin formalaşmasının göstəricisidir. Cənab Prezident İlham Əliyevin bəyanatında nəqliyyat-logistika sahəsinə xüsusi yer ayrılması təsadüfi deyil. Son illərdə qlobal ticarət marşrutlarında baş verən dəyişikliklər Orta Dəhlizin əhəmiyyətini ciddi şəkildə artırıb. Çin-Mərkəzi Asiya-Xəzər-Azərbaycan-Gürcüstan-Türkiyə-Avropa xətti üzrə daşımalar artıq dünya iqtisadiyyatının mühüm istiqamətlərindən birinə çevrilir. Azərbaycan və Türkmənistan bu marşrutun əsas həlqələri hesab olunur. Cənab Prezident İlham Əliyevin vurğuladığı kimi, müasir dövrdə etibarlı və təhlükəsiz nəqliyyat dəhlizləri azdır. Buna görə də Bakı ilə Aşqabad arasında koordinasiyanın gücləndirilməsi yalnız iki ölkənin deyil, geniş Avrasiya məkanının maraqlarına xidmət edir. Əslində, Azərbaycanın Bakı Beynəlxalq Dəniz Ticarət Limanı, Türkmənistanın Türkmənbaşı Beynəlxalq Dəniz Limanı və Xəzər üzərindən həyata keçirilən yükdaşımalar gələcəkdə regionun iqtisadi xəritəsini dəyişdirə biləcək potensiala malikdir. Bu əməkdaşlıq eyni zamanda Azərbaycanın təşəbbüsü ilə formalaşan Şərq-Qərb nəqliyyat xəttinin daha da güclənməsinə xidmət edir. Azərbaycan və Türkmənistan dünyanın mühüm enerji istehsalçılarından hesab olunur. Hər iki ölkənin zəngin neft və qaz ehtiyatlarına malik olması əməkdaşlıq üçün geniş perspektivlər yaradır. Cənab Prezident İlham Əliyevin "səylərimizi birləşdirmək niyyətindəyik" ifadəsi enerji diplomatiyasında yeni mərhələnin başlanğıcı kimi qiymətləndirilə bilər. Xəzər hövzəsində enerji resurslarının birgə istifadəsi, qaz ixracı imkanlarının genişləndirilməsi və beynəlxalq enerji təhlükəsizliyinə töhfə verilməsi istiqamətində Bakı ilə Aşqabad arasında əməkdaşlıq yaxın illərdə daha da aktuallaşacaq. Xüsusilə Avropanın enerji təhlükəsizliyi məsələlərinin gündəmdə olduğu bir dövrdə Azərbaycan-Türkmənistan tərəfdaşlığı regional əhəmiyyət çərçivəsindən çıxaraq qlobal enerji bazarının vacib elementlərindən birinə çevrilə bilər. Cənab Prezident İlham Əliyevin çıxışında diqqət çəkən digər məqam Türkmənistanın beynəlxalq siyasətdə yürüdüyü neytrallıq kursuna verilən dəstək oldu. Azərbaycanın Türkmənistanın neytrallıq siyasətini açıq şəkildə dəstəkləməsi iki ölkə arasında qarşılıqlı etimadın yüksək səviyyəsini nümayiş etdirir. Bu yanaşma həm də Türk dünyasında müxtəlif siyasi modellərin qarşılıqlı hörmət və əməkdaşlıq prinsipləri əsasında bir araya gəldiyini göstərir. Müasir beynəlxalq münasibətlər sistemində Türk dövlətlərinin siyasi koordinasiyası getdikcə güclənir. Azərbaycan və Türkmənistan arasındakı münasibətlər də bu prosesin vacib tərkib hissəsinə çevrilir.
Cənab Prezident İlham Əliyevin bəyanatı göstərir ki, Azərbaycan-Türkmənistan münasibətləri artıq yalnız ikitərəfli gündəliklə məhdudlaşmır. Bu münasibətlər nəqliyyat, logistika, enerji, regional təhlükəsizlik, humanitar əməkdaşlıq və Türk dünyasının inteqrasiyası kimi geniş spektri əhatə edir. Ən mühüm məqam isə ondan ibarətdir ki, Bakı və Aşqabad arasında formalaşmış siyasi etimad gələcək böyük layihələrin həyata keçirilməsi üçün etibarlı zəmin yaradır. Bu gün Azərbaycan və Türkmənistan təkcə qardaş ölkələr deyil, həm də Avrasiyanın yeni iqtisadi və geosiyasi xəritəsinin formalaşmasında mühüm rol oynayan strateji tərəfdaşlardır. Cənab Prezident İlham Əliyevin səsləndirdiyi fikirlər də məhz bu reallığı təsdiqləyir. İki ölkə arasında mövcud olan qarşılıqlı etimad, ortaq maraqlar və siyasi iradə gələcək illərdə Azərbaycan-Türkmənistan əməkdaşlığını daha yüksək səviyyəyə qaldıracaq, Türk dünyasının birliyinə və regionun sabit inkişafına mühüm töhfələr verəcəkdir-deyə Səttar Möhbalıyev fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
22-06-2026
