Eltun Süleymanov: "Azərbaycan yeni geosiyasi məkanın aparıcı qüvvələrindən birinə çevrilir"
Tarix: 23-06-2026 | Saat: 10:12
Bölmə:Manşet / Siyasət | çapa göndər
Müasir dünyanın siyasi xəritəsində baş verən dəyişikliklər yeni güc mərkəzlərinin formalaşmasını sürətləndirir. Ənənəvi geosiyasi bölgülər tədricən öz yerini yeni iqtisadi və siyasi əməkdaşlıq platformalarına verir. Məhz belə bir dövrdə Azərbaycan Prezidenti cənab İlham Əliyevin Türkmənistan Prezidenti Sərdar Berdiməhəmmədovla görüşdən sonra səsləndirdiyi fikirlər regionun gələcək inkişaf trayektoriyasını müəyyən edən mühüm mesajlar kimi diqqəti cəlb edir.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, bu bəyanatda yalnız Azərbaycan-Türkmənistan münasibətlərinin perspektivləri deyil, bütövlükdə Xəzər hövzəsinin, Mərkəzi Asiyanın və Türk dünyasının gələcək geosiyasi konturları öz əksini tapır. Cənab Prezident İlham Əliyevin çıxışında xüsusi vurğulanan məqamlardan biri Azərbaycanın Mərkəzi Asiya Dövlət Başçılarının Məşvərət Şurasında iştirakına verilən önəm idi. Dövlət başçısının bu hadisəni tarixi hadisə kimi qiymətləndirməsi təsadüfi deyildi. Uzun illər ərzində Mərkəzi Asiya və Cənubi Qafqaz müxtəlif geosiyasi platformalarda təmsil olunsalar da, son dövrdə baş verən proseslər göstərir ki, bu bölgələri bir-birindən ayrı təsəvvür etmək artıq mümkün deyil. Tarix, mədəniyyət, iqtisadi maraqlar və nəqliyyat marşrutları bu geniş coğrafiyanı vahid inkişaf məkanına çevirir. Azərbaycan bu prosesin mərkəzində dayanır. Coğrafi baxımdan Avropa ilə Asiyanın kəsişməsində yerləşən ölkəmiz son illər həyata keçirdiyi məqsədyönlü siyasətlə Şərqlə Qərb arasında etibarlı körpü rolunu möhkəmləndirib. Bu gün Bakı təkcə Cənubi Qafqazın deyil, bütövlükdə Avrasiyanın mühüm siyasi və iqtisadi mərkəzlərindən biri kimi çıxış edir. Dünyada geosiyasi qarşıdurmaların artdığı, yeni risklərin meydana çıxdığı bir vaxtda etibarlı tərəfdaşlıq və təhlükəsiz nəqliyyat marşrutları xüsusi əhəmiyyət kəsb edir. Cənab Prezident İlham Əliyevin nəqliyyat-logistika sahəsinə xüsusi diqqət ayırması da məhz bu reallıqdan irəli gəlir. Əslində, son illərdə dünya ticarətində müşahidə olunan dəyişikliklər Orta Dəhlizin strateji əhəmiyyətini daha da artırıb. Asiya ilə Avropa arasında ən qısa və təhlükəsiz marşrutlardan biri hesab edilən bu xətt artıq qlobal iqtisadiyyatın diqqət mərkəzindədir. Bu marşrutun uğurunun arxasında isə ilk növbədə siyasi etimad dayanır. Cənab Prezident İlham Əliyevin vurğuladığı kimi, siyasi əməkdaşlıq olmadan heç bir coğrafi üstünlük real nəticə verə bilməz. Azərbaycanın son illərdə yaratdığı etibarlı tərəfdaş imici, qonşularla qurduğu balanslaşdırılmış münasibətlər və beynəlxalq layihələrdə nümayiş etdirdiyi məsuliyyət Orta Dəhlizin inkişafını mümkün edən əsas amillərdəndir. Bu gün Bakı limanı, müasir dəmir yolu infrastrukturu və geniş logistika imkanları ilə Azərbaycan Avrasiya ticarət sisteminin əsas qovşaqlarından birinə çevrilib. Türkmənistan isə Xəzərin şərq sahilində bu sistemin vacib həlqələrindən biridir. İki ölkənin səylərinin birləşdirilməsi yalnız yükdaşımaların artması demək deyil. Bu əməkdaşlıq əslində yeni iqtisadi məkanın formalaşmasına xidmət edir.
Cənab Prezident İlham Əliyevin çıxışında diqqət çəkən digər mühüm istiqamət enerji sahəsi ilə bağlı oldu. Dünya enerji bazarlarında müşahidə olunan dəyişikliklər yeni tərəfdaşlıqların formalaşmasını zəruri edir. Azərbaycan uzun illərdir ki, Avropanın enerji təhlükəsizliyinə mühüm töhfələr verir. Türkmənistan isə dünyanın ən böyük təbii qaz ehtiyatlarına malik ölkələrindən biridir. Bu iki ölkənin enerji sahəsində əməkdaşlığının genişlənməsi təkcə regional deyil, qlobal əhəmiyyət daşıyır. Əslində, Xəzər hövzəsi artıq yalnız enerji resurslarının mənbəyi deyil. Bu region eyni zamanda beynəlxalq əməkdaşlıq, sabitlik və qarşılıqlı fayda platformasına çevrilir. Azərbaycanın təşəbbüsləri də məhz bu məqsədə xidmət edir. Son illərdə Türk dünyasında müşahidə olunan inteqrasiya prosesləri də cənab Prezident İlham Əliyevin bəyanatında dolayısı ilə əksini tapdı. Türk Dövlətləri Təşkilatının güclənməsi, iqtisadi və nəqliyyat layihələrinin genişlənməsi, mədəni-humanitar əlaqələrin inkişafı yeni siyasi reallıq yaradır. Bu reallıq qarşıdurmaya deyil, əməkdaşlığa əsaslanır. Azərbaycan bu prosesdə birləşdirici missiya yerinə yetirir. Qərblə Şərq, Cənubi Qafqazla Mərkəzi Asiya, Xəzər hövzəsi ilə Avropa arasında qurulan əlaqələr ölkəmizin geosiyasi çəkisini daha da artırır. Cənab Prezident İlham Əliyevin uzun illərdir həyata keçirdiyi çoxşaxəli xarici siyasət kursu da məhz bu nəticələri təmin edib. Bu gün Azərbaycan artıq hadisələri izləyən deyil, regional proseslərin istiqamətini müəyyənləşdirən dövlətlər sırasındadır.
Türkmənistan Prezidenti Sərdar Berdiməhəmmədovun Bakıya dövlət səfəri və səfər çərçivəsində aparılan müzakirələr də göstərdi ki, qarşıdakı dövrdə Xəzər regionunda yeni əməkdaşlıq imkanları yaranacaq. Bu imkanların mərkəzində isə Azərbaycan dayanır. Cənab Prezident İlham Əliyevin mətbuata bəyanatı bir daha təsdiqlədi ki, ölkəmizin həyata keçirdiyi siyasət yalnız milli maraqların təmin edilməsinə deyil, bütövlükdə regionda sabitliyin, təhlükəsizliyin və inkişafın möhkəmlənməsinə xidmət edir. Məhz buna görə də Azərbaycan bu gün təkcə öz coğrafiyasının deyil, daha geniş Avrasiya məkanının gələcəyini formalaşdıran əsas siyasi aktorlardan biri kimi çıxış edir. Xəzərdən Mərkəzi Asiyaya, Türk dünyasından Avropaya qədər uzanan əməkdaşlıq körpülərinin qurulması isə ölkəmizin artan nüfuzunun və uzaqgörən dövlət siyasətinin ən parlaq təzahürlərindən biridir-deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Digər xəbərlər
Tarix: 23-06-2026 | Saat: 10:12
Bölmə:Manşet / Siyasət | çapa göndər
Müasir dünyanın siyasi xəritəsində baş verən dəyişikliklər yeni güc mərkəzlərinin formalaşmasını sürətləndirir. Ənənəvi geosiyasi bölgülər tədricən öz yerini yeni iqtisadi və siyasi əməkdaşlıq platformalarına verir. Məhz belə bir dövrdə Azərbaycan Prezidenti cənab İlham Əliyevin Türkmənistan Prezidenti Sərdar Berdiməhəmmədovla görüşdən sonra səsləndirdiyi fikirlər regionun gələcək inkişaf trayektoriyasını müəyyən edən mühüm mesajlar kimi diqqəti cəlb edir.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, bu bəyanatda yalnız Azərbaycan-Türkmənistan münasibətlərinin perspektivləri deyil, bütövlükdə Xəzər hövzəsinin, Mərkəzi Asiyanın və Türk dünyasının gələcək geosiyasi konturları öz əksini tapır. Cənab Prezident İlham Əliyevin çıxışında xüsusi vurğulanan məqamlardan biri Azərbaycanın Mərkəzi Asiya Dövlət Başçılarının Məşvərət Şurasında iştirakına verilən önəm idi. Dövlət başçısının bu hadisəni tarixi hadisə kimi qiymətləndirməsi təsadüfi deyildi. Uzun illər ərzində Mərkəzi Asiya və Cənubi Qafqaz müxtəlif geosiyasi platformalarda təmsil olunsalar da, son dövrdə baş verən proseslər göstərir ki, bu bölgələri bir-birindən ayrı təsəvvür etmək artıq mümkün deyil. Tarix, mədəniyyət, iqtisadi maraqlar və nəqliyyat marşrutları bu geniş coğrafiyanı vahid inkişaf məkanına çevirir. Azərbaycan bu prosesin mərkəzində dayanır. Coğrafi baxımdan Avropa ilə Asiyanın kəsişməsində yerləşən ölkəmiz son illər həyata keçirdiyi məqsədyönlü siyasətlə Şərqlə Qərb arasında etibarlı körpü rolunu möhkəmləndirib. Bu gün Bakı təkcə Cənubi Qafqazın deyil, bütövlükdə Avrasiyanın mühüm siyasi və iqtisadi mərkəzlərindən biri kimi çıxış edir. Dünyada geosiyasi qarşıdurmaların artdığı, yeni risklərin meydana çıxdığı bir vaxtda etibarlı tərəfdaşlıq və təhlükəsiz nəqliyyat marşrutları xüsusi əhəmiyyət kəsb edir. Cənab Prezident İlham Əliyevin nəqliyyat-logistika sahəsinə xüsusi diqqət ayırması da məhz bu reallıqdan irəli gəlir. Əslində, son illərdə dünya ticarətində müşahidə olunan dəyişikliklər Orta Dəhlizin strateji əhəmiyyətini daha da artırıb. Asiya ilə Avropa arasında ən qısa və təhlükəsiz marşrutlardan biri hesab edilən bu xətt artıq qlobal iqtisadiyyatın diqqət mərkəzindədir. Bu marşrutun uğurunun arxasında isə ilk növbədə siyasi etimad dayanır. Cənab Prezident İlham Əliyevin vurğuladığı kimi, siyasi əməkdaşlıq olmadan heç bir coğrafi üstünlük real nəticə verə bilməz. Azərbaycanın son illərdə yaratdığı etibarlı tərəfdaş imici, qonşularla qurduğu balanslaşdırılmış münasibətlər və beynəlxalq layihələrdə nümayiş etdirdiyi məsuliyyət Orta Dəhlizin inkişafını mümkün edən əsas amillərdəndir. Bu gün Bakı limanı, müasir dəmir yolu infrastrukturu və geniş logistika imkanları ilə Azərbaycan Avrasiya ticarət sisteminin əsas qovşaqlarından birinə çevrilib. Türkmənistan isə Xəzərin şərq sahilində bu sistemin vacib həlqələrindən biridir. İki ölkənin səylərinin birləşdirilməsi yalnız yükdaşımaların artması demək deyil. Bu əməkdaşlıq əslində yeni iqtisadi məkanın formalaşmasına xidmət edir.
Cənab Prezident İlham Əliyevin çıxışında diqqət çəkən digər mühüm istiqamət enerji sahəsi ilə bağlı oldu. Dünya enerji bazarlarında müşahidə olunan dəyişikliklər yeni tərəfdaşlıqların formalaşmasını zəruri edir. Azərbaycan uzun illərdir ki, Avropanın enerji təhlükəsizliyinə mühüm töhfələr verir. Türkmənistan isə dünyanın ən böyük təbii qaz ehtiyatlarına malik ölkələrindən biridir. Bu iki ölkənin enerji sahəsində əməkdaşlığının genişlənməsi təkcə regional deyil, qlobal əhəmiyyət daşıyır. Əslində, Xəzər hövzəsi artıq yalnız enerji resurslarının mənbəyi deyil. Bu region eyni zamanda beynəlxalq əməkdaşlıq, sabitlik və qarşılıqlı fayda platformasına çevrilir. Azərbaycanın təşəbbüsləri də məhz bu məqsədə xidmət edir. Son illərdə Türk dünyasında müşahidə olunan inteqrasiya prosesləri də cənab Prezident İlham Əliyevin bəyanatında dolayısı ilə əksini tapdı. Türk Dövlətləri Təşkilatının güclənməsi, iqtisadi və nəqliyyat layihələrinin genişlənməsi, mədəni-humanitar əlaqələrin inkişafı yeni siyasi reallıq yaradır. Bu reallıq qarşıdurmaya deyil, əməkdaşlığa əsaslanır. Azərbaycan bu prosesdə birləşdirici missiya yerinə yetirir. Qərblə Şərq, Cənubi Qafqazla Mərkəzi Asiya, Xəzər hövzəsi ilə Avropa arasında qurulan əlaqələr ölkəmizin geosiyasi çəkisini daha da artırır. Cənab Prezident İlham Əliyevin uzun illərdir həyata keçirdiyi çoxşaxəli xarici siyasət kursu da məhz bu nəticələri təmin edib. Bu gün Azərbaycan artıq hadisələri izləyən deyil, regional proseslərin istiqamətini müəyyənləşdirən dövlətlər sırasındadır.
Türkmənistan Prezidenti Sərdar Berdiməhəmmədovun Bakıya dövlət səfəri və səfər çərçivəsində aparılan müzakirələr də göstərdi ki, qarşıdakı dövrdə Xəzər regionunda yeni əməkdaşlıq imkanları yaranacaq. Bu imkanların mərkəzində isə Azərbaycan dayanır. Cənab Prezident İlham Əliyevin mətbuata bəyanatı bir daha təsdiqlədi ki, ölkəmizin həyata keçirdiyi siyasət yalnız milli maraqların təmin edilməsinə deyil, bütövlükdə regionda sabitliyin, təhlükəsizliyin və inkişafın möhkəmlənməsinə xidmət edir. Məhz buna görə də Azərbaycan bu gün təkcə öz coğrafiyasının deyil, daha geniş Avrasiya məkanının gələcəyini formalaşdıran əsas siyasi aktorlardan biri kimi çıxış edir. Xəzərdən Mərkəzi Asiyaya, Türk dünyasından Avropaya qədər uzanan əməkdaşlıq körpülərinin qurulması isə ölkəmizin artan nüfuzunun və uzaqgörən dövlət siyasətinin ən parlaq təzahürlərindən biridir-deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
