Tarixi bağlar üzərində qurulan strateji əməkdaşlıq
Tarix: 24-06-2026 | Saat: 09:35
Bölmə:Siyasət | çapa göndər
Azərbaycan ilə Türkmənistan arasında münasibətlərin bugünkü yüksək səviyyəsi təkcə siyasi və iqtisadi maraqların uzlaşmasının nəticəsi deyil. Bu əməkdaşlığın əsasında əsrlər boyu formalaşmış ortaq tarix, dil, mədəniyyət və mənəvi dəyərlər dayanır. Prezident İlham Əliyevin Türkmənistan Prezidenti Sərdar Berdiməhəmmədovla birgə mətbuata bəyanatı da məhz bu reallığı bir daha təsdiqlədi. Dövlət başçısının vurğuladığı kimi, iki ölkə arasındakı münasibətlər möhkəm təməl – tarixi bağlar, mədəni əlaqələr və mənəvi yaxınlıq üzərində qurulub və bu amillər strateji tərəfdaşlığın uzunmüddətli inkişafını təmin edən əsas sütunlardır.
Son illərdə humanitar əməkdaşlığın ardıcıl şəkildə genişlənməsi bu yaxınlığın praktik nəticələrini nümayiş etdirir. Azərbaycan Mədəniyyəti Günlərinin Aşqabad və Arkadağ şəhərlərində keçirilməsi, ötən il isə Türkmənistanın mədəniyyət xadimlərinin Bakı və Gəncədə təşkil olunan tədbirlərdə iştirakı xalqlar arasında qarşılıqlı etimadı və mənəvi yaxınlığı daha da möhkəmləndirib. Bakı ilə Aşqabadın, eləcə də Füzuli ilə Arkadağın qardaşlaşmış şəhərlər olması isə münasibətlərin təkcə dövlətlərarası deyil, cəmiyyətlərarası xarakter daşıdığını göstərən mühüm nümunədir. Prezident Sərdar Berdiməhəmmədovun Azərbaycana səfəri zamanı imzalanmış sənədlər də bu əməkdaşlığın daha da dərinləşdirilməsi istiqamətində mühüm addım hesab olunmalıdır. Müxtəlif sahələri əhatə edən razılaşmalar iqtisadi, nəqliyyat, humanitar və digər istiqamətlərdə əlaqələrin genişlənməsinə yeni imkanlar yaradır. Hüquqi bazanın daha da zənginləşdirilməsi qarşılıqlı fəaliyyətin sistemli və uzunmüddətli inkişafına xidmət edir. Azərbaycan Respublikası ilə Türkmənistan arasında münasibətlər qarşılıqlı hörmət, bərabərhüquqlu tərəfdaşlıq və etibarlı siyasi dialoq prinsiplərinə əsaslanır. İki dövlət beynəlxalq təşkilatlar çərçivəsində bir-birinin mövqeyini dəstəkləyir, Xəzər regionunda əməkdaşlığın möhkəmləndirilməsinə, regional sabitliyin qorunmasına və iqtisadi əlaqələrin genişləndirilməsinə birgə töhfə verir. Xüsusilə nəqliyyat, energetika və ticarət sahələrində həyata keçirilən layihələr əməkdaşlığın praktik nəticələrini daha aydın şəkildə ortaya qoyur.
Bu münasibətlərin mühüm xüsusiyyətlərindən biri də qarşılıqlı etimadın konkret əməli addımlarla möhkəmləndirilməsidir. Türkmənistanın Qarabağın bərpasına verdiyi dəstək, Füzulidə məscid tikintisi təşəbbüsü, eləcə də humanitar layihələrdə fəal iştirak qardaşlıq münasibətlərinin real ifadəsinə çevrilib. Bu faktlar göstərir ki, Bakı ilə Aşqabad arasında əməkdaşlıq siyasi bəyanatlarla məhdudlaşmır, ortaq dəyərlərə söykənən praktik tərəfdaşlıq kimi inkişaf edir.
Bugünkü reallıq onu deməyə əsas verir ki, Azərbaycan–Türkmənistan münasibətlərinin gələcək inkişafı üçün möhkəm siyasi iradə ilə yanaşı, xalqları birləşdirən tarixi və mənəvi bağlar da etibarlı zəmin yaradır. Məhz bu amillər strateji tərəfdaşlığın yeni məzmun qazanmasına, Türk dünyasında həmrəyliyin güclənməsinə və regionda davamlı əməkdaşlığın daha da genişlənməsinə xidmət edəcək.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 24-06-2026 | Saat: 09:35
Bölmə:Siyasət | çapa göndər
Azərbaycan ilə Türkmənistan arasında münasibətlərin bugünkü yüksək səviyyəsi təkcə siyasi və iqtisadi maraqların uzlaşmasının nəticəsi deyil. Bu əməkdaşlığın əsasında əsrlər boyu formalaşmış ortaq tarix, dil, mədəniyyət və mənəvi dəyərlər dayanır. Prezident İlham Əliyevin Türkmənistan Prezidenti Sərdar Berdiməhəmmədovla birgə mətbuata bəyanatı da məhz bu reallığı bir daha təsdiqlədi. Dövlət başçısının vurğuladığı kimi, iki ölkə arasındakı münasibətlər möhkəm təməl – tarixi bağlar, mədəni əlaqələr və mənəvi yaxınlıq üzərində qurulub və bu amillər strateji tərəfdaşlığın uzunmüddətli inkişafını təmin edən əsas sütunlardır.
Son illərdə humanitar əməkdaşlığın ardıcıl şəkildə genişlənməsi bu yaxınlığın praktik nəticələrini nümayiş etdirir. Azərbaycan Mədəniyyəti Günlərinin Aşqabad və Arkadağ şəhərlərində keçirilməsi, ötən il isə Türkmənistanın mədəniyyət xadimlərinin Bakı və Gəncədə təşkil olunan tədbirlərdə iştirakı xalqlar arasında qarşılıqlı etimadı və mənəvi yaxınlığı daha da möhkəmləndirib. Bakı ilə Aşqabadın, eləcə də Füzuli ilə Arkadağın qardaşlaşmış şəhərlər olması isə münasibətlərin təkcə dövlətlərarası deyil, cəmiyyətlərarası xarakter daşıdığını göstərən mühüm nümunədir. Prezident Sərdar Berdiməhəmmədovun Azərbaycana səfəri zamanı imzalanmış sənədlər də bu əməkdaşlığın daha da dərinləşdirilməsi istiqamətində mühüm addım hesab olunmalıdır. Müxtəlif sahələri əhatə edən razılaşmalar iqtisadi, nəqliyyat, humanitar və digər istiqamətlərdə əlaqələrin genişlənməsinə yeni imkanlar yaradır. Hüquqi bazanın daha da zənginləşdirilməsi qarşılıqlı fəaliyyətin sistemli və uzunmüddətli inkişafına xidmət edir. Azərbaycan Respublikası ilə Türkmənistan arasında münasibətlər qarşılıqlı hörmət, bərabərhüquqlu tərəfdaşlıq və etibarlı siyasi dialoq prinsiplərinə əsaslanır. İki dövlət beynəlxalq təşkilatlar çərçivəsində bir-birinin mövqeyini dəstəkləyir, Xəzər regionunda əməkdaşlığın möhkəmləndirilməsinə, regional sabitliyin qorunmasına və iqtisadi əlaqələrin genişləndirilməsinə birgə töhfə verir. Xüsusilə nəqliyyat, energetika və ticarət sahələrində həyata keçirilən layihələr əməkdaşlığın praktik nəticələrini daha aydın şəkildə ortaya qoyur.
Bu münasibətlərin mühüm xüsusiyyətlərindən biri də qarşılıqlı etimadın konkret əməli addımlarla möhkəmləndirilməsidir. Türkmənistanın Qarabağın bərpasına verdiyi dəstək, Füzulidə məscid tikintisi təşəbbüsü, eləcə də humanitar layihələrdə fəal iştirak qardaşlıq münasibətlərinin real ifadəsinə çevrilib. Bu faktlar göstərir ki, Bakı ilə Aşqabad arasında əməkdaşlıq siyasi bəyanatlarla məhdudlaşmır, ortaq dəyərlərə söykənən praktik tərəfdaşlıq kimi inkişaf edir.
Bugünkü reallıq onu deməyə əsas verir ki, Azərbaycan–Türkmənistan münasibətlərinin gələcək inkişafı üçün möhkəm siyasi iradə ilə yanaşı, xalqları birləşdirən tarixi və mənəvi bağlar da etibarlı zəmin yaradır. Məhz bu amillər strateji tərəfdaşlığın yeni məzmun qazanmasına, Türk dünyasında həmrəyliyin güclənməsinə və regionda davamlı əməkdaşlığın daha da genişlənməsinə xidmət edəcək.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
