Neft 100 dolları aşdı, yanacaq böhranı dünyaya yayılır: Ölkələrdə etirazlar başlayıb
Tarix: 17-09-2026 | Saat: 20:43
Bölmə:Özəl | çapa göndər
Neftin barelinin 100 dolları keçməsi qlobal enerji bazarındakı gərginliyi birbaşa insanların gündəlik həyatına daşımağa başlayıb. Bir sıra ölkələrdə yanacağın bahalaşması və təchizat problemləri etirazlara, tətillərə və yolların bağlanmasına səbəb olur. Hökumətlər isə subsidiya, vergi güzəştləri və qiymət məhdudiyyətləri ilə vəziyyəti nəzarətdə saxlamağa çalışırlar.
Suriyada dizelin qiymətinin təxminən 40 faiz artırılması etirazlara səbəb olub. Nümayişçilər bəzi magistralları bağlayıb, hökumət isə bahalaşmanı dünya bazarındakı qiymətlər və neft emalı müəssisəsində aparılan təmir işləri ilə əlaqələndirib. İndoneziyada yanacaq qıtlığı və məhdudiyyətlər sürücüləri küçələrə çıxarıb, Filippində isə nəqliyyat işçiləri artan xərclərə qarşı tətil və subsidiya tələbləri ilə çıxış ediblər.
Enerji idxalından ciddi asılı olan Banqladeşdə problem sənayeyə də təsir göstərir. Elektrik və qaz çatışmazlığı fonunda bəzi fabriklərin istehsalı müvəqqəti dayandırdığı bildirilir. Şri-Lanka yanacağın bahalaşması qarşısında subsidiya variantlarını nəzərdən keçirir, Pakistan isə motosiklet, rikşa və kiçik avtomobil istifadəçilərinin yükünü azaltmaq üçün dövlət dəstəyi mexanizmləri açıqlayıb.
Narazılıqlar Nepal və Qvatemalada da qeydə alınıb. Katmanduda məişət qazı çatışmazlığına etirazlar keçirilib, Qvatemalada isə yük maşını sürücüləri və digər qruplar yolları bağlayaraq hökumətdən qiymət artımına müdaxilə tələb ediblər.
Böhran Avropada da hiss olunur. Portuqaliyada sürücülər yanacağın bahalaşmasına qarşı aksiyalar keçirib. Fransada isə balıqçılar artan yanacaq xərclərinə etiraz olaraq Fos-sür-Merdəki yanacaq anbarının girişini müvəqqəti bağlayıblar.
Neftin yüksək qiyməti uzun müddət davam edərsə, təsir yalnız avtomobil yanacağı ilə məhdudlaşmaya bilər. Dizelin yükdaşımada, kənd təsərrüfatında, balıqçılıqda və sənayedə geniş istifadəsi nəqliyyat və istehsal xərclərini artıraraq ərzaqdan gündəlik məhsullara qədər yeni bahalaşma dalğası yarada bilər. Hökumətlər isə seçim qarşısındadır: qiymətləri subsidiya ilə saxlamaq büdcəyə yük gətirir, bahalaşmanı istehlakçıya ötürmək isə inflyasiya və sosial narazılığı artırır.
Məlumatlanmaq üçün Facebook səhifəmizi
Digər xəbərlər
Tarix: 17-09-2026 | Saat: 20:43
Bölmə:Özəl | çapa göndər
Neftin barelinin 100 dolları keçməsi qlobal enerji bazarındakı gərginliyi birbaşa insanların gündəlik həyatına daşımağa başlayıb. Bir sıra ölkələrdə yanacağın bahalaşması və təchizat problemləri etirazlara, tətillərə və yolların bağlanmasına səbəb olur. Hökumətlər isə subsidiya, vergi güzəştləri və qiymət məhdudiyyətləri ilə vəziyyəti nəzarətdə saxlamağa çalışırlar.
Suriyada dizelin qiymətinin təxminən 40 faiz artırılması etirazlara səbəb olub. Nümayişçilər bəzi magistralları bağlayıb, hökumət isə bahalaşmanı dünya bazarındakı qiymətlər və neft emalı müəssisəsində aparılan təmir işləri ilə əlaqələndirib. İndoneziyada yanacaq qıtlığı və məhdudiyyətlər sürücüləri küçələrə çıxarıb, Filippində isə nəqliyyat işçiləri artan xərclərə qarşı tətil və subsidiya tələbləri ilə çıxış ediblər.
Enerji idxalından ciddi asılı olan Banqladeşdə problem sənayeyə də təsir göstərir. Elektrik və qaz çatışmazlığı fonunda bəzi fabriklərin istehsalı müvəqqəti dayandırdığı bildirilir. Şri-Lanka yanacağın bahalaşması qarşısında subsidiya variantlarını nəzərdən keçirir, Pakistan isə motosiklet, rikşa və kiçik avtomobil istifadəçilərinin yükünü azaltmaq üçün dövlət dəstəyi mexanizmləri açıqlayıb.
Narazılıqlar Nepal və Qvatemalada da qeydə alınıb. Katmanduda məişət qazı çatışmazlığına etirazlar keçirilib, Qvatemalada isə yük maşını sürücüləri və digər qruplar yolları bağlayaraq hökumətdən qiymət artımına müdaxilə tələb ediblər.
Böhran Avropada da hiss olunur. Portuqaliyada sürücülər yanacağın bahalaşmasına qarşı aksiyalar keçirib. Fransada isə balıqçılar artan yanacaq xərclərinə etiraz olaraq Fos-sür-Merdəki yanacaq anbarının girişini müvəqqəti bağlayıblar.
Neftin yüksək qiyməti uzun müddət davam edərsə, təsir yalnız avtomobil yanacağı ilə məhdudlaşmaya bilər. Dizelin yükdaşımada, kənd təsərrüfatında, balıqçılıqda və sənayedə geniş istifadəsi nəqliyyat və istehsal xərclərini artıraraq ərzaqdan gündəlik məhsullara qədər yeni bahalaşma dalğası yarada bilər. Hökumətlər isə seçim qarşısındadır: qiymətləri subsidiya ilə saxlamaq büdcəyə yük gətirir, bahalaşmanı istehlakçıya ötürmək isə inflyasiya və sosial narazılığı artırır.
Məlumatlanmaq üçün Facebook səhifəmizi
Xəbəri paylaş
Digər xəbərlər
17-09-2026
