Manaf Manafov: “Dəmir yumruq”la yazılan Zəfər salnaməsi
Tarix: 27-09-2026 | Saat: 10:00
Bölmə:Siyasət | çapa göndər
27 Sentyabr – Anım Günü Azərbaycan xalqının milli-mənəvi yaddaşında xüsusi və müqəddəs əhəmiyyət daşıyan tarixlərdən biridir. Bu gün Vətən müharibəsində, eləcə də Azərbaycanın ərazi bütövlüyünün bərpası uğrunda aparılmış bütün döyüşlərdə həyatını qurban vermiş şəhidlərimizin əziz xatirəsi dərin ehtiramla yad olunur. Anım Günü eyni zamanda Azərbaycan dövlətinin öz qəhrəman övladlarının göstərdiyi fədakarlığa verdiyi yüksək qiymətin, şəhid ailələrinə və sağlamlığını itirmiş qazilərə göstərilən diqqət və qayğının mühüm təzahürüdür. Azərbaycanın tarixi Zəfərinin əldə olunmasında mühüm xidmətləri olan şəhidlərin, qazilərin və müharibə iştirakçılarının fədakarlığına hörmət müasir Azərbaycan dövlətinin həyata keçirdiyi mənəvi və sosial siyasətin əsas istiqamətlərindən birini təşkil edir.
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov deyib.
Fikirlərini davam etdirən hakim partiya təmsilçisi bildirib ki, vətən müharibəsi bir daha sübut etdi ki, öz azadlığı və torpaqlarının bütövlüyü uğrunda mübarizə aparan xalq üçün güclü dövlətin və onun hərtərəfli dəstəyinin olması böyük əhəmiyyət daşıyır. Azərbaycan dövləti bu prinsipdən çıxış edərək 44 günlük müharibədən sonra da şəhid ailələrinin sosial təminatının gücləndirilməsi, qazilərin müalicə və reabilitasiyası, onların cəmiyyətə və normal həyata inteqrasiyası istiqamətində ardıcıl və məqsədyönlü tədbirlər həyata keçirdi. Prezident, Müzəffər Ali Baş Komandan İlham Əliyev çıxışlarında dəfələrlə bildirib ki, dövlət bundan sonra da öz əsgərinin, şəhid ailələrinin və qazilərin yanında olacaq. Şəhidlərin adlarının və xatirələrinin əbədiləşdirilməsi də bu siyasətin mühüm istiqamətlərindən biridir. 2020-ci il dekabrın 2-də imzalanmış Sərəncamla hər il sentyabrın 27-nin Anım Günü kimi qeyd olunması xalqın qəhrəman övladlarına göstərilən ümummilli ehtiramın dövlət səviyyəsində ifadəsidir. Bu tarix sadəcə təqvimdə müəyyən edilmiş bir gün deyil. Anım Günü Vətən naminə həyatını fəda etmiş insanların xalqın yaddaşında daim yaşayacağını, onların qəhrəmanlığının gələcək nəsillər üçün örnək olaraq qalacağını nümayiş etdirir.
Azərbaycanın Vətən müharibəsində əldə etdiyi tarixi Qələbənin yaddaşlarda qorunması və gələcək nəsillərə çatdırılması məqsədilə həyata keçirilən layihələr də mühüm əhəmiyyətə malikdir. Paytaxt Bakıda yaradılmış Zəfər parkı və Vətən Müharibəsi Memorial Kompleksi ideyası xalqımızın Qələbə salnaməsinin, şəhidlərimizin müqəddəs xatirəsinin və Azərbaycan əsgərinin göstərdiyi qəhrəmanlığın gələcək nəsillərə ötürülməsinə xidmət edir. Bu məkanlar yalnız memarlıq baxımından əhəmiyyətli obyektlər deyil, həm də müasir Azərbaycan tarixinin mühüm yaddaş ünvanlarıdır. Zəfər parkının 44 günlük Vətən müharibəsinin əsas rəmzlərini özündə birləşdirən konsepsiya əsasında qurulması da xüsusi məna daşıyır. Parkın girişində yerləşən Zəfər tağı, memorial elementlər, Qarabağ yaddaşını yaşadan məkanlar və Azadlıq Bayrağı Meydanı Azərbaycanın Qələbəyə aparan tarixi yolunu simvolik şəkildə əks etdirir. Bu məkana gələn insanlar azad edilmiş ərazilər uğrunda mübarizənin hansı böyük fədakarlıqlar və itkilər hesabına mümkün olduğunu daha aydın şəkildə dərk edirlər.
Qəhrəmanlığın dövlət səviyyəsində yüksək qiymətləndirilməsi Vətən müharibəsi iştirakçılarının müxtəlif orden və medallarla təltif olunmasında da öz əksini tapıb. Bu məqsədlə “Zəfər” və “Qarabağ” ordenlərinin, həmçinin Vətən müharibəsinin ayrı-ayrı əməliyyatları və iştirakçıları ilə bağlı medalların təsis edilməsi Azərbaycan hərbçilərinin göstərdiyi şücaətə verilən yüksək qiymətin göstəricisidir. Sözügedən təltiflər yalnız konkret hərbi xidmətlərin və fərdi qəhrəmanlıqların qiymətləndirilməsi baxımından deyil, xalqın öz müdafiəçilərinə olan ehtiramının ifadəsi kimi də mühüm əhəmiyyət daşıyır. Şəhid ailələrinin və qazilərin sosial müdafiəsi ilə bağlı həyata keçirilən tədbirlər də dövlət siyasətinin prioritet istiqamətlərindən biridir. Müharibə zamanı və ondan sonrakı mərhələdə sağlamlığını itirmiş hərbçilərin müalicəsi, reabilitasiyası, müasir protezlərlə təmin olunması, sosial və məişət məsələlərinin həlli daim diqqətdə saxlanılır. Ehtiyacı olan şəxslərə göstərilən bu dəstək bir daha təsdiq edir ki, Vətən uğrunda fədakarlıq göstərən insanlar dövlət qayğısından kənarda qala bilməzlər.
Bu istiqamətdə “YAŞAT” Fondunun fəaliyyəti də xüsusi diqqətə layiqdir. Şəhid ailələrinin və hərbi əməliyyatlar nəticəsində əlilliyi müəyyən edilmiş şəxslərin ehtiyaclarının qarşılanmasına və onlara dəstək göstərilməsinə xidmət edən fond dövlətlə cəmiyyət arasında həmrəyliyin mühüm nümunəsinə çevrilib. Fondun fəaliyyəti Vətən müharibəsi dövründə formalaşmış milli birlik və həmrəyliyin müharibədən sonra da davam etdiyini, bu həmrəyliyin sosial dəstək və qarşılıqlı məsuliyyət formasında özünü göstərdiyini nümayiş etdirir. Anım Günü eyni zamanda hər birimizi şəhidlərimiz qarşısında daşıdığımız mənəvi məsuliyyət barədə düşünməyə sövq edir. Bu məsuliyyət yalnız onların adlarını ehtiramla yad etməklə məhdudlaşmır. Şəhidlərimizin uğrunda canlarından keçdikləri müstəqil, qüdrətli və inkişaf edən Azərbaycanı daha da gücləndirmək hər bir vətəndaşın üzərinə düşən mühüm vəzifələrdəndir. Şəhidlərin xatirəsini yaşatmaq onların müqəddəs amalına sadiq qalmaq, dövlətçiliyi qorumaq və gələcək nəsillərdə Vətənə bağlılıq hissini daha da möhkəmləndirmək deməkdir.
Bu gün Azərbaycan xalqı öz qəhrəman övladları ilə qürur duyur. Şəhidlərimiz xalqımızın mənəvi ucalığını, qazilərimiz isə Vətən uğrunda mübarizədə nümayiş etdirilən möhkəm iradəni və əzmkarlığı təcəssüm etdirirlər. Onların böyük fədakarlığı sayəsində əldə edilən Qələbə müasir Azərbaycan tarixinin ən mühüm hadisələrindən və böyük nailiyyətlərindən birinə çevrilib. 27 Sentyabrda bütün Azərbaycan bir daha şəhidlərinin müqəddəs xatirəsi qarşısında baş əyir. Bu ehtiram yalnız Anım Gününə xas olan duyğu deyil, xalqın yaddaşında əbədi yaşayacaq mənəvi bağlılığın ifadəsidir. Azərbaycan dövləti və xalqı öz qəhrəman övladlarını heç zaman unutmayacaq, onların xatirəsini daim yaşadacaq, qazilərə göstərilən diqqət və qayğını davam etdirəcək və şəhidlərin bizə əmanət etdiyi azad Vətəni daha da qüdrətləndirəcək- deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 27-09-2026 | Saat: 10:00
Bölmə:Siyasət | çapa göndər
27 Sentyabr – Anım Günü Azərbaycan xalqının milli-mənəvi yaddaşında xüsusi və müqəddəs əhəmiyyət daşıyan tarixlərdən biridir. Bu gün Vətən müharibəsində, eləcə də Azərbaycanın ərazi bütövlüyünün bərpası uğrunda aparılmış bütün döyüşlərdə həyatını qurban vermiş şəhidlərimizin əziz xatirəsi dərin ehtiramla yad olunur. Anım Günü eyni zamanda Azərbaycan dövlətinin öz qəhrəman övladlarının göstərdiyi fədakarlığa verdiyi yüksək qiymətin, şəhid ailələrinə və sağlamlığını itirmiş qazilərə göstərilən diqqət və qayğının mühüm təzahürüdür. Azərbaycanın tarixi Zəfərinin əldə olunmasında mühüm xidmətləri olan şəhidlərin, qazilərin və müharibə iştirakçılarının fədakarlığına hörmət müasir Azərbaycan dövlətinin həyata keçirdiyi mənəvi və sosial siyasətin əsas istiqamətlərindən birini təşkil edir.
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov deyib.
Fikirlərini davam etdirən hakim partiya təmsilçisi bildirib ki, vətən müharibəsi bir daha sübut etdi ki, öz azadlığı və torpaqlarının bütövlüyü uğrunda mübarizə aparan xalq üçün güclü dövlətin və onun hərtərəfli dəstəyinin olması böyük əhəmiyyət daşıyır. Azərbaycan dövləti bu prinsipdən çıxış edərək 44 günlük müharibədən sonra da şəhid ailələrinin sosial təminatının gücləndirilməsi, qazilərin müalicə və reabilitasiyası, onların cəmiyyətə və normal həyata inteqrasiyası istiqamətində ardıcıl və məqsədyönlü tədbirlər həyata keçirdi. Prezident, Müzəffər Ali Baş Komandan İlham Əliyev çıxışlarında dəfələrlə bildirib ki, dövlət bundan sonra da öz əsgərinin, şəhid ailələrinin və qazilərin yanında olacaq. Şəhidlərin adlarının və xatirələrinin əbədiləşdirilməsi də bu siyasətin mühüm istiqamətlərindən biridir. 2020-ci il dekabrın 2-də imzalanmış Sərəncamla hər il sentyabrın 27-nin Anım Günü kimi qeyd olunması xalqın qəhrəman övladlarına göstərilən ümummilli ehtiramın dövlət səviyyəsində ifadəsidir. Bu tarix sadəcə təqvimdə müəyyən edilmiş bir gün deyil. Anım Günü Vətən naminə həyatını fəda etmiş insanların xalqın yaddaşında daim yaşayacağını, onların qəhrəmanlığının gələcək nəsillər üçün örnək olaraq qalacağını nümayiş etdirir.
Azərbaycanın Vətən müharibəsində əldə etdiyi tarixi Qələbənin yaddaşlarda qorunması və gələcək nəsillərə çatdırılması məqsədilə həyata keçirilən layihələr də mühüm əhəmiyyətə malikdir. Paytaxt Bakıda yaradılmış Zəfər parkı və Vətən Müharibəsi Memorial Kompleksi ideyası xalqımızın Qələbə salnaməsinin, şəhidlərimizin müqəddəs xatirəsinin və Azərbaycan əsgərinin göstərdiyi qəhrəmanlığın gələcək nəsillərə ötürülməsinə xidmət edir. Bu məkanlar yalnız memarlıq baxımından əhəmiyyətli obyektlər deyil, həm də müasir Azərbaycan tarixinin mühüm yaddaş ünvanlarıdır. Zəfər parkının 44 günlük Vətən müharibəsinin əsas rəmzlərini özündə birləşdirən konsepsiya əsasında qurulması da xüsusi məna daşıyır. Parkın girişində yerləşən Zəfər tağı, memorial elementlər, Qarabağ yaddaşını yaşadan məkanlar və Azadlıq Bayrağı Meydanı Azərbaycanın Qələbəyə aparan tarixi yolunu simvolik şəkildə əks etdirir. Bu məkana gələn insanlar azad edilmiş ərazilər uğrunda mübarizənin hansı böyük fədakarlıqlar və itkilər hesabına mümkün olduğunu daha aydın şəkildə dərk edirlər.
Qəhrəmanlığın dövlət səviyyəsində yüksək qiymətləndirilməsi Vətən müharibəsi iştirakçılarının müxtəlif orden və medallarla təltif olunmasında da öz əksini tapıb. Bu məqsədlə “Zəfər” və “Qarabağ” ordenlərinin, həmçinin Vətən müharibəsinin ayrı-ayrı əməliyyatları və iştirakçıları ilə bağlı medalların təsis edilməsi Azərbaycan hərbçilərinin göstərdiyi şücaətə verilən yüksək qiymətin göstəricisidir. Sözügedən təltiflər yalnız konkret hərbi xidmətlərin və fərdi qəhrəmanlıqların qiymətləndirilməsi baxımından deyil, xalqın öz müdafiəçilərinə olan ehtiramının ifadəsi kimi də mühüm əhəmiyyət daşıyır. Şəhid ailələrinin və qazilərin sosial müdafiəsi ilə bağlı həyata keçirilən tədbirlər də dövlət siyasətinin prioritet istiqamətlərindən biridir. Müharibə zamanı və ondan sonrakı mərhələdə sağlamlığını itirmiş hərbçilərin müalicəsi, reabilitasiyası, müasir protezlərlə təmin olunması, sosial və məişət məsələlərinin həlli daim diqqətdə saxlanılır. Ehtiyacı olan şəxslərə göstərilən bu dəstək bir daha təsdiq edir ki, Vətən uğrunda fədakarlıq göstərən insanlar dövlət qayğısından kənarda qala bilməzlər.
Bu istiqamətdə “YAŞAT” Fondunun fəaliyyəti də xüsusi diqqətə layiqdir. Şəhid ailələrinin və hərbi əməliyyatlar nəticəsində əlilliyi müəyyən edilmiş şəxslərin ehtiyaclarının qarşılanmasına və onlara dəstək göstərilməsinə xidmət edən fond dövlətlə cəmiyyət arasında həmrəyliyin mühüm nümunəsinə çevrilib. Fondun fəaliyyəti Vətən müharibəsi dövründə formalaşmış milli birlik və həmrəyliyin müharibədən sonra da davam etdiyini, bu həmrəyliyin sosial dəstək və qarşılıqlı məsuliyyət formasında özünü göstərdiyini nümayiş etdirir. Anım Günü eyni zamanda hər birimizi şəhidlərimiz qarşısında daşıdığımız mənəvi məsuliyyət barədə düşünməyə sövq edir. Bu məsuliyyət yalnız onların adlarını ehtiramla yad etməklə məhdudlaşmır. Şəhidlərimizin uğrunda canlarından keçdikləri müstəqil, qüdrətli və inkişaf edən Azərbaycanı daha da gücləndirmək hər bir vətəndaşın üzərinə düşən mühüm vəzifələrdəndir. Şəhidlərin xatirəsini yaşatmaq onların müqəddəs amalına sadiq qalmaq, dövlətçiliyi qorumaq və gələcək nəsillərdə Vətənə bağlılıq hissini daha da möhkəmləndirmək deməkdir.
Bu gün Azərbaycan xalqı öz qəhrəman övladları ilə qürur duyur. Şəhidlərimiz xalqımızın mənəvi ucalığını, qazilərimiz isə Vətən uğrunda mübarizədə nümayiş etdirilən möhkəm iradəni və əzmkarlığı təcəssüm etdirirlər. Onların böyük fədakarlığı sayəsində əldə edilən Qələbə müasir Azərbaycan tarixinin ən mühüm hadisələrindən və böyük nailiyyətlərindən birinə çevrilib. 27 Sentyabrda bütün Azərbaycan bir daha şəhidlərinin müqəddəs xatirəsi qarşısında baş əyir. Bu ehtiram yalnız Anım Gününə xas olan duyğu deyil, xalqın yaddaşında əbədi yaşayacaq mənəvi bağlılığın ifadəsidir. Azərbaycan dövləti və xalqı öz qəhrəman övladlarını heç zaman unutmayacaq, onların xatirəsini daim yaşadacaq, qazilərə göstərilən diqqət və qayğını davam etdirəcək və şəhidlərin bizə əmanət etdiyi azad Vətəni daha da qüdrətləndirəcək- deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
