Abramoviçin milyonluq oyunu ifşa olunur? - ŞOK ARAŞDIRMA
Tarix: 10-10-2026 | Saat: 20:41
Bölmə:Dünya | çapa göndər
Rusiyalı milyarder Roman Abramoviçin Avropa İttifaqının sanksiyalarından yayınaraq Çexiyadakı iri metallurgiya zavoduna nəzarəti qoruyub saxladığı və müəssisədən əldə olunan milyonlarla avroluq gəlirin Birləşmiş Ərəb Əmirlikləri vasitəsilə ona ötürülə biləcəyi iddia olunur.
aia.az bildirir ki, bu barədə Çexiyanın “Deník N” nəşrinin jurnalist araşdırmasında məlumat verilib.
Araşdırmaya əsasən, söhbət Çexiyada yerləşən və dəyəri 40 milyon avrodan çox qiymətləndirilən “Czech Vanadium” metallurgiya zavodundan gedir.
Müəssisə əvvəllər “Evraz” qrupuna məxsus olub. Bu qrupun ən böyük səhmdarı isə Roman Abramoviçdir.
Lakin 2024-cü ildə zavod rəsmən Birləşmiş Ərəb Əmirliklərində qeydiyyatdan keçmiş “Metco Holding” şirkətinin mülkiyyətinə verilib.
Jurnalistlər müəyyən ediblər ki, müəssisənin yeni sahibləri Abramoviçin əvvəlki biznes strukturları ilə əlaqəlidirlər. Ekspertlər hesab edirlər ki, mülkiyyət dəyişikliyi formal xarakter daşımış ola bilər və rusiyalı milyarder zavod üzərində faktiki nəzarətini qoruyub saxlamış ola bilər.
Diqqətçəkən məqam odur ki, zavod fəaliyyətini davam etdirərək milyonlarla avro gəlir əldə edir. Təkcə 2024-cü ildə müəssisənin mənfəəti 8 milyon avronu ötüb.
Araşdırmada iştirak edən ekspertlər bu vəsaitin son nəticədə Abramoviçə çatdırılması ehtimalını da istisna etmirlər.
Jurnalistlər başqa bir mühüm məqamı da üzə çıxarıblar. Məlum olub ki, “Czech Vanadium” zavodu Rusiyadan Çexiya vasitəsilə ABŞ-yə vanadium tədarükü zəncirində iştirakını davam etdirir.
Əvvəllər bu təchizat zəncirinin bütün əsas iştirakçıları Abramoviçlə əlaqəli biznes strukturlarının nəzarətində olub.
Beləliklə, araşdırma rusiyalı milyarderin Avropa sanksiyalarına baxmayaraq, həm Çexiyadakı sənaye aktivinə, həm də beynəlxalq xammal ticarətindən əldə olunan gəlirlərə dolayı yolla nəzarət edə biləcəyi ehtimalını gündəmə gətirib.
Hazırda Çexiyanın hüquq-mühafizə orqanları mümkün sanksiya pozuntularını araşdırırlar.
Qeyd edək ki, Abramoviçin zavoda faktiki nəzarəti saxlaması və gəlirlərin ona ötürülməsi barədə məlumatlar jurnalist araşdırmasında irəli sürülən iddialardır. Bu iddiaların məhkəmə qaydasında təsdiqləndiyi barədə məlumat yoxdur.
Məlumatlanmaq üçün Facebook səhifəmizi
Digər xəbərlər
Tarix: 10-10-2026 | Saat: 20:41
Bölmə:Dünya | çapa göndər
Rusiyalı milyarder Roman Abramoviçin Avropa İttifaqının sanksiyalarından yayınaraq Çexiyadakı iri metallurgiya zavoduna nəzarəti qoruyub saxladığı və müəssisədən əldə olunan milyonlarla avroluq gəlirin Birləşmiş Ərəb Əmirlikləri vasitəsilə ona ötürülə biləcəyi iddia olunur.
aia.az bildirir ki, bu barədə Çexiyanın “Deník N” nəşrinin jurnalist araşdırmasında məlumat verilib.
Araşdırmaya əsasən, söhbət Çexiyada yerləşən və dəyəri 40 milyon avrodan çox qiymətləndirilən “Czech Vanadium” metallurgiya zavodundan gedir.
Müəssisə əvvəllər “Evraz” qrupuna məxsus olub. Bu qrupun ən böyük səhmdarı isə Roman Abramoviçdir.
Lakin 2024-cü ildə zavod rəsmən Birləşmiş Ərəb Əmirliklərində qeydiyyatdan keçmiş “Metco Holding” şirkətinin mülkiyyətinə verilib.
Jurnalistlər müəyyən ediblər ki, müəssisənin yeni sahibləri Abramoviçin əvvəlki biznes strukturları ilə əlaqəlidirlər. Ekspertlər hesab edirlər ki, mülkiyyət dəyişikliyi formal xarakter daşımış ola bilər və rusiyalı milyarder zavod üzərində faktiki nəzarətini qoruyub saxlamış ola bilər.
Diqqətçəkən məqam odur ki, zavod fəaliyyətini davam etdirərək milyonlarla avro gəlir əldə edir. Təkcə 2024-cü ildə müəssisənin mənfəəti 8 milyon avronu ötüb.
Araşdırmada iştirak edən ekspertlər bu vəsaitin son nəticədə Abramoviçə çatdırılması ehtimalını da istisna etmirlər.
Jurnalistlər başqa bir mühüm məqamı da üzə çıxarıblar. Məlum olub ki, “Czech Vanadium” zavodu Rusiyadan Çexiya vasitəsilə ABŞ-yə vanadium tədarükü zəncirində iştirakını davam etdirir.
Əvvəllər bu təchizat zəncirinin bütün əsas iştirakçıları Abramoviçlə əlaqəli biznes strukturlarının nəzarətində olub.
Beləliklə, araşdırma rusiyalı milyarderin Avropa sanksiyalarına baxmayaraq, həm Çexiyadakı sənaye aktivinə, həm də beynəlxalq xammal ticarətindən əldə olunan gəlirlərə dolayı yolla nəzarət edə biləcəyi ehtimalını gündəmə gətirib.
Hazırda Çexiyanın hüquq-mühafizə orqanları mümkün sanksiya pozuntularını araşdırırlar.
Qeyd edək ki, Abramoviçin zavoda faktiki nəzarəti saxlaması və gəlirlərin ona ötürülməsi barədə məlumatlar jurnalist araşdırmasında irəli sürülən iddialardır. Bu iddiaların məhkəmə qaydasında təsdiqləndiyi barədə məlumat yoxdur.
Məlumatlanmaq üçün Facebook səhifəmizi
Xəbəri paylaş
Digər xəbərlər
10-10-2026
