Azərbaycanın beynəlxalq mövqeyi ədalətə, suverenliyə və etibarlı tərəfdaşlığa əsaslanır
Tarix: 16-10-2026 | Saat: 11:03
Bölmə:Manşet / Siyasət | çapa göndər
Azərbaycan Respublikasının Prezidenti İlham Əliyevin oktyabrın 15-də Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 7-ci Zirvə Görüşündəki çıxışı ölkəmizin beynəlxalq münasibətlər sistemində mövqeyini, müstəqil xarici siyasətinin prinsiplərini və regionda davamlı sülhün təmin olunmasına yanaşmasını aydın şəkildə ortaya qoydu. Dövlət başçısının çıxışında Azərbaycanın ərazi bütövlüyü və suverenliyinin bərpası ilə yanaşı, beynəlxalq hüququn aliliyinin təmin edilməsi, ikili standartlara qarşı mübarizə və çoxtərəfli əməkdaşlığın gücləndirilməsi məsələləri xüsusi yer tutdu.
Azərbaycan coğrafi mövqeyinə, nəqliyyat və enerji imkanlarına, eləcə də həyata keçirdiyi xarici siyasətə görə Asiya ilə Avropa arasında mühüm birləşdirici mərkəzə çevrilir. Ölkəmizin müxtəlif dövlətlərlə siyasi, iqtisadi, nəqliyyat, enerji və humanitar sahələrdə əməkdaşlığı regional əlaqələrin genişlənməsinə, təhlükəsizliyin və qarşılıqlı etimadın möhkəmlənməsinə xidmət edir. Prezident İlham Əliyevin vurğuladığı kimi, Azərbaycanın xarici siyasəti dövlətlərin bərabərhüquqluluğu, daxili işlərinə qarışmamaq, suverenliyə və ərazi bütövlüyünə hörmət prinsiplərinə əsaslanır.
İkili standartlar beynəlxalq hüququn nüfuzuna zərbə vurur
Dövlət başçısının çıxışında Azərbaycanın müstəqilliyini bərpa etdikdən sonra üzləşdiyi işğal və ədalətsizliklərə geniş yer verilməsi təsadüfi deyildi. Ermənistanın Azərbaycan ərazilərini uzun müddət işğal altında saxlaması, yüz minlərlə insanın doğma yurdlarından didərgin salınması və beynəlxalq təşkilatların qəbul etdiyi qərarların icrasının təmin olunmaması beynəlxalq münasibətlər sistemində ciddi problemləri üzə çıxardı.
1993-cü ildə BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən çıxarılmasını tələb edən dörd qətnamə qəbul etməsinə baxmayaraq, bu sənədlərin uzun illər icrasız qalması beynəlxalq hüququn tətbiqindəki ziddiyyətlərin bariz nümunəsi oldu. Münaqişənin həlli üçün yaradılmış ATƏT-in Minsk qrupunun fəaliyyəti də nəticə vermədi. Bu təcrübə göstərdi ki, beynəlxalq qərarların icrasını təmin edən təsirli mexanizmlər olmadan sülh və təhlükəsizliyin qorunması çətinləşir.
Prezident İlham Əliyev Azərbaycanın haqq işinin beynəlxalq müstəvidə müdafiəsinin vacibliyini vurğulamaqla yanaşı, münaqişələrə münasibətdə seçici yanaşmanın yolverilməzliyinə diqqət çəkdi. Beynəlxalq hüquq bütün dövlətlərə eyni meyarlarla tətbiq edilməli, suverenlik və ərazi bütövlüyü prinsipləri siyasi maraqlardan asılı olmayaraq qorunmalıdır.
Zəfər suverenliyin bərpası və sülhün qurulması üçün zəmin yaratdı
2020-ci ildə 44 günlük Vətən müharibəsində qazanılmış tarixi Qələbə Azərbaycanın ərazi bütövlüyünün bərpası istiqamətində həlledici mərhələ oldu. 2020-ci il noyabrın 10-da əldə edilmiş üçtərəfli bəyanatdan sonra da ölkəmiz suverenliyinin tam bərpasına sülh yolu ilə nail olmağa çalışdı. Lakin 2023-cü ilin sentyabrında baş vermiş hadisələr Azərbaycanın öz ərazisində konstitusiya quruluşunu bərpa etməsi ilə nəticələndi.
Beləliklə, Azərbaycan ərazi bütövlüyünü və suverenliyini tam bərpa etdi, separatizmə son qoydu. Dövlət başçısının çıxışında bu tarixi prosesin beynəlxalq əhəmiyyətinə diqqət yetirilməsi bir daha göstərdi ki, ərazi bütövlüyünün təmin olunması təkcə Azərbaycanın milli məsələsi deyil, beynəlxalq hüququn prinsiplərinin müdafiəsi baxımından da mühüm əhəmiyyət daşıyır. Prezident İlham Əliyevin xüsusi vurğuladığı məqamlardan biri də Azərbaycanın Qələbədən sonra sülh təklif etməsi oldu. Ölkəmiz müharibənin ağır nəticələrinə baxmayaraq, qisasçılıq siyasəti yürütməyib, regionda yeni münasibətlərin qurulmasına üstünlük verib. Bununla belə, sülhün davamlı olması üçün qarşılıqlı etimadın möhkəmləndirilməsi, əldə olunmuş razılaşmaların qorunması və revanşist meyillərə yol verilməməsi vacibdir.
AQEM çərçivəsində əməkdaşlığın yeni imkanları
Azərbaycanın AQEM-ə sədrliyi dövründə təşkilatın institusional və hüquqi baxımdan gücləndirilməsi, nəqliyyat bağlantıları, rəqəmsallaşma, ətraf mühitin mühafizəsi, turizm, təhsil və elm sahələrində əməkdaşlığın təşviqi diqqət mərkəzində olub. Üzv dövlətlərin dəstəyi ilə həyata keçirilən təşəbbüslər təşkilatın dialoq və qarşılıqlı fəaliyyət platforması kimi imkanlarını genişləndirib. Laos Xalq Demokratik Respublikasının AQEM-ə üzv qəbul edilməsi də təşkilatın coğrafi əhatəsinin genişlənməsi və Asiya məkanında inklüziv əməkdaşlığın inkişafı baxımından əhəmiyyətlidir. Azərbaycanın sədrliyinin daha iki il müddətinə uzadılması təşəbbüsünə üzv dövlətlərin dəstək verməsi isə ölkəmizin təşkilat çərçivəsində həyata keçirdiyi fəaliyyətə göstərilən etimadın ifadəsidir.
Prezident İlham Əliyevin AQEM-in 7-ci Zirvə Görüşündəki çıxışı Azərbaycanın beynəlxalq münasibətlərdə prinsipial mövqeyini və əməkdaşlığa açıq siyasətini bir daha nümayiş etdirdi. Ölkəmiz öz suverenliyini və ərazi bütövlüyünü təmin etməklə yanaşı, regional sabitliyin, qarşılıqlı etimadın və iqtisadi əlaqələrin inkişafına töhfə verməyə çalışır. Bu yanaşma Azərbaycanın beynəlxalq nüfuzunun möhkəmlənməsinə və Avrasiya məkanında etibarlı tərəfdaş kimi rolunun artmasına xidmət edir.
Asif Əsgərov,
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 16-10-2026 | Saat: 11:03
Bölmə:Manşet / Siyasət | çapa göndər
Azərbaycan Respublikasının Prezidenti İlham Əliyevin oktyabrın 15-də Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 7-ci Zirvə Görüşündəki çıxışı ölkəmizin beynəlxalq münasibətlər sistemində mövqeyini, müstəqil xarici siyasətinin prinsiplərini və regionda davamlı sülhün təmin olunmasına yanaşmasını aydın şəkildə ortaya qoydu. Dövlət başçısının çıxışında Azərbaycanın ərazi bütövlüyü və suverenliyinin bərpası ilə yanaşı, beynəlxalq hüququn aliliyinin təmin edilməsi, ikili standartlara qarşı mübarizə və çoxtərəfli əməkdaşlığın gücləndirilməsi məsələləri xüsusi yer tutdu.
Azərbaycan coğrafi mövqeyinə, nəqliyyat və enerji imkanlarına, eləcə də həyata keçirdiyi xarici siyasətə görə Asiya ilə Avropa arasında mühüm birləşdirici mərkəzə çevrilir. Ölkəmizin müxtəlif dövlətlərlə siyasi, iqtisadi, nəqliyyat, enerji və humanitar sahələrdə əməkdaşlığı regional əlaqələrin genişlənməsinə, təhlükəsizliyin və qarşılıqlı etimadın möhkəmlənməsinə xidmət edir. Prezident İlham Əliyevin vurğuladığı kimi, Azərbaycanın xarici siyasəti dövlətlərin bərabərhüquqluluğu, daxili işlərinə qarışmamaq, suverenliyə və ərazi bütövlüyünə hörmət prinsiplərinə əsaslanır.
İkili standartlar beynəlxalq hüququn nüfuzuna zərbə vurur
Dövlət başçısının çıxışında Azərbaycanın müstəqilliyini bərpa etdikdən sonra üzləşdiyi işğal və ədalətsizliklərə geniş yer verilməsi təsadüfi deyildi. Ermənistanın Azərbaycan ərazilərini uzun müddət işğal altında saxlaması, yüz minlərlə insanın doğma yurdlarından didərgin salınması və beynəlxalq təşkilatların qəbul etdiyi qərarların icrasının təmin olunmaması beynəlxalq münasibətlər sistemində ciddi problemləri üzə çıxardı.
1993-cü ildə BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən çıxarılmasını tələb edən dörd qətnamə qəbul etməsinə baxmayaraq, bu sənədlərin uzun illər icrasız qalması beynəlxalq hüququn tətbiqindəki ziddiyyətlərin bariz nümunəsi oldu. Münaqişənin həlli üçün yaradılmış ATƏT-in Minsk qrupunun fəaliyyəti də nəticə vermədi. Bu təcrübə göstərdi ki, beynəlxalq qərarların icrasını təmin edən təsirli mexanizmlər olmadan sülh və təhlükəsizliyin qorunması çətinləşir.
Prezident İlham Əliyev Azərbaycanın haqq işinin beynəlxalq müstəvidə müdafiəsinin vacibliyini vurğulamaqla yanaşı, münaqişələrə münasibətdə seçici yanaşmanın yolverilməzliyinə diqqət çəkdi. Beynəlxalq hüquq bütün dövlətlərə eyni meyarlarla tətbiq edilməli, suverenlik və ərazi bütövlüyü prinsipləri siyasi maraqlardan asılı olmayaraq qorunmalıdır.
Zəfər suverenliyin bərpası və sülhün qurulması üçün zəmin yaratdı
2020-ci ildə 44 günlük Vətən müharibəsində qazanılmış tarixi Qələbə Azərbaycanın ərazi bütövlüyünün bərpası istiqamətində həlledici mərhələ oldu. 2020-ci il noyabrın 10-da əldə edilmiş üçtərəfli bəyanatdan sonra da ölkəmiz suverenliyinin tam bərpasına sülh yolu ilə nail olmağa çalışdı. Lakin 2023-cü ilin sentyabrında baş vermiş hadisələr Azərbaycanın öz ərazisində konstitusiya quruluşunu bərpa etməsi ilə nəticələndi.
Beləliklə, Azərbaycan ərazi bütövlüyünü və suverenliyini tam bərpa etdi, separatizmə son qoydu. Dövlət başçısının çıxışında bu tarixi prosesin beynəlxalq əhəmiyyətinə diqqət yetirilməsi bir daha göstərdi ki, ərazi bütövlüyünün təmin olunması təkcə Azərbaycanın milli məsələsi deyil, beynəlxalq hüququn prinsiplərinin müdafiəsi baxımından da mühüm əhəmiyyət daşıyır. Prezident İlham Əliyevin xüsusi vurğuladığı məqamlardan biri də Azərbaycanın Qələbədən sonra sülh təklif etməsi oldu. Ölkəmiz müharibənin ağır nəticələrinə baxmayaraq, qisasçılıq siyasəti yürütməyib, regionda yeni münasibətlərin qurulmasına üstünlük verib. Bununla belə, sülhün davamlı olması üçün qarşılıqlı etimadın möhkəmləndirilməsi, əldə olunmuş razılaşmaların qorunması və revanşist meyillərə yol verilməməsi vacibdir.
AQEM çərçivəsində əməkdaşlığın yeni imkanları
Azərbaycanın AQEM-ə sədrliyi dövründə təşkilatın institusional və hüquqi baxımdan gücləndirilməsi, nəqliyyat bağlantıları, rəqəmsallaşma, ətraf mühitin mühafizəsi, turizm, təhsil və elm sahələrində əməkdaşlığın təşviqi diqqət mərkəzində olub. Üzv dövlətlərin dəstəyi ilə həyata keçirilən təşəbbüslər təşkilatın dialoq və qarşılıqlı fəaliyyət platforması kimi imkanlarını genişləndirib. Laos Xalq Demokratik Respublikasının AQEM-ə üzv qəbul edilməsi də təşkilatın coğrafi əhatəsinin genişlənməsi və Asiya məkanında inklüziv əməkdaşlığın inkişafı baxımından əhəmiyyətlidir. Azərbaycanın sədrliyinin daha iki il müddətinə uzadılması təşəbbüsünə üzv dövlətlərin dəstək verməsi isə ölkəmizin təşkilat çərçivəsində həyata keçirdiyi fəaliyyətə göstərilən etimadın ifadəsidir.
Prezident İlham Əliyevin AQEM-in 7-ci Zirvə Görüşündəki çıxışı Azərbaycanın beynəlxalq münasibətlərdə prinsipial mövqeyini və əməkdaşlığa açıq siyasətini bir daha nümayiş etdirdi. Ölkəmiz öz suverenliyini və ərazi bütövlüyünü təmin etməklə yanaşı, regional sabitliyin, qarşılıqlı etimadın və iqtisadi əlaqələrin inkişafına töhfə verməyə çalışır. Bu yanaşma Azərbaycanın beynəlxalq nüfuzunun möhkəmlənməsinə və Avrasiya məkanında etibarlı tərəfdaş kimi rolunun artmasına xidmət edir.
Asif Əsgərov,
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
16-10-2026
