Misirdə 2600 illik sirli tikili tapıldı – Nil çayının yaxınlığında mühüm kəşf
Tarix: 04-11-2026 | Saat: 20:40
Bölmə:Özəl | çapa göndər
Misirdə arxeoloqlar qədim Buto şəhərinin ərazisində təxminən 2600 il əvvələ aid yeraltı memarlıq kompleksi aşkar ediblər.
“The Independent” nəşrinin məlumatına görə, tarixi tikilinin müəyyənləşdirilməsində peyk görüntüləri və müasir geofiziki tədqiqat üsullarından istifadə olunub.
Tel əl-Farain kimi də tanınan Buto şəhərinin tarixi eramızdan əvvəl 3800-cü ilə qədər uzanır. Minilliklər ərzində dəfələrlə yenidən qurulan yaşayış məntəqəsində qədim tikililərin bir hissəsi sonrakı inşaat qatları və Nil çayının gətirdiyi lil altında qalıb.
Alimlər “Sentinel-1” peykinin radar məlumatlarını araşdıraraq yeraltı strukturların yerləşdiyi ehtimal olunan sahələri müəyyənləşdiriblər. Daha sonra xüsusi ölçmələr vasitəsilə həmin ərazilərin üçölçülü modelləri hazırlanıb.
Tədqiqat nəticəsində 3–6 metr dərinlikdə Qədim Misirin Sais dövrünə aid böyük tikili aşkarlanıb. İlkin qazıntılar zamanı çiy kərpic divarlar və dini təyinatlı əşyalar üzə çıxarılıb.
Arxeoloqlar tapılan kompleksin qədim məqbərə və ya ziyarətgah ola biləcəyini ehtimal edirlər.
Bundan başqa, yerin 6–7 metr dərinliyində qalın qum təbəqəsi müəyyən olunub. Tədqiqatçılar bunun qədim inşaatçılar tərəfindən binanın bünövrəsini möhkəmləndirmək məqsədilə yaradılmış süni əsas ola biləcəyini düşünürlər.
Alimlər növbəti mərhələdə qazıntı sahəsini genişləndirərək torpaq altında başqa tikililərin, o cümlədən qədim məbədin qalıqlarının olub-olmadığını araşdırmağı planlaşdırırlar.
Məlumatlanmaq üçün Facebook səhifəmizi
Digər xəbərlər
Tarix: 04-11-2026 | Saat: 20:40
Bölmə:Özəl | çapa göndər
Misirdə arxeoloqlar qədim Buto şəhərinin ərazisində təxminən 2600 il əvvələ aid yeraltı memarlıq kompleksi aşkar ediblər.
“The Independent” nəşrinin məlumatına görə, tarixi tikilinin müəyyənləşdirilməsində peyk görüntüləri və müasir geofiziki tədqiqat üsullarından istifadə olunub.
Tel əl-Farain kimi də tanınan Buto şəhərinin tarixi eramızdan əvvəl 3800-cü ilə qədər uzanır. Minilliklər ərzində dəfələrlə yenidən qurulan yaşayış məntəqəsində qədim tikililərin bir hissəsi sonrakı inşaat qatları və Nil çayının gətirdiyi lil altında qalıb.
Alimlər “Sentinel-1” peykinin radar məlumatlarını araşdıraraq yeraltı strukturların yerləşdiyi ehtimal olunan sahələri müəyyənləşdiriblər. Daha sonra xüsusi ölçmələr vasitəsilə həmin ərazilərin üçölçülü modelləri hazırlanıb.
Tədqiqat nəticəsində 3–6 metr dərinlikdə Qədim Misirin Sais dövrünə aid böyük tikili aşkarlanıb. İlkin qazıntılar zamanı çiy kərpic divarlar və dini təyinatlı əşyalar üzə çıxarılıb.
Arxeoloqlar tapılan kompleksin qədim məqbərə və ya ziyarətgah ola biləcəyini ehtimal edirlər.
Bundan başqa, yerin 6–7 metr dərinliyində qalın qum təbəqəsi müəyyən olunub. Tədqiqatçılar bunun qədim inşaatçılar tərəfindən binanın bünövrəsini möhkəmləndirmək məqsədilə yaradılmış süni əsas ola biləcəyini düşünürlər.
Alimlər növbəti mərhələdə qazıntı sahəsini genişləndirərək torpaq altında başqa tikililərin, o cümlədən qədim məbədin qalıqlarının olub-olmadığını araşdırmağı planlaşdırırlar.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-11-2026
