Zəngin həyat yolu, keçmiş böyük ədib...-Fuad Biləsuvarlı yazır
Tarix: 26-07-2025 | Saat: 09:48
Bölmə:Özəl | çapa göndər
Azərbaycan ədəbiyyatında "Dəli kür", "Ölən dünyam", "Ayrılan yollar" romanları, hekayələri, bir sıra publisistik yazıları, ədəbi - tənqidi məqalələri ilə iz qoymuş İsmayıl Şıxlı ədəbiyyata şeirlə gəlmişdir. "Quşlar" adlanan bu şeir çap olunsa da, ədibin ilk və son şeiri olub.
Bundan sonra İsmayıl Şıxlı ədəbi mühitdə istedadlı nasir kimi tanınıb, bir-birindən gözəl nəsr əsərləri yaradıb. Çoxsaylı oxucular tərəfindən maraqla qarşılanan bu əsərlər ədəbiyyatımızda əsl tarixi hadisəyə çevirilib.
Qazax mahalında, İkinci Şıxlı kəndində ziyalı ailəsində dünyaya göz açan gənc İsmayıl pedaqoji təhsil alaraq müəllimlik fəaliyyətinə başlamışdır.
Ali təhsilini başa vurması Böyük Vətən Müharibəsi illərinə təsadüf etdiyindən İsmayıl Şıxlı da " musəlləh bir əsgər" olub. Şimali Qafqaz, Krım, III Belorusiya və Şərqi Prussiya istiqamətində gedən döyüşlərdə iştirak edib. " Kerc sularında", "Cəbhə yolları" kimi əsərlərində ədib cəbhə həyatının yadda qalan, unudulmaz səhifələrini yaradıb.
Azərbaycan ədəbiyyatında öz dəsti - xətti, bədii təhkiyyə üslubu ilə seçilən görkəmli ədib İsmayıl Şıxlıdan söhbət düşəndə ilk dəfə göz önünə Cahandar ağa surəti gəlir. Məşhur "Dəli kür" romanındakı qürurlu, əzəmətli, məğrur, cəsur Cahandar ağa "Dəli kür" ötən əsrin 60 - cı illərinin şah əsəridir desək, yanılmarıq.
Həmin romanın motivləri əsasında çəkilmiş " Dəli kür" filmi uzun illərdir ki, ekranlardan çıxmır, həmişə maraqla baxılır.
Xüsusilə gənc nəsil üçün bu film əsl qəhrəmanlıq səhifəsidir.
İsmayıl Şıxlı ilk əmək fəaliyyətinə müəllimliklə başladığı kimi sonrakı illərdə də pedaqoji fəaliyyətini davam etdirmişdir. Ali məktəb tələbələrinə ədəbi biliyinin zəngin həyat təcrübəsini öyrətmişdir.
Vaxtı ilə bu müdrik insandan elm və həyat dərsləri almış tələbələri onu indi də mehribanlıqla xatırlayırlar.
Fitri istedad sahibi olan İsmayıl Şıxlı yaradıcılığında tərcümə ədəbiyyatına da geniş yer ayırmışdır.
Onun Fransız, türk ədəbiyyatından etdiyi tərcümələr ədəbi aləmdə elə oxucular tərəfindən hədsiz maraqla qarşılanmışdır.
Böyük ədib, təcrübəli pedaqoq İsmayıl Şıxlı həm də gənc yazarların, dərs dediyi tələbələrinin himayədarı olmuşdur.
Ədəbi- bədii yaradıcılıqla yanaşı o, həm də bir sıra məsul vəzifələrdə çalışmışdır. Azərbaycan Yazıçılar İttifaqının katibi, birinci katibi, "Azərbaycan" jurnalının baş redaktoru kimi məsul vəzifələrdə işləmişdir.
Azərbaycan Respublikası Ali Sovetinin deputatı kimi seçicilərinin etimadını qazanmışdır.
İsmayıl Şıxlının xidmətlərinə görə əməyi dövlətimiz tərəfindən yüksək qiymətləndirilmişdir. O, böyük Vətən Müharibəsində döyüş xidmətlərinə görə "Qızıl ulduz" II dərəcəli Böyük Vətən Müharibəsi ordenləri Azərbaycan ədəbiyyatı qarşısındakı xidmətlərinə görə isə "Şərəf nişanı", "Qırmızı Əmək bayrağı", " Şöhrət" ordenlərinə layiq görülmüşdür.
Görkəmli yazıçı İsmayıl Şıxlı 1995 - ci ildə dünyasını dəyişsə də, onun işıqlı xatirəsi həmişə ürəklərdədir. Fəxri Xiyabanda dəfn olunmuş ədibin əsərləri bu gün də sevilə-sevilə oxunur.
İsmayıl Şıxlının iki oğlu var. Jurnalist Elçin Şıxlı, rəssam Fərrux Şıxlı.
Məsəl var, deyirlər, ot kökü üstə bitər. 1957 - ci ildə İsmayıl Şıxlı ocağında dünyaya göz açmış Elçin Şıxlı da respublikanın ədəbi ictimaiyyəti arasında yaxşı tanınır. O da ixtisas seçimində pedaqoji sahəyə üstünlük vermiş, ali təhsil alaraq ingilis və alman dilləri üzrə müəllim ixtisasına yiyələnmişdir.
Ordu sıralarında hərbi xidmət keçdikdən sonra Elçin Şıxlı bir çox məsul vəzifələrdə çalışmış, bir ziyalı kimi göz önündə olmuşdur.
Hansı sahədə çalışmasından asılı olmayaraq yaradıcılıq aləmi ona doğma bir sahə olmuşdur.
Çalışdığı "Azərbaycan Kommunisti" jurnalında, "Ayna" - " Zerkalo" qəzetlərində də yaradıcılıqdan ayrılmamış, uğurlu fəaliyyət göstərmişdir.
Elçin Şıxlı uzun illər " Ayna" - "Zerkalo" qəzetlərinin təsisçisi və baş redaktoru olmuşdur.
1989 - cu ildən Azərbaycan Yazıçılar İttifaqının üzvüdür.
Elçin Şıxlı 2006 - cı ildən Azərbaycan Jurnalistlər Birliyinin sədri kimi daha məsul vəzifədə fəaliyyətini davam etdirir.
Fərrux Şıxlinski 1962-ci ildə Bakı şəhərində dünyaya gəlib. 1981-ci ildə Əzim Əzimzadə adına Azərbaycan Dövlət Rəssamlıq məktəbini, 1986-cı ildə M.A.Əliyev adına Azərbaycan Dövlət incəsənət İnstitutunun Rəssamlıq fakultəsini bitirib.
Universiteti bitirdikdən sonra hərbi xidmətdə olub. Daha sonra Elmi-Tədqiqat Texniki Estetika İnstitutunda (ÜETTEİ) dizayner, "Ədəbiyyat və İncəsənət", "Ayna"- "Zerkalo" qəzetlərində rəssamlıq edib. "Həftə sonu plyus"-"Week-end plyus" qəzetində baş redaktor işləyib. Hazırda "Ayna"-"Zerkalo" qəzetlərinin məsul katibidir.
Müəllif: Fuad BİLƏSUVARLI, AYB və AJB üzvü, Prezident mükafatçısı, Həsən bəy Zərdabi mükafatçısı.
Məlumatlanmaq üçün Facebook səhifəmizi
Digər xəbərlər
Tarix: 26-07-2025 | Saat: 09:48
Bölmə:Özəl | çapa göndər
Azərbaycan ədəbiyyatında "Dəli kür", "Ölən dünyam", "Ayrılan yollar" romanları, hekayələri, bir sıra publisistik yazıları, ədəbi - tənqidi məqalələri ilə iz qoymuş İsmayıl Şıxlı ədəbiyyata şeirlə gəlmişdir. "Quşlar" adlanan bu şeir çap olunsa da, ədibin ilk və son şeiri olub.
Bundan sonra İsmayıl Şıxlı ədəbi mühitdə istedadlı nasir kimi tanınıb, bir-birindən gözəl nəsr əsərləri yaradıb. Çoxsaylı oxucular tərəfindən maraqla qarşılanan bu əsərlər ədəbiyyatımızda əsl tarixi hadisəyə çevirilib.
Qazax mahalında, İkinci Şıxlı kəndində ziyalı ailəsində dünyaya göz açan gənc İsmayıl pedaqoji təhsil alaraq müəllimlik fəaliyyətinə başlamışdır.
Ali təhsilini başa vurması Böyük Vətən Müharibəsi illərinə təsadüf etdiyindən İsmayıl Şıxlı da " musəlləh bir əsgər" olub. Şimali Qafqaz, Krım, III Belorusiya və Şərqi Prussiya istiqamətində gedən döyüşlərdə iştirak edib. " Kerc sularında", "Cəbhə yolları" kimi əsərlərində ədib cəbhə həyatının yadda qalan, unudulmaz səhifələrini yaradıb.
Azərbaycan ədəbiyyatında öz dəsti - xətti, bədii təhkiyyə üslubu ilə seçilən görkəmli ədib İsmayıl Şıxlıdan söhbət düşəndə ilk dəfə göz önünə Cahandar ağa surəti gəlir. Məşhur "Dəli kür" romanındakı qürurlu, əzəmətli, məğrur, cəsur Cahandar ağa "Dəli kür" ötən əsrin 60 - cı illərinin şah əsəridir desək, yanılmarıq.
Həmin romanın motivləri əsasında çəkilmiş " Dəli kür" filmi uzun illərdir ki, ekranlardan çıxmır, həmişə maraqla baxılır.
Xüsusilə gənc nəsil üçün bu film əsl qəhrəmanlıq səhifəsidir.
İsmayıl Şıxlı ilk əmək fəaliyyətinə müəllimliklə başladığı kimi sonrakı illərdə də pedaqoji fəaliyyətini davam etdirmişdir. Ali məktəb tələbələrinə ədəbi biliyinin zəngin həyat təcrübəsini öyrətmişdir.
Vaxtı ilə bu müdrik insandan elm və həyat dərsləri almış tələbələri onu indi də mehribanlıqla xatırlayırlar.
Fitri istedad sahibi olan İsmayıl Şıxlı yaradıcılığında tərcümə ədəbiyyatına da geniş yer ayırmışdır.
Onun Fransız, türk ədəbiyyatından etdiyi tərcümələr ədəbi aləmdə elə oxucular tərəfindən hədsiz maraqla qarşılanmışdır.
Böyük ədib, təcrübəli pedaqoq İsmayıl Şıxlı həm də gənc yazarların, dərs dediyi tələbələrinin himayədarı olmuşdur.
Ədəbi- bədii yaradıcılıqla yanaşı o, həm də bir sıra məsul vəzifələrdə çalışmışdır. Azərbaycan Yazıçılar İttifaqının katibi, birinci katibi, "Azərbaycan" jurnalının baş redaktoru kimi məsul vəzifələrdə işləmişdir.
Azərbaycan Respublikası Ali Sovetinin deputatı kimi seçicilərinin etimadını qazanmışdır.
İsmayıl Şıxlının xidmətlərinə görə əməyi dövlətimiz tərəfindən yüksək qiymətləndirilmişdir. O, böyük Vətən Müharibəsində döyüş xidmətlərinə görə "Qızıl ulduz" II dərəcəli Böyük Vətən Müharibəsi ordenləri Azərbaycan ədəbiyyatı qarşısındakı xidmətlərinə görə isə "Şərəf nişanı", "Qırmızı Əmək bayrağı", " Şöhrət" ordenlərinə layiq görülmüşdür.
Görkəmli yazıçı İsmayıl Şıxlı 1995 - ci ildə dünyasını dəyişsə də, onun işıqlı xatirəsi həmişə ürəklərdədir. Fəxri Xiyabanda dəfn olunmuş ədibin əsərləri bu gün də sevilə-sevilə oxunur.
İsmayıl Şıxlının iki oğlu var. Jurnalist Elçin Şıxlı, rəssam Fərrux Şıxlı.
Məsəl var, deyirlər, ot kökü üstə bitər. 1957 - ci ildə İsmayıl Şıxlı ocağında dünyaya göz açmış Elçin Şıxlı da respublikanın ədəbi ictimaiyyəti arasında yaxşı tanınır. O da ixtisas seçimində pedaqoji sahəyə üstünlük vermiş, ali təhsil alaraq ingilis və alman dilləri üzrə müəllim ixtisasına yiyələnmişdir.
Ordu sıralarında hərbi xidmət keçdikdən sonra Elçin Şıxlı bir çox məsul vəzifələrdə çalışmış, bir ziyalı kimi göz önündə olmuşdur.
Hansı sahədə çalışmasından asılı olmayaraq yaradıcılıq aləmi ona doğma bir sahə olmuşdur.
Çalışdığı "Azərbaycan Kommunisti" jurnalında, "Ayna" - " Zerkalo" qəzetlərində də yaradıcılıqdan ayrılmamış, uğurlu fəaliyyət göstərmişdir.
Elçin Şıxlı uzun illər " Ayna" - "Zerkalo" qəzetlərinin təsisçisi və baş redaktoru olmuşdur.
1989 - cu ildən Azərbaycan Yazıçılar İttifaqının üzvüdür.
Elçin Şıxlı 2006 - cı ildən Azərbaycan Jurnalistlər Birliyinin sədri kimi daha məsul vəzifədə fəaliyyətini davam etdirir.
Fərrux Şıxlinski 1962-ci ildə Bakı şəhərində dünyaya gəlib. 1981-ci ildə Əzim Əzimzadə adına Azərbaycan Dövlət Rəssamlıq məktəbini, 1986-cı ildə M.A.Əliyev adına Azərbaycan Dövlət incəsənət İnstitutunun Rəssamlıq fakultəsini bitirib.
Universiteti bitirdikdən sonra hərbi xidmətdə olub. Daha sonra Elmi-Tədqiqat Texniki Estetika İnstitutunda (ÜETTEİ) dizayner, "Ədəbiyyat və İncəsənət", "Ayna"- "Zerkalo" qəzetlərində rəssamlıq edib. "Həftə sonu plyus"-"Week-end plyus" qəzetində baş redaktor işləyib. Hazırda "Ayna"-"Zerkalo" qəzetlərinin məsul katibidir.
Müəllif: Fuad BİLƏSUVARLI, AYB və AJB üzvü, Prezident mükafatçısı, Həsən bəy Zərdabi mükafatçısı.
Məlumatlanmaq üçün Facebook səhifəmizi
Xəbəri paylaş
Digər xəbərlər
26-07-2025
25-07-2025
