Tiranadan başlayan yeni zirvələr
Tarix: 01-05-2026 | Saat: 11:45
Bölmə:Siyasət | çapa göndər
Azərbaycan idmanının son illərdə qazandığı silsilə qələbələr dövlət səviyyəsində həyata keçirilən strateji kursun məntiqi nəticəsidir. Xüsusilə güləş kimi milli ənənələrimizə söykənən idman növlərində əldə olunan Avropa çempionluğu, ölkəmizin beynəlxalq arenadakı nüfuzunu daha da möhkəmləndirir. Prezident İlham Əliyevin Tiranada zəfər çalmış pəhləvanlarımızla görüşü həm bu uğura verilən yüksək qiymətin, həm də gələcək hədəflərin müəyyənləşdirilməsinin bariz nümunəsidir. Dövlət başçısı bu görüşdə Azərbaycan idmanının varislik prinsipləri üzərində necə inkişaf etdiyini və milli qürur mənbəyinə çevrildiyini xüsusi vurğulamışdır.
Aprelin 30-da reallaşan bu qəbul zamanı dövlətimizin başçısı vurğuladı ki, Albaniyanın paytaxtı Tiranada qazanılan böyük qələbə bütün xalqımızı sevindirmişdir. Azərbaycan güləşçiləri həm yunan-Roma, həm sərbəst, həm də qadın güləşi üzrə əldə etdikləri nailiyyətlərlə bir daha sübut etdilər ki, onlar Avropanın birincisidirlər. Müasir dünyada və Avropada rəqabətin son dərəcə gərgin keçdiyi bir vaxtda komanda hesabında birinci olmaq böyük bir uğurdur. Bir çox ölkələrin tanınmış idmançılarının qatıldığı bu gərgin mübarizədə bizim pəhləvanlarımız öz peşəkarlıqlarını nümayiş etdirərək rəqiblərini ədalətli döyüşlərdə məğlub etmişlər. Bu uğur həm də güləşimizin dərin ənənələrə sahib olduğunu və bu ənənələrin bu gün də uğurla yaşadıldığını göstərir.
İdman siyasətimizin ən önəmli tərəflərindən biri də nəsillərin varisliyidir. Tanınmış güləşçilərlə yanaşı gənclərin də yüksək nəticələr göstərməsi məşq və seleksiya prosesinin nə qədər düzgün qurulduğunun göstəricisidir. Hazırda federasiya rəhbərliyində və məşqçilər arasında Olimpiya çempionlarımızın, vaxtilə arenalarda alqışladığımız idmançıların təmsil olunması bu inkişafın dayanıqlı olmasını təmin edir.
Dövlət başçısı çıxışında bu mühüm məqamı belə ifadə etmişdir:
"Nəsillər dəyişir, amma bir şey dəyişmir, o da Azərbaycan idmanının uğurları."
İdman həm də cəmiyyətimizin ayrılmaz hissəsidir və gənc nəslin vətənpərvərlik ruhunda tərbiyə olunmasında həlledici rol oynayır. Beynəlxalq yarışlarda bayrağımızın yüksəlməsi hər bir azərbaycanlıda qürur hissi yaradır. Bu gün ölkəmizin hər bir bölgəsində fəaliyyət göstərən Olimpiya İdman kompleksləri və güləş zalları gələcək uğurlarımızın əsas bazasını təşkil edir. Federasiyanın xüsusilə bölgələrdəki gənc istedadları aşkar edib təlim-məşq toplanışlarına cəlb etməsi bu inkişafın davamlılığı üçün şərtdir.
Azərbaycan idmanı artıq dünya miqyasında öz sözünü demiş bir gücdür. İstər Olimpiya Oyunlarında, istərsə də dünya və Avropa çempionatlarında idmançılarımız ölkəmizi ləyaqətlə təmsil edirlər. İdmanda qələbələrlə yanaşı məğlubiyyətlərin də olması qaçılmazdır, lakin əsas məsələ idmançılarımızdakı sarsılmaz qələbə əzmidir. Bu əzm isə bugünkü qüdrətli Azərbaycanın ümumi inkişafının güzgüsüdür.
Ölkəmizin hər bir guşəsində ucaldılan Olimpiya İdman kompleksləri və müasir güləş zalları artıq öz bəhrəsini verir. Düzgün qurulmuş seleksiya işi və sistemli məşq prosesi sayəsində gənc idmançılarımız ustad güləşçilərlə çiyin-çiyinə böyük nəticələr əldə edirlər. İdman həm də gənc nəslin vətənpərvərlik ruhunda tərbiyə olunması üçün ən təsirli amildir. Qalib dövlətin övladları olaraq arenaya çıxan gənclərimiz üçün zəfər artıq bir həyat tərzinə çevrilib.
Prezident İlham Əliyevin qeyd etdiyi kimi:
"Bu gün qalib dövlət və qalib xalq kimi yaşayan dövlətimiz, xalqımız, o cümlədən idman uğurları ilə fəxr edir."
Qeyd edək ki, cənab İlham Əliyevin Milli Olimpiya Komitəsinə rəhbərlik etdiyi 30 ilə yaxın müddət ərzində Azərbaycan idmanı əsl intibah dövrünü yaşayıb. Ölkəmizdə yüksək səviyyədə təşkil olunan Avropa Oyunları, İslam Həmrəyliyi Oyunları və regionlarda keçirilən MDB Oyunları göstərdi ki, Azərbaycan idman sahəsində nəhəng potensiala və böyük təcrübəyə malikdir. Dövlət başçısı əminliklə bildirdi ki, idmançılara və məşqçilərə göstərilən bu qayğı dövlət siyasətinin prioritetidir və bu sarsılmaz dəstək gələcəkdə xalqımıza daha çox sevinc və qələbə bəxş edəcəkdir. Tirana zəfəri bir daha sübut etdi ki, Azərbaycan idmanı özünün yeni və daha uca zirvələrinə doğru inamla irəliləyir.
İlqar Kərimov,
YAP Tovuz Rayon Təşkilatının sədr müavini
Məlumatlanmaq üçün Facebook səhifəmizi
Digər xəbərlər
Tarix: 01-05-2026 | Saat: 11:45
Bölmə:Siyasət | çapa göndər
Azərbaycan idmanının son illərdə qazandığı silsilə qələbələr dövlət səviyyəsində həyata keçirilən strateji kursun məntiqi nəticəsidir. Xüsusilə güləş kimi milli ənənələrimizə söykənən idman növlərində əldə olunan Avropa çempionluğu, ölkəmizin beynəlxalq arenadakı nüfuzunu daha da möhkəmləndirir. Prezident İlham Əliyevin Tiranada zəfər çalmış pəhləvanlarımızla görüşü həm bu uğura verilən yüksək qiymətin, həm də gələcək hədəflərin müəyyənləşdirilməsinin bariz nümunəsidir. Dövlət başçısı bu görüşdə Azərbaycan idmanının varislik prinsipləri üzərində necə inkişaf etdiyini və milli qürur mənbəyinə çevrildiyini xüsusi vurğulamışdır.
Aprelin 30-da reallaşan bu qəbul zamanı dövlətimizin başçısı vurğuladı ki, Albaniyanın paytaxtı Tiranada qazanılan böyük qələbə bütün xalqımızı sevindirmişdir. Azərbaycan güləşçiləri həm yunan-Roma, həm sərbəst, həm də qadın güləşi üzrə əldə etdikləri nailiyyətlərlə bir daha sübut etdilər ki, onlar Avropanın birincisidirlər. Müasir dünyada və Avropada rəqabətin son dərəcə gərgin keçdiyi bir vaxtda komanda hesabında birinci olmaq böyük bir uğurdur. Bir çox ölkələrin tanınmış idmançılarının qatıldığı bu gərgin mübarizədə bizim pəhləvanlarımız öz peşəkarlıqlarını nümayiş etdirərək rəqiblərini ədalətli döyüşlərdə məğlub etmişlər. Bu uğur həm də güləşimizin dərin ənənələrə sahib olduğunu və bu ənənələrin bu gün də uğurla yaşadıldığını göstərir.
İdman siyasətimizin ən önəmli tərəflərindən biri də nəsillərin varisliyidir. Tanınmış güləşçilərlə yanaşı gənclərin də yüksək nəticələr göstərməsi məşq və seleksiya prosesinin nə qədər düzgün qurulduğunun göstəricisidir. Hazırda federasiya rəhbərliyində və məşqçilər arasında Olimpiya çempionlarımızın, vaxtilə arenalarda alqışladığımız idmançıların təmsil olunması bu inkişafın dayanıqlı olmasını təmin edir.
Dövlət başçısı çıxışında bu mühüm məqamı belə ifadə etmişdir:
"Nəsillər dəyişir, amma bir şey dəyişmir, o da Azərbaycan idmanının uğurları."
İdman həm də cəmiyyətimizin ayrılmaz hissəsidir və gənc nəslin vətənpərvərlik ruhunda tərbiyə olunmasında həlledici rol oynayır. Beynəlxalq yarışlarda bayrağımızın yüksəlməsi hər bir azərbaycanlıda qürur hissi yaradır. Bu gün ölkəmizin hər bir bölgəsində fəaliyyət göstərən Olimpiya İdman kompleksləri və güləş zalları gələcək uğurlarımızın əsas bazasını təşkil edir. Federasiyanın xüsusilə bölgələrdəki gənc istedadları aşkar edib təlim-məşq toplanışlarına cəlb etməsi bu inkişafın davamlılığı üçün şərtdir.
Azərbaycan idmanı artıq dünya miqyasında öz sözünü demiş bir gücdür. İstər Olimpiya Oyunlarında, istərsə də dünya və Avropa çempionatlarında idmançılarımız ölkəmizi ləyaqətlə təmsil edirlər. İdmanda qələbələrlə yanaşı məğlubiyyətlərin də olması qaçılmazdır, lakin əsas məsələ idmançılarımızdakı sarsılmaz qələbə əzmidir. Bu əzm isə bugünkü qüdrətli Azərbaycanın ümumi inkişafının güzgüsüdür.
Ölkəmizin hər bir guşəsində ucaldılan Olimpiya İdman kompleksləri və müasir güləş zalları artıq öz bəhrəsini verir. Düzgün qurulmuş seleksiya işi və sistemli məşq prosesi sayəsində gənc idmançılarımız ustad güləşçilərlə çiyin-çiyinə böyük nəticələr əldə edirlər. İdman həm də gənc nəslin vətənpərvərlik ruhunda tərbiyə olunması üçün ən təsirli amildir. Qalib dövlətin övladları olaraq arenaya çıxan gənclərimiz üçün zəfər artıq bir həyat tərzinə çevrilib.
Prezident İlham Əliyevin qeyd etdiyi kimi:
"Bu gün qalib dövlət və qalib xalq kimi yaşayan dövlətimiz, xalqımız, o cümlədən idman uğurları ilə fəxr edir."
Qeyd edək ki, cənab İlham Əliyevin Milli Olimpiya Komitəsinə rəhbərlik etdiyi 30 ilə yaxın müddət ərzində Azərbaycan idmanı əsl intibah dövrünü yaşayıb. Ölkəmizdə yüksək səviyyədə təşkil olunan Avropa Oyunları, İslam Həmrəyliyi Oyunları və regionlarda keçirilən MDB Oyunları göstərdi ki, Azərbaycan idman sahəsində nəhəng potensiala və böyük təcrübəyə malikdir. Dövlət başçısı əminliklə bildirdi ki, idmançılara və məşqçilərə göstərilən bu qayğı dövlət siyasətinin prioritetidir və bu sarsılmaz dəstək gələcəkdə xalqımıza daha çox sevinc və qələbə bəxş edəcəkdir. Tirana zəfəri bir daha sübut etdi ki, Azərbaycan idmanı özünün yeni və daha uca zirvələrinə doğru inamla irəliləyir.
İlqar Kərimov,
YAP Tovuz Rayon Təşkilatının sədr müavini
Məlumatlanmaq üçün Facebook səhifəmizi
Xəbəri paylaş
Digər xəbərlər
01-05-2026
