Türkoloji Qurultayın 100 illiyi: ortaq tarixdən ortaq gələcəyə uzanan mənəvi körpü - DEPUTAT
Tarix: 30-06-2026 | Saat: 22:05
Bölmə:Manşet / Siyasət | çapa göndər
2026-cı il iyunun 29-da Bakıda Birinci Türkoloji Qurultayın keçirilməsinin 100 illiyi dövlət səviyyəsində qeyd olundu. Bir əsr əvvəl Azərbaycan paytaxtında baş tutmuş bu möhtəşəm elmi-mədəni hadisənin yubileyinin yüksək səviyyədə keçirilməsi təkcə tarixə ehtiramın ifadəsi deyil, həm də Türk dünyasının ortaq yaddaşına, ortaq dəyərlərinə və gələcək inkişaf strategiyasına verilən önəmin parlaq təzahürüdür. Bu əlamətdar hadisə göstərir ki, yüz il əvvəl əsası qoyulan birlik və həmrəylik ideyaları bu gün də öz aktuallığını qoruyur və müasir Türk dünyasının inteqrasiyasında mühüm rol oynayır. 1926-cı ildə Bakıda keçirilən Birinci Türkoloji Qurultay türk xalqlarının elmi, dil, ədəbiyyat və mədəni əməkdaşlığı tarixində dönüş nöqtəsi olmuşdur. Qurultay müxtəlif türk xalqlarının alim və ziyalılarını bir araya gətirərək ortaq elmi düşüncənin formalaşmasına, türk dillərinin öyrənilməsinə, ortaq əlifba məsələlərinin müzakirəsinə və zəngin mədəni irsin qorunmasına mühüm töhfə vermişdir. Dövrün mürəkkəb ictimai-siyasi şəraitinə baxmayaraq, Bakıda səsləndirilən ideyalar türk xalqlarının mənəvi birliyinin möhkəmlənməsinə və ortaq milli kimlik şüurunun inkişafına xidmət etmişdir.
Bu fikirləri aia.az-a açıqlamasında Milli Məclisin üzvü Tamam Cəfərova deyib.
Deputat bildirib ki, Azərbaycanın həmin tarixi missiyanı üzərinə götürməsi təsadüfi deyildi. Tarix boyu Şərqlə Qərbin qovşağında yerləşən Azərbaycan müxtəlif sivilizasiyaları, mədəniyyətləri və elmi məktəbləri birləşdirən mühüm mərkəz olmuşdur. Məhz buna görə də Bakı Birinci Türkoloji Qurultayın keçirilməsi üçün ən münasib məkan seçilmişdi. Bu gün də ölkəmiz həmin tarixi missiyanı uğurla davam etdirərək Türk dünyasının siyasi, iqtisadi, elmi və mədəni inteqrasiyasının aparıcı təşəbbüskarlarından biri kimi çıxış edir.
Son illərdə Türk dövlətləri arasında münasibətlər keyfiyyətcə yeni inkişaf mərhələsinə qədəm qoymuşdur. Siyasi dialoq, iqtisadi əməkdaşlıq, nəqliyyat-kommunikasiya layihələri, enerji təhlükəsizliyi, müdafiə sənayesi, təhsil və humanitar sahələrdə əlaqələr davamlı şəkildə genişlənir. Türk dünyasının vahid ailə kimi daha da möhkəmlənməsi istiqamətində mühüm nailiyyətlər əldə olunmuş, qardaşlıq münasibətləri və strateji tərəfdaşlıq yeni məzmun qazanmışdır. Bu baxımdan, 2025-ci il oktyabrın 6–7-də Qəbələ şəhərində keçirilmiş Türk Dövlətləri Təşkilatının Dövlət Başçılarının XII Zirvə Görüşünün Bəyannaməsində Birinci Türkoloji Qurultayın 100 illik yubileyinin qeyd olunmasına dair çağırışın yer alması ortaq tarixi irsə verilən yüksək dəyərin və Türk dünyasının birliyinə göstərilən diqqətin bariz nümunəsidir. Həmin çağırışın davamı olaraq Azərbaycan Prezidenti İlham Əliyevin Birinci Türkoloji Qurultayın 100 illik yubileyinin dövlət səviyyəsində qeyd edilməsi haqqında Sərəncam imzalaması bu tarixi hadisənin yalnız elmi deyil, həm də siyasi və mənəvi əhəmiyyətini bir daha təsdiqləmişdir. Birinci Türkoloji Qurultayın 100 illiyinin dövlət səviyyəsində qeyd olunması tarixə ehtiramla yanaşmanın, milli-mənəvi dəyərlərə sədaqətin və Türk dünyasının gələcəyinə verilən böyük önəmin ifadəsidir. Bu yubiley yalnız yüz il əvvəl baş vermiş mühüm elmi hadisənin xatırlanması deyil, həm də ortaq keçmişdən güc alan, ortaq dəyərlər ətrafında birləşən və gələcəyə inamla addımlayan Türk dünyasının həmrəyliyinin təntənəsidir.
Bu gün Türk dövlətlərinin əməkdaşlığı artıq yalnız ortaq tarix və mədəni irslə məhdudlaşmır. Orta Dəhliz boyunca formalaşan yeni nəqliyyat marşrutları, enerji layihələri, rəqəmsal transformasiya, yaşıl enerji təşəbbüsləri və qarşılıqlı investisiya imkanları Türk dövlətlərinin qlobal iqtisadi və siyasi çəkisini əhəmiyyətli dərəcədə artırır. Bir əsr əvvəl Bakıda keçirilən Türkoloji Qurultayın ortaq düşüncə və birlik ideyaları bu gün strateji əməkdaşlığın möhkəm ideoloji təməli kimi öz təsdiqini tapır.
Azərbaycan Prezidenti İlham Əliyevin həyata keçirdiyi məqsədyönlü siyasət nəticəsində ölkəmiz Türk dünyasında inteqrasiya proseslərinin əsas təşəbbüskarlarından birinə çevrilmişdir. Dövlət başçısının dəfələrlə vurğuladığı kimi, “Türk dünyası bizim ailəmizdir”. Bu siyasi baxış bu gün konkret layihələrdə, birgə təşəbbüslərdə və çoxtərəfli əməkdaşlıq platformalarında öz real ifadəsini tapır. Azərbaycanın təşəbbüsü ilə həyata keçirilən nəqliyyat, enerji, humanitar və mədəni layihələr Türk dövlətləri arasında qarşılıqlı etimadın və strateji tərəfdaşlığın daha da möhkəmlənməsinə xidmət edir.
Birinci Türkoloji Qurultayın 100 illik yubileyinə həsr olunan tədbirlər də bu baxımdan xüsusi əhəmiyyət daşıyır. “Türk Dünyası Həftəsi” çərçivəsində təşkil olunan elmi konfranslar, mədəni tədbirlər, sərgilər və görüşlər türk xalqlarını ortaq tarix, dil və mədəniyyət ətrafında birləşdirərək həmrəyliyin daha da möhkəmlənməsinə xidmət edir. Həftə ərzində aparılan müzakirələr zəngin tarixi-mənəvi irsin öyrənilməsi, qorunması və gələcək nəsillərə çatdırılması istiqamətində yeni əməkdaşlıq imkanları yaradır. Türk dövlətləri rəhbərlərinin tədbir iştirakçılarına ünvanladıqları müraciətlər də Türk dünyasında birlik, qarşılıqlı etimad və ortaq gələcəyə verilən önəmin ifadəsidir. Bütün bunlar göstərir ki, yüz il əvvəl Birinci Türkoloji Qurultayda irəli sürülən ideyalar bu gün də aktuallığını qoruyur, Türk dünyasının inteqrasiyasına, ortaq dəyərlərin yaşadılmasına və gələcək əməkdaşlığın genişləndirilməsinə mühüm töhfə verir.
Bir əsr əvvəl Bakıda yandırılan elm, maarifçilik və birlik məşəli bu gün daha gur işıq saçaraq Türk dünyasının gələcəyini işıqlandırır. Birinci Türkoloji Qurultayın 100 illiyi ortaq tarixə ehtiramın, ortaq kimliyə sədaqətin və gələcək nəsillər naminə qurulan möhkəm həmrəyliyin rəmzi kimi yadda qalacaq.
Məlumatlanmaq üçün Facebook səhifəmizi
Digər xəbərlər
Tarix: 30-06-2026 | Saat: 22:05
Bölmə:Manşet / Siyasət | çapa göndər
2026-cı il iyunun 29-da Bakıda Birinci Türkoloji Qurultayın keçirilməsinin 100 illiyi dövlət səviyyəsində qeyd olundu. Bir əsr əvvəl Azərbaycan paytaxtında baş tutmuş bu möhtəşəm elmi-mədəni hadisənin yubileyinin yüksək səviyyədə keçirilməsi təkcə tarixə ehtiramın ifadəsi deyil, həm də Türk dünyasının ortaq yaddaşına, ortaq dəyərlərinə və gələcək inkişaf strategiyasına verilən önəmin parlaq təzahürüdür. Bu əlamətdar hadisə göstərir ki, yüz il əvvəl əsası qoyulan birlik və həmrəylik ideyaları bu gün də öz aktuallığını qoruyur və müasir Türk dünyasının inteqrasiyasında mühüm rol oynayır. 1926-cı ildə Bakıda keçirilən Birinci Türkoloji Qurultay türk xalqlarının elmi, dil, ədəbiyyat və mədəni əməkdaşlığı tarixində dönüş nöqtəsi olmuşdur. Qurultay müxtəlif türk xalqlarının alim və ziyalılarını bir araya gətirərək ortaq elmi düşüncənin formalaşmasına, türk dillərinin öyrənilməsinə, ortaq əlifba məsələlərinin müzakirəsinə və zəngin mədəni irsin qorunmasına mühüm töhfə vermişdir. Dövrün mürəkkəb ictimai-siyasi şəraitinə baxmayaraq, Bakıda səsləndirilən ideyalar türk xalqlarının mənəvi birliyinin möhkəmlənməsinə və ortaq milli kimlik şüurunun inkişafına xidmət etmişdir.
Bu fikirləri aia.az-a açıqlamasında Milli Məclisin üzvü Tamam Cəfərova deyib.
Deputat bildirib ki, Azərbaycanın həmin tarixi missiyanı üzərinə götürməsi təsadüfi deyildi. Tarix boyu Şərqlə Qərbin qovşağında yerləşən Azərbaycan müxtəlif sivilizasiyaları, mədəniyyətləri və elmi məktəbləri birləşdirən mühüm mərkəz olmuşdur. Məhz buna görə də Bakı Birinci Türkoloji Qurultayın keçirilməsi üçün ən münasib məkan seçilmişdi. Bu gün də ölkəmiz həmin tarixi missiyanı uğurla davam etdirərək Türk dünyasının siyasi, iqtisadi, elmi və mədəni inteqrasiyasının aparıcı təşəbbüskarlarından biri kimi çıxış edir.
Son illərdə Türk dövlətləri arasında münasibətlər keyfiyyətcə yeni inkişaf mərhələsinə qədəm qoymuşdur. Siyasi dialoq, iqtisadi əməkdaşlıq, nəqliyyat-kommunikasiya layihələri, enerji təhlükəsizliyi, müdafiə sənayesi, təhsil və humanitar sahələrdə əlaqələr davamlı şəkildə genişlənir. Türk dünyasının vahid ailə kimi daha da möhkəmlənməsi istiqamətində mühüm nailiyyətlər əldə olunmuş, qardaşlıq münasibətləri və strateji tərəfdaşlıq yeni məzmun qazanmışdır. Bu baxımdan, 2025-ci il oktyabrın 6–7-də Qəbələ şəhərində keçirilmiş Türk Dövlətləri Təşkilatının Dövlət Başçılarının XII Zirvə Görüşünün Bəyannaməsində Birinci Türkoloji Qurultayın 100 illik yubileyinin qeyd olunmasına dair çağırışın yer alması ortaq tarixi irsə verilən yüksək dəyərin və Türk dünyasının birliyinə göstərilən diqqətin bariz nümunəsidir. Həmin çağırışın davamı olaraq Azərbaycan Prezidenti İlham Əliyevin Birinci Türkoloji Qurultayın 100 illik yubileyinin dövlət səviyyəsində qeyd edilməsi haqqında Sərəncam imzalaması bu tarixi hadisənin yalnız elmi deyil, həm də siyasi və mənəvi əhəmiyyətini bir daha təsdiqləmişdir. Birinci Türkoloji Qurultayın 100 illiyinin dövlət səviyyəsində qeyd olunması tarixə ehtiramla yanaşmanın, milli-mənəvi dəyərlərə sədaqətin və Türk dünyasının gələcəyinə verilən böyük önəmin ifadəsidir. Bu yubiley yalnız yüz il əvvəl baş vermiş mühüm elmi hadisənin xatırlanması deyil, həm də ortaq keçmişdən güc alan, ortaq dəyərlər ətrafında birləşən və gələcəyə inamla addımlayan Türk dünyasının həmrəyliyinin təntənəsidir.
Bu gün Türk dövlətlərinin əməkdaşlığı artıq yalnız ortaq tarix və mədəni irslə məhdudlaşmır. Orta Dəhliz boyunca formalaşan yeni nəqliyyat marşrutları, enerji layihələri, rəqəmsal transformasiya, yaşıl enerji təşəbbüsləri və qarşılıqlı investisiya imkanları Türk dövlətlərinin qlobal iqtisadi və siyasi çəkisini əhəmiyyətli dərəcədə artırır. Bir əsr əvvəl Bakıda keçirilən Türkoloji Qurultayın ortaq düşüncə və birlik ideyaları bu gün strateji əməkdaşlığın möhkəm ideoloji təməli kimi öz təsdiqini tapır.
Azərbaycan Prezidenti İlham Əliyevin həyata keçirdiyi məqsədyönlü siyasət nəticəsində ölkəmiz Türk dünyasında inteqrasiya proseslərinin əsas təşəbbüskarlarından birinə çevrilmişdir. Dövlət başçısının dəfələrlə vurğuladığı kimi, “Türk dünyası bizim ailəmizdir”. Bu siyasi baxış bu gün konkret layihələrdə, birgə təşəbbüslərdə və çoxtərəfli əməkdaşlıq platformalarında öz real ifadəsini tapır. Azərbaycanın təşəbbüsü ilə həyata keçirilən nəqliyyat, enerji, humanitar və mədəni layihələr Türk dövlətləri arasında qarşılıqlı etimadın və strateji tərəfdaşlığın daha da möhkəmlənməsinə xidmət edir.
Birinci Türkoloji Qurultayın 100 illik yubileyinə həsr olunan tədbirlər də bu baxımdan xüsusi əhəmiyyət daşıyır. “Türk Dünyası Həftəsi” çərçivəsində təşkil olunan elmi konfranslar, mədəni tədbirlər, sərgilər və görüşlər türk xalqlarını ortaq tarix, dil və mədəniyyət ətrafında birləşdirərək həmrəyliyin daha da möhkəmlənməsinə xidmət edir. Həftə ərzində aparılan müzakirələr zəngin tarixi-mənəvi irsin öyrənilməsi, qorunması və gələcək nəsillərə çatdırılması istiqamətində yeni əməkdaşlıq imkanları yaradır. Türk dövlətləri rəhbərlərinin tədbir iştirakçılarına ünvanladıqları müraciətlər də Türk dünyasında birlik, qarşılıqlı etimad və ortaq gələcəyə verilən önəmin ifadəsidir. Bütün bunlar göstərir ki, yüz il əvvəl Birinci Türkoloji Qurultayda irəli sürülən ideyalar bu gün də aktuallığını qoruyur, Türk dünyasının inteqrasiyasına, ortaq dəyərlərin yaşadılmasına və gələcək əməkdaşlığın genişləndirilməsinə mühüm töhfə verir.
Bir əsr əvvəl Bakıda yandırılan elm, maarifçilik və birlik məşəli bu gün daha gur işıq saçaraq Türk dünyasının gələcəyini işıqlandırır. Birinci Türkoloji Qurultayın 100 illiyi ortaq tarixə ehtiramın, ortaq kimliyə sədaqətin və gələcək nəsillər naminə qurulan möhkəm həmrəyliyin rəmzi kimi yadda qalacaq.
Məlumatlanmaq üçün Facebook səhifəmizi
Xəbəri paylaş
Digər xəbərlər
30-06-2026
