İrəvandan Zəngəzurla bağlı yeni gediş: Qazaxıstan və Qırğızıstan TRIPP-ə daxil ola bilər
Tarix: 31-08-2026 | Saat: 17:12
Bölmə:Özəl | çapa göndər
Ermənistanın Zəngəzur istiqamətində nəzərdə tutulan TRIPP layihəsinə Qazaxıstan və Qırğızıstanı cəlb etmək istədiyi bildirilir. Məlumata görə, İrəvan iki ölkəyə Ermənistanın layihədəki payından ümumilikdə 5 faizə qədər səhm ayrılması imkanını nəzərdən keçirir.
Məsələnin Ermənistanın Baş naziri Nikol Paşinyanla Qazaxıstan Prezidenti Kasım-Jomart Tokayev arasında telefon danışığında müzakirə edildiyi iddia olunur. Bundan başqa, Ermənistan dəmir yollarının idarəçiliyində Qazaxıstanın mümkün iştirakı da gündəmə gətirilib. Tokayevin oktyabrda Ermənistana səfər etməsi gözlənilir. Qırğızıstanın TRIPP-də səhmdar olmağa razılıq verdiyinə dair isə hələlik rəsmi məlumat yoxdur.
Belə bir model reallaşarsa, Zəngəzur istiqamətində yaradılacaq nəqliyyat xəttində Azərbaycan və Türkiyə ilə yanaşı, Qazaxıstan və Qırğızıstanın da maraqları birbaşa kəsişəcək. Bu isə marşrutun Türk dünyasını birləşdirən nəqliyyat şəbəkəsində əhəmiyyətini daha da artıra bilər. Eyni zamanda layihə Mərkəzi Asiyadan Azərbaycan və Türkiyə üzərindən Qərbə uzanan bağlantılar üçün əlavə imkan yarada bilər.
Beynəlxalq məsələlər üzrə ekspert Sahib Məmmədov isə hazırkı mərhələdə bu təklifə ehtiyatla yanaşır. Onun fikrincə, TRIPP üzrə hələ konkret layihələndirmə, maliyyələşdirmə və tikinti mexanizmləri tam formalaşmadığı üçün səhmlərin bölüşdürülməsi barədə müzakirələr real qərardan daha çox siyasi manevr təsiri bağışlayır.
Ekspert Ermənistan dəmir yollarının idarəçiliyinin Rusiya strukturlarından alınaraq Qazaxıstana verilməsi ehtimalının da Moskva ilə münasibətlər baxımından həssas məsələ olduğunu düşünür. Onun qənaətinə görə, Astananın Rusiya ilə qarşıdurma yarada biləcək addıma razılıq verəcəyi indiki mərhələdə inandırıcı görünmür.
Bununla belə, TRIPP həqiqətən həyata keçirilər və Qazaxıstanla Qırğızıstan layihəyə daxil olarsa, Zəngəzur marşrutunun geosiyasi çəkisi əhəmiyyətli dərəcədə arta bilər. Türk dövlətlərinin layihədə birbaşa iqtisadi maraq əldə etməsi marşrutu sadəcə Azərbaycan-Naxçıvan bağlantısından çıxararaq Mərkəzi Asiya, Cənubi Qafqaz və Türkiyəni birləşdirən daha böyük nəqliyyat xəttinin mühüm hissəsinə çevirə bilər.
İndi əsas məsələ İrəvanın səsləndirdiyi təşəbbüslərin real layihələrə çevrilib-çevrilməyəcəyidir. Çünki Qazaxıstan və Qırğızıstanın iştirakı ilə bağlı yekun razılaşmalar olmadan Moskva və Tehranın buna hansı formada reaksiya verəcəyini, yaxud layihəyə qarşı koordinasiyalı addım atacağını qəti şəkildə söyləmək mümkün deyil.
Məlumatlanmaq üçün Facebook səhifəmizi
Digər xəbərlər
Tarix: 31-08-2026 | Saat: 17:12
Bölmə:Özəl | çapa göndər
Ermənistanın Zəngəzur istiqamətində nəzərdə tutulan TRIPP layihəsinə Qazaxıstan və Qırğızıstanı cəlb etmək istədiyi bildirilir. Məlumata görə, İrəvan iki ölkəyə Ermənistanın layihədəki payından ümumilikdə 5 faizə qədər səhm ayrılması imkanını nəzərdən keçirir.
Məsələnin Ermənistanın Baş naziri Nikol Paşinyanla Qazaxıstan Prezidenti Kasım-Jomart Tokayev arasında telefon danışığında müzakirə edildiyi iddia olunur. Bundan başqa, Ermənistan dəmir yollarının idarəçiliyində Qazaxıstanın mümkün iştirakı da gündəmə gətirilib. Tokayevin oktyabrda Ermənistana səfər etməsi gözlənilir. Qırğızıstanın TRIPP-də səhmdar olmağa razılıq verdiyinə dair isə hələlik rəsmi məlumat yoxdur.
Belə bir model reallaşarsa, Zəngəzur istiqamətində yaradılacaq nəqliyyat xəttində Azərbaycan və Türkiyə ilə yanaşı, Qazaxıstan və Qırğızıstanın da maraqları birbaşa kəsişəcək. Bu isə marşrutun Türk dünyasını birləşdirən nəqliyyat şəbəkəsində əhəmiyyətini daha da artıra bilər. Eyni zamanda layihə Mərkəzi Asiyadan Azərbaycan və Türkiyə üzərindən Qərbə uzanan bağlantılar üçün əlavə imkan yarada bilər.
Beynəlxalq məsələlər üzrə ekspert Sahib Məmmədov isə hazırkı mərhələdə bu təklifə ehtiyatla yanaşır. Onun fikrincə, TRIPP üzrə hələ konkret layihələndirmə, maliyyələşdirmə və tikinti mexanizmləri tam formalaşmadığı üçün səhmlərin bölüşdürülməsi barədə müzakirələr real qərardan daha çox siyasi manevr təsiri bağışlayır.
Ekspert Ermənistan dəmir yollarının idarəçiliyinin Rusiya strukturlarından alınaraq Qazaxıstana verilməsi ehtimalının da Moskva ilə münasibətlər baxımından həssas məsələ olduğunu düşünür. Onun qənaətinə görə, Astananın Rusiya ilə qarşıdurma yarada biləcək addıma razılıq verəcəyi indiki mərhələdə inandırıcı görünmür.
Bununla belə, TRIPP həqiqətən həyata keçirilər və Qazaxıstanla Qırğızıstan layihəyə daxil olarsa, Zəngəzur marşrutunun geosiyasi çəkisi əhəmiyyətli dərəcədə arta bilər. Türk dövlətlərinin layihədə birbaşa iqtisadi maraq əldə etməsi marşrutu sadəcə Azərbaycan-Naxçıvan bağlantısından çıxararaq Mərkəzi Asiya, Cənubi Qafqaz və Türkiyəni birləşdirən daha böyük nəqliyyat xəttinin mühüm hissəsinə çevirə bilər.
İndi əsas məsələ İrəvanın səsləndirdiyi təşəbbüslərin real layihələrə çevrilib-çevrilməyəcəyidir. Çünki Qazaxıstan və Qırğızıstanın iştirakı ilə bağlı yekun razılaşmalar olmadan Moskva və Tehranın buna hansı formada reaksiya verəcəyini, yaxud layihəyə qarşı koordinasiyalı addım atacağını qəti şəkildə söyləmək mümkün deyil.
Məlumatlanmaq üçün Facebook səhifəmizi
Xəbəri paylaş
Digər xəbərlər
31-08-2026
