İrəvandan sərhəddə diqqətçəkən addım: Ankara ilə qapılar açılmağa hazırlanır?
Tarix: 31-08-2026 | Saat: 17:44
Bölmə:Özəl | çapa göndər
Ermənistanın xarici işlər naziri Ararat Mirzoyanın Türkiyə ilə sərhəddə yerləşən “Marqara” keçid məntəqəsinə səfəri Ankara-İrəvan münasibətlərinin normallaşması prosesini yenidən gündəmə gətirib. Ermənistan tərəfi keçid məntəqəsinin təmir və təchizat işlərindən sonra istifadəyə tam hazır olduğunu açıqlayıb.
Mirzoyanın səfərində Ermənistanın xaricdəki diplomatik nümayəndəliklərinin rəhbərlərinin də iştirak etməsi xüsusilə diqqət çəkir. Buna baxmayaraq, səfərin sərhədin yaxın zamanda açılacağı anlamına gəldiyinə dair rəsmi qərar açıqlanmayıb.
Türkiyə-Ermənistan quru sərhədi 1993-cü ildən bağlıdır. 2022-ci ildə başlayan normallaşma danışıqlarında üçüncü ölkə vətəndaşları və diplomatik pasport sahibləri üçün sərhəd keçidinin təmin edilməsi barədə razılıq əldə olunsa da, həmin qərar indiyədək praktik olaraq həyata keçirilməyib.
Milli Məclisin deputatı Hikmət Babaoğlu Mirzoyanın “Marqara”ya gəlişinin sərhədlərin açılması kimi qiymətləndirilməsinin tez olduğunu bildirib. Onun fikrincə, Türkiyənin mövqeyində əsas məqamlardan biri Ermənistan-Türkiyə normallaşmasının Azərbaycan-Ermənistan prosesindən ayrı aparılmamasıdır.
Babaoğlu hesab edir ki, Bakı və Ankara Ermənistan məsələsində koordinasiyalı siyasəti davam etdirəcək. Bu yanaşmaya əsasən, Ermənistan-Türkiyə və Ermənistan-Azərbaycan sərhədlərinin açılması proseslərinin paralel şəkildə irəliləməsi daha real ssenari hesab olunur.
Beləliklə, “Marqara” keçid məntəqəsinin tam hazır vəziyyətə gətirilməsi sərhədin texniki baxımdan açılmasına maneələrin azaldığını göstərsə də, siyasi qərar hələ verilməyib. İndi əsas diqqət Ankara-İrəvan danışıqları ilə yanaşı, Azərbaycan-Ermənistan sülh prosesinin və regional kommunikasiyaların açılması istiqamətində atılacaq növbəti addımlara yönəlib.
Məlumatlanmaq üçün Facebook səhifəmizi
Digər xəbərlər
Tarix: 31-08-2026 | Saat: 17:44
Bölmə:Özəl | çapa göndər
Ermənistanın xarici işlər naziri Ararat Mirzoyanın Türkiyə ilə sərhəddə yerləşən “Marqara” keçid məntəqəsinə səfəri Ankara-İrəvan münasibətlərinin normallaşması prosesini yenidən gündəmə gətirib. Ermənistan tərəfi keçid məntəqəsinin təmir və təchizat işlərindən sonra istifadəyə tam hazır olduğunu açıqlayıb.
Mirzoyanın səfərində Ermənistanın xaricdəki diplomatik nümayəndəliklərinin rəhbərlərinin də iştirak etməsi xüsusilə diqqət çəkir. Buna baxmayaraq, səfərin sərhədin yaxın zamanda açılacağı anlamına gəldiyinə dair rəsmi qərar açıqlanmayıb.
Türkiyə-Ermənistan quru sərhədi 1993-cü ildən bağlıdır. 2022-ci ildə başlayan normallaşma danışıqlarında üçüncü ölkə vətəndaşları və diplomatik pasport sahibləri üçün sərhəd keçidinin təmin edilməsi barədə razılıq əldə olunsa da, həmin qərar indiyədək praktik olaraq həyata keçirilməyib.
Milli Məclisin deputatı Hikmət Babaoğlu Mirzoyanın “Marqara”ya gəlişinin sərhədlərin açılması kimi qiymətləndirilməsinin tez olduğunu bildirib. Onun fikrincə, Türkiyənin mövqeyində əsas məqamlardan biri Ermənistan-Türkiyə normallaşmasının Azərbaycan-Ermənistan prosesindən ayrı aparılmamasıdır.
Babaoğlu hesab edir ki, Bakı və Ankara Ermənistan məsələsində koordinasiyalı siyasəti davam etdirəcək. Bu yanaşmaya əsasən, Ermənistan-Türkiyə və Ermənistan-Azərbaycan sərhədlərinin açılması proseslərinin paralel şəkildə irəliləməsi daha real ssenari hesab olunur.
Beləliklə, “Marqara” keçid məntəqəsinin tam hazır vəziyyətə gətirilməsi sərhədin texniki baxımdan açılmasına maneələrin azaldığını göstərsə də, siyasi qərar hələ verilməyib. İndi əsas diqqət Ankara-İrəvan danışıqları ilə yanaşı, Azərbaycan-Ermənistan sülh prosesinin və regional kommunikasiyaların açılması istiqamətində atılacaq növbəti addımlara yönəlib.
Məlumatlanmaq üçün Facebook səhifəmizi
Xəbəri paylaş
Digər xəbərlər
31-08-2026
