Azər Kərimli: “Türk dünyasının strateji potensialı TDT-nin aparıcı beynəlxalq təşkilatlardan biri olmasına real imkanlar yaradır”
Tarix: 18-09-2026 | Saat: 12:59
Bölmə:Manşet / Siyasət | çapa göndər
“Müasir beynəlxalq münasibətlər sistemində dövlətlərin çəkisini müəyyən edən amillər sırasında iqtisadi imkanlarla yanaşı, coğrafi mövqe, təbii resurslar və enerji təhlükəsizliyi xüsusi əhəmiyyət daşıyır. Türk Dövlətləri Təşkilatına üzv ölkələrin malik olduğu bu imkanların miqyası isə təşkilatın beynəlxalq mövqeyinin daha da möhkəmləndirilməsi üçün ciddi potensial yaradır. Prezident İlham Əliyevin sentyabrın 17-də TDT-yə üzv ölkələrin təhlükəsizlik üzrə rəhbər şəxslərini qəbul edərkən səsləndirdiyi fikirlər də məhz bu reallığa diqqət çəkir. Dövlət başçısının vurğuladığı kimi, TDT-yə üzv ölkələrin rəhbərlərinin ümumi mövqeyi beynəlxalq arenada təşkilatın rolunu və yerini gücləndirməkdən ibarətdir. Bu məqsəd üçün imkanların mövcudluğu mühüm üstünlükdür. Söhbət yalnız siyasi iradədən deyil, geniş coğrafi məkanın yaratdığı strateji imkanlardan, zəngin təbii ehtiyatlardan və artmaqda olan iqtisadi potensialdan gedir.”
Bu fikirlər Milli Məclisin deputatı Azər Kərimlinin aia.az-a açıqlamasında yer alıb.
Millət vəkili bildirib ki, TDT-yə üzv ölkələrin coğrafi mövqeləri onların nəqliyyat və logistika əlaqələrinin inkişafı baxımından əhəmiyyətini daha da artırır: “Türk dövlətləri Avrasiya məkanının müxtəlif istiqamətlərini birləşdirən geniş coğrafiyada yerləşir. Şərqlə Qərb, Şimalla Cənub arasında əlaqələrin genişləndiyi bir dövrdə TDT məkanının coğrafi üstünlükləri üzv dövlətlər arasında əməkdaşlığın yeni istiqamətlərinin formalaşmasına şərait yaradır. Təbii ehtiyatlar da təşkilata üzv ölkələrin ümumi potensialının mühüm hissəsidir. Prezident İlham Əliyevin qeyd etdiyi kimi, bu ehtiyatlar dövlətlərin möhkəmlənməsinə və xalqların rifahının yüksəlməsinə xidmət etməklə yanaşı, bütövlükdə dünya üçün də mühüm rol oynayır. Enerji resurslarının istehsalı, nəqli və dünya bazarlarına çıxarılması sahəsində əməkdaşlığın genişləndirilməsi bu baxımdan qarşılıqlı maraqların uzlaşdırılması üçün mühüm imkanlar açır. Azərbaycanın təcrübəsi belə əməkdaşlığın praktiki nəticələr verə biləcəyini göstərir. Ölkəmizin həyata keçirdiyi enerji və nəqliyyat layihələri Azərbaycanın regional bağlantılarda mühüm rolunu möhkəmləndirib. Bu təcrübənin TDT məkanında digər tərəfdaşlarla əlaqələndirilməsi həm iqtisadi münasibətlərin inkişafına, həm də ümumi strateji imkanların daha səmərəli istifadəsinə xidmət edə bilər. Enerji təhlükəsizliyi məsələsi isə bugünkü mürəkkəb geosiyasi şəraitdə daha geniş məna kəsb edir. Prezident İlham Əliyevin bildirdiyi kimi, TDT ölkələrinin sərhədlərinin perimetri boyunca mövcud vəziyyət enerji təhlükəsizliyi məsələlərini xüsusi aktuallaşdırır. Enerji mənbələrinin və marşrutlarının şaxələndirilməsi, etibarlı nəqliyyat dəhlizlərinin yaradılması və qarşılıqlı əməkdaşlığın gücləndirilməsi bu sahədə dayanıqlığın mühüm şərtlərindəndir. Bütün bunlar göstərir ki, TDT-nin gücü yalnız üzv dövlətlərin ayrı-ayrılıqda malik olduğu imkanların cəmindən ibarət deyil. Əsas məsələ həmin imkanların ümumi məqsədlər naminə uzlaşdırılmasıdır. Geniş coğrafiya, zəngin resurslar və inkişaf edən iqtisadi potensial qarşılıqlı fəaliyyətlə tamamlandıqda təşkilatın beynəlxalq çəkisi də artır. Prezident İlham Əliyevin səsləndirdiyi fikirlər TDT-nin qarşısında duran perspektivi məhz bu prizmadan təqdim edir: mövcud potensialı düzgün istiqamətləndirmək, əməkdaşlıq imkanlarını genişləndirmək və üzv dövlətlərin ümumi gücünü beynəlxalq təhlükəsizlik və iqtisadi inkişaf üçün daha səmərəli resursa çevirmək. Bu istiqamətdə atılan hər bir addım türk dövlətlərinin qarşılıqlı bağlılığını möhkəmləndirməklə yanaşı, TDT-nin beynəlxalq sistemdəki rolunun daha da güclənməsinə xidmət edir” – deyə, Azər Kərimli açıqlamasını başa çatdırıb.
Məlumatlanmaq üçün Facebook səhifəmizi
Digər xəbərlər
Tarix: 18-09-2026 | Saat: 12:59
Bölmə:Manşet / Siyasət | çapa göndər
“Müasir beynəlxalq münasibətlər sistemində dövlətlərin çəkisini müəyyən edən amillər sırasında iqtisadi imkanlarla yanaşı, coğrafi mövqe, təbii resurslar və enerji təhlükəsizliyi xüsusi əhəmiyyət daşıyır. Türk Dövlətləri Təşkilatına üzv ölkələrin malik olduğu bu imkanların miqyası isə təşkilatın beynəlxalq mövqeyinin daha da möhkəmləndirilməsi üçün ciddi potensial yaradır. Prezident İlham Əliyevin sentyabrın 17-də TDT-yə üzv ölkələrin təhlükəsizlik üzrə rəhbər şəxslərini qəbul edərkən səsləndirdiyi fikirlər də məhz bu reallığa diqqət çəkir. Dövlət başçısının vurğuladığı kimi, TDT-yə üzv ölkələrin rəhbərlərinin ümumi mövqeyi beynəlxalq arenada təşkilatın rolunu və yerini gücləndirməkdən ibarətdir. Bu məqsəd üçün imkanların mövcudluğu mühüm üstünlükdür. Söhbət yalnız siyasi iradədən deyil, geniş coğrafi məkanın yaratdığı strateji imkanlardan, zəngin təbii ehtiyatlardan və artmaqda olan iqtisadi potensialdan gedir.”
Bu fikirlər Milli Məclisin deputatı Azər Kərimlinin aia.az-a açıqlamasında yer alıb.
Millət vəkili bildirib ki, TDT-yə üzv ölkələrin coğrafi mövqeləri onların nəqliyyat və logistika əlaqələrinin inkişafı baxımından əhəmiyyətini daha da artırır: “Türk dövlətləri Avrasiya məkanının müxtəlif istiqamətlərini birləşdirən geniş coğrafiyada yerləşir. Şərqlə Qərb, Şimalla Cənub arasında əlaqələrin genişləndiyi bir dövrdə TDT məkanının coğrafi üstünlükləri üzv dövlətlər arasında əməkdaşlığın yeni istiqamətlərinin formalaşmasına şərait yaradır. Təbii ehtiyatlar da təşkilata üzv ölkələrin ümumi potensialının mühüm hissəsidir. Prezident İlham Əliyevin qeyd etdiyi kimi, bu ehtiyatlar dövlətlərin möhkəmlənməsinə və xalqların rifahının yüksəlməsinə xidmət etməklə yanaşı, bütövlükdə dünya üçün də mühüm rol oynayır. Enerji resurslarının istehsalı, nəqli və dünya bazarlarına çıxarılması sahəsində əməkdaşlığın genişləndirilməsi bu baxımdan qarşılıqlı maraqların uzlaşdırılması üçün mühüm imkanlar açır. Azərbaycanın təcrübəsi belə əməkdaşlığın praktiki nəticələr verə biləcəyini göstərir. Ölkəmizin həyata keçirdiyi enerji və nəqliyyat layihələri Azərbaycanın regional bağlantılarda mühüm rolunu möhkəmləndirib. Bu təcrübənin TDT məkanında digər tərəfdaşlarla əlaqələndirilməsi həm iqtisadi münasibətlərin inkişafına, həm də ümumi strateji imkanların daha səmərəli istifadəsinə xidmət edə bilər. Enerji təhlükəsizliyi məsələsi isə bugünkü mürəkkəb geosiyasi şəraitdə daha geniş məna kəsb edir. Prezident İlham Əliyevin bildirdiyi kimi, TDT ölkələrinin sərhədlərinin perimetri boyunca mövcud vəziyyət enerji təhlükəsizliyi məsələlərini xüsusi aktuallaşdırır. Enerji mənbələrinin və marşrutlarının şaxələndirilməsi, etibarlı nəqliyyat dəhlizlərinin yaradılması və qarşılıqlı əməkdaşlığın gücləndirilməsi bu sahədə dayanıqlığın mühüm şərtlərindəndir. Bütün bunlar göstərir ki, TDT-nin gücü yalnız üzv dövlətlərin ayrı-ayrılıqda malik olduğu imkanların cəmindən ibarət deyil. Əsas məsələ həmin imkanların ümumi məqsədlər naminə uzlaşdırılmasıdır. Geniş coğrafiya, zəngin resurslar və inkişaf edən iqtisadi potensial qarşılıqlı fəaliyyətlə tamamlandıqda təşkilatın beynəlxalq çəkisi də artır. Prezident İlham Əliyevin səsləndirdiyi fikirlər TDT-nin qarşısında duran perspektivi məhz bu prizmadan təqdim edir: mövcud potensialı düzgün istiqamətləndirmək, əməkdaşlıq imkanlarını genişləndirmək və üzv dövlətlərin ümumi gücünü beynəlxalq təhlükəsizlik və iqtisadi inkişaf üçün daha səmərəli resursa çevirmək. Bu istiqamətdə atılan hər bir addım türk dövlətlərinin qarşılıqlı bağlılığını möhkəmləndirməklə yanaşı, TDT-nin beynəlxalq sistemdəki rolunun daha da güclənməsinə xidmət edir” – deyə, Azər Kərimli açıqlamasını başa çatdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
18-09-2026
