3 oktyabr – xalqın və dövlətin müqəddəratını həll edən tarix
Tarix: 30-09-2026 | Saat: 14:20
Bölmə:Siyasət | çapa göndər
3 oktyabr 1993-cü il Azərbaycan tarixində xalqın öz taleyinə sahib çıxaraq ölkənin gələcək inkişaf istiqamətini müəyyənləşdirdiyi mühüm siyasi günlərdən biri kimi yadda qalıb. Həmin gün keçirilən prezident seçkilərində Ulu Öndər Heydər Əliyevin Azərbaycan Respublikasının Prezidenti seçilməsi təkcə dövlət başçısının müəyyənləşdirilməsi deyildi. Bu seçim, əslində, ölkənin qarşısında dayanan mürəkkəb problemlərin həlli, dövlətçiliyin qorunması və Azərbaycanın sabit inkişaf yoluna çıxarılması baxımından tarixi dönüş nöqtəsi oldu.
1993-cü ilin Azərbaycanı ciddi siyasi, iqtisadi və hərbi sınaqlarla üz-üzə idi. Dövlət idarəçiliyində yaranmış böhran, ictimai-siyasi sabitsizlik, separatizm təhlükəsi, iqtisadi çətinliklər və müharibənin ağır nəticələri cəmiyyətin gələcəyə inamını zəiflətmişdi. Belə bir şəraitdə xalqın böyük əksəriyyəti ölkəni bu ağır vəziyyətdən çıxara biləcək siyasi liderə ehtiyac duyurdu. Azərbaycanın müxtəlif bölgələrindən gələn çağırışlar, insanların tələbləri və siyasi proseslərin inkişafı Heydər Əliyevin yenidən böyük siyasətə qayıdışını zəruri edən amillərə çevrildi.
Ulu Öndərin siyasi hakimiyyətə qayıdışı ilə Azərbaycanın tarixində yeni mərhələ başlandı. Heydər Əliyev ilk növbədə dövlətçiliyin əsaslarını möhkəmləndirməyə, qanunun aliliyini təmin etməyə, ölkədə ictimai-siyasi sabitliyi bərqərar etməyə və cəmiyyətdə dövlətə inamı yenidən formalaşdırmağa başladı. Onun siyasi iradəsi və uzaqgörənliyi nəticəsində Azərbaycan parçalanmaq təhlükəsindən xilas oldu, dövlət institutlarının fəaliyyəti gücləndirildi və ölkənin gələcək inkişafı üçün möhkəm təməl yaradıldı.
3 oktyabr seçkilərinin mühüm xüsusiyyəti də məhz bunda idi ki, xalq öz seçimi ilə yalnız bir şəxsi prezidentlik postuna gətirmədi, Azərbaycanın gələcəyi ilə bağlı strateji seçim etdi. Bu seçim dövlətçilik ənənələrinin qorunmasına, milli maraqların üstün tutulmasına və Azərbaycanın müstəqil dövlət kimi mövqeyinin möhkəmləndirilməsinə yönəlmiş siyasi kursun dəstəklənməsi demək idi.
Heydər Əliyevin prezidentliyi dövründə həyata keçirilən ardıcıl tədbirlər Azərbaycanın iqtisadi və siyasi müstəqilliyini gücləndirdi. Ölkənin dünya dövlətləri ilə münasibətləri yeni məzmun qazandı, beynəlxalq aləmdə Azərbaycanın mövqeyi möhkəmləndi. “Əsrin müqaviləsi” kimi böyük layihələr Azərbaycanın iqtisadi gələcəyinə yeni perspektivlər açdı və ölkənin enerji strategiyasının əsasını formalaşdırdı. Bununla yanaşı, ordu quruculuğu, hüquqi dövlətin əsaslarının möhkəmləndirilməsi və milli maraqlara söykənən xarici siyasət istiqamətində mühüm addımlar atıldı.
Ulu Öndərin siyasi irsinin ən böyük xüsusiyyətlərindən biri onun yalnız həmin dövrün problemlərinə cavab verməsi deyil, Azərbaycanın gələcək inkişafını da nəzərdə tutması idi. Heydər Əliyev müstəqil dövlətin möhkəm təməllər üzərində qurulmasının vacibliyini yaxşı anlayırdı. Buna görə də onun müəyyən etdiyi siyasi strategiya sonrakı illərdə Azərbaycanın inkişafının başlıca istiqamətlərindən birinə çevrildi.
Bu gün həmin siyasi kursun uğurlu nəticələrini Azərbaycanın bütün sahələrdə qazandığı nailiyyətlərdə görmək mümkündür. Prezident İlham Əliyev Ulu Öndərin müəyyən etdiyi strateji xətti müasir dövrün tələblərinə uyğun şəkildə davam etdirərək daha da inkişaf etdirib. Güclü iqtisadiyyatın qurulması, genişmiqyaslı sosial layihələrin həyata keçirilməsi, Azərbaycanın beynəlxalq nüfuzunun yüksəlməsi və milli müdafiə imkanlarının gücləndirilməsi bu siyasətin ardıcıl xarakter daşıdığını göstərir. Prezident İlham Əliyevin rəhbərliyi ilə Azərbaycan həm regional, həm də qlobal miqyasda öz sözünü deyən dövlətə çevrilib. Ən əsası isə 2020-ci ildə ərazi bütövlüyümüzün bərpa edilməsi və sonrakı mərhələdə suverenliyimizin tam təmin olunması Ulu Öndərin siyasi ideyalarının nə qədər uzaqgörən və tarixi əhəmiyyətli olduğunu bir daha nümayiş etdirdi.
Bu baxımdan 3 oktyabr 1993-cü il yalnız keçmişin mühüm siyasi hadisəsi deyil, Azərbaycanın bugünkü reallıqlarının başlanğıc nöqtələrindən biridir. Həmin gün xalqın seçimi dövlətçilik naminə verilmiş mühüm qərar idi. Bu qərarın nəticəsində Azərbaycan öz inkişaf yolunu müəyyənləşdirdi və zaman keçdikcə həmin yol daha da möhkəmləndi.
Bu gün 3 oktyabr tarixini xatırlayarkən ilk növbədə bir həqiqət xüsusi qeyd olunmalıdır: dövlətlərin tarixində elə məqamlar var ki, həmin anlarda verilən qərarlar sonrakı onilliklərin taleyinə təsir edir. 1993-cü ilin 3 oktyabrı da Azərbaycan üçün məhz belə tarixi məqamlardan biri idi. Xalqın seçimi ilə Ulu Öndər Heydər Əliyevin Prezident seçilməsi Azərbaycanın dövlətçilik tarixində yeni səhifə açdı və bu səhifə bu gün Prezident İlham Əliyevin rəhbərliyi ilə yeni uğurlarla davam etdirilir.
Emil Tağıyev,
YAP Xaçmaz rayon təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 30-09-2026 | Saat: 14:20
Bölmə:Siyasət | çapa göndər
3 oktyabr 1993-cü il Azərbaycan tarixində xalqın öz taleyinə sahib çıxaraq ölkənin gələcək inkişaf istiqamətini müəyyənləşdirdiyi mühüm siyasi günlərdən biri kimi yadda qalıb. Həmin gün keçirilən prezident seçkilərində Ulu Öndər Heydər Əliyevin Azərbaycan Respublikasının Prezidenti seçilməsi təkcə dövlət başçısının müəyyənləşdirilməsi deyildi. Bu seçim, əslində, ölkənin qarşısında dayanan mürəkkəb problemlərin həlli, dövlətçiliyin qorunması və Azərbaycanın sabit inkişaf yoluna çıxarılması baxımından tarixi dönüş nöqtəsi oldu.
1993-cü ilin Azərbaycanı ciddi siyasi, iqtisadi və hərbi sınaqlarla üz-üzə idi. Dövlət idarəçiliyində yaranmış böhran, ictimai-siyasi sabitsizlik, separatizm təhlükəsi, iqtisadi çətinliklər və müharibənin ağır nəticələri cəmiyyətin gələcəyə inamını zəiflətmişdi. Belə bir şəraitdə xalqın böyük əksəriyyəti ölkəni bu ağır vəziyyətdən çıxara biləcək siyasi liderə ehtiyac duyurdu. Azərbaycanın müxtəlif bölgələrindən gələn çağırışlar, insanların tələbləri və siyasi proseslərin inkişafı Heydər Əliyevin yenidən böyük siyasətə qayıdışını zəruri edən amillərə çevrildi.
Ulu Öndərin siyasi hakimiyyətə qayıdışı ilə Azərbaycanın tarixində yeni mərhələ başlandı. Heydər Əliyev ilk növbədə dövlətçiliyin əsaslarını möhkəmləndirməyə, qanunun aliliyini təmin etməyə, ölkədə ictimai-siyasi sabitliyi bərqərar etməyə və cəmiyyətdə dövlətə inamı yenidən formalaşdırmağa başladı. Onun siyasi iradəsi və uzaqgörənliyi nəticəsində Azərbaycan parçalanmaq təhlükəsindən xilas oldu, dövlət institutlarının fəaliyyəti gücləndirildi və ölkənin gələcək inkişafı üçün möhkəm təməl yaradıldı.
3 oktyabr seçkilərinin mühüm xüsusiyyəti də məhz bunda idi ki, xalq öz seçimi ilə yalnız bir şəxsi prezidentlik postuna gətirmədi, Azərbaycanın gələcəyi ilə bağlı strateji seçim etdi. Bu seçim dövlətçilik ənənələrinin qorunmasına, milli maraqların üstün tutulmasına və Azərbaycanın müstəqil dövlət kimi mövqeyinin möhkəmləndirilməsinə yönəlmiş siyasi kursun dəstəklənməsi demək idi.
Heydər Əliyevin prezidentliyi dövründə həyata keçirilən ardıcıl tədbirlər Azərbaycanın iqtisadi və siyasi müstəqilliyini gücləndirdi. Ölkənin dünya dövlətləri ilə münasibətləri yeni məzmun qazandı, beynəlxalq aləmdə Azərbaycanın mövqeyi möhkəmləndi. “Əsrin müqaviləsi” kimi böyük layihələr Azərbaycanın iqtisadi gələcəyinə yeni perspektivlər açdı və ölkənin enerji strategiyasının əsasını formalaşdırdı. Bununla yanaşı, ordu quruculuğu, hüquqi dövlətin əsaslarının möhkəmləndirilməsi və milli maraqlara söykənən xarici siyasət istiqamətində mühüm addımlar atıldı.
Ulu Öndərin siyasi irsinin ən böyük xüsusiyyətlərindən biri onun yalnız həmin dövrün problemlərinə cavab verməsi deyil, Azərbaycanın gələcək inkişafını da nəzərdə tutması idi. Heydər Əliyev müstəqil dövlətin möhkəm təməllər üzərində qurulmasının vacibliyini yaxşı anlayırdı. Buna görə də onun müəyyən etdiyi siyasi strategiya sonrakı illərdə Azərbaycanın inkişafının başlıca istiqamətlərindən birinə çevrildi.
Bu gün həmin siyasi kursun uğurlu nəticələrini Azərbaycanın bütün sahələrdə qazandığı nailiyyətlərdə görmək mümkündür. Prezident İlham Əliyev Ulu Öndərin müəyyən etdiyi strateji xətti müasir dövrün tələblərinə uyğun şəkildə davam etdirərək daha da inkişaf etdirib. Güclü iqtisadiyyatın qurulması, genişmiqyaslı sosial layihələrin həyata keçirilməsi, Azərbaycanın beynəlxalq nüfuzunun yüksəlməsi və milli müdafiə imkanlarının gücləndirilməsi bu siyasətin ardıcıl xarakter daşıdığını göstərir. Prezident İlham Əliyevin rəhbərliyi ilə Azərbaycan həm regional, həm də qlobal miqyasda öz sözünü deyən dövlətə çevrilib. Ən əsası isə 2020-ci ildə ərazi bütövlüyümüzün bərpa edilməsi və sonrakı mərhələdə suverenliyimizin tam təmin olunması Ulu Öndərin siyasi ideyalarının nə qədər uzaqgörən və tarixi əhəmiyyətli olduğunu bir daha nümayiş etdirdi.
Bu baxımdan 3 oktyabr 1993-cü il yalnız keçmişin mühüm siyasi hadisəsi deyil, Azərbaycanın bugünkü reallıqlarının başlanğıc nöqtələrindən biridir. Həmin gün xalqın seçimi dövlətçilik naminə verilmiş mühüm qərar idi. Bu qərarın nəticəsində Azərbaycan öz inkişaf yolunu müəyyənləşdirdi və zaman keçdikcə həmin yol daha da möhkəmləndi.
Bu gün 3 oktyabr tarixini xatırlayarkən ilk növbədə bir həqiqət xüsusi qeyd olunmalıdır: dövlətlərin tarixində elə məqamlar var ki, həmin anlarda verilən qərarlar sonrakı onilliklərin taleyinə təsir edir. 1993-cü ilin 3 oktyabrı da Azərbaycan üçün məhz belə tarixi məqamlardan biri idi. Xalqın seçimi ilə Ulu Öndər Heydər Əliyevin Prezident seçilməsi Azərbaycanın dövlətçilik tarixində yeni səhifə açdı və bu səhifə bu gün Prezident İlham Əliyevin rəhbərliyi ilə yeni uğurlarla davam etdirilir.
Emil Tağıyev,
YAP Xaçmaz rayon təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
30-09-2026
