Sülh keçmişdə baş verənlərin unudulması demək deyil
Tarix: 03-11-2026 | Saat: 12:40
Bölmə:Siyasət | çapa göndər
8 Noyabr Azərbaycan tarixində yalnız hərbi Qələbənin əldə edildiyi gün deyil. Bu tarix həm də uzun illər ərzində pozulmuş ədalətin bərpası baxımından xüsusi əhəmiyyət daşıyır.
Biz illərlə beynəlxalq hüququn prinsiplərindən, dövlətlərin suverenliyindən, ərazi bütövlüyündən danışmışıq. Azərbaycanın haqlı mövqeyi beynəlxalq sənədlərdə öz əksini tapsa da, həmin sənədlərin icrası təmin olunmurdu.
Burada mühüm bir məqama diqqət çəkmək istəyirəm. Hüququn mövcudluğu ilə onun real həyatda təmin edilməsi eyni şey deyil. Azərbaycan uzun illər məhz bu ziddiyyətlə üz-üzə qalmışdı.
2020-ci ildə əldə etdiyimiz Qələbə bu vəziyyəti dəyişdi. Azərbaycan öz ərazi bütövlüyünün bərpası istiqamətində həlledici nəticə əldə etdi, 2023-cü ildə isə bütün ərazisində suverenliyini tam təmin etdi.
Belə ki, Azərbaycanın suveren hüquqlarını həyata keçirməsi başqa bir dövlətin hüquqlarının pozulması deyil, öz ərazisi üzərində qanuni hakimiyyətinin bərpası idi.
Amma Zəfərin əhəmiyyəti yalnız keçmişdə baş verənlərlə məhdudlaşmır. Bu gün qarşımızda başqa bir məsuliyyət dayanır: əldə etdiyimiz nəticələri hüquqi, siyasi və iqtisadi baxımdan davamlı etmək.
İşğaldan azad edilmiş ərazilərdə insanların öz evlərinə qayıtması, mülkiyyət hüquqlarının bərpası, təhlükəsiz yaşayış şəraitinin yaradılması artıq Zəfərin gündəlik həyatda ifadəsidir.
Bir məsələni də qeyd etmək istərdim. Biz Zəfərdən danışarkən sülhün əhəmiyyətini unutmamalıyıq. Əksinə, məhz qalib dövlət olaraq Azərbaycanın davamlı və hüquqi təminatlara əsaslanan sülhdə maraqlı olması xüsusi əhəmiyyət daşıyır.
Sülh keçmişdə baş verənlərin unudulması demək deyil. Sülh həmin hadisələrin təkrarlanmaması üçün etibarlı hüquqi və siyasi təminatların yaradılması deməkdir.
Bu gün Zəfərdən danışarkən, ilk növbədə, bu Qələbəni canları bahasına qazanan şəhidlərimizi dərin ehtiramla anır, qazilərimizə minnətdarlığımızı bildiririk.
Eyni zamanda, tarixi Qələbənin əldə olunmasında Prezident, Müzəffər Ali Baş Komandan İlham Əliyevin siyasi iradəsini, qətiyyətli rəhbərliyini və qəbul etdiyi strateji qərarların əhəmiyyətini qeyd etməliyik. Məhz onun rəhbərliyi altında Azərbaycan Ordusu qarşısına qoyulan vəzifələri yerinə yetirdi və ölkəmizin ərazi bütövlüyünün bərpasına nail olundu.
Bu gün bizim əsas vəzifəmiz Zəfərin nəticələrini qorumaq, şəhidlərimizin uğrunda canlarından keçdikləri torpaqlarda təhlükəsiz və layiqli həyatı təmin etmək, ədalətli və güclü dövlət quruculuğunu davam etdirməkdir.
Çünki Zəfərə verilə biləcək ən böyük dəyər yalnız əldə etdiklərimizlə qürur duymaq deyil, bu Qələbənin nəticələrini gələcək nəsillər üçün davamlı etməkdir.
Əminə Ağazadə
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 03-11-2026 | Saat: 12:40
Bölmə:Siyasət | çapa göndər
8 Noyabr Azərbaycan tarixində yalnız hərbi Qələbənin əldə edildiyi gün deyil. Bu tarix həm də uzun illər ərzində pozulmuş ədalətin bərpası baxımından xüsusi əhəmiyyət daşıyır.
Biz illərlə beynəlxalq hüququn prinsiplərindən, dövlətlərin suverenliyindən, ərazi bütövlüyündən danışmışıq. Azərbaycanın haqlı mövqeyi beynəlxalq sənədlərdə öz əksini tapsa da, həmin sənədlərin icrası təmin olunmurdu.
Burada mühüm bir məqama diqqət çəkmək istəyirəm. Hüququn mövcudluğu ilə onun real həyatda təmin edilməsi eyni şey deyil. Azərbaycan uzun illər məhz bu ziddiyyətlə üz-üzə qalmışdı.
2020-ci ildə əldə etdiyimiz Qələbə bu vəziyyəti dəyişdi. Azərbaycan öz ərazi bütövlüyünün bərpası istiqamətində həlledici nəticə əldə etdi, 2023-cü ildə isə bütün ərazisində suverenliyini tam təmin etdi.
Belə ki, Azərbaycanın suveren hüquqlarını həyata keçirməsi başqa bir dövlətin hüquqlarının pozulması deyil, öz ərazisi üzərində qanuni hakimiyyətinin bərpası idi.
Amma Zəfərin əhəmiyyəti yalnız keçmişdə baş verənlərlə məhdudlaşmır. Bu gün qarşımızda başqa bir məsuliyyət dayanır: əldə etdiyimiz nəticələri hüquqi, siyasi və iqtisadi baxımdan davamlı etmək.
İşğaldan azad edilmiş ərazilərdə insanların öz evlərinə qayıtması, mülkiyyət hüquqlarının bərpası, təhlükəsiz yaşayış şəraitinin yaradılması artıq Zəfərin gündəlik həyatda ifadəsidir.
Bir məsələni də qeyd etmək istərdim. Biz Zəfərdən danışarkən sülhün əhəmiyyətini unutmamalıyıq. Əksinə, məhz qalib dövlət olaraq Azərbaycanın davamlı və hüquqi təminatlara əsaslanan sülhdə maraqlı olması xüsusi əhəmiyyət daşıyır.
Sülh keçmişdə baş verənlərin unudulması demək deyil. Sülh həmin hadisələrin təkrarlanmaması üçün etibarlı hüquqi və siyasi təminatların yaradılması deməkdir.
Bu gün Zəfərdən danışarkən, ilk növbədə, bu Qələbəni canları bahasına qazanan şəhidlərimizi dərin ehtiramla anır, qazilərimizə minnətdarlığımızı bildiririk.
Eyni zamanda, tarixi Qələbənin əldə olunmasında Prezident, Müzəffər Ali Baş Komandan İlham Əliyevin siyasi iradəsini, qətiyyətli rəhbərliyini və qəbul etdiyi strateji qərarların əhəmiyyətini qeyd etməliyik. Məhz onun rəhbərliyi altında Azərbaycan Ordusu qarşısına qoyulan vəzifələri yerinə yetirdi və ölkəmizin ərazi bütövlüyünün bərpasına nail olundu.
Bu gün bizim əsas vəzifəmiz Zəfərin nəticələrini qorumaq, şəhidlərimizin uğrunda canlarından keçdikləri torpaqlarda təhlükəsiz və layiqli həyatı təmin etmək, ədalətli və güclü dövlət quruculuğunu davam etdirməkdir.
Çünki Zəfərə verilə biləcək ən böyük dəyər yalnız əldə etdiklərimizlə qürur duymaq deyil, bu Qələbənin nəticələrini gələcək nəsillər üçün davamlı etməkdir.
Əminə Ağazadə
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
03-11-2026
