ABŞ-ın Ankaradakı səfiri Barak : İsrailin Suriyaya müdaxiləsi “məsələləri çətinləşdirir”

ABŞ-ın Ankaradakı səfiri Barak : İsrailin Suriyaya müdaxiləsi “məsələləri çətinləşdirir”
Tarix: 01-08-2025 | Saat: 17:20
Bölmə:Özəl | çapa göndər

Şirift ölçüsü:

ABŞ-ın Ankaradakı səfiri Barak İsrailin Suriyaya müdaxiləsinin “məsələləri çətinləşdirdiyini” və ölkənin sabitliyinə töhfə vermədiyini ifadə edərək, bu mövzuda İsraillə “ortaq anlaşma”nın olmadığını bildirib.ABŞ Dövlət Departamentində keçirilən brifinqdə mətbuatın suallarını cavablandıran ABŞ-ın Suriya üzrə xüsusi nümayəndəsi və Ankaradakı səfiri Tom Barak Suriya ilə bağlı müxtəlif mövzularda aktual məsələləri dəyərləndirib.

Barak bildirib ki, ABŞ Suriyada sabitliyə nail olmaq istəyir və buna nail olmaq üçün həm Suriya administrasiyası, həm də qonşu ölkələr, xüsusilə Türkiyə ilə sıx əməkdaşlıq edir.

"İsrailin hərəkətləri Suriyadakı prosesə kömək edirmi?" sualına ABŞ səfiri "Bu, işləri çətinləşdirirmi? Bəli, işləri çətinləşdirir" cavabını verib.

ABŞ-ın Suriya üzrə xüsusi nümayəndəsi olan Barak, "Məncə, İsrail təcavüzkar deyil, lakin (hərəkətləri) faydalı deyil. Onlar faydalı deyil, çünki bizim (Suriya ilə bağlı) ortaq bir anlayışımız yoxdur).

İsrailin onunla İran arasında başqa bir təhlükənin olmasını istəmədiyini və bunu anladıqlarını bildirən Barak, aşağıdakı qiymətləndirmələri edib:

"İsrail hazırda sərhədlərinə qarşı çox həssasdır. Suriya İsraillə müharibə istəmir. Mənim şəxsi fikrimcə, İsrail Suriyaya fokuslanmayıb; onlar Colan təpələrini İran sərhədinə qədər genişləndirəcəklərini deyirlər. Onlarla İran arasında etibarlı tərəfdaşlardan ibarət təmiz zona istəyirlər. Onlar İrana baxış xətti istəyirlər və buradan İrana heç kimin müdaxilə etməyəcəyini deyirlər".

Türkiyə çox faydalıdır
Digər tərəfdən Ankaranın Suriyada təhlükəsizlik və inzibati sabitliyin təmin edilməsi kimi bütün məsələlərdə çox köməkçi olduğunu vurğulayan Barak, "Türkiyə inanılmaz dərəcədə əməkdaşlıq edir. Suriya hökuməti də bu yardımı qəbul etməkdə inanılmaz dərəcədə əməkdaşlıq edir. Bununla belə, proses ləng gedir. Təxminən 10 milyon suriyalı geri qayıtmaq istəyir" dedi.

Barak Türkiyə ilə Suriyada SDQ adını istifadə edən PKK/YPG terror təşkilatı arasında (Dəməşq rəhbərliyinin nəzarətində olan ərazi sayəsində) bir növ “bufer zona” yaradıldığını və druzların yaşadığı bölgədə də bir növ bufer zonanın yaradıldığını açıqlayıb. O qeyd edib ki, onlar ölkə daxilindəki təhlükəsizlik balanslarından xəbərdardırlar və bütün əlaqədar ölkələrlə daim əlaqə saxlayırlar.

aia.az
Tərcümə şöbəsi

Ad və soyad:*
E-Mail:
Şərhiniz:
Kodu yazın: *