Eltun Süleymanov : "Azərbaycan ilə İtaliya arasında əməkdaşlıq yeni strateji dərinlik qazanır"
Tarix: 05-05-2026 | Saat: 12:13
Bölmə:Manşet / Siyasət | çapa göndər
Mayın 4-də Azərbaycan Respublikasının Prezidenti cənab İlham Əliyev və İtaliya Respublikası Nazirlər Şurasının sədri Ciorcia Meloni mətbuata bəyanatlarla çıxış ediblər. Cənab Prezident İlham Əliyevin səsləndirdiyi bəyanat Azərbaycan-İtaliya münasibətlərinin dinamik inkişaf trayektoriyasını və bu əlaqələrin artıq sabit tərəfdaşlıq mərhələsindən daha genişmiqyaslı strateji əməkdaşlığa keçdiyini nümayiş etdirir. Ciorcia Meloninin Bakıya səfəri bu prosesin məntiqi davamı kimi çıxış edir və iki ölkə arasında siyasi dialoqun intensivliyini bir daha təsdiqləyir.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, səfərin diqqət çəkən məqamlarından biri onun regional kontekstdə baş tutmasıdır. İtaliya hökumət başçısının Cənubi Qafqaz turu çərçivəsində Azərbaycana gəlməsi rəsmi Bakı tərəfindən həm diplomatik balansın göstəricisi, həm də Azərbaycanın artan geosiyasi əhəmiyyətinin etirafı kimi dəyərləndirilir. Bu yanaşma ölkənin beynəlxalq münasibətlər sistemində mövqelərinin möhkəmləndiyini göstərən mühüm siqnaldır. Azərbaycan ilə İtaliya arasında əlaqələr möhkəm siyasi təməl üzərində qurulub. Müxtəlif illərdə imzalanmış strateji sənədlər bu münasibətlərin istiqamətini müəyyənləşdirərək tərəfdaşlığı institusional çərçivəyə salıb. Bu gün həmin razılaşmaların real nəticələr doğurması, əməkdaşlığın kağız üzərində deyil, praktik müstəvidə inkişaf etdiyini göstərir. Energetika sahəsi iki ölkəni birləşdirən əsas istiqamətlərdən biri olaraq qalır. Azərbaycan Avropanın enerji xəritəsində etibarlı tərəfdaş kimi çıxış edir və İtaliya bu əməkdaşlıqda əsas rol oynayan ölkələrdəndir. Qaz ixracının əhəmiyyətli hissəsinin məhz bu bazara yönəlməsi qarşılıqlı etimadın və iqtisadi bağlılığın göstəricisidir. Bu çərçivədə Trans Adriatic Pipeline layihəsinin inkişafı xüsusi aktuallıq kəsb edir. Boru kəmərinin ötürücülük qabiliyyətinin artırılması həm Azərbaycanın ixrac imkanlarını genişləndirir, həm də Avropanın enerji təminatında sabitliyi gücləndirir. Bu isə əməkdaşlığı təkcə ikitərəfli deyil, qlobal miqyasda əhəmiyyətli edir. İtaliya ilə Azərbaycan arasında iqtisadi əlaqələr yüksək intensivliyi ilə seçilir. Ticarət dövriyyəsinin böyük həcmi və İtaliyanın əsas tərəfdaş mövqeyi bu münasibətlərin güclü iqtisadi baza üzərində qurulduğunu təsdiqləyir. Bununla yanaşı, Azərbaycanın İtaliya iqtisadiyyatına yönəltdiyi sərmayələr tərəfdaşlığın qarşılıqlı xarakter aldığını göstərir. Bu tendensiya gələcəkdə birgə layihələrin sayının artacağına və investisiya mühitinin daha da genişlənəcəyinə işarə edir. İqtisadi əlaqələrin bu səviyyəsi artıq tərəflər arasında uzunmüddətli strateji planlaşdırmanın aparıldığını deməyə əsas verir.
Münasibətlərin inkişafında diqqət çəkən məqamlardan biri də yeni sahələrin gündəmə gəlməsidir. Xüsusilə hərbi-texniki əməkdaşlıq perspektivləri tərəfdaşlığın daha da dərinləşdiyini göstərir. Texnologiya mübadiləsi və birgə istehsal təşəbbüsləri sənaye potensialının artırılmasına yönəlmiş strateji addımlar kimi qiymətləndirilir. Bu yanaşma yalnız iqtisadi deyil, həm də texnoloji modernləşmə baxımından əhəmiyyətlidir və Azərbaycanın yeni inkişaf mərhələsinə uyğun gəlir. İtaliya şirkətlərinin Qarabağ və Şərqi Zəngəzurda həyata keçirdiyi layihələr xüsusi önəm daşıyır. Bu iştirak Azərbaycanın post-münaqişə dövründə bərpa və quruculuq prosesinə beynəlxalq marağın yüksək olduğunu göstərir. Eyni zamanda, İtaliya biznesinin fəallığı bu ölkənin Azərbaycan üçün etibarlı tərəfdaş statusunu bir daha möhkəmləndirir. Bu layihələr regionun iqtisadi dirçəlişinə töhfə verməklə yanaşı, beynəlxalq əməkdaşlığın praktik nəticələrini də ortaya qoyur. Humanitar sahədə əməkdaşlıq da diqqətdən kənarda qalmır. Bakıda fəaliyyətə başlayan İtaliya-Azərbaycan Universiteti iki ölkə arasında intellektual və mədəni əlaqələrin inkişafına xidmət edir. Burada təhsil alan gənclər gələcəkdə həm peşəkar kadrlar, həm də iki xalq arasında əlaqələri gücləndirən təbii vasitəçilər rolunu oynayacaqlar. Bu təşəbbüs uzunmüddətli perspektivdə münasibətlərin davamlılığını təmin edən mühüm amillərdən biri kimi çıxış edir.
Cənab Prezident İlham Əliyevin bəyanatı göstərir ki, Azərbaycan ilə İtaliya arasında əlaqələr çoxşaxəli və davamlı inkişaf xətti üzrə irəliləyir. Siyasi dialoqdan tutmuş enerji, iqtisadiyyat, sənaye və təhsilə qədər geniş spektri əhatə edən bu əməkdaşlıq modeli tərəflər arasında qarşılıqlı etimadın yüksək səviyyədə olduğunu nümayiş etdirir. Ümumi mənzərə onu deməyə əsas verir ki, bu tərəfdaşlıq yaxın gələcəkdə daha da güclənəcək və həm regional, həm də beynəlxalq miqyasda mühüm rol oynamaqda davam edəcək-deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Digər xəbərlər
Tarix: 05-05-2026 | Saat: 12:13
Bölmə:Manşet / Siyasət | çapa göndər
Mayın 4-də Azərbaycan Respublikasının Prezidenti cənab İlham Əliyev və İtaliya Respublikası Nazirlər Şurasının sədri Ciorcia Meloni mətbuata bəyanatlarla çıxış ediblər. Cənab Prezident İlham Əliyevin səsləndirdiyi bəyanat Azərbaycan-İtaliya münasibətlərinin dinamik inkişaf trayektoriyasını və bu əlaqələrin artıq sabit tərəfdaşlıq mərhələsindən daha genişmiqyaslı strateji əməkdaşlığa keçdiyini nümayiş etdirir. Ciorcia Meloninin Bakıya səfəri bu prosesin məntiqi davamı kimi çıxış edir və iki ölkə arasında siyasi dialoqun intensivliyini bir daha təsdiqləyir.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, səfərin diqqət çəkən məqamlarından biri onun regional kontekstdə baş tutmasıdır. İtaliya hökumət başçısının Cənubi Qafqaz turu çərçivəsində Azərbaycana gəlməsi rəsmi Bakı tərəfindən həm diplomatik balansın göstəricisi, həm də Azərbaycanın artan geosiyasi əhəmiyyətinin etirafı kimi dəyərləndirilir. Bu yanaşma ölkənin beynəlxalq münasibətlər sistemində mövqelərinin möhkəmləndiyini göstərən mühüm siqnaldır. Azərbaycan ilə İtaliya arasında əlaqələr möhkəm siyasi təməl üzərində qurulub. Müxtəlif illərdə imzalanmış strateji sənədlər bu münasibətlərin istiqamətini müəyyənləşdirərək tərəfdaşlığı institusional çərçivəyə salıb. Bu gün həmin razılaşmaların real nəticələr doğurması, əməkdaşlığın kağız üzərində deyil, praktik müstəvidə inkişaf etdiyini göstərir. Energetika sahəsi iki ölkəni birləşdirən əsas istiqamətlərdən biri olaraq qalır. Azərbaycan Avropanın enerji xəritəsində etibarlı tərəfdaş kimi çıxış edir və İtaliya bu əməkdaşlıqda əsas rol oynayan ölkələrdəndir. Qaz ixracının əhəmiyyətli hissəsinin məhz bu bazara yönəlməsi qarşılıqlı etimadın və iqtisadi bağlılığın göstəricisidir. Bu çərçivədə Trans Adriatic Pipeline layihəsinin inkişafı xüsusi aktuallıq kəsb edir. Boru kəmərinin ötürücülük qabiliyyətinin artırılması həm Azərbaycanın ixrac imkanlarını genişləndirir, həm də Avropanın enerji təminatında sabitliyi gücləndirir. Bu isə əməkdaşlığı təkcə ikitərəfli deyil, qlobal miqyasda əhəmiyyətli edir. İtaliya ilə Azərbaycan arasında iqtisadi əlaqələr yüksək intensivliyi ilə seçilir. Ticarət dövriyyəsinin böyük həcmi və İtaliyanın əsas tərəfdaş mövqeyi bu münasibətlərin güclü iqtisadi baza üzərində qurulduğunu təsdiqləyir. Bununla yanaşı, Azərbaycanın İtaliya iqtisadiyyatına yönəltdiyi sərmayələr tərəfdaşlığın qarşılıqlı xarakter aldığını göstərir. Bu tendensiya gələcəkdə birgə layihələrin sayının artacağına və investisiya mühitinin daha da genişlənəcəyinə işarə edir. İqtisadi əlaqələrin bu səviyyəsi artıq tərəflər arasında uzunmüddətli strateji planlaşdırmanın aparıldığını deməyə əsas verir.
Münasibətlərin inkişafında diqqət çəkən məqamlardan biri də yeni sahələrin gündəmə gəlməsidir. Xüsusilə hərbi-texniki əməkdaşlıq perspektivləri tərəfdaşlığın daha da dərinləşdiyini göstərir. Texnologiya mübadiləsi və birgə istehsal təşəbbüsləri sənaye potensialının artırılmasına yönəlmiş strateji addımlar kimi qiymətləndirilir. Bu yanaşma yalnız iqtisadi deyil, həm də texnoloji modernləşmə baxımından əhəmiyyətlidir və Azərbaycanın yeni inkişaf mərhələsinə uyğun gəlir. İtaliya şirkətlərinin Qarabağ və Şərqi Zəngəzurda həyata keçirdiyi layihələr xüsusi önəm daşıyır. Bu iştirak Azərbaycanın post-münaqişə dövründə bərpa və quruculuq prosesinə beynəlxalq marağın yüksək olduğunu göstərir. Eyni zamanda, İtaliya biznesinin fəallığı bu ölkənin Azərbaycan üçün etibarlı tərəfdaş statusunu bir daha möhkəmləndirir. Bu layihələr regionun iqtisadi dirçəlişinə töhfə verməklə yanaşı, beynəlxalq əməkdaşlığın praktik nəticələrini də ortaya qoyur. Humanitar sahədə əməkdaşlıq da diqqətdən kənarda qalmır. Bakıda fəaliyyətə başlayan İtaliya-Azərbaycan Universiteti iki ölkə arasında intellektual və mədəni əlaqələrin inkişafına xidmət edir. Burada təhsil alan gənclər gələcəkdə həm peşəkar kadrlar, həm də iki xalq arasında əlaqələri gücləndirən təbii vasitəçilər rolunu oynayacaqlar. Bu təşəbbüs uzunmüddətli perspektivdə münasibətlərin davamlılığını təmin edən mühüm amillərdən biri kimi çıxış edir.
Cənab Prezident İlham Əliyevin bəyanatı göstərir ki, Azərbaycan ilə İtaliya arasında əlaqələr çoxşaxəli və davamlı inkişaf xətti üzrə irəliləyir. Siyasi dialoqdan tutmuş enerji, iqtisadiyyat, sənaye və təhsilə qədər geniş spektri əhatə edən bu əməkdaşlıq modeli tərəflər arasında qarşılıqlı etimadın yüksək səviyyədə olduğunu nümayiş etdirir. Ümumi mənzərə onu deməyə əsas verir ki, bu tərəfdaşlıq yaxın gələcəkdə daha da güclənəcək və həm regional, həm də beynəlxalq miqyasda mühüm rol oynamaqda davam edəcək-deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
