Eltun Süleymanov: "Azərbaycan-Avropa İttifaqı əməkdaşlığında yeni mərhələ uzaqgörən siyasətin triumfudur"
Tarix: 03-07-2026 | Saat: 10:23
Bölmə:Manşet / Siyasət | çapa göndər
Cənubi Qafqaz regionu tarix boyu böyük güclərin maraqlarının toqquşduğu, qlobal geosiyasi xətlərin kəsişdiyi mürəkkəb və həssas bir coğrafiya olmuşdur. Belə bir regionda müstəqil dövlətçilik xəttini qoruyub saxlamaq, eyni zamanda milli maraqlara əsaslanan balanslaşdırılmış xarici siyasət yürütmək yüksək diplomatik məharət tələb edir. Azərbaycan özünün əlverişli geosiyasi mövqeyindən istifadə edərək keçən onilliklər ərzində regionun passiv iştirakçısından qlobal layihələrin aktiv təşəbbüskarına və mərkəzinə çevrilməyi bacarmışdır. Ölkəmiz ətrafında cərəyan edən irimiqyaslı siyasi proseslərə və dəyişən regional konyunkturaya baxmayaraq, hər zaman beynəlxalq hüququn prinsiplərinə sadiq qalmış və etibarlı tərəfdaş imici qazanmışdır. Bu uğurlu gedişat təsadüfi xarakter daşımır, əksinə, rəsmi Bakının onilliklər boyu addım-addım inşa etdiyi daxili sabitlik və xarici siyasət strategiyasının məntiqi nəticəsidir. Məhz bu fon, Azərbaycanın beynəlxalq arenada, xüsusən də Avropa strukturları ilə münasibətlərdə tamamilə bərabərhüquqlu və suveren prinsiplərlə çıxış etməsinə imkan yaradır.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, bu baxımdan, iyulun 1-də cənab Prezident İlham Əliyev və Avropa Komissiyasının Prezidenti Ursula Fon der Lyayenin Bakıda mətbuata birgə bəyanatlarla çıxış etməsi rəsmi Bakı ilə Brüssel arasındakı münasibətlərin keyfiyyətcə yeni və daha yüksək strateji zirvəyə qədəm qoyduğunu nümayiş etdirir. Bu tarixi görüş Azərbaycanın qlobal arenada etibarlı tərəfdaş, beynəlxalq enerji təhlükəsizliyinin əsas təminatçısı və Cənubi Qafqazın mütləq lideri olduğunu bir daha bütün dünyaya sübut edir. Cənab Prezident İlham Əliyevin rəhbərliyi ilə həyata keçirilən çevik, milli maraqlara əsaslanan və uzaqgörən xarici siyasət kursu bu qlobal qütbləşmə dövründə təkcə regionumuzun deyil, həm də Avrasiya qitəsinin iqtisadi və siyasi mənzərəsini yenidən formalaşdırır. Avropa İttifaqı Şurasının Prezidenti cənab Koştanın və Avropa diplomatiyasının rəhbəri xanım Kallasın ölkəmizə reallaşan səfərlərinin ardınca Avropa Komissiyasının Prezidentinin Azərbaycana gəlməsi tərəflər arasında görünməmiş bir diplomatik dinamikanın mövcudluğundan xəbər verir.
Azərbaycanın Avropa İttifaqı üçün kəsb etdiyi strateji əhəmiyyət rəqəmlərdə və real layihələrdə özünü qabarıq şəkildə büruzə verir. Hazırda Azərbaycan Avropa İttifaqı üçün Cənubi Qafqazda əsas ticarət tərəfdaşıdır və regionda reallaşan ümumi ticarət dövriyyəsinin təxminən yetmiş faizi məhz ölkəmizin payına düşür. Bu nəhəng göstərici Prezident İlham Əliyevin iqtisadi diplomatiyasının və ölkəmizin investisiya cəlbediciliyinin birbaşa məntiqi nəticəsidir. Enerji sahəsində imzalanmış Strateji Tərəfdaşlıq Haqqında Anlaşma Memorandumundan bəri Avropa İttifaqına təbii qaz ixracının təxminən altımış beş faiz artması bu tərəfdaşlığın nə qədər etibarlı zəmin üzərində qurulduğunu göstərir. Bu gün qaz ixracımızın yarısı Avropaya yönəlir və artıq qitənin on üzv dövləti Azərbaycan qazını qəbul edir. Məhz dövlətimizin başçısının qətiyyətli siyasi iradəsi və zamanında qoyulmuş böyük maliyyə sərmayələri sayəsində ərsəyə gələn üç min beş yüz kilometrlik Cənub Qaz Dəhlizi hazırda Avropanın enerji xəritəsini bütövlükdə dəyişən əsas arteriya rolunu oynayır.
Azərbaycan təkcə ənənəvi enerji resursları ilə deyil, həm də qlobal logistika və bərpaolunan enerji sahəsində həyata keçirdiyi qabaqcıl strategiyalarla beynəlxalq birliyin diqqət mərkəzindədir. Şərq-Qərb və Şimal-Cənub nəqliyyat dəhlizlərinin kəsişməsində yerləşən ölkəmiz, coğrafi üstünlüklərini böyük infrastruktur layihələrinə çevirməyi bacarıb. Dövlətimiz yeni geosiyasi vəziyyətin tələblərinə uyğun olaraq dəniz limanlarının və dəmir yolu infrastrukturunun imkanlarını öz maliyyə vəsaitləri hesabına sürətlə genişləndirir və bu proses trans-regional ticarətin həcmini hər ötən gün daha da artırır. Bununla yanaşı, Avropa Komissiyası ilə əməkdaşlığın tam yeni və innovativ istiqaməti bərpaolunan enerji sahəsini əhatə edir. Ölkəmizin Günəş, külək və su elektrik enerjisi potensialı yaxın gələcəkdə rəsmi Bakını Avropanın əsas yaşıl enerji tədarükçülərindən birinə çevirəcək. İndiyədək xarici və yerli şirkətlərlə imzalanmış müqavilələr bizə növbəti beş-altı il ərzində səkkiz giqavat həcmində ekoloji təmiz enerji əldə etmək imkanı verir ki, bu da dövlət başçısının qlobal ekoloji trendlərə və gələcəyin iqtisadiyyatına nə dərəcədə dərindən bələd olmasının bariz göstəricisidir.
Cənab Prezident İlham Əliyev tərəfindən həyata keçirilən ardıcıl siyasi xətt və hərbi-diplomatik strategiya sayəsində Azərbaycan öz suverenliyini və ərazi bütövlüyünü tam bərpa edərək Cənubi Qafqazda tamamilə yeni, dayanıqlı və dönməz bir reallıq yaradıb. Bu gün rəsmi Bakının təklif etdiyi sülh gündəliyi regionda de-fakto sabitliyin bərqərar olunmasını təmin edib. Vaşinqtonda əldə olunmuş uğurlu danışıqlar prosesi və Ermənistan ilə sülh sazişinin mətninin paraflanması Azərbaycan diplomatiyasının növbəti böyük zəfəridir. Azərbaycan sülhün yalnız kağız üzərində deyil, gündəlik həyatda da real nəticələr verməsi üçün misilsiz humanizm və liderlik nümayiş etdirərək Ermənistana qarşı bütün nəqliyyat məhdudiyyətlərini aradan qaldırıb, hətta bu ölkəyə benzin və dizel kimi strateji yanacaq növlərinin tədarükünə şərait yaradıb. Avropa Komissiyasının bu prosesə hərtərəfli dəstək vermək arzusu ölkəmizin regionda formalaşdırdığı yeni geopolitik nizmin beynəlxalq miqyasda qeyd-şərtsiz qəbul edildiyini təsdiqləyir.
Yekun olaraq vurğulamaq lazımdır ki, cənab Prezident İlham Əliyevin bu müdrik, qətiyyətli və uzaqgörən siyasəti, təməli Ümummilli Lider Heydər Əliyev tərəfindən qoyulmuş dahi dövlətçilik strategiyasının ən parlaq və məntiqi davamıdır. Ulu Öndərin "Əsrin müqaviləsi" ilə əsasını qoyduğu müstəqil enerji diplomatiyası və milli inkişaf xətti bu gün onun layiqli davamçısı tərəfindən yeni geosiyasi epoxanın tələblərinə uyğun olaraq şanlı qələbələrlə diqqəti cəlb edir. Məhz bu tarixi varislik və sarsılmaz siyasi iradə Azərbaycanı Avropanın imtina edilməz strateji tərəfdaşına, Cənubi Qafqazda isə əbədi sülhün, əməkdaşlığın və tərəqqinin yeganə zəmanətçisinə çevirmişdir. Müzəffər lider İlham Əliyevin rəhbərliyi ilə Azərbaycan dövləti Heydər Əliyev ideyalarından güc alaraq gələcəyə doğru daha inamlı addımlarla irəliləməkdədir- deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Digər xəbərlər
Tarix: 03-07-2026 | Saat: 10:23
Bölmə:Manşet / Siyasət | çapa göndər
Cənubi Qafqaz regionu tarix boyu böyük güclərin maraqlarının toqquşduğu, qlobal geosiyasi xətlərin kəsişdiyi mürəkkəb və həssas bir coğrafiya olmuşdur. Belə bir regionda müstəqil dövlətçilik xəttini qoruyub saxlamaq, eyni zamanda milli maraqlara əsaslanan balanslaşdırılmış xarici siyasət yürütmək yüksək diplomatik məharət tələb edir. Azərbaycan özünün əlverişli geosiyasi mövqeyindən istifadə edərək keçən onilliklər ərzində regionun passiv iştirakçısından qlobal layihələrin aktiv təşəbbüskarına və mərkəzinə çevrilməyi bacarmışdır. Ölkəmiz ətrafında cərəyan edən irimiqyaslı siyasi proseslərə və dəyişən regional konyunkturaya baxmayaraq, hər zaman beynəlxalq hüququn prinsiplərinə sadiq qalmış və etibarlı tərəfdaş imici qazanmışdır. Bu uğurlu gedişat təsadüfi xarakter daşımır, əksinə, rəsmi Bakının onilliklər boyu addım-addım inşa etdiyi daxili sabitlik və xarici siyasət strategiyasının məntiqi nəticəsidir. Məhz bu fon, Azərbaycanın beynəlxalq arenada, xüsusən də Avropa strukturları ilə münasibətlərdə tamamilə bərabərhüquqlu və suveren prinsiplərlə çıxış etməsinə imkan yaradır.
Bu sözləri aia.az-a açıqlamasında Eltun Süleymanov deyib.
Müsahibimiz bildirib ki, bu baxımdan, iyulun 1-də cənab Prezident İlham Əliyev və Avropa Komissiyasının Prezidenti Ursula Fon der Lyayenin Bakıda mətbuata birgə bəyanatlarla çıxış etməsi rəsmi Bakı ilə Brüssel arasındakı münasibətlərin keyfiyyətcə yeni və daha yüksək strateji zirvəyə qədəm qoyduğunu nümayiş etdirir. Bu tarixi görüş Azərbaycanın qlobal arenada etibarlı tərəfdaş, beynəlxalq enerji təhlükəsizliyinin əsas təminatçısı və Cənubi Qafqazın mütləq lideri olduğunu bir daha bütün dünyaya sübut edir. Cənab Prezident İlham Əliyevin rəhbərliyi ilə həyata keçirilən çevik, milli maraqlara əsaslanan və uzaqgörən xarici siyasət kursu bu qlobal qütbləşmə dövründə təkcə regionumuzun deyil, həm də Avrasiya qitəsinin iqtisadi və siyasi mənzərəsini yenidən formalaşdırır. Avropa İttifaqı Şurasının Prezidenti cənab Koştanın və Avropa diplomatiyasının rəhbəri xanım Kallasın ölkəmizə reallaşan səfərlərinin ardınca Avropa Komissiyasının Prezidentinin Azərbaycana gəlməsi tərəflər arasında görünməmiş bir diplomatik dinamikanın mövcudluğundan xəbər verir.
Azərbaycanın Avropa İttifaqı üçün kəsb etdiyi strateji əhəmiyyət rəqəmlərdə və real layihələrdə özünü qabarıq şəkildə büruzə verir. Hazırda Azərbaycan Avropa İttifaqı üçün Cənubi Qafqazda əsas ticarət tərəfdaşıdır və regionda reallaşan ümumi ticarət dövriyyəsinin təxminən yetmiş faizi məhz ölkəmizin payına düşür. Bu nəhəng göstərici Prezident İlham Əliyevin iqtisadi diplomatiyasının və ölkəmizin investisiya cəlbediciliyinin birbaşa məntiqi nəticəsidir. Enerji sahəsində imzalanmış Strateji Tərəfdaşlıq Haqqında Anlaşma Memorandumundan bəri Avropa İttifaqına təbii qaz ixracının təxminən altımış beş faiz artması bu tərəfdaşlığın nə qədər etibarlı zəmin üzərində qurulduğunu göstərir. Bu gün qaz ixracımızın yarısı Avropaya yönəlir və artıq qitənin on üzv dövləti Azərbaycan qazını qəbul edir. Məhz dövlətimizin başçısının qətiyyətli siyasi iradəsi və zamanında qoyulmuş böyük maliyyə sərmayələri sayəsində ərsəyə gələn üç min beş yüz kilometrlik Cənub Qaz Dəhlizi hazırda Avropanın enerji xəritəsini bütövlükdə dəyişən əsas arteriya rolunu oynayır.
Azərbaycan təkcə ənənəvi enerji resursları ilə deyil, həm də qlobal logistika və bərpaolunan enerji sahəsində həyata keçirdiyi qabaqcıl strategiyalarla beynəlxalq birliyin diqqət mərkəzindədir. Şərq-Qərb və Şimal-Cənub nəqliyyat dəhlizlərinin kəsişməsində yerləşən ölkəmiz, coğrafi üstünlüklərini böyük infrastruktur layihələrinə çevirməyi bacarıb. Dövlətimiz yeni geosiyasi vəziyyətin tələblərinə uyğun olaraq dəniz limanlarının və dəmir yolu infrastrukturunun imkanlarını öz maliyyə vəsaitləri hesabına sürətlə genişləndirir və bu proses trans-regional ticarətin həcmini hər ötən gün daha da artırır. Bununla yanaşı, Avropa Komissiyası ilə əməkdaşlığın tam yeni və innovativ istiqaməti bərpaolunan enerji sahəsini əhatə edir. Ölkəmizin Günəş, külək və su elektrik enerjisi potensialı yaxın gələcəkdə rəsmi Bakını Avropanın əsas yaşıl enerji tədarükçülərindən birinə çevirəcək. İndiyədək xarici və yerli şirkətlərlə imzalanmış müqavilələr bizə növbəti beş-altı il ərzində səkkiz giqavat həcmində ekoloji təmiz enerji əldə etmək imkanı verir ki, bu da dövlət başçısının qlobal ekoloji trendlərə və gələcəyin iqtisadiyyatına nə dərəcədə dərindən bələd olmasının bariz göstəricisidir.
Cənab Prezident İlham Əliyev tərəfindən həyata keçirilən ardıcıl siyasi xətt və hərbi-diplomatik strategiya sayəsində Azərbaycan öz suverenliyini və ərazi bütövlüyünü tam bərpa edərək Cənubi Qafqazda tamamilə yeni, dayanıqlı və dönməz bir reallıq yaradıb. Bu gün rəsmi Bakının təklif etdiyi sülh gündəliyi regionda de-fakto sabitliyin bərqərar olunmasını təmin edib. Vaşinqtonda əldə olunmuş uğurlu danışıqlar prosesi və Ermənistan ilə sülh sazişinin mətninin paraflanması Azərbaycan diplomatiyasının növbəti böyük zəfəridir. Azərbaycan sülhün yalnız kağız üzərində deyil, gündəlik həyatda da real nəticələr verməsi üçün misilsiz humanizm və liderlik nümayiş etdirərək Ermənistana qarşı bütün nəqliyyat məhdudiyyətlərini aradan qaldırıb, hətta bu ölkəyə benzin və dizel kimi strateji yanacaq növlərinin tədarükünə şərait yaradıb. Avropa Komissiyasının bu prosesə hərtərəfli dəstək vermək arzusu ölkəmizin regionda formalaşdırdığı yeni geopolitik nizmin beynəlxalq miqyasda qeyd-şərtsiz qəbul edildiyini təsdiqləyir.
Yekun olaraq vurğulamaq lazımdır ki, cənab Prezident İlham Əliyevin bu müdrik, qətiyyətli və uzaqgörən siyasəti, təməli Ümummilli Lider Heydər Əliyev tərəfindən qoyulmuş dahi dövlətçilik strategiyasının ən parlaq və məntiqi davamıdır. Ulu Öndərin "Əsrin müqaviləsi" ilə əsasını qoyduğu müstəqil enerji diplomatiyası və milli inkişaf xətti bu gün onun layiqli davamçısı tərəfindən yeni geosiyasi epoxanın tələblərinə uyğun olaraq şanlı qələbələrlə diqqəti cəlb edir. Məhz bu tarixi varislik və sarsılmaz siyasi iradə Azərbaycanı Avropanın imtina edilməz strateji tərəfdaşına, Cənubi Qafqazda isə əbədi sülhün, əməkdaşlığın və tərəqqinin yeganə zəmanətçisinə çevirmişdir. Müzəffər lider İlham Əliyevin rəhbərliyi ilə Azərbaycan dövləti Heydər Əliyev ideyalarından güc alaraq gələcəyə doğru daha inamlı addımlarla irəliləməkdədir- deyə E. Süleymanov fikrini yekunlaşdırıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
