Xankəndidə qurulan ailə, İrəvanda milyardlar və... - Köçəryanların 46 illik DOSYESİ AÇILDI
Tarix: 25-08-2026 | Saat: 23:11
Bölmə:Dünya / Karusel | çapa göndər
Xankəndində qurulan Köçəryan ailəsinin Ermənistan prezidentliyinə uzanan yolu 46 il sonra böyük cinayət dosyesi ilə gündəmə gəlib.
Musavat.com xəbər verir ki, keçmiş prezident Robert Köçəryan və böyük oğlu Sedrak Köçəryan saxlanılıb, ailə üzvləri və onlarla əlaqəli şəxslərə aid onlarla ünvanda axtarış aparılıb. Ermənistanın ona qarşı rüşvət, vəzifə səlahiyyətlərindən sui-istifadə və çirkli pulların yuyulması ilə bağlı ağır ittihamlar irəli sürülüb.
Hazırda Ermənistan hüquq-mühafizə orqanlarının böyük cinayət dosyesinin mərkəzində dayanan Köçəryan ailəsinin siyasi tarixinin başlanğıcı Xankəndiyə və Qarabağdakı separatçı hərəkata gedib çıxır.
Robert Köçəryan 31 avqust 1954-cü ildə Azərbaycanın Xankəndi şəhərində anadan olub və orta məktəbi də burada bitirib. Onun gələcək həyat yoldaşı Bella Köçəryan da 31 yanvar 1954-cü ildə Xankəndidə doğulub.
Robert Köçəryanın öz xatirələrinə görə, o və Bella uşaqlıqdan bir-birlərini tanıyıblar. Eyni uşaq bağçasına gedib, dörd il eyni sinifdə oxuyublar. Sonradan müxtəlif məktəblərdə təhsil alsalar da, yenidən eyni məktəbdə paralel siniflərdə oxuyublar.
Bella daha sonra İrəvana gedərək tibb təhsili alıb. 1978-ci ildə İrəvan Dövlət Tibb İnstitutunun sanitariya-gigiyena fakültəsini bitirdikdən sonra Xankəndiyə qayıdıb. Burada vilayət sanitar-epidemioloji stansiyasında əvvəl mikrobioloq, sonra epidemioloq işləyib, baş həkimin müavini olub. 1991–1993-cü illərdə isə epidemiologiya şöbəsinə rəhbərlik edib.Robert və Bella 1980-ci ildə ailə qurublar. Köçəryanın avtobioqrafiyasında yazdığına görə, toylarından sonra Xankəndidə onun ailəsinə məxsus evdə yaşamağa başlayıblar. İlk vaxtlar Robertin anası və böyük qardaşı Valeranın ailəsi də həmin evdə yaşayırdı. “Sovetskiy Karabax” qəzetində çalışan Valeraya ayrıca mənzil verildikdən sonra Robert və Bella evdə qalıblar.
Köçəryanın xatirələrində həmin ev babasının tikdirdiyi daş ev kimi təsvir olunur. Əvvəlcə bir otaqdan ibarət olan ev sonradan genişləndirilib, əlavə otaqlar, veranda və zirzəmi tikilib.
Köçəryanların üç övladı da Azərbaycanın Xankəndi şəhərində dünyaya gəlib.Böyük oğul Sedrak Köçəryan 23 iyul 1981-ci ildə, qızı Qayane Köçəryan 23 sentyabr 1983-cü ildə, kiçik oğul Levon Köçəryan isə 16 noyabr 1985-ci ildə Xankəndidə doğulub.
Beləliklə, Köçəryan ailəsinin üç övladının uşaqlığının ilk illəri də Xankəndidə keçib.
1980-ci illərin sonlarında Qarabağda Ermənistanın Azərbaycana qarşı ərazi iddiaları və erməni separatçılığı güclənəndə Robert Köçəryan da bu prosesin fəal iştirakçılarından birinə çevrildi. Sovet Azərbaycanının tərkibində olan Dağlıq Qarabağ Muxtar Vilayətinin Azərbaycandan ayrılması istiqamətində yaradılan separatçı strukturlarda fəaliyyət göstərdi.Sonrakı illərdə Ermənistan silahlı qüvvələrinin iştirakı ilə Azərbaycanın Qarabağ bölgəsi və ətraf rayonları işğal edildi, yüz minlərlə azərbaycanlı öz doğma torpaqlarından didərgin salındı. Robert Köçəryan isə həmin dövrdə Qarabağdakı separatçı rejimin əsas siyasi rəhbərlərindən biri idi.
1992-ci ildə o, separatçı qurumun rəhbər strukturlarında daha yüksək mövqelərə yüksəldi. 1994-cü ildə separatçı rejimin “baş naziri”, 1996-cı ildə isə “prezidenti” oldu.
Bu illərdə Köçəryan ailəsi də müharibəni Xankəndidə yaşayırdı.Kiçik oğul Levon Köçəryan illər sonra sosial şəbəkədə həmin dövrdən danışarkən uşaqlığını Xankəndidə bombardman və atəşlər zamanı zirzəmilərdə keçirdiyini yazıb. O, həmin illərdə Qarabağda qalan həmyaşıdlarının bir çoxu kimi böyüyəndə hərbi forma geyinmək və döyüşlərə qatılmaq istədiklərini bildirib.
Həmin hadisələr zamanı Levon cəmi 6–7, Qayane 8–9, Sedrak isə 10–11 yaşlarında idi.
Bella Köçəryan da müharibə dövründə Xankəndidə qalırdı. Onun rəsmi bioqrafiyasına görə, 1991–1993-cü illərdə şəhərdə epidemiologiya şöbəsinin müdiri vəzifəsində işləyib.
Bella Köçəryan illər sonra həmin dövrü özü də xatırlayıb. 20 fevral münasibətilə etdiyi paylaşımda o, Qarabağ separatizminin başlanmasını “ermənilərin birlik günü” adlandırıb və sovet dövründə seçdikləri yolun son dərəcə çətin olduğunu yazıb.Bella həmin paylaşımında müharibə başlayandan sonra həyatlarının “yüksək mərtəbələrdən zirzəmilərə köçdüyünü”, müharibənin onların həyata baxışını dəyişdirdiyini bildirib. O, 44 günlük müharibə zamanı əvvəlki müharibənin dəhşətlərini yenidən xatırladığını, bunun onu Xankəndidə yaşadıqları zirzəmiyə apardığını yazıb.
Ailənin Xankəndi ilə əlaqəsi Robert Köçəryan Ermənistan hakimiyyətinə gəldikdən sonra da davam edib.
2021-ci ildə Bella Köçəryan ad günü münasibətilə etdiyi paylaşımda Xankəndidə olduğunu bildirərək həmin şəhərdəki yaşayış yerini açıq şəkildə “bizim evimiz” adlandırıb.
Robert Köçəryanın Qarabağdakı separatçı rejimdən Ermənistan hakimiyyətinə keçidi isə sürətlə baş verdi.1997-ci ildə o, separatçı rejimdəki vəzifəsini buraxaraq Ermənistanın baş naziri təyin edildi. Cəmi bir il sonra – 1998-ci ildə Ermənistan prezidenti seçildi və 2008-ci ilə qədər ölkəyə rəhbərlik etdi.
Beləliklə, siyasi fəaliyyətinə Azərbaycanın Qarabağ bölgəsində separatçı hərəkatın rəhbərlərindən biri kimi başlayan Köçəryan sonradan Ermənistanda dövlət hakimiyyətinin ən yüksək pilləsinə qalxdı.
Məhz onun prezidentliyi dövründə Köçəryan ailəsinin adı iri biznes və böyük əmlaklarla daha sıx şəkildə hallanmağa başladı. İndi Ermənistan hüquq-mühafizə orqanlarının araşdırdığı cinayət dosyesinin əsas hissəsi də həmin 1998–2008-ci illəri əhatə edir.
Avqustun 25-də səhər saatlarında Robert Köçəryan Antikorrupsiya Komitəsinə aparılıb. Eyni vaxtda onun kiçik oğlu Levon Köçəryanın evində də axtarış keçirilib.
Levon Köçəryan hazırda Ermənistan parlamentinin deputatıdır və müxalif “Hayastan” fraksiyasını təmsil edir. Onun mənzilində axtarış səhər saat 07:00–07:10 radələrində başlayıb və təxminən 7 saat davam edib.Axtarış başa çatdıqdan sonra Levon Köçəryan jurnalistlərə bildirib ki, evdən xüsusi əhəmiyyət daşıyan hər hansı əşya aparılmayıb. Onun sözlərinə görə, axtarış qərarında adları göstərilən bəzi şirkətləri ümumiyyətlə tanımır və həmin şirkətlərlə özünün hansı əlaqəsinin olduğunu anlamır.
Levon Köçəryan əməliyyatı özünün və təmsil etdiyi müxalif qüvvənin siyasi fəaliyyəti ilə əlaqələndirib. O, baş verənləri hakimiyyətlə razılaşmayan və geri çəkilməyən şəxslərə qarşı təzyiq kimi qiymətləndirib.
Levon Köçəryanın vəkili Aleksandr Koçubayev isə bildirib ki, deputat toxunulmazlığı aradan qaldırılmadan onun mənzilində axtarış aparılması qanunsuzdur. Vəkilin sözlərinə görə, Ermənistan Konstitusiyasına əsasən deputata qarşı cinayət təqibi və onun statusu ilə bağlı müəyyən prosessual hərəkətlərin həyata keçirilməsi üçün parlamentin razılığı tələb olunur. Müdafiə tərəfi məhz bu səbəbdən Levon Köçəryanın evində keçirilən axtarışın qanuniliyinə etiraz edib.
Daha sonra Robert Köçəryanın böyük oğlu Sedrak Köçəryanın da saxlanıldığı açıqlanıb. Beləliklə, saxlanılan oğul Sedrak Köçəryandır, deputat Levon Köçəryanın evində isə uzunmüddətli axtarış aparılıb.Baş Prokurorluğun avqustun 25-də açıqladığı məlumatlar cinayət dosyesinin miqyasını ortaya qoyub.
Robert Köçəryan barəsində üç epizod üzrə vəzifə səlahiyyətlərindən sui-istifadə, iki epizod üzrə xüsusilə külli miqdarda rüşvət alma və dörd epizod üzrə xüsusilə külli miqdarda çirkli pulların yuyulması ittihamları irəli sürülüb. Sedrak Köçəryan da daxil olmaqla daha 9 nəfər barəsində cinayət təqibi başlanıb.
İstintaqın məlumatına görə, Köçəryanın 1998–2008-ci illərdə Ermənistan prezidenti olduğu dövrdə dövlətə məxsus qiymətli əmlaklar bazar qiymətindən xeyli aşağı məbləğlərə, açıq hərrac keçirilmədən onunla əlaqəli şəxslərə və şirkətlərə ötürülüb. Sedrak Köçəryanın adının da bir sıra əməliyyatlarda istifadə edildiyi bildirilir.
Cinayət dosyesinin ən böyük epizodlarından biri 56 daşınmaz əmlakla bağlıdır.
İstintaq bildirir ki, İrəvandakı Vazgen Sarkisyan küçəsi 20 ünvanındakı tarixi “Zabitlər evi” və Nalbandyan küçəsi 16-dakı yarımçıq tikilinin dövlət mülkiyyətindən çıxarılması proseslərinin təşkilinin müqabilində prezident vəzifəsini tutmuş şəxsə ümumi dəyəri 2 milyard 633 milyon 934 min dram olan 56 daşınmaz əmlakın rüşvət kimi verilməsi araşdırılır.
İstintaqın məlumatına görə, həmin əmlakların real sahibini və mənşəyini gizlətmək üçün onlar ailə üzvləri və əlaqəli hüquqi şəxslərin adına rəsmiləşdirilib.
Dosyedə “Orange Fitness”lə bağlı ayrıca böyük epizod var.
Antikorrupsiya Komitəsinin məlumatına görə, Tsitsernakaberd şossesi 7/1 ünvanındakı təxminən 29 min kvadratmetrlik torpaq sahəsi və 1700 kvadratmetrlik tikili 12 milyon 267 min drama əldə edilib. 2008-ci ildə həmin ərazidə “Orange Fitness” premium klubu tikilib. 2009-cu ildə isə əmlakın sahibi olan şirkətin 50 faizlik payı keçmiş prezidentin oğlunun yaratdığı şirkətin adına keçirilib.
Digər böyük epizod “Toyota Yerevan”la bağlıdır.
İstintaqın məlumatına görə, Ermənistan Müdafiə Nazirliyinə aid və ümumi bazar qiyməti təxminən 1 milyard 394 milyon dram hesablanan torpaq sahələri Köçəryana yaxın şəxsin şirkətinə təxminən dörd dəfə ucuz qiymətə satılıb.
İstintaqın məlumatına görə, bunun və Yaponiyanın “Toyota” şirkətinin Ermənistanda nümayəndəliyinin yaradılmasına şərait yaradılmasının müqabilində 2006-cı ildə “Toyota Yerevan” şirkətinin 30 faizlik payı prezident vəzifəsini tutan şəxsə rüşvət kimi verilib və pay sonradan onun oğlunun adına rəsmiləşdirilib.
Cinayət dosyesində göstərilən maliyyə dövriyyəsinin həcmi isə xüsusilə diqqət çəkir.
Antikorrupsiya Komitəsinin məlumatına görə, keçmiş prezidentin oğlunun adına 2001–2019-cu illərdə təxminən 144 milyard dram, 309 milyon ABŞ dolları, 77 milyon avro və 18 milyon Rusiya rublu həcmində pul köçürmələri araşdırılır.Ermənistanda və xarici ölkələrdə ailə üzvləri və iş üzrə digər şəxslərlə əlaqələndirilən 30-dan artıq daşınmaz əmlakın alınması da cinayət işinin predmetinə daxil edilib.
Ümumilikdə cinayət işi çərçivəsində altı nəfər saxlanılıb. Onların arasında Robert Köçəryan və böyük oğlu Sedrak Köçəryan da var.
Robert Köçəryanın saxlanıldıqdan sonra səhhətində problem yaranıb. Rəsmi məlumata görə, arterial təzyiqinin yüksəlməsi səbəbindən o, əlavə müayinə üçün tibb müəssisəsinə aparılıb.
Köçəryanın siyasi tərəfdarları isə əməliyyatın siyasi sifariş olduğunu bildirir və baş verənləri hakimiyyətin keçmiş prezidentə qarşı təqibi kimi qiymətləndirirlər.
Beləliklə, Robert Köçəryanın siyasi yolu Azərbaycanın Xankəndi şəhərindən, Qarabağdakı erməni separatçı hərəkatından başlayaraq separatçı rejimin rəhbərliyinə, oradan Ermənistanın baş naziri və prezident postuna qədər uzanıb. Azərbaycan ərazilərinin işğalı dövründə Qarabağdakı separatçı rejimin əsas rəhbərlərindən biri olan Köçəryan sonradan Ermənistanda hakimiyyətin ən yüksək pilləsinə qalxıb. Onun prezidentliyi illərində ailəsinin adı böyük biznes və əmlaklarla hallanmağa başlayıb.
İndi isə Ermənistanın hüquq-mühafizə orqanları həmin dövrdə baş vermiş əməliyyatlarla bağlı milyardlarla dram, yüz milyonlarla dollar, onlarla daşınmaz əmlak, şirkət payları və dövlət əmlakının özəlləşdirilməsini əhatə edən böyük cinayət dosyesini araşdırır.
Robert Köçəryan və böyük oğlu Sedrak Köçəryan saxlanılıb, deputat olan digər oğlu Levon Köçəryanın evində isə saatlarla davam edən axtarış aparılıb. Beləliklə, vaxtilə Qarabağdakı separatçı rejimdən Ermənistan hakimiyyətinin zirvəsinə yüksələn Köçəryan ailəsi bu dəfə ölkənin ən böyük korrupsiya araşdırmalarından birinin mərkəzinə düşüb.
Məlumatlanmaq üçün Facebook səhifəmizi
Digər xəbərlər
Tarix: 25-08-2026 | Saat: 23:11
Bölmə:Dünya / Karusel | çapa göndər
Xankəndində qurulan Köçəryan ailəsinin Ermənistan prezidentliyinə uzanan yolu 46 il sonra böyük cinayət dosyesi ilə gündəmə gəlib.
Musavat.com xəbər verir ki, keçmiş prezident Robert Köçəryan və böyük oğlu Sedrak Köçəryan saxlanılıb, ailə üzvləri və onlarla əlaqəli şəxslərə aid onlarla ünvanda axtarış aparılıb. Ermənistanın ona qarşı rüşvət, vəzifə səlahiyyətlərindən sui-istifadə və çirkli pulların yuyulması ilə bağlı ağır ittihamlar irəli sürülüb.
Hazırda Ermənistan hüquq-mühafizə orqanlarının böyük cinayət dosyesinin mərkəzində dayanan Köçəryan ailəsinin siyasi tarixinin başlanğıcı Xankəndiyə və Qarabağdakı separatçı hərəkata gedib çıxır.
Robert Köçəryan 31 avqust 1954-cü ildə Azərbaycanın Xankəndi şəhərində anadan olub və orta məktəbi də burada bitirib. Onun gələcək həyat yoldaşı Bella Köçəryan da 31 yanvar 1954-cü ildə Xankəndidə doğulub.
Robert Köçəryanın öz xatirələrinə görə, o və Bella uşaqlıqdan bir-birlərini tanıyıblar. Eyni uşaq bağçasına gedib, dörd il eyni sinifdə oxuyublar. Sonradan müxtəlif məktəblərdə təhsil alsalar da, yenidən eyni məktəbdə paralel siniflərdə oxuyublar.
Bella daha sonra İrəvana gedərək tibb təhsili alıb. 1978-ci ildə İrəvan Dövlət Tibb İnstitutunun sanitariya-gigiyena fakültəsini bitirdikdən sonra Xankəndiyə qayıdıb. Burada vilayət sanitar-epidemioloji stansiyasında əvvəl mikrobioloq, sonra epidemioloq işləyib, baş həkimin müavini olub. 1991–1993-cü illərdə isə epidemiologiya şöbəsinə rəhbərlik edib.Robert və Bella 1980-ci ildə ailə qurublar. Köçəryanın avtobioqrafiyasında yazdığına görə, toylarından sonra Xankəndidə onun ailəsinə məxsus evdə yaşamağa başlayıblar. İlk vaxtlar Robertin anası və böyük qardaşı Valeranın ailəsi də həmin evdə yaşayırdı. “Sovetskiy Karabax” qəzetində çalışan Valeraya ayrıca mənzil verildikdən sonra Robert və Bella evdə qalıblar.
Köçəryanın xatirələrində həmin ev babasının tikdirdiyi daş ev kimi təsvir olunur. Əvvəlcə bir otaqdan ibarət olan ev sonradan genişləndirilib, əlavə otaqlar, veranda və zirzəmi tikilib.
Köçəryanların üç övladı da Azərbaycanın Xankəndi şəhərində dünyaya gəlib.Böyük oğul Sedrak Köçəryan 23 iyul 1981-ci ildə, qızı Qayane Köçəryan 23 sentyabr 1983-cü ildə, kiçik oğul Levon Köçəryan isə 16 noyabr 1985-ci ildə Xankəndidə doğulub.
Beləliklə, Köçəryan ailəsinin üç övladının uşaqlığının ilk illəri də Xankəndidə keçib.
1980-ci illərin sonlarında Qarabağda Ermənistanın Azərbaycana qarşı ərazi iddiaları və erməni separatçılığı güclənəndə Robert Köçəryan da bu prosesin fəal iştirakçılarından birinə çevrildi. Sovet Azərbaycanının tərkibində olan Dağlıq Qarabağ Muxtar Vilayətinin Azərbaycandan ayrılması istiqamətində yaradılan separatçı strukturlarda fəaliyyət göstərdi.Sonrakı illərdə Ermənistan silahlı qüvvələrinin iştirakı ilə Azərbaycanın Qarabağ bölgəsi və ətraf rayonları işğal edildi, yüz minlərlə azərbaycanlı öz doğma torpaqlarından didərgin salındı. Robert Köçəryan isə həmin dövrdə Qarabağdakı separatçı rejimin əsas siyasi rəhbərlərindən biri idi.
1992-ci ildə o, separatçı qurumun rəhbər strukturlarında daha yüksək mövqelərə yüksəldi. 1994-cü ildə separatçı rejimin “baş naziri”, 1996-cı ildə isə “prezidenti” oldu.
Bu illərdə Köçəryan ailəsi də müharibəni Xankəndidə yaşayırdı.Kiçik oğul Levon Köçəryan illər sonra sosial şəbəkədə həmin dövrdən danışarkən uşaqlığını Xankəndidə bombardman və atəşlər zamanı zirzəmilərdə keçirdiyini yazıb. O, həmin illərdə Qarabağda qalan həmyaşıdlarının bir çoxu kimi böyüyəndə hərbi forma geyinmək və döyüşlərə qatılmaq istədiklərini bildirib.
Həmin hadisələr zamanı Levon cəmi 6–7, Qayane 8–9, Sedrak isə 10–11 yaşlarında idi.
Bella Köçəryan da müharibə dövründə Xankəndidə qalırdı. Onun rəsmi bioqrafiyasına görə, 1991–1993-cü illərdə şəhərdə epidemiologiya şöbəsinin müdiri vəzifəsində işləyib.
Bella Köçəryan illər sonra həmin dövrü özü də xatırlayıb. 20 fevral münasibətilə etdiyi paylaşımda o, Qarabağ separatizminin başlanmasını “ermənilərin birlik günü” adlandırıb və sovet dövründə seçdikləri yolun son dərəcə çətin olduğunu yazıb.Bella həmin paylaşımında müharibə başlayandan sonra həyatlarının “yüksək mərtəbələrdən zirzəmilərə köçdüyünü”, müharibənin onların həyata baxışını dəyişdirdiyini bildirib. O, 44 günlük müharibə zamanı əvvəlki müharibənin dəhşətlərini yenidən xatırladığını, bunun onu Xankəndidə yaşadıqları zirzəmiyə apardığını yazıb.
Ailənin Xankəndi ilə əlaqəsi Robert Köçəryan Ermənistan hakimiyyətinə gəldikdən sonra da davam edib.
2021-ci ildə Bella Köçəryan ad günü münasibətilə etdiyi paylaşımda Xankəndidə olduğunu bildirərək həmin şəhərdəki yaşayış yerini açıq şəkildə “bizim evimiz” adlandırıb.
Robert Köçəryanın Qarabağdakı separatçı rejimdən Ermənistan hakimiyyətinə keçidi isə sürətlə baş verdi.1997-ci ildə o, separatçı rejimdəki vəzifəsini buraxaraq Ermənistanın baş naziri təyin edildi. Cəmi bir il sonra – 1998-ci ildə Ermənistan prezidenti seçildi və 2008-ci ilə qədər ölkəyə rəhbərlik etdi.
Beləliklə, siyasi fəaliyyətinə Azərbaycanın Qarabağ bölgəsində separatçı hərəkatın rəhbərlərindən biri kimi başlayan Köçəryan sonradan Ermənistanda dövlət hakimiyyətinin ən yüksək pilləsinə qalxdı.
Məhz onun prezidentliyi dövründə Köçəryan ailəsinin adı iri biznes və böyük əmlaklarla daha sıx şəkildə hallanmağa başladı. İndi Ermənistan hüquq-mühafizə orqanlarının araşdırdığı cinayət dosyesinin əsas hissəsi də həmin 1998–2008-ci illəri əhatə edir.
Avqustun 25-də səhər saatlarında Robert Köçəryan Antikorrupsiya Komitəsinə aparılıb. Eyni vaxtda onun kiçik oğlu Levon Köçəryanın evində də axtarış keçirilib.
Levon Köçəryan hazırda Ermənistan parlamentinin deputatıdır və müxalif “Hayastan” fraksiyasını təmsil edir. Onun mənzilində axtarış səhər saat 07:00–07:10 radələrində başlayıb və təxminən 7 saat davam edib.Axtarış başa çatdıqdan sonra Levon Köçəryan jurnalistlərə bildirib ki, evdən xüsusi əhəmiyyət daşıyan hər hansı əşya aparılmayıb. Onun sözlərinə görə, axtarış qərarında adları göstərilən bəzi şirkətləri ümumiyyətlə tanımır və həmin şirkətlərlə özünün hansı əlaqəsinin olduğunu anlamır.
Levon Köçəryan əməliyyatı özünün və təmsil etdiyi müxalif qüvvənin siyasi fəaliyyəti ilə əlaqələndirib. O, baş verənləri hakimiyyətlə razılaşmayan və geri çəkilməyən şəxslərə qarşı təzyiq kimi qiymətləndirib.
Levon Köçəryanın vəkili Aleksandr Koçubayev isə bildirib ki, deputat toxunulmazlığı aradan qaldırılmadan onun mənzilində axtarış aparılması qanunsuzdur. Vəkilin sözlərinə görə, Ermənistan Konstitusiyasına əsasən deputata qarşı cinayət təqibi və onun statusu ilə bağlı müəyyən prosessual hərəkətlərin həyata keçirilməsi üçün parlamentin razılığı tələb olunur. Müdafiə tərəfi məhz bu səbəbdən Levon Köçəryanın evində keçirilən axtarışın qanuniliyinə etiraz edib.
Daha sonra Robert Köçəryanın böyük oğlu Sedrak Köçəryanın da saxlanıldığı açıqlanıb. Beləliklə, saxlanılan oğul Sedrak Köçəryandır, deputat Levon Köçəryanın evində isə uzunmüddətli axtarış aparılıb.Baş Prokurorluğun avqustun 25-də açıqladığı məlumatlar cinayət dosyesinin miqyasını ortaya qoyub.
Robert Köçəryan barəsində üç epizod üzrə vəzifə səlahiyyətlərindən sui-istifadə, iki epizod üzrə xüsusilə külli miqdarda rüşvət alma və dörd epizod üzrə xüsusilə külli miqdarda çirkli pulların yuyulması ittihamları irəli sürülüb. Sedrak Köçəryan da daxil olmaqla daha 9 nəfər barəsində cinayət təqibi başlanıb.
İstintaqın məlumatına görə, Köçəryanın 1998–2008-ci illərdə Ermənistan prezidenti olduğu dövrdə dövlətə məxsus qiymətli əmlaklar bazar qiymətindən xeyli aşağı məbləğlərə, açıq hərrac keçirilmədən onunla əlaqəli şəxslərə və şirkətlərə ötürülüb. Sedrak Köçəryanın adının da bir sıra əməliyyatlarda istifadə edildiyi bildirilir.
Cinayət dosyesinin ən böyük epizodlarından biri 56 daşınmaz əmlakla bağlıdır.
İstintaq bildirir ki, İrəvandakı Vazgen Sarkisyan küçəsi 20 ünvanındakı tarixi “Zabitlər evi” və Nalbandyan küçəsi 16-dakı yarımçıq tikilinin dövlət mülkiyyətindən çıxarılması proseslərinin təşkilinin müqabilində prezident vəzifəsini tutmuş şəxsə ümumi dəyəri 2 milyard 633 milyon 934 min dram olan 56 daşınmaz əmlakın rüşvət kimi verilməsi araşdırılır.
İstintaqın məlumatına görə, həmin əmlakların real sahibini və mənşəyini gizlətmək üçün onlar ailə üzvləri və əlaqəli hüquqi şəxslərin adına rəsmiləşdirilib.
Dosyedə “Orange Fitness”lə bağlı ayrıca böyük epizod var.
Antikorrupsiya Komitəsinin məlumatına görə, Tsitsernakaberd şossesi 7/1 ünvanındakı təxminən 29 min kvadratmetrlik torpaq sahəsi və 1700 kvadratmetrlik tikili 12 milyon 267 min drama əldə edilib. 2008-ci ildə həmin ərazidə “Orange Fitness” premium klubu tikilib. 2009-cu ildə isə əmlakın sahibi olan şirkətin 50 faizlik payı keçmiş prezidentin oğlunun yaratdığı şirkətin adına keçirilib.
Digər böyük epizod “Toyota Yerevan”la bağlıdır.
İstintaqın məlumatına görə, Ermənistan Müdafiə Nazirliyinə aid və ümumi bazar qiyməti təxminən 1 milyard 394 milyon dram hesablanan torpaq sahələri Köçəryana yaxın şəxsin şirkətinə təxminən dörd dəfə ucuz qiymətə satılıb.
İstintaqın məlumatına görə, bunun və Yaponiyanın “Toyota” şirkətinin Ermənistanda nümayəndəliyinin yaradılmasına şərait yaradılmasının müqabilində 2006-cı ildə “Toyota Yerevan” şirkətinin 30 faizlik payı prezident vəzifəsini tutan şəxsə rüşvət kimi verilib və pay sonradan onun oğlunun adına rəsmiləşdirilib.
Cinayət dosyesində göstərilən maliyyə dövriyyəsinin həcmi isə xüsusilə diqqət çəkir.
Antikorrupsiya Komitəsinin məlumatına görə, keçmiş prezidentin oğlunun adına 2001–2019-cu illərdə təxminən 144 milyard dram, 309 milyon ABŞ dolları, 77 milyon avro və 18 milyon Rusiya rublu həcmində pul köçürmələri araşdırılır.Ermənistanda və xarici ölkələrdə ailə üzvləri və iş üzrə digər şəxslərlə əlaqələndirilən 30-dan artıq daşınmaz əmlakın alınması da cinayət işinin predmetinə daxil edilib.
Ümumilikdə cinayət işi çərçivəsində altı nəfər saxlanılıb. Onların arasında Robert Köçəryan və böyük oğlu Sedrak Köçəryan da var.
Robert Köçəryanın saxlanıldıqdan sonra səhhətində problem yaranıb. Rəsmi məlumata görə, arterial təzyiqinin yüksəlməsi səbəbindən o, əlavə müayinə üçün tibb müəssisəsinə aparılıb.
Köçəryanın siyasi tərəfdarları isə əməliyyatın siyasi sifariş olduğunu bildirir və baş verənləri hakimiyyətin keçmiş prezidentə qarşı təqibi kimi qiymətləndirirlər.
Beləliklə, Robert Köçəryanın siyasi yolu Azərbaycanın Xankəndi şəhərindən, Qarabağdakı erməni separatçı hərəkatından başlayaraq separatçı rejimin rəhbərliyinə, oradan Ermənistanın baş naziri və prezident postuna qədər uzanıb. Azərbaycan ərazilərinin işğalı dövründə Qarabağdakı separatçı rejimin əsas rəhbərlərindən biri olan Köçəryan sonradan Ermənistanda hakimiyyətin ən yüksək pilləsinə qalxıb. Onun prezidentliyi illərində ailəsinin adı böyük biznes və əmlaklarla hallanmağa başlayıb.
İndi isə Ermənistanın hüquq-mühafizə orqanları həmin dövrdə baş vermiş əməliyyatlarla bağlı milyardlarla dram, yüz milyonlarla dollar, onlarla daşınmaz əmlak, şirkət payları və dövlət əmlakının özəlləşdirilməsini əhatə edən böyük cinayət dosyesini araşdırır.
Robert Köçəryan və böyük oğlu Sedrak Köçəryan saxlanılıb, deputat olan digər oğlu Levon Köçəryanın evində isə saatlarla davam edən axtarış aparılıb. Beləliklə, vaxtilə Qarabağdakı separatçı rejimdən Ermənistan hakimiyyətinin zirvəsinə yüksələn Köçəryan ailəsi bu dəfə ölkənin ən böyük korrupsiya araşdırmalarından birinin mərkəzinə düşüb.
Məlumatlanmaq üçün Facebook səhifəmizi
Xəbəri paylaş
Digər xəbərlər
25-08-2026
