Laçın Şəhəri Günü: şanlı Zəfər və Böyük Qayıdış rəmzi
Tarix: 26-08-2026 | Saat: 12:54
Bölmə:Siyasət | çapa göndər
26 avqust Azərbaycan xalqının yaddaşında xüsusi məna daşıyan günlərdən biridir. Bu tarix 2022-ci ildən etibarən Laçının öz doğma sakinlərinə qovuşmasının, Azərbaycan bayrağının bu qədim torpaqlarda yenidən dalğalanmasının və üç onillikdən artıq davam edən həsrətin sona çatmasının rəmzi kimi tariximizə daxil olub. Azərbaycan Prezidentinin 31 iyul 2023-cü il tarixli Sərəncamı ilə 26 avqust Laçın Şəhəri Günü elan edilib.
Laçın Azərbaycan tarixində və milli yaddaşımızda özünəməxsus yeri olan şəhərlərimizdəndir. Zəngin təbiəti, dağları, meşələri, çayları və özünəməxsus mədəni mühiti ilə seçilən Laçın hər zaman Azərbaycanın qərb bölgəsinin mühüm yaşayış məskənlərindən biri olub. Lakin 1992-ci ildə şəhərin işğal edilməsi ilə laçınlıların həyatında ağır və faciəli bir dövr başladı. Minlərlə insan doğma yurd-yuvasından didərgin düşdü, şəhərin və rayonun yaşayış məntəqələri dağıntılara məruz qaldı.
Lakin Azərbaycan xalqı Laçınla bağlı ümidini və qayıdış inamını heç vaxt itirmədi. 44 günlük Vətən müharibəsində əldə edilmiş tarixi Zəfər bu inamı gerçəyə çevirdi. 2020-ci il dekabrın 1-də Laçın rayonu Azərbaycana qaytarıldı. Laçın şəhəri, Zabux və Sus kəndlərinin tam nəzarətə götürülməsi isə 26 avqust 2022-ci ildə baş verdi. Prezident İlham Əliyev bu hadisəni Azərbaycanın tarixi nailiyyətlərindən biri kimi qiymətləndirərək Laçın şəhərinin azad olunmasının nəzərdə tutulduğundan daha əvvəl reallaşdırıldığını vurğulayıb.
26 avqustun əhəmiyyəti yalnız bir şəhərin azad edilməsi ilə məhdudlaşmır. Bu tarix Azərbaycan dövlətinin öz ərazi bütövlüyünü təmin etmək əzminin, milli iradəsinin və uzun illər davam edən işğala son qoymaq strategiyasının nəticəsidir. Prezident İlham Əliyevin də qeyd etdiyi kimi, Laçın şəhəri 26 avqust tarixində tamamilə azad edilib və bu səbəbdən həmin gün Laçın Şəhəri Günü kimi təsis olunub.
Laçının azad olunması həm də Azərbaycanın hərbi-siyasi strategiyasının ardıcıl xarakterini nümayiş etdirdi. Vətən müharibəsində əldə edilmiş Zəfərdən sonra Laçın istiqamətində yeni yolun qısa müddətdə inşa edilməsi və şəhərin, eləcə də Zabux və Sus kəndlərinin nəzarətə götürülməsi Azərbaycanın öz ərazilərində sürətlə yeni kommunikasiya imkanları yaratmaq və təhlükəsizliyi təmin etmək iradəsini göstərdi.
Bu gün Laçında baş verən proseslər isə azadlığın yalnız hərbi nəticə olmadığını, onun ardınca böyük quruculuq mərhələsinin gəldiyini göstərir. Dağıdılmış infrastrukturun bərpası, yeni yaşayış məhəllələrinin salınması, sosial obyektlərin yaradılması və şəhərin müasir standartlar əsasında yenidən qurulması Laçının gələcək inkişafının fundamental əsaslarını formalaşdırır. 2023-cü il mayın 27-dən etibarən keçmiş məcburi köçkünlərin Laçın şəhərinə qayıdışına başlanılması Böyük Qayıdış proqramının mühüm mərhələlərindən biri olub.
Laçının dirçəldilməsi həm də Azərbaycan dövlətinin işğaldan azad olunmuş ərazilərin bərpasına kompleks yanaşmasının göstəricisidir. Məqsəd sadəcə dağıdılmış binaları yenidən tikmək deyil, burada insanların rahat, təhlükəsiz və layiqli həyatını təmin edən müasir şəhər mühiti yaratmaqdır. Bu baxımdan Laçın Qarabağ və Şərqi Zəngəzurun gələcək inkişaf modelinin mühüm nümunələrindən birinə çevrilir.
Laçının simasında bu gün Azərbaycanın qarşısında duran daha böyük bir məqsəd – Böyük Qayıdışın uğurla başa çatdırılması məqsədi də öz əksini tapır. Doğma torpaqlarından uzun illər ayrı düşmüş insanların öz evlərinə qayıtması təkcə sosial layihə deyil, həm də milli yaddaşın və tarixi ədalətin bərpasıdır. Laçına qayıdan hər bir ailə bu torpaqlarda həyatın yenidən canlanmasının canlı təcəssümüdür.
Bu gün Laçına nəzər salarkən dağıntıların deyil, dirçəlişin mənzərəsini görürük. Bir zamanlar həsrətlə xatırlanan küçələrdə həyat yenidən qaynayır, yeni binalar ucalır, insanların doğma yurda qayıdışı davam edir. Həkəri çayının sahilində keçirilən ilk Laçın Şəhəri Günü tədbiri də bu yeni mərhələnin rəmzi hadisələrindən biri oldu.
Laçının keçmişi bizim tariximiz, bu günü Zəfərimizin nəticəsi, gələcəyi isə Azərbaycanın quruculuq və inkişaf siyasətinin parlaq səhifələrindən biri olacaq.
Bu gün Laçın Azərbaycanın Zəfərinin və Böyük Qayıdışının rəmzlərindən biridir. İşğaldan azad edilmiş şəhər sürətlə yenidən qurulur, həyat bərpa olunur və laçınlılar öz doğma yurdlarında yeni gələcəklərini qururlar.
Laçın – Zəfərdən dirçəlişə, keçmişdən gələcəyə uzanan Azərbaycanın yeni inkişaf yolunun parlaq nümunəsidir.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Digər xəbərlər
Tarix: 26-08-2026 | Saat: 12:54
Bölmə:Siyasət | çapa göndər
26 avqust Azərbaycan xalqının yaddaşında xüsusi məna daşıyan günlərdən biridir. Bu tarix 2022-ci ildən etibarən Laçının öz doğma sakinlərinə qovuşmasının, Azərbaycan bayrağının bu qədim torpaqlarda yenidən dalğalanmasının və üç onillikdən artıq davam edən həsrətin sona çatmasının rəmzi kimi tariximizə daxil olub. Azərbaycan Prezidentinin 31 iyul 2023-cü il tarixli Sərəncamı ilə 26 avqust Laçın Şəhəri Günü elan edilib.
Laçın Azərbaycan tarixində və milli yaddaşımızda özünəməxsus yeri olan şəhərlərimizdəndir. Zəngin təbiəti, dağları, meşələri, çayları və özünəməxsus mədəni mühiti ilə seçilən Laçın hər zaman Azərbaycanın qərb bölgəsinin mühüm yaşayış məskənlərindən biri olub. Lakin 1992-ci ildə şəhərin işğal edilməsi ilə laçınlıların həyatında ağır və faciəli bir dövr başladı. Minlərlə insan doğma yurd-yuvasından didərgin düşdü, şəhərin və rayonun yaşayış məntəqələri dağıntılara məruz qaldı.
Lakin Azərbaycan xalqı Laçınla bağlı ümidini və qayıdış inamını heç vaxt itirmədi. 44 günlük Vətən müharibəsində əldə edilmiş tarixi Zəfər bu inamı gerçəyə çevirdi. 2020-ci il dekabrın 1-də Laçın rayonu Azərbaycana qaytarıldı. Laçın şəhəri, Zabux və Sus kəndlərinin tam nəzarətə götürülməsi isə 26 avqust 2022-ci ildə baş verdi. Prezident İlham Əliyev bu hadisəni Azərbaycanın tarixi nailiyyətlərindən biri kimi qiymətləndirərək Laçın şəhərinin azad olunmasının nəzərdə tutulduğundan daha əvvəl reallaşdırıldığını vurğulayıb.
26 avqustun əhəmiyyəti yalnız bir şəhərin azad edilməsi ilə məhdudlaşmır. Bu tarix Azərbaycan dövlətinin öz ərazi bütövlüyünü təmin etmək əzminin, milli iradəsinin və uzun illər davam edən işğala son qoymaq strategiyasının nəticəsidir. Prezident İlham Əliyevin də qeyd etdiyi kimi, Laçın şəhəri 26 avqust tarixində tamamilə azad edilib və bu səbəbdən həmin gün Laçın Şəhəri Günü kimi təsis olunub.
Laçının azad olunması həm də Azərbaycanın hərbi-siyasi strategiyasının ardıcıl xarakterini nümayiş etdirdi. Vətən müharibəsində əldə edilmiş Zəfərdən sonra Laçın istiqamətində yeni yolun qısa müddətdə inşa edilməsi və şəhərin, eləcə də Zabux və Sus kəndlərinin nəzarətə götürülməsi Azərbaycanın öz ərazilərində sürətlə yeni kommunikasiya imkanları yaratmaq və təhlükəsizliyi təmin etmək iradəsini göstərdi.
Bu gün Laçında baş verən proseslər isə azadlığın yalnız hərbi nəticə olmadığını, onun ardınca böyük quruculuq mərhələsinin gəldiyini göstərir. Dağıdılmış infrastrukturun bərpası, yeni yaşayış məhəllələrinin salınması, sosial obyektlərin yaradılması və şəhərin müasir standartlar əsasında yenidən qurulması Laçının gələcək inkişafının fundamental əsaslarını formalaşdırır. 2023-cü il mayın 27-dən etibarən keçmiş məcburi köçkünlərin Laçın şəhərinə qayıdışına başlanılması Böyük Qayıdış proqramının mühüm mərhələlərindən biri olub.
Laçının dirçəldilməsi həm də Azərbaycan dövlətinin işğaldan azad olunmuş ərazilərin bərpasına kompleks yanaşmasının göstəricisidir. Məqsəd sadəcə dağıdılmış binaları yenidən tikmək deyil, burada insanların rahat, təhlükəsiz və layiqli həyatını təmin edən müasir şəhər mühiti yaratmaqdır. Bu baxımdan Laçın Qarabağ və Şərqi Zəngəzurun gələcək inkişaf modelinin mühüm nümunələrindən birinə çevrilir.
Laçının simasında bu gün Azərbaycanın qarşısında duran daha böyük bir məqsəd – Böyük Qayıdışın uğurla başa çatdırılması məqsədi də öz əksini tapır. Doğma torpaqlarından uzun illər ayrı düşmüş insanların öz evlərinə qayıtması təkcə sosial layihə deyil, həm də milli yaddaşın və tarixi ədalətin bərpasıdır. Laçına qayıdan hər bir ailə bu torpaqlarda həyatın yenidən canlanmasının canlı təcəssümüdür.
Bu gün Laçına nəzər salarkən dağıntıların deyil, dirçəlişin mənzərəsini görürük. Bir zamanlar həsrətlə xatırlanan küçələrdə həyat yenidən qaynayır, yeni binalar ucalır, insanların doğma yurda qayıdışı davam edir. Həkəri çayının sahilində keçirilən ilk Laçın Şəhəri Günü tədbiri də bu yeni mərhələnin rəmzi hadisələrindən biri oldu.
Laçının keçmişi bizim tariximiz, bu günü Zəfərimizin nəticəsi, gələcəyi isə Azərbaycanın quruculuq və inkişaf siyasətinin parlaq səhifələrindən biri olacaq.
Bu gün Laçın Azərbaycanın Zəfərinin və Böyük Qayıdışının rəmzlərindən biridir. İşğaldan azad edilmiş şəhər sürətlə yenidən qurulur, həyat bərpa olunur və laçınlılar öz doğma yurdlarında yeni gələcəklərini qururlar.
Laçın – Zəfərdən dirçəlişə, keçmişdən gələcəyə uzanan Azərbaycanın yeni inkişaf yolunun parlaq nümunəsidir.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Xəbəri paylaş
Digər xəbərlər
