Azərbaycanın mənəvi irsi Türk və İslam dünyasının həmrəyliyini gücləndirir
Tarix: 17-09-2026 | Saat: 14:44
Bölmə:Siyasət | çapa göndər
Bakının iki mühüm beynəlxalq tədbirə ev sahibliyi etməsi sadəcə təqvim uyğunluğu kimi dəyərləndirilə bilməz. Türk Dövlətləri Təşkilatının Müsəlman Dini Rəhbərləri Şurasının toplantısı ilə Seyid Yəhya Bakuviyə həsr olunmuş beynəlxalq konfransın paytaxtda keçirilməsi Azərbaycanın mənəvi irsə, tarixi yaddaşa və müxtəlif sivilizasiyalar arasında dialoqa verdiyi əhəmiyyəti nümayiş etdirir. Prezident İlham Əliyevin nümayəndə heyətinin üzvləri ilə görüşü zamanı səsləndirdiyi fikirlər də bu yanaşmanın əsas istiqamətlərini aydın şəkildə ortaya qoydu. Azərbaycanın zəngin tarixində elə böyük şəxsiyyətlər formalaşıb ki, onların yaratdığı irs yalnız xalqımızın milli-mədəni sərvəti ilə məhdudlaşmır, bütövlükdə Şərq və İslam mədəniyyətinin inkişafında mühüm yer tutur. Nizami Gəncəvi, Nəsimi, Seyid Yəhya Bakuvi, Şah İsmayıl Xətai və Füzuli kimi böyük şəxsiyyətlərin yaradıcılığı əsrlər keçməsinə baxmayaraq, bu gün də öz əhəmiyyətini qoruyur. Prezident İlham Əliyevin Seyid Yəhya Bakuvinin irsinə xüsusi diqqət yetirməsi Azərbaycanın mənəvi xəzinəsinin müxtəlif xalqları və nəsilləri birləşdirən ümumbəşəri dəyərlərlə zənginliyini bir daha göstərir.
Azərbaycanın Türk dünyası ilə Qafqaz arasında tarixi və coğrafi əlaqələndirici mövqeyinin önə çəkilməsi də xüsusi əhəmiyyət kəsb edir. Ölkəmiz bu iki geniş coğrafiyanın qovuşduğu məkanda yerləşməklə yanaşı, hər iki istiqamətdə çoxşaxəli münasibətlər formalaşdırıb. Qafqaz Albaniyasının Azərbaycan ərazilərində mövcudluğu, Atabəylər dövlətinin Naxçıvanla bağlı tarixi və müasir dövrdə Azərbaycanın Türk Dövlətləri Təşkilatında fəal iştirakı ölkənin regional əlaqələrdə oynadığı rolun tarixi və siyasi əsaslarını göstərir. Prezident İlham Əliyevin çıxışında sülh, əməkdaşlıq və həmrəylik anlayışlarının xüsusi yer tutması isə Azərbaycanın İslam dünyası ilə münasibətlərində ardıcıl xəttin mövcudluğunu nümayiş etdirir. Azərbaycan 2017-ci ildə IV İslam Həmrəyliyi Oyunlarına ev sahibliyi etməklə idmanın yalnız yarış meydanı olmadığını, eyni zamanda xalqlar və ölkələr arasında yaxınlaşmaya xidmət edən mühüm vasitə olduğunu ortaya qoydu. İslam Əməkdaşlıq Təşkilatının növbəti Zirvə Görüşünün gələn il Bakıda keçirilməsi də Azərbaycanın bu sahədə qazandığı etimadın göstəricilərindən biridir. Ölkəmizin müxtəlif beynəlxalq platformalarda dialoqu və əməkdaşlığı təşviq edən mövqe nümayiş etdirməsi bu etimadın formalaşmasına təsir edən əsas amillərdəndir.
Görüş zamanı dini liderlərin sülhün təşviqində üzərinə düşən məsuliyyətə diqqət yetirilməsi də mühüm məna daşıyır. Din xadimlərinin barışıq, qarşılıqlı hörmət və əmin-amanlıq çağırışları geniş auditoriyalara təsir etmək imkanına malikdir. İslam dünyasında həmrəyliyin yalnız bəyanatlarla deyil, konkret təşəbbüslər və praktiki addımlarla gücləndirilməsi Prezident İlham Əliyevin bu istiqamətdəki yanaşmasının mühüm xüsusiyyətlərindən biridir. Bu baxımdan nümayəndə heyətinin Qarabağa səfərinin nəzərdə tutulması görüşün mənəvi və tarixi əhəmiyyətini daha da artırır.
Ağdam, Xankəndi, Xocalı və Şuşada həm işğal illərinin yaratdığı ağır nəticələri, həm də bu gün həyata keçirilən genişmiqyaslı bərpa-quruculuq prosesini bir arada görmək mümkün olacaq. Dağıdılmış yaşayış məntəqələri, məscidlər və tarixi-mədəni irs nümunələri keçmişin ağrılı səhifələrini əks etdirirsə, yeni salınan şəhərlər, yaradılan infrastruktur və öz yurdlarına qayıdan insanlar Azərbaycanın formalaşdırdığı yeni reallığı göstərir. Qarabağ və Şərqi Zəngəzurda həyatın yenidən canlandırılması, “Böyük Qayıdış” proqramının mərhələli şəkildə həyata keçirilməsi Azərbaycanın bu ərazilərdə normal yaşayış mühitinin bərpasına yönəlmiş siyasətinin konkret nəticələrini ortaya qoyur.
Beləliklə, Bakıda keçirilən iki mühüm tədbir Azərbaycanın öz tarixi və mənəvi irsinə sahib çıxan, Türk dünyası ilə İslam aləmi arasında əlaqələrin möhkəmlənməsinə töhfə verən, eyni zamanda Qafqazda sülh və əməkdaşlıq mühitinin inkişafını dəstəkləyən dövlət kimi mövqeyini daha aydın şəkildə nümayiş etdirir.
Anar Abbasov,
YAP Nərimanov rayon təşkilatının sədr müavini.
Məlumatlanmaq üçün Facebook səhifəmizi
Digər xəbərlər
Tarix: 17-09-2026 | Saat: 14:44
Bölmə:Siyasət | çapa göndər
Bakının iki mühüm beynəlxalq tədbirə ev sahibliyi etməsi sadəcə təqvim uyğunluğu kimi dəyərləndirilə bilməz. Türk Dövlətləri Təşkilatının Müsəlman Dini Rəhbərləri Şurasının toplantısı ilə Seyid Yəhya Bakuviyə həsr olunmuş beynəlxalq konfransın paytaxtda keçirilməsi Azərbaycanın mənəvi irsə, tarixi yaddaşa və müxtəlif sivilizasiyalar arasında dialoqa verdiyi əhəmiyyəti nümayiş etdirir. Prezident İlham Əliyevin nümayəndə heyətinin üzvləri ilə görüşü zamanı səsləndirdiyi fikirlər də bu yanaşmanın əsas istiqamətlərini aydın şəkildə ortaya qoydu. Azərbaycanın zəngin tarixində elə böyük şəxsiyyətlər formalaşıb ki, onların yaratdığı irs yalnız xalqımızın milli-mədəni sərvəti ilə məhdudlaşmır, bütövlükdə Şərq və İslam mədəniyyətinin inkişafında mühüm yer tutur. Nizami Gəncəvi, Nəsimi, Seyid Yəhya Bakuvi, Şah İsmayıl Xətai və Füzuli kimi böyük şəxsiyyətlərin yaradıcılığı əsrlər keçməsinə baxmayaraq, bu gün də öz əhəmiyyətini qoruyur. Prezident İlham Əliyevin Seyid Yəhya Bakuvinin irsinə xüsusi diqqət yetirməsi Azərbaycanın mənəvi xəzinəsinin müxtəlif xalqları və nəsilləri birləşdirən ümumbəşəri dəyərlərlə zənginliyini bir daha göstərir.
Azərbaycanın Türk dünyası ilə Qafqaz arasında tarixi və coğrafi əlaqələndirici mövqeyinin önə çəkilməsi də xüsusi əhəmiyyət kəsb edir. Ölkəmiz bu iki geniş coğrafiyanın qovuşduğu məkanda yerləşməklə yanaşı, hər iki istiqamətdə çoxşaxəli münasibətlər formalaşdırıb. Qafqaz Albaniyasının Azərbaycan ərazilərində mövcudluğu, Atabəylər dövlətinin Naxçıvanla bağlı tarixi və müasir dövrdə Azərbaycanın Türk Dövlətləri Təşkilatında fəal iştirakı ölkənin regional əlaqələrdə oynadığı rolun tarixi və siyasi əsaslarını göstərir. Prezident İlham Əliyevin çıxışında sülh, əməkdaşlıq və həmrəylik anlayışlarının xüsusi yer tutması isə Azərbaycanın İslam dünyası ilə münasibətlərində ardıcıl xəttin mövcudluğunu nümayiş etdirir. Azərbaycan 2017-ci ildə IV İslam Həmrəyliyi Oyunlarına ev sahibliyi etməklə idmanın yalnız yarış meydanı olmadığını, eyni zamanda xalqlar və ölkələr arasında yaxınlaşmaya xidmət edən mühüm vasitə olduğunu ortaya qoydu. İslam Əməkdaşlıq Təşkilatının növbəti Zirvə Görüşünün gələn il Bakıda keçirilməsi də Azərbaycanın bu sahədə qazandığı etimadın göstəricilərindən biridir. Ölkəmizin müxtəlif beynəlxalq platformalarda dialoqu və əməkdaşlığı təşviq edən mövqe nümayiş etdirməsi bu etimadın formalaşmasına təsir edən əsas amillərdəndir.
Görüş zamanı dini liderlərin sülhün təşviqində üzərinə düşən məsuliyyətə diqqət yetirilməsi də mühüm məna daşıyır. Din xadimlərinin barışıq, qarşılıqlı hörmət və əmin-amanlıq çağırışları geniş auditoriyalara təsir etmək imkanına malikdir. İslam dünyasında həmrəyliyin yalnız bəyanatlarla deyil, konkret təşəbbüslər və praktiki addımlarla gücləndirilməsi Prezident İlham Əliyevin bu istiqamətdəki yanaşmasının mühüm xüsusiyyətlərindən biridir. Bu baxımdan nümayəndə heyətinin Qarabağa səfərinin nəzərdə tutulması görüşün mənəvi və tarixi əhəmiyyətini daha da artırır.
Ağdam, Xankəndi, Xocalı və Şuşada həm işğal illərinin yaratdığı ağır nəticələri, həm də bu gün həyata keçirilən genişmiqyaslı bərpa-quruculuq prosesini bir arada görmək mümkün olacaq. Dağıdılmış yaşayış məntəqələri, məscidlər və tarixi-mədəni irs nümunələri keçmişin ağrılı səhifələrini əks etdirirsə, yeni salınan şəhərlər, yaradılan infrastruktur və öz yurdlarına qayıdan insanlar Azərbaycanın formalaşdırdığı yeni reallığı göstərir. Qarabağ və Şərqi Zəngəzurda həyatın yenidən canlandırılması, “Böyük Qayıdış” proqramının mərhələli şəkildə həyata keçirilməsi Azərbaycanın bu ərazilərdə normal yaşayış mühitinin bərpasına yönəlmiş siyasətinin konkret nəticələrini ortaya qoyur.
Beləliklə, Bakıda keçirilən iki mühüm tədbir Azərbaycanın öz tarixi və mənəvi irsinə sahib çıxan, Türk dünyası ilə İslam aləmi arasında əlaqələrin möhkəmlənməsinə töhfə verən, eyni zamanda Qafqazda sülh və əməkdaşlıq mühitinin inkişafını dəstəkləyən dövlət kimi mövqeyini daha aydın şəkildə nümayiş etdirir.
Anar Abbasov,
YAP Nərimanov rayon təşkilatının sədr müavini.
Məlumatlanmaq üçün Facebook səhifəmizi
Xəbəri paylaş
Digər xəbərlər
