Azərbaycan - Slovakiya əməkdaşlığının yeni üfüqləri
Tarix: 16-07-2026 | Saat: 10:06
Bölmə:Siyasət | çapa göndər
Beynəlxalq münasibətlərdə dövlətlər arasında əməkdaşlığın davamlılığı təkcə imzalanan sənədlərlə deyil, qarşılıqlı etimadın səviyyəsi və əldə olunan nəticələrlə ölçülür. Azərbaycan ilə Slovakiya arasında son illərdə müşahidə olunan intensiv siyasi dialoq da məhz bu baxımdan diqqəti cəlb edir. Şuşada Prezident İlham Əliyev və Slovakiya Prezidenti Peter Pelleqrininin verdikləri birgə bəyanatlar göstərdi ki, iki ölkə münasibətləri artıq yeni keyfiyyət mərhələsinə daxil olub. Dövlət başçımızın vurğuladığı kimi, son dövrdə qarşılıqlı səfərlərin intensiv xarakter alması və 2024-cü ildə strateji tərəfdaşlığa dair Birgə Bəyannamənin imzalanması münasibətlərin möhkəm siyasi təməl üzərində qurulduğunu təsdiqləyir. Ən mühüm məqamlardan biri isə odur ki, bu sənəd formal xarakter daşımır. Onun müddəaları real layihələr və konkret təşəbbüslər vasitəsilə həyata keçirilir. Bu da Azərbaycanın xarici siyasətində üstünlük verdiyi praqmatik əməkdaşlıq modelinin Slovakiya ilə münasibətlərdə də özünü doğrultduğunu göstərir.
Şuşada aparılan müzakirələrin geniş gündəliyi də təsadüfi deyildi. Energetika, iqtisadiyyat, ticarət, hərbi-texniki əməkdaşlıq, yeni texnologiyalar və digər istiqamətlər üzrə dialoqun paralel şəkildə inkişaf etdirilməsi tərəflərin əməkdaşlığı yalnız bir sahə ilə məhdudlaşdırmaq niyyətində olmadığını nümayiş etdirir. Bu yanaşma münasibətlərin uzunmüddətli və dayanıqlı inkişafına xidmət edən əsas amillərdən biridir. Slovakiyanın Qarabağın bərpasında iştirak etməsi isə ikitərəfli əlaqələrə xüsusi məna qazandırır və bu, xarici tərəfdaşların Azərbaycanın postmünaqişə dövründə həyata keçirdiyi yenidənqurma prosesinə verdiyi real töhfənin nümunəsidir. Prezident Pelleqrininin Qarabağa səfər etməsi və görülən işlərlə yerində tanış olmaq istəyi də Slovakiyanın bu prosesə formal deyil, praktik yanaşdığını göstərir. Bu, eyni zamanda beynəlxalq tərəfdaşların Azərbaycanın azad olunmuş ərazilərdə həyata keçirdiyi genişmiqyaslı quruculuq işlərini yaxından müşahidə etməsi və onları dəstəkləməsi baxımından mühüm siyasi mesajdır.
Diqqət çəkən başqa bir məqam Slovakiya Prezidentinin Azərbaycanı yaxşı tanıyan siyasətçi olmasıdır. Onun əvvəlki vəzifələrində də ölkəmizə səfərlər etməsi, COP29 çərçivəsində Bakıda olması və indi Prezident kimi rəsmi səfər reallaşdırması münasibətlərin ardıcıl inkişaf etdiyini göstərir. Şəxsi təmasların davamlılığı isə dövlətlərarası əməkdaşlığın daha da dərinləşməsinə əlavə stimul verir. Şuşada səslənən fikirlər bir daha nümayiş etdirdi ki, Azərbaycan və Slovakiya münasibətləri qarşılıqlı hörmətə, etimada və ortaq maraqlara əsaslanır. Bu əməkdaşlığın əsas üstünlüyü isə konkret nəticələrə hesablanmasıdır. Məhz buna görə də yaxın illərdə siyasi dialoqun, iqtisadi əlaqələrin və birgə layihələrin daha da genişlənəcəyi üçün möhkəm zəmin formalaşıb.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 16-07-2026 | Saat: 10:06
Bölmə:Siyasət | çapa göndər
Beynəlxalq münasibətlərdə dövlətlər arasında əməkdaşlığın davamlılığı təkcə imzalanan sənədlərlə deyil, qarşılıqlı etimadın səviyyəsi və əldə olunan nəticələrlə ölçülür. Azərbaycan ilə Slovakiya arasında son illərdə müşahidə olunan intensiv siyasi dialoq da məhz bu baxımdan diqqəti cəlb edir. Şuşada Prezident İlham Əliyev və Slovakiya Prezidenti Peter Pelleqrininin verdikləri birgə bəyanatlar göstərdi ki, iki ölkə münasibətləri artıq yeni keyfiyyət mərhələsinə daxil olub. Dövlət başçımızın vurğuladığı kimi, son dövrdə qarşılıqlı səfərlərin intensiv xarakter alması və 2024-cü ildə strateji tərəfdaşlığa dair Birgə Bəyannamənin imzalanması münasibətlərin möhkəm siyasi təməl üzərində qurulduğunu təsdiqləyir. Ən mühüm məqamlardan biri isə odur ki, bu sənəd formal xarakter daşımır. Onun müddəaları real layihələr və konkret təşəbbüslər vasitəsilə həyata keçirilir. Bu da Azərbaycanın xarici siyasətində üstünlük verdiyi praqmatik əməkdaşlıq modelinin Slovakiya ilə münasibətlərdə də özünü doğrultduğunu göstərir.
Şuşada aparılan müzakirələrin geniş gündəliyi də təsadüfi deyildi. Energetika, iqtisadiyyat, ticarət, hərbi-texniki əməkdaşlıq, yeni texnologiyalar və digər istiqamətlər üzrə dialoqun paralel şəkildə inkişaf etdirilməsi tərəflərin əməkdaşlığı yalnız bir sahə ilə məhdudlaşdırmaq niyyətində olmadığını nümayiş etdirir. Bu yanaşma münasibətlərin uzunmüddətli və dayanıqlı inkişafına xidmət edən əsas amillərdən biridir. Slovakiyanın Qarabağın bərpasında iştirak etməsi isə ikitərəfli əlaqələrə xüsusi məna qazandırır və bu, xarici tərəfdaşların Azərbaycanın postmünaqişə dövründə həyata keçirdiyi yenidənqurma prosesinə verdiyi real töhfənin nümunəsidir. Prezident Pelleqrininin Qarabağa səfər etməsi və görülən işlərlə yerində tanış olmaq istəyi də Slovakiyanın bu prosesə formal deyil, praktik yanaşdığını göstərir. Bu, eyni zamanda beynəlxalq tərəfdaşların Azərbaycanın azad olunmuş ərazilərdə həyata keçirdiyi genişmiqyaslı quruculuq işlərini yaxından müşahidə etməsi və onları dəstəkləməsi baxımından mühüm siyasi mesajdır.
Diqqət çəkən başqa bir məqam Slovakiya Prezidentinin Azərbaycanı yaxşı tanıyan siyasətçi olmasıdır. Onun əvvəlki vəzifələrində də ölkəmizə səfərlər etməsi, COP29 çərçivəsində Bakıda olması və indi Prezident kimi rəsmi səfər reallaşdırması münasibətlərin ardıcıl inkişaf etdiyini göstərir. Şəxsi təmasların davamlılığı isə dövlətlərarası əməkdaşlığın daha da dərinləşməsinə əlavə stimul verir. Şuşada səslənən fikirlər bir daha nümayiş etdirdi ki, Azərbaycan və Slovakiya münasibətləri qarşılıqlı hörmətə, etimada və ortaq maraqlara əsaslanır. Bu əməkdaşlığın əsas üstünlüyü isə konkret nəticələrə hesablanmasıdır. Məhz buna görə də yaxın illərdə siyasi dialoqun, iqtisadi əlaqələrin və birgə layihələrin daha da genişlənəcəyi üçün möhkəm zəmin formalaşıb.
Natiq Quluzadə
YAP Zəngilan rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
