Yol çəkilişi zamanı əsrlərin xəzinəsi üzə çıxdı: 200 kiloqram qızıl, milyonlarla qədim sikkə tapıldı
Tarix: 04-08-2026 | Saat: 21:00
Bölmə:Özəl | çapa göndər
Çinin Szyansi əyalətində aparılan yol tikintisi işləri zamanı təsadüfən aşkarlanan arxeoloji tapıntı alimlər tərəfindən son illərin ən mühüm kəşflərindən biri kimi qiymətləndirilir. Qazıntılar zamanı Qərbi Han sülaləsinə aid kral məzarı üzə çıxıb və burada böyük həcmdə qızıl, milyonlarla qədim sikkə, eləcə də qiymətli tarixi artefaktlar aşkar edilib.
Araşdırmalar nəticəsində müəyyən olunub ki, məzar eramızdan əvvəl 74-cü ildə taxta çıxan, cəmi 27 gün hakimiyyətdə qaldıqdan sonra devrilən imperator Liu Heyə (Haihun markizi) məxsusdur. Bu nəticə məzarda tapılan möhürlər və digər tarixi materialların təhlili əsasında təsdiqlənib.
Qazıntılar zamanı ümumilikdə 478 ədəd qızıl külçə və müxtəlif qızıl məmulatı aşkarlanıb. Tapıntılar arasında at və maral dırnağı formasında hazırlanmış külçələr, iri qızıl lövhələr, qızıl qablar, möhürlər və zərgərlik nümunələri yer alır. Onların ümumi çəkisinin 200 kiloqramdan çox olduğu bildirilir.
Bununla yanaşı, məzardan qədim Çində dövriyyədə olmuş təxminən 2 milyon ədəd "Wushu" bürünc sikkəsi də çıxarılıb. Mütəxəssislərin hesablamalarına görə, bu sikkələrin ümumi çəkisi 10 tona yaxındır.
Arxeoloqlar qızıl və sikkələrlə yanaşı, Konfutsinin təsvir olunduğu taxta panel, nefritdən hazırlanmış bəzək əşyaları, tunc musiqi zəngləri və digər nadir tarixi nümunələri də aşkar ediblər. Bu tapıntıların Qərbi Han dövrünün saray həyatı, incəsənəti və mədəniyyəti haqqında yeni məlumatlar əldə olunmasına mühüm töhfə verəcəyi bildirilir.
Alimlərin fikrincə, eramızın 347-ci ilində baş verən güclü zəlzələ nəticəsində yaxınlıqdakı Poyanq gölünün suları məzarı tamamilə örtüb. Oksigensiz su mühiti həm qiymətli əşyaların əsrlər boyu qorunmasına, həm də talançıların məzara daxil ola bilməməsinə şərait yaradıb.
Hazırda aşkar edilən bütün qızıl əşyalar, sikkələr və digər tarixi artefaktlar elmi araşdırmaların aparılması, konservasiya işləri və gələcəkdə ictimaiyyətə təqdim olunması məqsədilə muzey fonduna təhvil verilib.
Məlumatlanmaq üçün Facebook səhifəmizi
Digər xəbərlər
Tarix: 04-08-2026 | Saat: 21:00
Bölmə:Özəl | çapa göndər
Çinin Szyansi əyalətində aparılan yol tikintisi işləri zamanı təsadüfən aşkarlanan arxeoloji tapıntı alimlər tərəfindən son illərin ən mühüm kəşflərindən biri kimi qiymətləndirilir. Qazıntılar zamanı Qərbi Han sülaləsinə aid kral məzarı üzə çıxıb və burada böyük həcmdə qızıl, milyonlarla qədim sikkə, eləcə də qiymətli tarixi artefaktlar aşkar edilib.
Araşdırmalar nəticəsində müəyyən olunub ki, məzar eramızdan əvvəl 74-cü ildə taxta çıxan, cəmi 27 gün hakimiyyətdə qaldıqdan sonra devrilən imperator Liu Heyə (Haihun markizi) məxsusdur. Bu nəticə məzarda tapılan möhürlər və digər tarixi materialların təhlili əsasında təsdiqlənib.
Qazıntılar zamanı ümumilikdə 478 ədəd qızıl külçə və müxtəlif qızıl məmulatı aşkarlanıb. Tapıntılar arasında at və maral dırnağı formasında hazırlanmış külçələr, iri qızıl lövhələr, qızıl qablar, möhürlər və zərgərlik nümunələri yer alır. Onların ümumi çəkisinin 200 kiloqramdan çox olduğu bildirilir.
Bununla yanaşı, məzardan qədim Çində dövriyyədə olmuş təxminən 2 milyon ədəd "Wushu" bürünc sikkəsi də çıxarılıb. Mütəxəssislərin hesablamalarına görə, bu sikkələrin ümumi çəkisi 10 tona yaxındır.
Arxeoloqlar qızıl və sikkələrlə yanaşı, Konfutsinin təsvir olunduğu taxta panel, nefritdən hazırlanmış bəzək əşyaları, tunc musiqi zəngləri və digər nadir tarixi nümunələri də aşkar ediblər. Bu tapıntıların Qərbi Han dövrünün saray həyatı, incəsənəti və mədəniyyəti haqqında yeni məlumatlar əldə olunmasına mühüm töhfə verəcəyi bildirilir.
Alimlərin fikrincə, eramızın 347-ci ilində baş verən güclü zəlzələ nəticəsində yaxınlıqdakı Poyanq gölünün suları məzarı tamamilə örtüb. Oksigensiz su mühiti həm qiymətli əşyaların əsrlər boyu qorunmasına, həm də talançıların məzara daxil ola bilməməsinə şərait yaradıb.
Hazırda aşkar edilən bütün qızıl əşyalar, sikkələr və digər tarixi artefaktlar elmi araşdırmaların aparılması, konservasiya işləri və gələcəkdə ictimaiyyətə təqdim olunması məqsədilə muzey fonduna təhvil verilib.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-08-2026
