Estetik əməliyyatlardan sonra ölümlər niyə baş verir? – Professor mühüm səbəbləri açıqladı
Tarix: 10-08-2026 | Saat: 21:14
Bölmə:Özəl | çapa göndər
Bakıda plastik əməliyyatdan sonra daha bir qadının həyatını itirməsi estetik cərrahiyyənin təhlükəsizliyi məsələsini yenidən gündəmə gətirib. Almaniya vətəndaşı, Türkiyə əsilli Tulin Turpun “Kəpəz” Hospitalında keçirilən plastik əməliyyatdan sonra öldüyü bildirilir. Məlumata görə, əməliyyatı cərrah Seymur Məmmədov həyata keçirib.
Mediada daha əvvəl də həmin cərrahın əməliyyat etdiyi iki qadının ölümü ilə bağlı məlumatlar yayılıb. Bildirilir ki, 1989-cu il təvəllüdlü Nilufər Abdulla və 1991-ci il təvəllüdlü Pərvanə Mirzəyeva Yasamal rayonunda yerləşən “Etalon” klinikasında əməliyyatdan sonra həyatlarını itiriblər. Son ölüm faktı ilə bağlı isə Nəsimi Rayon Prokurorluğunda araşdırmaya başlanıldığı bildirilir. Konkret şəxsin məsuliyyət daşıyıb-daşımadığı yalnız araşdırma və ekspertiza nəticəsində müəyyən edilə bilər.
Bəs estetik əməliyyatlardan sonra ölüm hallarının baş verməsinə hansı tibbi amillər səbəb ola bilər və belə hadisələr avtomatik olaraq həkim səhlənkarlığı hesab edilə bilərmi?
Professor Adil Qeybulla Musavat.com-a bildirib ki, əməliyyatdan sonrakı yaxın müddətdə baş verən hər bir ölüm ayrıca və hərtərəfli araşdırılmalıdır. Onun sözlərinə görə, ölümün konkret səbəbinin müəyyənləşdirilməsi üçün autopsiya mühüm əhəmiyyət daşıyır. Yalnız bundan sonra əməliyyatla ölüm arasında səbəb-nəticə əlaqəsinin olub-olmadığı barədə əsaslandırılmış nəticəyə gəlmək mümkündür.
Professor diqqəti estetik əməliyyatlardan sonra orqanizmdə yarana biləcək maye-elektrolit pozuntularına çəkib. Böyük həcmdə piy və dəri toxumasının xaric edildiyi əməliyyatlarda maye itkisi baş verə bilər. Əgər itirilən maye lazımi səviyyədə və vaxtında kompensasiya edilməzsə, dehidratasiya və su-elektrolit balansının pozulması kimi ağırlaşmalar yarana bilər.
Digər mühüm məsələ əməliyyatdan əvvəl pasiyentin sağlamlıq vəziyyətinin düzgün qiymətləndirilməsidir. Adil Qeybullanın sözlərinə görə, əvvəlcədən nəzərə alınmayan yanaşı xəstəliklər əməliyyatdan sonrakı dövrdə ağırlaşaraq ciddi fəsadlara səbəb ola bilər. Buna görə estetik əməliyyatın nəticəsi yalnız cərrahi müdaxilənin özündən deyil, əməliyyata hazırlıq və sonrakı tibbi nəzarətdən də asılıdır.
Professor vurğulayıb ki, hər belə hadisəni avtomatik şəkildə həkim səhvi və ya səhlənkarlığı kimi təqdim etmək düzgün yanaşma deyil. Ölümün səbəbi əməliyyatın xüsusiyyətləri, pasiyentin əvvəlcədən mövcud xəstəlikləri, anesteziya, əməliyyatdan sonrakı ağırlaşmalar və digər tibbi amillərlə əlaqəli ola bilər. Bunların hər biri ekspertiza zamanı ayrıca araşdırılmalıdır.
Adil Qeybulla autopsiyanın aparılmamasının da problemin əsas tərəflərindən biri olduğunu qeyd edib. Onun fikrincə, ölüm səbəbi tibbi və elmi şəkildə dəqiqləşdirilmədikdə hadisə ətrafında müxtəlif ehtimallar və şayiələr yaranır. Sonradan hüquqi araşdırma zərurəti meydana çıxdıqda isə eksqumasiyaya ehtiyac yarana bilər ki, mərhumun yaxınları buna razılıq verməyə bilərlər.
Mütəxəssis hesab edir ki, belə hallarla bağlı sistemli yanaşmanın formalaşdırılması vacibdir. Məhkəmə-tibbi və patoloji ekspertizanın nəticələri həm konkret ölümün səbəbini müəyyənləşdirməyə, həm də gələcəkdə oxşar ağırlaşmaların qarşısının alınması üçün tibbi praktikada hansı dəyişikliklərin edilməli olduğunu göstərməyə imkan verə bilər.
Son hadisə estetik əməliyyatların yalnız xarici görünüşün dəyişdirilməsinə yönəlmiş sadə prosedur olmadığını bir daha gündəmə gətirir. İstənilən cərrahi müdaxilə kimi plastik əməliyyatların da müəyyən riskləri mövcuddur. Buna görə əməliyyatdan əvvəl pasiyentin sağlamlıq vəziyyətinin ətraflı qiymətləndirilməsi, əməliyyat zamanı təhlükəsizlik standartlarına əməl olunması və sonrakı dövrdə düzgün tibbi müşahidə həyati əhəmiyyət daşıyır.
Tulin Turpun ölümündə konkret səbəbin və mümkün məsuliyyətin nə olduğu isə yalnız aparılan araşdırmanın, tibbi sənədlərin və müvafiq ekspertizaların nəticəsindən sonra müəyyənləşə bilər.
Məlumatlanmaq üçün Facebook səhifəmizi
Digər xəbərlər
Tarix: 10-08-2026 | Saat: 21:14
Bölmə:Özəl | çapa göndər
Bakıda plastik əməliyyatdan sonra daha bir qadının həyatını itirməsi estetik cərrahiyyənin təhlükəsizliyi məsələsini yenidən gündəmə gətirib. Almaniya vətəndaşı, Türkiyə əsilli Tulin Turpun “Kəpəz” Hospitalında keçirilən plastik əməliyyatdan sonra öldüyü bildirilir. Məlumata görə, əməliyyatı cərrah Seymur Məmmədov həyata keçirib.
Mediada daha əvvəl də həmin cərrahın əməliyyat etdiyi iki qadının ölümü ilə bağlı məlumatlar yayılıb. Bildirilir ki, 1989-cu il təvəllüdlü Nilufər Abdulla və 1991-ci il təvəllüdlü Pərvanə Mirzəyeva Yasamal rayonunda yerləşən “Etalon” klinikasında əməliyyatdan sonra həyatlarını itiriblər. Son ölüm faktı ilə bağlı isə Nəsimi Rayon Prokurorluğunda araşdırmaya başlanıldığı bildirilir. Konkret şəxsin məsuliyyət daşıyıb-daşımadığı yalnız araşdırma və ekspertiza nəticəsində müəyyən edilə bilər.
Bəs estetik əməliyyatlardan sonra ölüm hallarının baş verməsinə hansı tibbi amillər səbəb ola bilər və belə hadisələr avtomatik olaraq həkim səhlənkarlığı hesab edilə bilərmi?
Professor Adil Qeybulla Musavat.com-a bildirib ki, əməliyyatdan sonrakı yaxın müddətdə baş verən hər bir ölüm ayrıca və hərtərəfli araşdırılmalıdır. Onun sözlərinə görə, ölümün konkret səbəbinin müəyyənləşdirilməsi üçün autopsiya mühüm əhəmiyyət daşıyır. Yalnız bundan sonra əməliyyatla ölüm arasında səbəb-nəticə əlaqəsinin olub-olmadığı barədə əsaslandırılmış nəticəyə gəlmək mümkündür.
Professor diqqəti estetik əməliyyatlardan sonra orqanizmdə yarana biləcək maye-elektrolit pozuntularına çəkib. Böyük həcmdə piy və dəri toxumasının xaric edildiyi əməliyyatlarda maye itkisi baş verə bilər. Əgər itirilən maye lazımi səviyyədə və vaxtında kompensasiya edilməzsə, dehidratasiya və su-elektrolit balansının pozulması kimi ağırlaşmalar yarana bilər.
Digər mühüm məsələ əməliyyatdan əvvəl pasiyentin sağlamlıq vəziyyətinin düzgün qiymətləndirilməsidir. Adil Qeybullanın sözlərinə görə, əvvəlcədən nəzərə alınmayan yanaşı xəstəliklər əməliyyatdan sonrakı dövrdə ağırlaşaraq ciddi fəsadlara səbəb ola bilər. Buna görə estetik əməliyyatın nəticəsi yalnız cərrahi müdaxilənin özündən deyil, əməliyyata hazırlıq və sonrakı tibbi nəzarətdən də asılıdır.
Professor vurğulayıb ki, hər belə hadisəni avtomatik şəkildə həkim səhvi və ya səhlənkarlığı kimi təqdim etmək düzgün yanaşma deyil. Ölümün səbəbi əməliyyatın xüsusiyyətləri, pasiyentin əvvəlcədən mövcud xəstəlikləri, anesteziya, əməliyyatdan sonrakı ağırlaşmalar və digər tibbi amillərlə əlaqəli ola bilər. Bunların hər biri ekspertiza zamanı ayrıca araşdırılmalıdır.
Adil Qeybulla autopsiyanın aparılmamasının da problemin əsas tərəflərindən biri olduğunu qeyd edib. Onun fikrincə, ölüm səbəbi tibbi və elmi şəkildə dəqiqləşdirilmədikdə hadisə ətrafında müxtəlif ehtimallar və şayiələr yaranır. Sonradan hüquqi araşdırma zərurəti meydana çıxdıqda isə eksqumasiyaya ehtiyac yarana bilər ki, mərhumun yaxınları buna razılıq verməyə bilərlər.
Mütəxəssis hesab edir ki, belə hallarla bağlı sistemli yanaşmanın formalaşdırılması vacibdir. Məhkəmə-tibbi və patoloji ekspertizanın nəticələri həm konkret ölümün səbəbini müəyyənləşdirməyə, həm də gələcəkdə oxşar ağırlaşmaların qarşısının alınması üçün tibbi praktikada hansı dəyişikliklərin edilməli olduğunu göstərməyə imkan verə bilər.
Son hadisə estetik əməliyyatların yalnız xarici görünüşün dəyişdirilməsinə yönəlmiş sadə prosedur olmadığını bir daha gündəmə gətirir. İstənilən cərrahi müdaxilə kimi plastik əməliyyatların da müəyyən riskləri mövcuddur. Buna görə əməliyyatdan əvvəl pasiyentin sağlamlıq vəziyyətinin ətraflı qiymətləndirilməsi, əməliyyat zamanı təhlükəsizlik standartlarına əməl olunması və sonrakı dövrdə düzgün tibbi müşahidə həyati əhəmiyyət daşıyır.
Tulin Turpun ölümündə konkret səbəbin və mümkün məsuliyyətin nə olduğu isə yalnız aparılan araşdırmanın, tibbi sənədlərin və müvafiq ekspertizaların nəticəsindən sonra müəyyənləşə bilər.
Məlumatlanmaq üçün Facebook səhifəmizi
Xəbəri paylaş
Digər xəbərlər
10-08-2026
