İrəvan üçün kritik 4 gün: Paşinyanın separatçılarla bağlı qərarı sülh prosesinə təsir edə bilər
Tarix: 14-08-2026 | Saat: 19:00
Bölmə:Özəl | çapa göndər
Azərbaycan-Ermənistan münasibətlərində son dövrdə müşahidə edilən proseslər Bakı ilə İrəvan arasında uzunmüddətli sülh və regional əməkdaşlıq üçün yeni imkanların yarandığını göstərir. Tərəflər arasında yalnız siyasi dialoq deyil, enerji, nəqliyyat və digər kommunikasiya layihələri ilə bağlı müzakirələrin aparılması münasibətlərin gələcək istiqaməti baxımından xüsusi əhəmiyyət daşıyır.
Ermənistanın baş naziri Nikol Paşinyan da son açıqlamalarında Qarabağ münaqişəsinin başa çatdığını bildirərək əsas məqsədin Ermənistanın mövcud sərhədləri daxilində müstəqilliyinin möhkəmləndirilməsi olduğunu vurğulayıb. Bu yanaşma İrəvanın əvvəlki siyasi xəttindən uzaqlaşmasının göstəricisi kimi qiymətləndirilir.
Paşinyanın Azərbaycanla elektrik enerjisinin idxalı və ixracı sahəsində əməkdaşlığın mümkünlüyündən danışması da diqqət çəkib. Baş nazir azərbaycanlı mütəxəssislərin 2025-ci ilin sentyabrında və 2026-cı ilin yanvarında Ermənistanda olduğunu təsdiqləyərək elektrik ötürücü xətləri, dəmir yolları, boru kəmərləri və digər infrastruktur məsələləri üzrə müzakirələrin aparıldığını bildirib.
Bu proseslərin davam etməsi Azərbaycan və Ermənistan arasında onilliklər ərzində mövcud olmayan iqtisadi və kommunikasiya əlaqələrinin tədricən bərpasına şərait yarada bilər. Regional nəqliyyat xətlərinin açılması isə yalnız iki ölkə deyil, bütövlükdə Cənubi Qafqaz üçün yeni iqtisadi imkanlar vəd edir.
Lakin müsbət proseslərin fonunda Ermənistandakı revanşist və keçmiş separatçı dairələrin fəaliyyəti yenidən diqqət mərkəzinə düşüb. Ermənistan mediasında yayılan məlumatlara görə, avqustun 18-də keçmiş separatçı qurumun bəzi nümayəndələrinin İrəvanda görüş keçirməsi planlaşdırılır. İddialara əsasən, toplantıda keçmiş separatçı strukturlarda yeni “prezident” və “parlament sədri” məsələlərinin müzakirəsi nəzərdə tutulur.
Bu məlumatlar təsdiqlənərsə, əsas sual Ermənistan hakimiyyətinin belə fəaliyyətə hansı münasibəti göstərəcəyidir. Azərbaycan ərazisində vaxtilə mövcud olmuş separatçı qurumun fəaliyyətinin Ermənistan ərazisində başqa formada davam etdirilməsi Bakı ilə İrəvan arasında formalaşmaqda olan etimad mühitinə mənfi təsir göstərə bilər.
Xüsusilə Ermənistan parlamentindən keçmiş separatçı rejimlə əlaqələndirilən simvolların yığışdırılmasından sonra belə bir toplantının keçirilməsi Paşinyan hökumətinin mövqeyini yenidən sınaq qarşısında qoyur. Avqustun 18-də nəzərdə tutulan görüşə münasibət İrəvanın separatizm səhifəsini həqiqətən bağlayıb-bağlamadığının mühüm göstəricilərindən biri ola bilər.
Digər mühüm məsələ Ermənistanın mümkün konstitusiya dəyişiklikləridir. Bakı uzunmüddətli sülhün qarşılıqlı ərazi bütövlüyünün qeyd-şərtsiz tanınmasına əsaslanmalı olduğunu bildirir. Ermənistanda revanşist qüvvələrin isə mümkün konstitusiya dəyişikliklərinə qarşı çıxmağa çalışdığı müşahidə olunur.
Regional kommunikasiyaların açılması, enerji əməkdaşlığının başlanması və yekun sülh sazişinə doğru irəliləyiş Ermənistan qarşısında mühüm siyasi seçim yaradır. İrəvan ya yeni regional əməkdaşlıq modelinə inteqrasiya edəcək, ya da keçmiş münaqişənin siyasi elementlərinin ölkə daxilində saxlanmasına imkan verərək prosesin ləngiməsi riskini artıracaq.
Bu baxımdan avqustun 18-də keçirilməsi planlaşdırılan toplantı adi daxili siyasi hadisə kimi görünmür. Paşinyan hökumətinin qarşıdakı dörd gün ərzində tutacağı mövqe həm separatçı dairələrə veriləcək mesaj, həm də Azərbaycanla sülh prosesinin gələcəyi baxımından diqqətlə izlənəcək.
Məlumatlanmaq üçün Facebook səhifəmizi
Digər xəbərlər
Tarix: 14-08-2026 | Saat: 19:00
Bölmə:Özəl | çapa göndər
Azərbaycan-Ermənistan münasibətlərində son dövrdə müşahidə edilən proseslər Bakı ilə İrəvan arasında uzunmüddətli sülh və regional əməkdaşlıq üçün yeni imkanların yarandığını göstərir. Tərəflər arasında yalnız siyasi dialoq deyil, enerji, nəqliyyat və digər kommunikasiya layihələri ilə bağlı müzakirələrin aparılması münasibətlərin gələcək istiqaməti baxımından xüsusi əhəmiyyət daşıyır.
Ermənistanın baş naziri Nikol Paşinyan da son açıqlamalarında Qarabağ münaqişəsinin başa çatdığını bildirərək əsas məqsədin Ermənistanın mövcud sərhədləri daxilində müstəqilliyinin möhkəmləndirilməsi olduğunu vurğulayıb. Bu yanaşma İrəvanın əvvəlki siyasi xəttindən uzaqlaşmasının göstəricisi kimi qiymətləndirilir.
Paşinyanın Azərbaycanla elektrik enerjisinin idxalı və ixracı sahəsində əməkdaşlığın mümkünlüyündən danışması da diqqət çəkib. Baş nazir azərbaycanlı mütəxəssislərin 2025-ci ilin sentyabrında və 2026-cı ilin yanvarında Ermənistanda olduğunu təsdiqləyərək elektrik ötürücü xətləri, dəmir yolları, boru kəmərləri və digər infrastruktur məsələləri üzrə müzakirələrin aparıldığını bildirib.
Bu proseslərin davam etməsi Azərbaycan və Ermənistan arasında onilliklər ərzində mövcud olmayan iqtisadi və kommunikasiya əlaqələrinin tədricən bərpasına şərait yarada bilər. Regional nəqliyyat xətlərinin açılması isə yalnız iki ölkə deyil, bütövlükdə Cənubi Qafqaz üçün yeni iqtisadi imkanlar vəd edir.
Lakin müsbət proseslərin fonunda Ermənistandakı revanşist və keçmiş separatçı dairələrin fəaliyyəti yenidən diqqət mərkəzinə düşüb. Ermənistan mediasında yayılan məlumatlara görə, avqustun 18-də keçmiş separatçı qurumun bəzi nümayəndələrinin İrəvanda görüş keçirməsi planlaşdırılır. İddialara əsasən, toplantıda keçmiş separatçı strukturlarda yeni “prezident” və “parlament sədri” məsələlərinin müzakirəsi nəzərdə tutulur.
Bu məlumatlar təsdiqlənərsə, əsas sual Ermənistan hakimiyyətinin belə fəaliyyətə hansı münasibəti göstərəcəyidir. Azərbaycan ərazisində vaxtilə mövcud olmuş separatçı qurumun fəaliyyətinin Ermənistan ərazisində başqa formada davam etdirilməsi Bakı ilə İrəvan arasında formalaşmaqda olan etimad mühitinə mənfi təsir göstərə bilər.
Xüsusilə Ermənistan parlamentindən keçmiş separatçı rejimlə əlaqələndirilən simvolların yığışdırılmasından sonra belə bir toplantının keçirilməsi Paşinyan hökumətinin mövqeyini yenidən sınaq qarşısında qoyur. Avqustun 18-də nəzərdə tutulan görüşə münasibət İrəvanın separatizm səhifəsini həqiqətən bağlayıb-bağlamadığının mühüm göstəricilərindən biri ola bilər.
Digər mühüm məsələ Ermənistanın mümkün konstitusiya dəyişiklikləridir. Bakı uzunmüddətli sülhün qarşılıqlı ərazi bütövlüyünün qeyd-şərtsiz tanınmasına əsaslanmalı olduğunu bildirir. Ermənistanda revanşist qüvvələrin isə mümkün konstitusiya dəyişikliklərinə qarşı çıxmağa çalışdığı müşahidə olunur.
Regional kommunikasiyaların açılması, enerji əməkdaşlığının başlanması və yekun sülh sazişinə doğru irəliləyiş Ermənistan qarşısında mühüm siyasi seçim yaradır. İrəvan ya yeni regional əməkdaşlıq modelinə inteqrasiya edəcək, ya da keçmiş münaqişənin siyasi elementlərinin ölkə daxilində saxlanmasına imkan verərək prosesin ləngiməsi riskini artıracaq.
Bu baxımdan avqustun 18-də keçirilməsi planlaşdırılan toplantı adi daxili siyasi hadisə kimi görünmür. Paşinyan hökumətinin qarşıdakı dörd gün ərzində tutacağı mövqe həm separatçı dairələrə veriləcək mesaj, həm də Azərbaycanla sülh prosesinin gələcəyi baxımından diqqətlə izlənəcək.
Məlumatlanmaq üçün Facebook səhifəmizi
Xəbəri paylaş
Digər xəbərlər
