Manaf Manafov: “Yeni Azərbaycan Partiyası Heydər Əliyev ideyalarının əsas daşıyıcısı və qoruyucusudur”
Tarix: 03-10-2026 | Saat: 14:30
Bölmə:Manşet / Siyasət | çapa göndər
“Yeni Azərbaycan Partiyasının VIII Qurultayında cənab Prezident İlham Əliyevin çıxışı Azərbaycanın son illərdə keçdiyi mürəkkəb və mühüm inkişaf yoluna nəzər salmaqla yanaşı, ölkənin qarşıdakı dövr üçün prioritetlərini də aydın şəkildə müəyyənləşdirdi. Çıxışın ümumi məzmunundan görünürdü ki, Azərbaycan artıq əvvəlki mərhələdən fərqlənən yeni siyasi və strateji reallıqlar şəraitində fəaliyyət göstərir. Ərazi bütövlüyünün və suverenliyin bərpası ilə ölkənin qarşısında yeni imkanlar açılıb və əsas vəzifə əldə edilmiş tarixi nəticələrin qorunması, möhkəmləndirilməsi və davamlı inkişaf üçün möhkəm bazaya çevrilməsidir. Cənab Prezident çıxışında milli təhlükəsizlik və müdafiə məsələlərinə xüsusi önəm verdi. Dünyanın müxtəlif regionlarında münaqişələrin, geosiyasi qarşıdurmaların və təhlükəsizlik risklərinin davam etdiyi indiki şəraitdə Azərbaycanın müdafiə potensialının daim yüksək səviyyədə saxlanılması mühüm vəzifə kimi qarşıya qoyulur. 2020-ci il Vətən müharibəsi və 2023-cü ildə həyata keçirilən tədbirlər nəticəsində Azərbaycanın ərazi bütövlüyünün və suverenliyinin tam təmin olunması ölkənin hərbi-siyasi tarixində yeni mərhələnin əsasını qoydu. Bununla yanaşı, əldə edilmiş nəticələrin etibarlı şəkildə qorunması güclü orduya, yüksək müdafiə qabiliyyətinə və təhlükəsizlik siyasətinin davamlılığına ehtiyacı artırır.”
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov səsləndirib.
Hakim partiya təmsilçisi Prezident İlham Əliyevin çıxışında Azərbaycanın beynəlxalq mövqelərinin güclənməsi ilə ölkənin iqtisadi potensialının genişləndirilməsi arasında olan qarşılıqlı əlaqə barədə yer almış fikirlərin əhəmiyyətini xüsusi vurğulayıb: “Azərbaycanın malik olduğu enerji resursları, strateji coğrafi mövqeyi və formalaşdırdığı nəqliyyat infrastrukturu ölkənin regional proseslərdə rolunu artıran mühüm amillərdir. Xüsusilə enerji sahəsində əldə olunan imkanlar artıq yalnız iqtisadi gəlirlər baxımından deyil, Azərbaycanın regional və beynəlxalq geosiyasi əhəmiyyətinin artması baxımından da diqqət çəkir. Enerji təhlükəsizliyi bu mənada ölkənin xarici əlaqələrində və regional əməkdaşlıq imkanlarında mühüm istiqamətlərdən birinə çevrilib. Nəqliyyat və logistika sahəsində formalaşan imkanlar da Azərbaycanın yeni strateji mövqeyini gücləndirir. Şərqlə Qərb, Şimalla Cənub arasında yerləşən Azərbaycan mühüm tranzit qovşaqlarından birinə çevrilmək istiqamətində geniş imkanlara malikdir. Orta Dəhliz və Şimal-Cənub nəqliyyat marşrutlarının inkişafı ölkənin həm iqtisadi potensialını artırır, həm də regional əməkdaşlıq sistemində rolunu genişləndirir. Cənab Prezidentin tranzit yükdaşımalarının orta müddətdə 30 milyon tona çatdırılması ilə bağlı hədəfi də Azərbaycanın nəqliyyat-logistika imkanlarının qarşıdakı dövrdə daha da genişləndiriləcəyini göstərən mühüm məqamlardandır. Yeni mərhələnin əsas istiqamətlərindən biri isə Qarabağ və Şərqi Zəngəzurun bərpası və Böyük Qayıdış prosesinin davam etdirilməsidir. İşğaldan azad edilmiş ərazilərdə həyata keçirilən genişmiqyaslı quruculuq işləri 2020-ci il Zəfərinin nəticələrinin real həyatda davam etdirilməsinin göstəricisidir. Cənab Prezidentin çıxışında qeyd etdiyi kimi, hazırda həmin ərazilərdə 96 min insan yaşayır, işləyir və təhsil alır. 48 yaşayış məntəqəsində keçmiş məcburi köçkünlərin məskunlaşmasının təmin edilməsi və bərpa-quruculuq layihələrinə indiyədək 28 milyard manat vəsaitin yönəldilməsi prosesin miqyasını aydın göstərir. Böyük Qayıdışın mahiyyəti yalnız insanların doğma torpaqlarına qaytarılması ilə məhdudlaşmır. Qarabağ və Şərqi Zəngəzurda yaşayış məntəqələrinin yenidən qurulması, sosial obyektlərin yaradılması, iqtisadi fəaliyyətin bərpası və müasir infrastrukturun formalaşdırılması bütövlükdə regionun gələcək inkişaf modelinin qurulması deməkdir. Qarşıdakı illərdə bu prosesin daha geniş miqyas alması Azərbaycanın sosial-iqtisadi gündəliyinin əsas istiqamətlərindən biri olaraq qalacaq. Cənab Prezidentin çıxışında sosial siyasət və iqtisadi inkişafın paralel şəkildə həyata keçirilməsinin vacibliyi də diqqət mərkəzində oldu. Minimum əməkhaqqının, pensiyaların və sosial müavinətlərin artırılması ilə bağlı səsləndirilən fikirlər dövlət siyasətində əhalinin sosial rifahının yüksəldilməsinin mühüm yer tutduğunu göstərir. Bununla belə, sosial öhdəliklərin davamlı şəkildə genişləndirilməsi ölkənin iqtisadi artım tempindən, dövlət gəlirlərindən və maliyyə imkanlarından birbaşa asılıdır. Bu baxımdan iqtisadi inkişaf sosial siyasətin əsas təminatlarından biri kimi çıxış edir.
Fikirlərini davam etdirən müsahibimiz daha sonra bildirib ki, Qurultayda diqqət çəkən digər istiqamət informasiya və ideoloji təhlükəsizlik məsələləri oldu: “Müasir dövrdə milli təhlükəsizlik anlayışı artıq yalnız dövlət sərhədlərinin və hərbi obyektlərin müdafiəsi ilə məhdudlaşmır. Rəqəmsal platformaların geniş yayılması, sosial şəbəkələrin təsir imkanlarının artması, kiberməkanın əhəmiyyət qazanması və süni intellekt texnologiyalarının sürətli inkişafı yeni imkanlarla yanaşı, yeni risklər də meydana çıxarır. Dezinformasiya, informasiya manipulyasiyası və müxtəlif xarici təsirlərə qarşı cəmiyyətin hazırlıqlı olması bu səbəbdən dövlət təhlükəsizliyinin mühüm istiqamətlərindən birinə çevrilir. Belə bir şəraitdə təhsilin və insan kapitalının rolu daha da artır. İnformasiya bolluğu şəraitində düzgün mənbə seçməyi, yayılan məlumatları təhlil etməyi və müxtəlif təsirləri ayırd etməyi bacaran cəmiyyət daha dayanıqlı olur. Müasir biliklərə yiyələnmiş, tənqidi düşüncə qabiliyyəti formalaşmış və dünyada baş verən prosesləri düzgün qiymətləndirə bilən insan kapitalının yetişdirilməsi bu baxımdan yalnız təhsil siyasətinin deyil, həm də milli inkişaf strategiyasının mühüm hissəsidir. Cənab Prezidentin çıxışında təhlükəsizlikdən iqtisadiyyata, nəqliyyatdan enerjiyə, Qarabağın bərpasından sosial siyasətə qədər müxtəlif istiqamətlərin vahid məntiq çərçivəsində təqdim edilməsi Azərbaycanın qarşısında dayanan vəzifələrin bir-biri ilə sıx bağlı olduğunu göstərdi. Ərazi bütövlüyünün və suverenliyin bərpası ölkəyə yeni imkanlar qazandırıb. İndi əsas məsələ həmin imkanlardan səmərəli istifadə etməklə iqtisadi inkişafı sürətləndirmək, sosial rifahı yüksəltmək, təhlükəsizlik potensialını qorumaq və Azərbaycanın beynəlxalq mövqelərini daha da möhkəmləndirməkdir. Azərbaycan üçün formalaşan yeni mərhələ mahiyyət etibarilə Zəfərin nəticələrinin qorunması, inkişaf etdirilməsi və uzunmüddətli dövlət strategiyasına çevrilməsi mərhələsidir. Güclü ordu və etibarlı təhlükəsizlik sistemi, dayanıqlı iqtisadiyyat, enerji və nəqliyyat imkanlarından səmərəli istifadə, Qarabağ və Şərqi Zəngəzurun dirçəldilməsi, sosial rifahın yüksəldilməsi və insan kapitalının inkişafı bu mərhələnin əsas dayaqlarını təşkil edir. YAP-ın VIII Qurultayında cənab Prezident İlham Əliyevin səsləndirdiyi fikirlər də Azərbaycanın qarşısında yeni və daha genişmiqyaslı vəzifələrin dayandığını göstərdi. Artıq söhbət yalnız keçmişin ağır problemlərinin aradan qaldırılmasından getmir. Qarşıda duran əsas məqsəd əldə edilmiş tarixi nəticələri qorumaq, onları davamlı iqtisadi və sosial inkişafla möhkəmləndirmək, Azərbaycanın gücünü və beynəlxalq mövqelərini daha da artırmaqdır. Bu isə dövlət və cəmiyyət qarşısında uzunmüddətli, ardıcıl və məqsədyönlü fəaliyyət tələb edən yeni inkişaf mərhələsinin formalaşdığını göstərir” – deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 03-10-2026 | Saat: 14:30
Bölmə:Manşet / Siyasət | çapa göndər
“Yeni Azərbaycan Partiyasının VIII Qurultayında cənab Prezident İlham Əliyevin çıxışı Azərbaycanın son illərdə keçdiyi mürəkkəb və mühüm inkişaf yoluna nəzər salmaqla yanaşı, ölkənin qarşıdakı dövr üçün prioritetlərini də aydın şəkildə müəyyənləşdirdi. Çıxışın ümumi məzmunundan görünürdü ki, Azərbaycan artıq əvvəlki mərhələdən fərqlənən yeni siyasi və strateji reallıqlar şəraitində fəaliyyət göstərir. Ərazi bütövlüyünün və suverenliyin bərpası ilə ölkənin qarşısında yeni imkanlar açılıb və əsas vəzifə əldə edilmiş tarixi nəticələrin qorunması, möhkəmləndirilməsi və davamlı inkişaf üçün möhkəm bazaya çevrilməsidir. Cənab Prezident çıxışında milli təhlükəsizlik və müdafiə məsələlərinə xüsusi önəm verdi. Dünyanın müxtəlif regionlarında münaqişələrin, geosiyasi qarşıdurmaların və təhlükəsizlik risklərinin davam etdiyi indiki şəraitdə Azərbaycanın müdafiə potensialının daim yüksək səviyyədə saxlanılması mühüm vəzifə kimi qarşıya qoyulur. 2020-ci il Vətən müharibəsi və 2023-cü ildə həyata keçirilən tədbirlər nəticəsində Azərbaycanın ərazi bütövlüyünün və suverenliyinin tam təmin olunması ölkənin hərbi-siyasi tarixində yeni mərhələnin əsasını qoydu. Bununla yanaşı, əldə edilmiş nəticələrin etibarlı şəkildə qorunması güclü orduya, yüksək müdafiə qabiliyyətinə və təhlükəsizlik siyasətinin davamlılığına ehtiyacı artırır.”
Bu fikirləri aia.az-a açıqlamasında Nərimanov Rayon Mənzil-Kommunal Təsərrüfatı Birliyinin rəisi, Yeni Azərbaycan Partiyasının üzvü Manaf Manafov səsləndirib.
Hakim partiya təmsilçisi Prezident İlham Əliyevin çıxışında Azərbaycanın beynəlxalq mövqelərinin güclənməsi ilə ölkənin iqtisadi potensialının genişləndirilməsi arasında olan qarşılıqlı əlaqə barədə yer almış fikirlərin əhəmiyyətini xüsusi vurğulayıb: “Azərbaycanın malik olduğu enerji resursları, strateji coğrafi mövqeyi və formalaşdırdığı nəqliyyat infrastrukturu ölkənin regional proseslərdə rolunu artıran mühüm amillərdir. Xüsusilə enerji sahəsində əldə olunan imkanlar artıq yalnız iqtisadi gəlirlər baxımından deyil, Azərbaycanın regional və beynəlxalq geosiyasi əhəmiyyətinin artması baxımından da diqqət çəkir. Enerji təhlükəsizliyi bu mənada ölkənin xarici əlaqələrində və regional əməkdaşlıq imkanlarında mühüm istiqamətlərdən birinə çevrilib. Nəqliyyat və logistika sahəsində formalaşan imkanlar da Azərbaycanın yeni strateji mövqeyini gücləndirir. Şərqlə Qərb, Şimalla Cənub arasında yerləşən Azərbaycan mühüm tranzit qovşaqlarından birinə çevrilmək istiqamətində geniş imkanlara malikdir. Orta Dəhliz və Şimal-Cənub nəqliyyat marşrutlarının inkişafı ölkənin həm iqtisadi potensialını artırır, həm də regional əməkdaşlıq sistemində rolunu genişləndirir. Cənab Prezidentin tranzit yükdaşımalarının orta müddətdə 30 milyon tona çatdırılması ilə bağlı hədəfi də Azərbaycanın nəqliyyat-logistika imkanlarının qarşıdakı dövrdə daha da genişləndiriləcəyini göstərən mühüm məqamlardandır. Yeni mərhələnin əsas istiqamətlərindən biri isə Qarabağ və Şərqi Zəngəzurun bərpası və Böyük Qayıdış prosesinin davam etdirilməsidir. İşğaldan azad edilmiş ərazilərdə həyata keçirilən genişmiqyaslı quruculuq işləri 2020-ci il Zəfərinin nəticələrinin real həyatda davam etdirilməsinin göstəricisidir. Cənab Prezidentin çıxışında qeyd etdiyi kimi, hazırda həmin ərazilərdə 96 min insan yaşayır, işləyir və təhsil alır. 48 yaşayış məntəqəsində keçmiş məcburi köçkünlərin məskunlaşmasının təmin edilməsi və bərpa-quruculuq layihələrinə indiyədək 28 milyard manat vəsaitin yönəldilməsi prosesin miqyasını aydın göstərir. Böyük Qayıdışın mahiyyəti yalnız insanların doğma torpaqlarına qaytarılması ilə məhdudlaşmır. Qarabağ və Şərqi Zəngəzurda yaşayış məntəqələrinin yenidən qurulması, sosial obyektlərin yaradılması, iqtisadi fəaliyyətin bərpası və müasir infrastrukturun formalaşdırılması bütövlükdə regionun gələcək inkişaf modelinin qurulması deməkdir. Qarşıdakı illərdə bu prosesin daha geniş miqyas alması Azərbaycanın sosial-iqtisadi gündəliyinin əsas istiqamətlərindən biri olaraq qalacaq. Cənab Prezidentin çıxışında sosial siyasət və iqtisadi inkişafın paralel şəkildə həyata keçirilməsinin vacibliyi də diqqət mərkəzində oldu. Minimum əməkhaqqının, pensiyaların və sosial müavinətlərin artırılması ilə bağlı səsləndirilən fikirlər dövlət siyasətində əhalinin sosial rifahının yüksəldilməsinin mühüm yer tutduğunu göstərir. Bununla belə, sosial öhdəliklərin davamlı şəkildə genişləndirilməsi ölkənin iqtisadi artım tempindən, dövlət gəlirlərindən və maliyyə imkanlarından birbaşa asılıdır. Bu baxımdan iqtisadi inkişaf sosial siyasətin əsas təminatlarından biri kimi çıxış edir.
Fikirlərini davam etdirən müsahibimiz daha sonra bildirib ki, Qurultayda diqqət çəkən digər istiqamət informasiya və ideoloji təhlükəsizlik məsələləri oldu: “Müasir dövrdə milli təhlükəsizlik anlayışı artıq yalnız dövlət sərhədlərinin və hərbi obyektlərin müdafiəsi ilə məhdudlaşmır. Rəqəmsal platformaların geniş yayılması, sosial şəbəkələrin təsir imkanlarının artması, kiberməkanın əhəmiyyət qazanması və süni intellekt texnologiyalarının sürətli inkişafı yeni imkanlarla yanaşı, yeni risklər də meydana çıxarır. Dezinformasiya, informasiya manipulyasiyası və müxtəlif xarici təsirlərə qarşı cəmiyyətin hazırlıqlı olması bu səbəbdən dövlət təhlükəsizliyinin mühüm istiqamətlərindən birinə çevrilir. Belə bir şəraitdə təhsilin və insan kapitalının rolu daha da artır. İnformasiya bolluğu şəraitində düzgün mənbə seçməyi, yayılan məlumatları təhlil etməyi və müxtəlif təsirləri ayırd etməyi bacaran cəmiyyət daha dayanıqlı olur. Müasir biliklərə yiyələnmiş, tənqidi düşüncə qabiliyyəti formalaşmış və dünyada baş verən prosesləri düzgün qiymətləndirə bilən insan kapitalının yetişdirilməsi bu baxımdan yalnız təhsil siyasətinin deyil, həm də milli inkişaf strategiyasının mühüm hissəsidir. Cənab Prezidentin çıxışında təhlükəsizlikdən iqtisadiyyata, nəqliyyatdan enerjiyə, Qarabağın bərpasından sosial siyasətə qədər müxtəlif istiqamətlərin vahid məntiq çərçivəsində təqdim edilməsi Azərbaycanın qarşısında dayanan vəzifələrin bir-biri ilə sıx bağlı olduğunu göstərdi. Ərazi bütövlüyünün və suverenliyin bərpası ölkəyə yeni imkanlar qazandırıb. İndi əsas məsələ həmin imkanlardan səmərəli istifadə etməklə iqtisadi inkişafı sürətləndirmək, sosial rifahı yüksəltmək, təhlükəsizlik potensialını qorumaq və Azərbaycanın beynəlxalq mövqelərini daha da möhkəmləndirməkdir. Azərbaycan üçün formalaşan yeni mərhələ mahiyyət etibarilə Zəfərin nəticələrinin qorunması, inkişaf etdirilməsi və uzunmüddətli dövlət strategiyasına çevrilməsi mərhələsidir. Güclü ordu və etibarlı təhlükəsizlik sistemi, dayanıqlı iqtisadiyyat, enerji və nəqliyyat imkanlarından səmərəli istifadə, Qarabağ və Şərqi Zəngəzurun dirçəldilməsi, sosial rifahın yüksəldilməsi və insan kapitalının inkişafı bu mərhələnin əsas dayaqlarını təşkil edir. YAP-ın VIII Qurultayında cənab Prezident İlham Əliyevin səsləndirdiyi fikirlər də Azərbaycanın qarşısında yeni və daha genişmiqyaslı vəzifələrin dayandığını göstərdi. Artıq söhbət yalnız keçmişin ağır problemlərinin aradan qaldırılmasından getmir. Qarşıda duran əsas məqsəd əldə edilmiş tarixi nəticələri qorumaq, onları davamlı iqtisadi və sosial inkişafla möhkəmləndirmək, Azərbaycanın gücünü və beynəlxalq mövqelərini daha da artırmaqdır. Bu isə dövlət və cəmiyyət qarşısında uzunmüddətli, ardıcıl və məqsədyönlü fəaliyyət tələb edən yeni inkişaf mərhələsinin formalaşdığını göstərir” – deyə, Manaf Manafov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
03-10-2026
