Azərbaycan-Macarıstan münasibətləri daha da genişlənəcəkdir - DEPUTAT
Tarix: 21-05-2025 | Saat: 20:12
Bölmə:Manşet / Siyasət | çapa göndər
Azərbaycanın dövlət müstəqilliyinin bərpası onun dünya dövlətləri ilə ikitərəfli əlaqələrinin yaranmasına, siyasi münasibətlərin genişlənməsinə, bu münasibətlər əsasında iqtisadi, mədəni əlaqələrin də genişlənməsinə şərait yaratdı. Azərbaycan qısa müddətdə dünyanın əksər dövlətləri ilə siyasi əlaqələrini dünyəvi siyasət sisteminə inteqrasiya edə bildi. Belə dövlətlərdən biri də Macarıstan oldu.
Azərbaycan Respublikasının Prezidenti cənab İlham Əliyev Macarıstana işgüzar səfəri zamanı mətbuata verdiyi bəyanatda da ikitərəfli əlaqələrin hər iki dövlətin siyasi maraqlarına uyğunluğunu, onların strateji tərəfdaş olduğunu, İkinci Qarabağ müahribəsinin BMT-nin Nizamnaməsi əsasında aparıldığını, bu müharibədə sülh müqaviləsinin mətninin müəllifinin Azərbaycan olduğunu, bu mətni Ermənistanın qəbul etdiyini və s. xatırladaraq bildirdi ki, “Bizim ikitərəfli gündəliyimiz də kifayət qədər genişdir. Macarıstan şirkətləri Azərbaycanın əsas iki neft və qaz layihəsində pay sahibidir - “Azəri-Çıraq-Günəşli” və “Şahdəniz” yataqlarında. Gələn ilin əvvəlində növbəti kontrakt imzalanacaqdır. Azərbaycanın qurudakı neft yataqlarında Macarıstan şirkəti fəaliyyətə başlayacaq. Biz keçən ildən etibarən Macarıstana təbii qazın ixracına başlamışıq. Biz Macarıstanın tələbatı səviyyəsində qaz təminatı təşkil edə bilərik. Bizim qaz resurs bazamız kifayət qədər genişdir və genişlənir, yeni qaz yataqları istismara veriləcək. Biz bu gün 12 ölkəyə təbii qaz ixrac edirik. Onlardan 10-u Avropa ölkəsidir, 8-i isə Avropa İttifaqı üzvüdür. Avropa Komissiyası Azərbaycanı Pan-Avropa qaz təchizatçısı ölkə və etibarlı tərəfdaş kimi tanıyır. Əgər biz qaz ixracının coğrafiyasına baxsaq, görərik ki, burada nəinki Avropa məkanında, dünya miqyasında boru xətti ilə nəql edilən qazın coğrafi əhatəsinə görə Azərbaycan dünyada qabaqcıl yerlərdədir. Bizim gələcəkdə qaz ehtiyatlarımızın işlənilməsi nəzərdə tutulur. Biz, eyni zamanda, Macarıstanla yaşıl enerji üzrə fəal işləyirik. Azərbaycanın çox böyükmiqyaslı yaşıl enerji gündəliyi vardır. Biz növbəti beş il ərzində 6 min meqavat gücündə yaşıl enerji istehsal edəcəyik. 500 meqavat son iki il ərzində yaradıldı, 6 min meqavat beş il ərzində təmin ediləcək. Yəni bu, reallaşacaq layihələrdir. Təkcə bu layihələr bizə təqribən 3-4 milyard kubmetr qaza qənaət etmək üçün imkan yaradacaq ki, bunun da əsas istiqaməti təbii ki, Türkiyə və Avropa ölkələri olacaqdır”.
Macarıstanın müstəqil siyasət aparan nadir ölkələrdən biri olduğunu bildirən Azərbaycan Respublikasının Prezidenti cənab İlham Əliyev Avropa İttifaqı çərçivəsində müstəqil siyasət aparmağın çətinliyini də xatırladaraq bildirdi ki, “…dostum Viktor Orban həmişə Macarıstanın dövlət və milli maraqlarını hər şeydən üstün tutub. Biz bunu alqışlayırıq. Hər zaman Macarıstanın maraqlarını qoruyub və Macarıstan üçün nə xeyir gətirirsə, o təşəbbüslərə qoşulub, nə xeyir gətirmirsə, o təşəbbüslərdən həmişə uzaq olub. Yenə də deyirəm, Avropa İttifaqının içində ola-ola bu siyasəti aparmaq, deyə bilərəm ki, doğrudan da böyük qəhrəmanlıq, siyasi iradə və düşünülmüş siyasət tələb edir. Bütün bunlar da Macarıstanda var”.
Azərbaycan Respublikasının Prezidenti cənab İlham Əliyevin Macarıstana işgüzar səfəri də, səfər zamanı mətbuata verdiyi bəyanat da tədsdiqləyir ki, Azərbaycan-Macarısan münasibətləri dünyəvi proseslər müstəvisində tarixi gerçəkliklərin münasibətidir və bundan sonra daha da genişlənəcəkdir…
Səbinə XASAYEVA,
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 21-05-2025 | Saat: 20:12
Bölmə:Manşet / Siyasət | çapa göndər
Azərbaycanın dövlət müstəqilliyinin bərpası onun dünya dövlətləri ilə ikitərəfli əlaqələrinin yaranmasına, siyasi münasibətlərin genişlənməsinə, bu münasibətlər əsasında iqtisadi, mədəni əlaqələrin də genişlənməsinə şərait yaratdı. Azərbaycan qısa müddətdə dünyanın əksər dövlətləri ilə siyasi əlaqələrini dünyəvi siyasət sisteminə inteqrasiya edə bildi. Belə dövlətlərdən biri də Macarıstan oldu.
Azərbaycan Respublikasının Prezidenti cənab İlham Əliyev Macarıstana işgüzar səfəri zamanı mətbuata verdiyi bəyanatda da ikitərəfli əlaqələrin hər iki dövlətin siyasi maraqlarına uyğunluğunu, onların strateji tərəfdaş olduğunu, İkinci Qarabağ müahribəsinin BMT-nin Nizamnaməsi əsasında aparıldığını, bu müharibədə sülh müqaviləsinin mətninin müəllifinin Azərbaycan olduğunu, bu mətni Ermənistanın qəbul etdiyini və s. xatırladaraq bildirdi ki, “Bizim ikitərəfli gündəliyimiz də kifayət qədər genişdir. Macarıstan şirkətləri Azərbaycanın əsas iki neft və qaz layihəsində pay sahibidir - “Azəri-Çıraq-Günəşli” və “Şahdəniz” yataqlarında. Gələn ilin əvvəlində növbəti kontrakt imzalanacaqdır. Azərbaycanın qurudakı neft yataqlarında Macarıstan şirkəti fəaliyyətə başlayacaq. Biz keçən ildən etibarən Macarıstana təbii qazın ixracına başlamışıq. Biz Macarıstanın tələbatı səviyyəsində qaz təminatı təşkil edə bilərik. Bizim qaz resurs bazamız kifayət qədər genişdir və genişlənir, yeni qaz yataqları istismara veriləcək. Biz bu gün 12 ölkəyə təbii qaz ixrac edirik. Onlardan 10-u Avropa ölkəsidir, 8-i isə Avropa İttifaqı üzvüdür. Avropa Komissiyası Azərbaycanı Pan-Avropa qaz təchizatçısı ölkə və etibarlı tərəfdaş kimi tanıyır. Əgər biz qaz ixracının coğrafiyasına baxsaq, görərik ki, burada nəinki Avropa məkanında, dünya miqyasında boru xətti ilə nəql edilən qazın coğrafi əhatəsinə görə Azərbaycan dünyada qabaqcıl yerlərdədir. Bizim gələcəkdə qaz ehtiyatlarımızın işlənilməsi nəzərdə tutulur. Biz, eyni zamanda, Macarıstanla yaşıl enerji üzrə fəal işləyirik. Azərbaycanın çox böyükmiqyaslı yaşıl enerji gündəliyi vardır. Biz növbəti beş il ərzində 6 min meqavat gücündə yaşıl enerji istehsal edəcəyik. 500 meqavat son iki il ərzində yaradıldı, 6 min meqavat beş il ərzində təmin ediləcək. Yəni bu, reallaşacaq layihələrdir. Təkcə bu layihələr bizə təqribən 3-4 milyard kubmetr qaza qənaət etmək üçün imkan yaradacaq ki, bunun da əsas istiqaməti təbii ki, Türkiyə və Avropa ölkələri olacaqdır”.
Macarıstanın müstəqil siyasət aparan nadir ölkələrdən biri olduğunu bildirən Azərbaycan Respublikasının Prezidenti cənab İlham Əliyev Avropa İttifaqı çərçivəsində müstəqil siyasət aparmağın çətinliyini də xatırladaraq bildirdi ki, “…dostum Viktor Orban həmişə Macarıstanın dövlət və milli maraqlarını hər şeydən üstün tutub. Biz bunu alqışlayırıq. Hər zaman Macarıstanın maraqlarını qoruyub və Macarıstan üçün nə xeyir gətirirsə, o təşəbbüslərə qoşulub, nə xeyir gətirmirsə, o təşəbbüslərdən həmişə uzaq olub. Yenə də deyirəm, Avropa İttifaqının içində ola-ola bu siyasəti aparmaq, deyə bilərəm ki, doğrudan da böyük qəhrəmanlıq, siyasi iradə və düşünülmüş siyasət tələb edir. Bütün bunlar da Macarıstanda var”.
Azərbaycan Respublikasının Prezidenti cənab İlham Əliyevin Macarıstana işgüzar səfəri də, səfər zamanı mətbuata verdiyi bəyanat da tədsdiqləyir ki, Azərbaycan-Macarısan münasibətləri dünyəvi proseslər müstəvisində tarixi gerçəkliklərin münasibətidir və bundan sonra daha da genişlənəcəkdir…
Səbinə XASAYEVA,
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
21-05-2025
