Novruzəli Aslanov: “Dövlətin əsas məqsədi kənd təsərrüfatını ixrac potensialı yüksək olan rəqabətqabiliyyətli iqtisadi sektor kimi inkişaf etdirməkdir”
Tarix: 25-05-2026 | Saat: 20:06
Bölmə:Manşet / Siyasət | çapa göndər
“Kənd təsərrüfatı Azərbaycanın iqtisadi strukturunda təkcə istehsal sahəsi kimi deyil, həm də sosial sabitliyin və regional inkişafın əsas dayaqlarından biri kimi çıxış edir. Mayın 25-də Prezident İlham Əliyevin sədrliyi ilə keçirilən müşavirədə səsləndirilən fikirlər bu sahəyə yanaşmada keyfiyyətcə yeni mərhələnin formalaşdığını göstərdi. Dövlət başçısının çıxışı, əslində, aqrar sektorun gələcək inkişaf istiqamətlərini müəyyənləşdirən strateji yol xəritəsi kimi qiymətləndirilə bilər.”
Bu fikirləri aia.az-a açıqlamasında Milli Məclisin deputatı Novruzəli Aslanov ifadə edib.
Millət vəkili daha sonra bildirib ki, son illərdə kənd təsərrüfatında müşahidə olunan əsas tendensiyalardan biri istehsalın daha sistemli və planlı şəkildə təşkili ilə bağlıdır: “Əvvəllər daha çox ayrı-ayrı təsərrüfatların fəaliyyəti üzərində qurulan model tədricən daha inteqrasiya olunmuş, zəncirvari iqtisadi mexanizmlərlə əvəzlənir. Bu isə həm məhsuldarlığın artmasına, həm də bazar risklərinin azalmasına şərait yaradır. Cənab Prezidentin müşavirədə vurğuladığı kimi, dövlətin əsas məqsədi kənd təsərrüfatını yalnız daxili tələbatı ödəyən sahə kimi deyil, ixrac potensialı yüksək olan rəqabətqabiliyyətli iqtisadi sektor kimi inkişaf etdirməkdir. Aqrar sahənin inkişafında institusional islahatların rolu da xüsusi qeyd olunmalıdır. Subsidiya mexanizmlərinin təkmilləşdirilməsi, kənd təsərrüfatı kreditlərinə çıxışın asanlaşdırılması və fermerlərin dövlət dəstəyi ilə daha effektiv şəkildə təmin olunması bu istiqamətdə mühüm addımlardır. Bu tədbirlər kənd təsərrüfatında iqtisadi fəallığı artırmaqla yanaşı, regionlarda sosial rifahın yüksəlməsinə də birbaşa təsir göstərir. Eyni zamanda, kənd təsərrüfatında idarəetmənin rəqəmsallaşdırılması və müasir texnologiyaların tətbiqi sahənin daha şəffaf və səmərəli fəaliyyətinə imkan yaradır. Müşavirədə diqqət çəkən əsas istiqamətlərdən biri də su ehtiyatlarının idarə olunması və torpaq resurslarından səmərəli istifadə məsələsi idi. Azərbaycanın iqlim şəraiti və su ehtiyatlarının məhdudluğu bu sahədə daha məsuliyyətli yanaşma tələb edir. Suvarma sistemlərinin modernləşdirilməsi, itkilərin minimuma endirilməsi və torpaqların meliorativ vəziyyətinin yaxşılaşdırılması kənd təsərrüfatının davamlı inkişafı üçün əsas şərtlərdən biridir. Dövlət başçısının çıxışında bu məsələlərə xüsusi diqqət yetirilməsi aqrar siyasətin uzunmüddətli və dayanıqlı inkişaf prinsiplərinə əsaslandığını göstərir. Digər mühüm məqam kənd təsərrüfatının sosial aspektidir. Kənd yerlərində məşğulluğun artırılması, gənclərin bu sahəyə marağının stimullaşdırılması və kənd həyatının cazibədarlığının yüksəldilməsi dövlət siyasətinin vacib istiqamətlərindəndir. Aqrar sektorun inkişafı təkcə iqtisadi göstəricilərə deyil, həm də demoqrafik tarazlığa və regional sabitliyə müsbət təsir göstərir. Bu baxımdan Prezident İlham Əliyevin müşavirədə səsləndirdiyi fikirlər kənd təsərrüfatına kompleks yanaşmanın tətbiq olunduğunu bir daha təsdiqlədi” – deyə, Novruzəli Aslanov fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 25-05-2026 | Saat: 20:06
Bölmə:Manşet / Siyasət | çapa göndər
“Kənd təsərrüfatı Azərbaycanın iqtisadi strukturunda təkcə istehsal sahəsi kimi deyil, həm də sosial sabitliyin və regional inkişafın əsas dayaqlarından biri kimi çıxış edir. Mayın 25-də Prezident İlham Əliyevin sədrliyi ilə keçirilən müşavirədə səsləndirilən fikirlər bu sahəyə yanaşmada keyfiyyətcə yeni mərhələnin formalaşdığını göstərdi. Dövlət başçısının çıxışı, əslində, aqrar sektorun gələcək inkişaf istiqamətlərini müəyyənləşdirən strateji yol xəritəsi kimi qiymətləndirilə bilər.”
Bu fikirləri aia.az-a açıqlamasında Milli Məclisin deputatı Novruzəli Aslanov ifadə edib.
Millət vəkili daha sonra bildirib ki, son illərdə kənd təsərrüfatında müşahidə olunan əsas tendensiyalardan biri istehsalın daha sistemli və planlı şəkildə təşkili ilə bağlıdır: “Əvvəllər daha çox ayrı-ayrı təsərrüfatların fəaliyyəti üzərində qurulan model tədricən daha inteqrasiya olunmuş, zəncirvari iqtisadi mexanizmlərlə əvəzlənir. Bu isə həm məhsuldarlığın artmasına, həm də bazar risklərinin azalmasına şərait yaradır. Cənab Prezidentin müşavirədə vurğuladığı kimi, dövlətin əsas məqsədi kənd təsərrüfatını yalnız daxili tələbatı ödəyən sahə kimi deyil, ixrac potensialı yüksək olan rəqabətqabiliyyətli iqtisadi sektor kimi inkişaf etdirməkdir. Aqrar sahənin inkişafında institusional islahatların rolu da xüsusi qeyd olunmalıdır. Subsidiya mexanizmlərinin təkmilləşdirilməsi, kənd təsərrüfatı kreditlərinə çıxışın asanlaşdırılması və fermerlərin dövlət dəstəyi ilə daha effektiv şəkildə təmin olunması bu istiqamətdə mühüm addımlardır. Bu tədbirlər kənd təsərrüfatında iqtisadi fəallığı artırmaqla yanaşı, regionlarda sosial rifahın yüksəlməsinə də birbaşa təsir göstərir. Eyni zamanda, kənd təsərrüfatında idarəetmənin rəqəmsallaşdırılması və müasir texnologiyaların tətbiqi sahənin daha şəffaf və səmərəli fəaliyyətinə imkan yaradır. Müşavirədə diqqət çəkən əsas istiqamətlərdən biri də su ehtiyatlarının idarə olunması və torpaq resurslarından səmərəli istifadə məsələsi idi. Azərbaycanın iqlim şəraiti və su ehtiyatlarının məhdudluğu bu sahədə daha məsuliyyətli yanaşma tələb edir. Suvarma sistemlərinin modernləşdirilməsi, itkilərin minimuma endirilməsi və torpaqların meliorativ vəziyyətinin yaxşılaşdırılması kənd təsərrüfatının davamlı inkişafı üçün əsas şərtlərdən biridir. Dövlət başçısının çıxışında bu məsələlərə xüsusi diqqət yetirilməsi aqrar siyasətin uzunmüddətli və dayanıqlı inkişaf prinsiplərinə əsaslandığını göstərir. Digər mühüm məqam kənd təsərrüfatının sosial aspektidir. Kənd yerlərində məşğulluğun artırılması, gənclərin bu sahəyə marağının stimullaşdırılması və kənd həyatının cazibədarlığının yüksəldilməsi dövlət siyasətinin vacib istiqamətlərindəndir. Aqrar sektorun inkişafı təkcə iqtisadi göstəricilərə deyil, həm də demoqrafik tarazlığa və regional sabitliyə müsbət təsir göstərir. Bu baxımdan Prezident İlham Əliyevin müşavirədə səsləndirdiyi fikirlər kənd təsərrüfatına kompleks yanaşmanın tətbiq olunduğunu bir daha təsdiqlədi” – deyə, Novruzəli Aslanov fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
25-05-2026
