Adəm İsmayıl Bakuvi: “Prezidentin xarici siyasət kursu Azərbaycanın beynəlxalq mövqelərinin möhkəmlənməsini təmin edən əsas amildir”
Tarix: 23-06-2026 | Saat: 16:46
Bölmə:Siyasət | çapa göndər
“Son illərdə beynəlxalq münasibətlər sistemində diqqəti cəlb edən əsas tendensiyalardan biri dövlətlər arasında etimadın zəifləməsidir. Müxtəlif bölgələrdə münaqişələrin çoxalması, geosiyasi rəqabətin kəskinləşməsi, beynəlxalq hüququn bəzən selektiv şəkildə tətbiq olunması və ikili standartların geniş yayılması əməkdaşlıq imkanlarını məhdudlaşdıran amillər kimi çıxış edir. Belə mürəkkəb və ziddiyyətli şəraitdə etibarlı tərəfdaş statusunu qorumaq və onu daha da möhkəmləndirmək hər dövlətə nəsib olmur. Azərbaycan isə bu baxımdan fərqlənən ölkələrdəndir. Dövlətimizin beynəlxalq nüfuzu təkcə iqtisadi potensialı və ya hərbi qüdrəti ilə ölçülmür. Azərbaycanın mühüm üstünlüklərindən biri onun verdiyi sözə sadiq qalması, tərəfdaşları ilə münasibətlərdə etimadı əsas prinsip kimi qəbul etməsi və üzərinə götürdüyü öhdəlikləri ardıcıl şəkildə yerinə yetirməsidir. Prezident İlham Əliyevin Türkmənistan Prezidenti Sərdar Berdiməhəmmədov ilə görüşündən sonra mətbuata verdiyi açıqlamalar da bu reallığın növbəti təsdiqi kimi dəyərləndirilə bilər. Bəyanatın məzmunu göstərdi ki, Azərbaycan xarici siyasətində qarşılıqlı hörmət, bərabərhüquqlu münasibətlər və etibarlı tərəfdaşlıq prinsiplərinə əsaslanan xəttə sadiq qalır. Məhz bu yanaşma sayəsində ölkəmiz fərqli siyasi sistemlərə malik dövlətlərlə uğurlu əməkdaşlıq qurmağı bacarır. Müasir diplomatiyada ən vacib meyarlardan biri etimad formalaşdırmaq qabiliyyətidir. Azərbaycan son illərdə bu istiqamətdə uğurlu nümunə nümayiş etdirib. Enerji layihələrində, beynəlxalq nəqliyyat marşrutlarında və regional əməkdaşlıq təşəbbüslərində ölkəmiz etibarlı tərəfdaş kimi tanınır. Bu etimad təsadüfi şəkildə formalaşmayıb. Azərbaycan uzun illər ərzində milli maraqlarını beynəlxalq hüququn prinsipləri ilə uzlaşdırmağa çalışıb, qarşıdurmadan daha çox əməkdaşlığa üstünlük verib.”
Bu sözləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi deyib.
Fikirlərini davam etdirən partiya sədri bildirib ki, Prezident İlham Əliyevin rəhbərliyi altında həyata keçirilən xarici siyasət kursu Azərbaycanın beynəlxalq mövqelərinin möhkəmlənməsini təmin edən əsas amildir: “44 günlük Vətən müharibəsində qazanılmış tarixi Qələbədən sonra ölkəmizin regional təsir imkanları daha da genişlənib. Azərbaycanın yaratdığı yeni geosiyasi reallıqlar beynəlxalq ictimaiyyət və nüfuzlu dövlətlər tərəfindən qəbul olunub. Hazırda Azərbaycan Cənubi Qafqazda sülh təşəbbüslərini irəli sürən, regional əməkdaşlığı təşviq edən və yeni iqtisadi perspektivlər formalaşdıran əsas dövlətlərdən biri kimi çıxış edir. Bu gün ölkəmizin iştirak etmədiyi mühüm regional layihə demək olar ki, yoxdur. Bunun başlıca səbəbi Azərbaycanın təşəbbüslərinin qarşılıqlı fayda və etimad prinsipləri üzərində qurulmasıdır. Azərbaycanın beynəlxalq nüfuzunun yüksəlməsinə təsir edən vacib amillərdən biri də çoxtərəfli diplomatiya sahəsində əldə olunan uğurlardır. Qoşulmama Hərəkatına sədrliyi dövründə ölkəmiz inkişaf etməkdə olan dövlətlərin maraqlarını qətiyyətlə müdafiə edib. COVID-19 pandemiyası zamanı irəli sürülən təşəbbüslər, göstərilən humanitar yardımlar və beynəlxalq həmrəylik çağırışları Azərbaycanın məsuliyyətli dövlət imicini daha da gücləndirib. Sonrakı mərhələdə Bakının qlobal iqlim gündəliyinin əsas mərkəzlərindən birinə çevrilməsi ölkəmizin beynəlxalq nüfuzunun yeni səviyyəyə yüksəldiyini nümayiş etdirdi. Müxtəlif siyasi qütbləri eyni platformada bir araya gətirmək bacarığı Azərbaycanın diplomatik potensialının göstəricisi oldu. Bu gün ölkəmiz yalnız regional deyil, həm də qlobal məsələlərin müzakirə olunduğu etibarlı məkan kimi tanınır. Türkmənistanla münasibətlər də bu modelin uğurlu təzahürlərindən biridir. Xəzər hövzəsində yerləşən iki qardaş dövlət arasında əlaqələr müxtəlif dövrlərdə fərqli mərhələlərdən keçsə də, son illərdə qarşılıqlı etimad və siyasi dialoq keyfiyyətcə yeni mərhələyə yüksəlib. Hazırda Bakı ilə Aşqabad arasında formalaşmış münasibətlər hər hansı xarici təsirdən deyil, qarşılıqlı hörmət və etimaddan qaynaqlanır. Dövlət başçısının bəyanatında diqqət çəkən vacib məqamlardan biri də gələcək fəaliyyət istiqamətlərinin konkret tapşırıqlar və praktik addımlar əsasında müəyyənləşdirilməsidir. Bu yanaşma artıq Azərbaycan diplomatiyasının xarakterik xüsusiyyətlərindən birinə çevrilib. Ölkəmizdə siyasi bəyanatlar heç zaman formal xarakter daşımayıb. Hər görüşün, hər razılaşmanın və hər təşəbbüsün arxasında real fəaliyyət proqramı dayanır. Məhz buna görə də Azərbaycanın irəli sürdüyü layihələr uğurla həyata keçirilir və tərəfdaşlar tərəfindən dəstəklənir. Azərbaycanın beynəlxalq nüfuzunu gücləndirən əsas amillərdən biri də balanslı və çevik xarici siyasət kursudur. Müxtəlif maraqların toqquşduğu mürəkkəb geosiyasi şəraitdə ölkəmiz həm milli maraqlarını qoruyur, həm də əməkdaşlıq imkanlarının genişlənməsinə töhfə verir. Bu siyasətin mühüm nəticələrindən biri Azərbaycanın Türk dünyasında oynadığı birləşdirici roldur. Son illərdə türk dövlətləri arasında siyasi, iqtisadi və humanitar əlaqələrin genişlənməsi ölkəmizin təşəbbüsləri ilə sıx bağlıdır. Azərbaycan həm strateji coğrafi mövqeyi, həm də siyasi nüfuzu sayəsində Türk dünyasının müxtəlif hissələrini birləşdirən mühüm körpü rolunu yerinə yetirir. Prezident İlham Əliyevin Türkmənistan Prezidenti ilə görüşdən sonra səsləndirdiyi fikirlər də bir daha təsdiqlədi ki, Azərbaycanın beynəlxalq nüfuzu təkcə iqtisadi və siyasi imkanlarından deyil, həm də etimad üzərində qurulmuş xarici siyasət modelindən qaynaqlanır. Bu amil isə müasir dünyanın mürəkkəb geosiyasi şəraitində ölkəmizə əlavə üstünlüklər qazandıran ən mühüm faktorlar sırasındadır” – deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 23-06-2026 | Saat: 16:46
Bölmə:Siyasət | çapa göndər
“Son illərdə beynəlxalq münasibətlər sistemində diqqəti cəlb edən əsas tendensiyalardan biri dövlətlər arasında etimadın zəifləməsidir. Müxtəlif bölgələrdə münaqişələrin çoxalması, geosiyasi rəqabətin kəskinləşməsi, beynəlxalq hüququn bəzən selektiv şəkildə tətbiq olunması və ikili standartların geniş yayılması əməkdaşlıq imkanlarını məhdudlaşdıran amillər kimi çıxış edir. Belə mürəkkəb və ziddiyyətli şəraitdə etibarlı tərəfdaş statusunu qorumaq və onu daha da möhkəmləndirmək hər dövlətə nəsib olmur. Azərbaycan isə bu baxımdan fərqlənən ölkələrdəndir. Dövlətimizin beynəlxalq nüfuzu təkcə iqtisadi potensialı və ya hərbi qüdrəti ilə ölçülmür. Azərbaycanın mühüm üstünlüklərindən biri onun verdiyi sözə sadiq qalması, tərəfdaşları ilə münasibətlərdə etimadı əsas prinsip kimi qəbul etməsi və üzərinə götürdüyü öhdəlikləri ardıcıl şəkildə yerinə yetirməsidir. Prezident İlham Əliyevin Türkmənistan Prezidenti Sərdar Berdiməhəmmədov ilə görüşündən sonra mətbuata verdiyi açıqlamalar da bu reallığın növbəti təsdiqi kimi dəyərləndirilə bilər. Bəyanatın məzmunu göstərdi ki, Azərbaycan xarici siyasətində qarşılıqlı hörmət, bərabərhüquqlu münasibətlər və etibarlı tərəfdaşlıq prinsiplərinə əsaslanan xəttə sadiq qalır. Məhz bu yanaşma sayəsində ölkəmiz fərqli siyasi sistemlərə malik dövlətlərlə uğurlu əməkdaşlıq qurmağı bacarır. Müasir diplomatiyada ən vacib meyarlardan biri etimad formalaşdırmaq qabiliyyətidir. Azərbaycan son illərdə bu istiqamətdə uğurlu nümunə nümayiş etdirib. Enerji layihələrində, beynəlxalq nəqliyyat marşrutlarında və regional əməkdaşlıq təşəbbüslərində ölkəmiz etibarlı tərəfdaş kimi tanınır. Bu etimad təsadüfi şəkildə formalaşmayıb. Azərbaycan uzun illər ərzində milli maraqlarını beynəlxalq hüququn prinsipləri ilə uzlaşdırmağa çalışıb, qarşıdurmadan daha çox əməkdaşlığa üstünlük verib.”
Bu sözləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi deyib.
Fikirlərini davam etdirən partiya sədri bildirib ki, Prezident İlham Əliyevin rəhbərliyi altında həyata keçirilən xarici siyasət kursu Azərbaycanın beynəlxalq mövqelərinin möhkəmlənməsini təmin edən əsas amildir: “44 günlük Vətən müharibəsində qazanılmış tarixi Qələbədən sonra ölkəmizin regional təsir imkanları daha da genişlənib. Azərbaycanın yaratdığı yeni geosiyasi reallıqlar beynəlxalq ictimaiyyət və nüfuzlu dövlətlər tərəfindən qəbul olunub. Hazırda Azərbaycan Cənubi Qafqazda sülh təşəbbüslərini irəli sürən, regional əməkdaşlığı təşviq edən və yeni iqtisadi perspektivlər formalaşdıran əsas dövlətlərdən biri kimi çıxış edir. Bu gün ölkəmizin iştirak etmədiyi mühüm regional layihə demək olar ki, yoxdur. Bunun başlıca səbəbi Azərbaycanın təşəbbüslərinin qarşılıqlı fayda və etimad prinsipləri üzərində qurulmasıdır. Azərbaycanın beynəlxalq nüfuzunun yüksəlməsinə təsir edən vacib amillərdən biri də çoxtərəfli diplomatiya sahəsində əldə olunan uğurlardır. Qoşulmama Hərəkatına sədrliyi dövründə ölkəmiz inkişaf etməkdə olan dövlətlərin maraqlarını qətiyyətlə müdafiə edib. COVID-19 pandemiyası zamanı irəli sürülən təşəbbüslər, göstərilən humanitar yardımlar və beynəlxalq həmrəylik çağırışları Azərbaycanın məsuliyyətli dövlət imicini daha da gücləndirib. Sonrakı mərhələdə Bakının qlobal iqlim gündəliyinin əsas mərkəzlərindən birinə çevrilməsi ölkəmizin beynəlxalq nüfuzunun yeni səviyyəyə yüksəldiyini nümayiş etdirdi. Müxtəlif siyasi qütbləri eyni platformada bir araya gətirmək bacarığı Azərbaycanın diplomatik potensialının göstəricisi oldu. Bu gün ölkəmiz yalnız regional deyil, həm də qlobal məsələlərin müzakirə olunduğu etibarlı məkan kimi tanınır. Türkmənistanla münasibətlər də bu modelin uğurlu təzahürlərindən biridir. Xəzər hövzəsində yerləşən iki qardaş dövlət arasında əlaqələr müxtəlif dövrlərdə fərqli mərhələlərdən keçsə də, son illərdə qarşılıqlı etimad və siyasi dialoq keyfiyyətcə yeni mərhələyə yüksəlib. Hazırda Bakı ilə Aşqabad arasında formalaşmış münasibətlər hər hansı xarici təsirdən deyil, qarşılıqlı hörmət və etimaddan qaynaqlanır. Dövlət başçısının bəyanatında diqqət çəkən vacib məqamlardan biri də gələcək fəaliyyət istiqamətlərinin konkret tapşırıqlar və praktik addımlar əsasında müəyyənləşdirilməsidir. Bu yanaşma artıq Azərbaycan diplomatiyasının xarakterik xüsusiyyətlərindən birinə çevrilib. Ölkəmizdə siyasi bəyanatlar heç zaman formal xarakter daşımayıb. Hər görüşün, hər razılaşmanın və hər təşəbbüsün arxasında real fəaliyyət proqramı dayanır. Məhz buna görə də Azərbaycanın irəli sürdüyü layihələr uğurla həyata keçirilir və tərəfdaşlar tərəfindən dəstəklənir. Azərbaycanın beynəlxalq nüfuzunu gücləndirən əsas amillərdən biri də balanslı və çevik xarici siyasət kursudur. Müxtəlif maraqların toqquşduğu mürəkkəb geosiyasi şəraitdə ölkəmiz həm milli maraqlarını qoruyur, həm də əməkdaşlıq imkanlarının genişlənməsinə töhfə verir. Bu siyasətin mühüm nəticələrindən biri Azərbaycanın Türk dünyasında oynadığı birləşdirici roldur. Son illərdə türk dövlətləri arasında siyasi, iqtisadi və humanitar əlaqələrin genişlənməsi ölkəmizin təşəbbüsləri ilə sıx bağlıdır. Azərbaycan həm strateji coğrafi mövqeyi, həm də siyasi nüfuzu sayəsində Türk dünyasının müxtəlif hissələrini birləşdirən mühüm körpü rolunu yerinə yetirir. Prezident İlham Əliyevin Türkmənistan Prezidenti ilə görüşdən sonra səsləndirdiyi fikirlər də bir daha təsdiqlədi ki, Azərbaycanın beynəlxalq nüfuzu təkcə iqtisadi və siyasi imkanlarından deyil, həm də etimad üzərində qurulmuş xarici siyasət modelindən qaynaqlanır. Bu amil isə müasir dünyanın mürəkkəb geosiyasi şəraitində ölkəmizə əlavə üstünlüklər qazandıran ən mühüm faktorlar sırasındadır” – deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
