Multikulturalizm ənənələri, dini və etnik dözümlülük xalqımızın əsrlər boyu yaşatdığı dəyərlərdir
Tarix: 30-10-2026 | Saat: 15:40
Bölmə:Siyasət | çapa göndər
VII Ümumdünya Mədəniyyətlərarası Dialoq Forumunun Bakıda rəsmi açılışı müasir dünyada qarşılıqlı anlaşmanın, sülhün və birgəyaşayış prinsiplərinin möhkəmləndirilməsi baxımından mühüm hadisədir. “Ortaq gələcək naminə dialoq: parçalanmış dünyada körpülərin qurulması” mövzusuna həsr olunan bu mötəbər tədbir müxtəlif mədəniyyətlər arasında əlaqələrin inkişafı ilə yanaşı, qlobal problemlərin dialoq və əməkdaşlıq yolu ilə həllinə yönəlmiş mühüm beynəlxalq platformadır.
Azərbaycan Respublikasının Prezidenti cənab İlham Əliyevin 27 oktyabr 2026-cı ildə Forumun açılış mərasimində səsləndirdiyi fikirlər ölkəmizin beynəlxalq siyasətinin əsas istiqamətlərini, qlobal çağırışlara münasibətini və gələcəyə hesablanmış strateji yanaşmasını əks etdirirdi. Dövlət başçısı çıxışında müasir beynəlxalq münasibətlər sistemində mövcud olan problemlərə, beynəlxalq hüququn selektiv tətbiqinə, ikili standartlara və dövlətlərarası münasibətlərdə ədalət prinsipinin qorunmasının vacibliyinə xüsusi diqqət yetirdi.
Forumun keçirildiyi ilk gündən bu günə qədər keçdiyi inkişaf yolu Azərbaycanın beynəlxalq dialoqa verdiyi töhfənin, müstəqil xarici siyasətinin və ədalətli beynəlxalq münasibətlər sisteminin formalaşmasına yönəlmiş təşəbbüslərinin göstəricisidir.
Prezident İlham Əliyev çıxışında Azərbaycanın inkişaf modelini, milli-mənəvi dəyərlərini və beynəlxalq siyasətdə tutduğu mövqeyi geniş şəkildə diqqətə çatdırdı. Ölkəmizin multikulturalizm ənənələri, ərazi bütövlüyünün və suverenliyinin bərpası, beynəlxalq münasibətlərdə ədalət və bərabərlik prinsipləri çıxışın əsas istiqamətlərini təşkil edirdi.
Forumda 100-dən artıq ölkənin nümayəndələrinin iştirakı Azərbaycanın mədəniyyətlərarası dialoq sahəsində qazandığı beynəlxalq nüfuzun bariz ifadəsidir. Azərbaycan müxtəlif xalqların və dini konfessiyaların nümayəndələrini bir araya gətirərək qarşılıqlı anlaşmanın, etimadın və əməkdaşlığın inkişafına mühüm töhfə verir. Bu mövqe ölkəmizin Şərqlə Qərb arasında siyasi, iqtisadi və mədəni əlaqələrin inkişafında körpü rolunu daha da möhkəmləndirir.
Azərbaycanın multikulturalizm modeli təsadüfi deyil, əsrlər boyu formalaşmış tarixi ənənələrə və cəmiyyətimizin mənəvi dəyərlərinə söykənir. Müxtəlif etnik və dini qrupların nümayəndələrinin vahid cəmiyyətdə sülh və qarşılıqlı hörmət şəraitində yaşaması, onların hüquq və azadlıqlarının Konstitusiya ilə təmin olunması bu modelin əsas xüsusiyyətlərindəndir. Prezident İlham Əliyevin çıxışında azərbaycançılıq ideologiyasına xüsusi önəm verməsi də məhz bu baxımdan diqqətəlayiqdir. Azərbaycançılıq insanları etnik və dini mənsubiyyətindən asılı olmayaraq vahid Vətən, dövlətçilik və milli maraqlar ətrafında birləşdirən mühüm ideoloji dəyərdir.
Vətən müharibəsi zamanı xalqımızın nümayiş etdirdiyi həmrəylik bu birliyin ən parlaq nümunəsidir. Müxtəlif xalqların və etnik qrupların nümayəndələri Azərbaycanın ərazi bütövlüyünün bərpası naminə vahid məqsəd ətrafında birləşdilər. Bu tarixi təcrübə bir daha sübut etdi ki, milli birlik və həmrəylik dövlətin gücünü müəyyən edən başlıca amillərdəndir.
Dövlət başçısının ideoloji təhlükəsizliklə bağlı fikirləri də müasir dövrün reallıqları baxımından xüsusi əhəmiyyət daşıyır. Hazırda dövlətlərin təhlükəsizliyi yalnız hərbi potensialla ölçülmür. Milli kimliyin, mənəvi dəyərlərin qorunması, cəmiyyətdə ictimai-siyasi sabitliyin və birliyin təmin edilməsi, xarici ideoloji təsirlərə qarşı dayanıqlılığın gücləndirilməsi də mühüm vəzifələr sırasındadır.
Prezidentin çıxışında diqqət çəkən əsas məsələlərdən biri də Azərbaycanın beynəlxalq hüquqa əsaslanan mövqeyi idi. Dövlət başçısı BMT Təhlükəsizlik Şurasının 1993-cü ildə qəbul etdiyi və Ermənistan silahlı qüvvələrinin Azərbaycan ərazilərindən çıxarılmasını tələb edən qətnamələrin uzun illər icra edilmədiyini xatırlatdı. Beynəlxalq hüququn təmin olunmaması nəticəsində Azərbaycan öz ərazi bütövlüyünü və suverenliyini bərpa etmək üçün güc tətbiq etmək məcburiyyətində qaldı.
Bu məsələnin mühüm tərəfi beynəlxalq hüququn bütün dövlətlərə münasibətdə eyni prinsiplərlə tətbiq edilməsinin zəruriliyidir. Beynəlxalq təşkilatların qərarlarının icra olunmaması, ayrı-ayrı ölkələrə münasibətdə fərqli yanaşmaların nümayiş etdirilməsi beynəlxalq sistemə olan inamı zəiflədir. Prezident İlham Əliyevin ikili standartlara qarşı prinsipial mövqeyi də məhz ədalət və bərabərlik tələbindən irəli gəlir.
Azərbaycanın müharibədən sonra Ermənistana sülh təklif etməsi ölkəmizin gələcəyə hesablanmış siyasi xəttinin mühüm göstəricisidir. Prezident İlham Əliyev müharibəyə başlamağın asan, onu başa çatdırmağın isə çətin olduğunu vurğulayaraq regionda davamlı sülhün təmin edilməsinin əhəmiyyətini önə çəkdi. Azərbaycanın mövqeyi ondan ibarətdir ki, əldə olunmuş tarixi nəticələr yeni qarşıdurmalara deyil, Cənubi Qafqazda sabitliyin və əməkdaşlığın möhkəmləndirilməsinə xidmət etməlidir.
Təbii ki, davamlı sülh yalnız sənədlərin imzalanması ilə məhdudlaşmır. Bunun üçün tərəflər arasında qarşılıqlı etimadın formalaşması, əldə olunan razılaşmaların yerinə yetirilməsi, iqtisadi və humanitar əlaqələrin genişləndirilməsi vacibdir. Regionda nəqliyyat-kommunikasiya xətlərinin açılması, ticarət əlaqələrinin inkişafı və qarşılıqlı əməkdaşlığın gücləndirilməsi uzunmüddətli sabitliyin təmin olunmasına şərait yarada bilər.
Dövlət başçısı Azərbaycanın beynəlxalq tərəfdaşlıq münasibətlərinə də toxunaraq ölkəmizin müxtəlif siyasi və iqtisadi mərkəzlərlə əlaqələrinin əhəmiyyətini vurğuladı. Çin və ABŞ ilə strateji tərəfdaşlıq sənədləri, Avropa dövlətləri ilə əməkdaşlıq, beynəlxalq təşkilatlarda fəal iştirak Azərbaycanın çoxşaxəli xarici siyasətinin nəticələridir. Ölkəmiz milli maraqlarını əsas götürərək müxtəlif dövlətlərlə qarşılıqlı faydalı münasibətlər qurur və beynəlxalq mövqeyini daha da möhkəmləndirir.
Enerji və nəqliyyat sahəsində Azərbaycanın artan rolu da beynəlxalq əməkdaşlığın mühüm istiqamətlərindəndir. Ölkəmizin əlverişli coğrafi mövqeyi, yaradılmış müasir infrastruktur və regional tərəfdaşlıq imkanları Avropa ilə Asiya arasında iqtisadi əlaqələrin genişlənməsinə mühüm töhfə verir. Bu potensialın reallaşdırılması həm Azərbaycanın iqtisadi inkişafı, həm də beynəlxalq əhəmiyyətinin artırılması baxımından xüsusi önəm daşıyır.
Azərbaycanın 2027-ci ildə İslam Əməkdaşlıq Təşkilatının Zirvə Görüşünə, 2028-ci ildə isə Avropa Siyasi Birliyinin Zirvə Görüşünə ev sahibliyi etməsi ölkəmizin beynəlxalq nüfuzunun və ona göstərilən etimadın növbəti ifadəsidir. Bu tədbirlər müxtəlif siyasi və mədəni platformalar arasında dialoqun inkişafına, beynəlxalq əməkdaşlığın genişlənməsinə yeni imkanlar yaradacaq.
Prezident İlham Əliyevin Forumdakı çıxışının əsas məzmununu Azərbaycanın milli maraqlara əsaslanan müstəqil siyasəti, dövlətçilik prinsiplərinə sadiqliyi və xalqın birliyinə söykənən inkişaf strategiyası təşkil edirdi. Ölkəmiz ərazi bütövlüyünü və suverenliyini bərpa etməklə yanaşı, beynəlxalq münasibətlərdə qarşılıqlı hörmətin, bərabərhüquqlu əməkdaşlığın və sülhün tərəfdarı olduğunu bir daha nümayiş etdirir.
Bu gün qarşıda duran əsas vəzifələr əldə edilmiş tarixi nailiyyətləri qorumaq, milli həmrəyliyi daha da gücləndirmək, milli-mənəvi dəyərləri yaşatmaq və regionda davamlı sülhün bərqərar olmasına töhfə verməkdir. Azərbaycanın çoxəsrlik multikulturalizm təcrübəsi, müstəqil xarici siyasəti və beynəlxalq əməkdaşlıq potensialı bu məqsədlərin həyata keçirilməsi üçün möhkəm zəmin yaradır.
VII Ümumdünya Mədəniyyətlərarası Dialoq Forumu Azərbaycanın beynəlxalq dialoq və əməkdaşlıq məkanında mövqeyini daha da gücləndirən mühüm hadisədir. Prezident İlham Əliyevin rəhbərliyi ilə həyata keçirilən ardıcıl və prinsipial xarici siyasət ölkəmizin beynəlxalq nüfuzunun artmasına, sülh və qarşılıqlı etimad mühitinin möhkəmlənməsinə xidmət edir.
Parçalanmış dünyada körpülərin qurulmasına çağırış edən Azərbaycan öz tarixi təcrübəsi, multikulturalizm ənənələri və sülh təşəbbüsləri ilə mühüm mesaj verir: fərqliliklər qarşıdurma deyil, qarşılıqlı zənginləşmə mənbəyi olmalıdır. Bakıdan dünyaya ünvanlanan bu dialoq çağırışı daha ədalətli, təhlükəsiz və harmonik gələcəyin qurulmasına yönəlmiş mühüm töhfədir.
Neva Abdurahmanova,
YAP Qusar rayon təşkilatının sədr müavini.
Məlumatlanmaq üçün Facebook səhifəmizi
Digər xəbərlər
Tarix: 30-10-2026 | Saat: 15:40
Bölmə:Siyasət | çapa göndər
VII Ümumdünya Mədəniyyətlərarası Dialoq Forumunun Bakıda rəsmi açılışı müasir dünyada qarşılıqlı anlaşmanın, sülhün və birgəyaşayış prinsiplərinin möhkəmləndirilməsi baxımından mühüm hadisədir. “Ortaq gələcək naminə dialoq: parçalanmış dünyada körpülərin qurulması” mövzusuna həsr olunan bu mötəbər tədbir müxtəlif mədəniyyətlər arasında əlaqələrin inkişafı ilə yanaşı, qlobal problemlərin dialoq və əməkdaşlıq yolu ilə həllinə yönəlmiş mühüm beynəlxalq platformadır.
Azərbaycan Respublikasının Prezidenti cənab İlham Əliyevin 27 oktyabr 2026-cı ildə Forumun açılış mərasimində səsləndirdiyi fikirlər ölkəmizin beynəlxalq siyasətinin əsas istiqamətlərini, qlobal çağırışlara münasibətini və gələcəyə hesablanmış strateji yanaşmasını əks etdirirdi. Dövlət başçısı çıxışında müasir beynəlxalq münasibətlər sistemində mövcud olan problemlərə, beynəlxalq hüququn selektiv tətbiqinə, ikili standartlara və dövlətlərarası münasibətlərdə ədalət prinsipinin qorunmasının vacibliyinə xüsusi diqqət yetirdi.
Forumun keçirildiyi ilk gündən bu günə qədər keçdiyi inkişaf yolu Azərbaycanın beynəlxalq dialoqa verdiyi töhfənin, müstəqil xarici siyasətinin və ədalətli beynəlxalq münasibətlər sisteminin formalaşmasına yönəlmiş təşəbbüslərinin göstəricisidir.
Prezident İlham Əliyev çıxışında Azərbaycanın inkişaf modelini, milli-mənəvi dəyərlərini və beynəlxalq siyasətdə tutduğu mövqeyi geniş şəkildə diqqətə çatdırdı. Ölkəmizin multikulturalizm ənənələri, ərazi bütövlüyünün və suverenliyinin bərpası, beynəlxalq münasibətlərdə ədalət və bərabərlik prinsipləri çıxışın əsas istiqamətlərini təşkil edirdi.
Forumda 100-dən artıq ölkənin nümayəndələrinin iştirakı Azərbaycanın mədəniyyətlərarası dialoq sahəsində qazandığı beynəlxalq nüfuzun bariz ifadəsidir. Azərbaycan müxtəlif xalqların və dini konfessiyaların nümayəndələrini bir araya gətirərək qarşılıqlı anlaşmanın, etimadın və əməkdaşlığın inkişafına mühüm töhfə verir. Bu mövqe ölkəmizin Şərqlə Qərb arasında siyasi, iqtisadi və mədəni əlaqələrin inkişafında körpü rolunu daha da möhkəmləndirir.
Azərbaycanın multikulturalizm modeli təsadüfi deyil, əsrlər boyu formalaşmış tarixi ənənələrə və cəmiyyətimizin mənəvi dəyərlərinə söykənir. Müxtəlif etnik və dini qrupların nümayəndələrinin vahid cəmiyyətdə sülh və qarşılıqlı hörmət şəraitində yaşaması, onların hüquq və azadlıqlarının Konstitusiya ilə təmin olunması bu modelin əsas xüsusiyyətlərindəndir. Prezident İlham Əliyevin çıxışında azərbaycançılıq ideologiyasına xüsusi önəm verməsi də məhz bu baxımdan diqqətəlayiqdir. Azərbaycançılıq insanları etnik və dini mənsubiyyətindən asılı olmayaraq vahid Vətən, dövlətçilik və milli maraqlar ətrafında birləşdirən mühüm ideoloji dəyərdir.
Vətən müharibəsi zamanı xalqımızın nümayiş etdirdiyi həmrəylik bu birliyin ən parlaq nümunəsidir. Müxtəlif xalqların və etnik qrupların nümayəndələri Azərbaycanın ərazi bütövlüyünün bərpası naminə vahid məqsəd ətrafında birləşdilər. Bu tarixi təcrübə bir daha sübut etdi ki, milli birlik və həmrəylik dövlətin gücünü müəyyən edən başlıca amillərdəndir.
Dövlət başçısının ideoloji təhlükəsizliklə bağlı fikirləri də müasir dövrün reallıqları baxımından xüsusi əhəmiyyət daşıyır. Hazırda dövlətlərin təhlükəsizliyi yalnız hərbi potensialla ölçülmür. Milli kimliyin, mənəvi dəyərlərin qorunması, cəmiyyətdə ictimai-siyasi sabitliyin və birliyin təmin edilməsi, xarici ideoloji təsirlərə qarşı dayanıqlılığın gücləndirilməsi də mühüm vəzifələr sırasındadır.
Prezidentin çıxışında diqqət çəkən əsas məsələlərdən biri də Azərbaycanın beynəlxalq hüquqa əsaslanan mövqeyi idi. Dövlət başçısı BMT Təhlükəsizlik Şurasının 1993-cü ildə qəbul etdiyi və Ermənistan silahlı qüvvələrinin Azərbaycan ərazilərindən çıxarılmasını tələb edən qətnamələrin uzun illər icra edilmədiyini xatırlatdı. Beynəlxalq hüququn təmin olunmaması nəticəsində Azərbaycan öz ərazi bütövlüyünü və suverenliyini bərpa etmək üçün güc tətbiq etmək məcburiyyətində qaldı.
Bu məsələnin mühüm tərəfi beynəlxalq hüququn bütün dövlətlərə münasibətdə eyni prinsiplərlə tətbiq edilməsinin zəruriliyidir. Beynəlxalq təşkilatların qərarlarının icra olunmaması, ayrı-ayrı ölkələrə münasibətdə fərqli yanaşmaların nümayiş etdirilməsi beynəlxalq sistemə olan inamı zəiflədir. Prezident İlham Əliyevin ikili standartlara qarşı prinsipial mövqeyi də məhz ədalət və bərabərlik tələbindən irəli gəlir.
Azərbaycanın müharibədən sonra Ermənistana sülh təklif etməsi ölkəmizin gələcəyə hesablanmış siyasi xəttinin mühüm göstəricisidir. Prezident İlham Əliyev müharibəyə başlamağın asan, onu başa çatdırmağın isə çətin olduğunu vurğulayaraq regionda davamlı sülhün təmin edilməsinin əhəmiyyətini önə çəkdi. Azərbaycanın mövqeyi ondan ibarətdir ki, əldə olunmuş tarixi nəticələr yeni qarşıdurmalara deyil, Cənubi Qafqazda sabitliyin və əməkdaşlığın möhkəmləndirilməsinə xidmət etməlidir.
Təbii ki, davamlı sülh yalnız sənədlərin imzalanması ilə məhdudlaşmır. Bunun üçün tərəflər arasında qarşılıqlı etimadın formalaşması, əldə olunan razılaşmaların yerinə yetirilməsi, iqtisadi və humanitar əlaqələrin genişləndirilməsi vacibdir. Regionda nəqliyyat-kommunikasiya xətlərinin açılması, ticarət əlaqələrinin inkişafı və qarşılıqlı əməkdaşlığın gücləndirilməsi uzunmüddətli sabitliyin təmin olunmasına şərait yarada bilər.
Dövlət başçısı Azərbaycanın beynəlxalq tərəfdaşlıq münasibətlərinə də toxunaraq ölkəmizin müxtəlif siyasi və iqtisadi mərkəzlərlə əlaqələrinin əhəmiyyətini vurğuladı. Çin və ABŞ ilə strateji tərəfdaşlıq sənədləri, Avropa dövlətləri ilə əməkdaşlıq, beynəlxalq təşkilatlarda fəal iştirak Azərbaycanın çoxşaxəli xarici siyasətinin nəticələridir. Ölkəmiz milli maraqlarını əsas götürərək müxtəlif dövlətlərlə qarşılıqlı faydalı münasibətlər qurur və beynəlxalq mövqeyini daha da möhkəmləndirir.
Enerji və nəqliyyat sahəsində Azərbaycanın artan rolu da beynəlxalq əməkdaşlığın mühüm istiqamətlərindəndir. Ölkəmizin əlverişli coğrafi mövqeyi, yaradılmış müasir infrastruktur və regional tərəfdaşlıq imkanları Avropa ilə Asiya arasında iqtisadi əlaqələrin genişlənməsinə mühüm töhfə verir. Bu potensialın reallaşdırılması həm Azərbaycanın iqtisadi inkişafı, həm də beynəlxalq əhəmiyyətinin artırılması baxımından xüsusi önəm daşıyır.
Azərbaycanın 2027-ci ildə İslam Əməkdaşlıq Təşkilatının Zirvə Görüşünə, 2028-ci ildə isə Avropa Siyasi Birliyinin Zirvə Görüşünə ev sahibliyi etməsi ölkəmizin beynəlxalq nüfuzunun və ona göstərilən etimadın növbəti ifadəsidir. Bu tədbirlər müxtəlif siyasi və mədəni platformalar arasında dialoqun inkişafına, beynəlxalq əməkdaşlığın genişlənməsinə yeni imkanlar yaradacaq.
Prezident İlham Əliyevin Forumdakı çıxışının əsas məzmununu Azərbaycanın milli maraqlara əsaslanan müstəqil siyasəti, dövlətçilik prinsiplərinə sadiqliyi və xalqın birliyinə söykənən inkişaf strategiyası təşkil edirdi. Ölkəmiz ərazi bütövlüyünü və suverenliyini bərpa etməklə yanaşı, beynəlxalq münasibətlərdə qarşılıqlı hörmətin, bərabərhüquqlu əməkdaşlığın və sülhün tərəfdarı olduğunu bir daha nümayiş etdirir.
Bu gün qarşıda duran əsas vəzifələr əldə edilmiş tarixi nailiyyətləri qorumaq, milli həmrəyliyi daha da gücləndirmək, milli-mənəvi dəyərləri yaşatmaq və regionda davamlı sülhün bərqərar olmasına töhfə verməkdir. Azərbaycanın çoxəsrlik multikulturalizm təcrübəsi, müstəqil xarici siyasəti və beynəlxalq əməkdaşlıq potensialı bu məqsədlərin həyata keçirilməsi üçün möhkəm zəmin yaradır.
VII Ümumdünya Mədəniyyətlərarası Dialoq Forumu Azərbaycanın beynəlxalq dialoq və əməkdaşlıq məkanında mövqeyini daha da gücləndirən mühüm hadisədir. Prezident İlham Əliyevin rəhbərliyi ilə həyata keçirilən ardıcıl və prinsipial xarici siyasət ölkəmizin beynəlxalq nüfuzunun artmasına, sülh və qarşılıqlı etimad mühitinin möhkəmlənməsinə xidmət edir.
Parçalanmış dünyada körpülərin qurulmasına çağırış edən Azərbaycan öz tarixi təcrübəsi, multikulturalizm ənənələri və sülh təşəbbüsləri ilə mühüm mesaj verir: fərqliliklər qarşıdurma deyil, qarşılıqlı zənginləşmə mənbəyi olmalıdır. Bakıdan dünyaya ünvanlanan bu dialoq çağırışı daha ədalətli, təhlükəsiz və harmonik gələcəyin qurulmasına yönəlmiş mühüm töhfədir.
Neva Abdurahmanova,
YAP Qusar rayon təşkilatının sədr müavini.
Məlumatlanmaq üçün Facebook səhifəmizi
Xəbəri paylaş
Digər xəbərlər
30-10-2026
