Tehranın Cənubi Qafqaz strategiyası: Ermənistan kartı və Zəngəzur düyünü
Tarix: 08-07-2026 | Saat: 19:44
Bölmə:Özəl | çapa göndər
Yaxın Şərqdə yaşanan proseslər fonunda İranın diqqəti yenidən Cənubi Qafqaza yönəlir. Ekspertlər hesab edirlər ki, Tehran regiondakı təsir imkanlarını qorumaq üçün Ermənistanla siyasi, iqtisadi və təhlükəsizlik sahəsində əməkdaşlığı daha da genişləndirməyə çalışır.
İran üçün Ermənistan təkcə qonşu ölkə deyil, həm də Cənubi Qafqazda strateji dayaqlardan biri hesab olunur. Bu səbəbdən Tehran İrəvan vasitəsilə həm regional nüfuzunu saxlamağa, həm də yeni nəqliyyat və enerji layihələrinə təsir göstərməyə çalışır.
Müşahidəçilərin fikrincə, İranın Ermənistana daha açıq siyasi və iqtisadi dəstəyi regiondakı qüvvələr balansına təsirsiz ötüşməyəcək. Belə bir ssenari Azərbaycan-Ermənistan normallaşma prosesinə, Zəngəzur istiqamətində aparılan müzakirələrə və Ankara-Bakı-Tehran münasibətlərinə də təsir göstərə bilər.
Bununla yanaşı, analitiklər qeyd edirlər ki, İranın bu planlarının qarşısında ciddi geosiyasi maneələr mövcuddur. Azərbaycanın bölgədə artan mövqeyi, Türkiyənin fəal rolu, eləcə də Rusiya, ABŞ və Avropa İttifaqının maraqları Cənubi Qafqazı çoxqütblü rəqabət məkanına çevirib.
Siyasi şərhçi Xəyal Bəşirovun sözlərinə görə, Tehran regiondakı proseslərə təsir göstərmək istəsə də, əvvəlki imkanlarına malik deyil. Onun fikrincə, Ermənistan isə həm Rusiya, həm də İranla eyni vaxtda qarşıdurmaya getmək istəmir və daha çox iqtisadi tərəfdaş axtarışındadır.
Vətəndaş Həmrəyliyi Partiyasının sədr müavini Samir Əsədli isə hesab edir ki, İran Ermənistanı Cənubi Qafqazdakı əsas dayaq nöqtəsi kimi görür və xüsusilə Zəngəzur istiqamətində formalaşan yeni logistika layihələrinə təsir göstərməyə çalışır. Onun fikrincə, Tehran iqtisadi və geosiyasi maraqlarını qorumaq üçün bölgədə fəallığını artırmağa cəhd göstərsə də, mövcud beynəlxalq reallıqlar bu imkanları xeyli məhdudlaşdırır.
Bu arada İran və Ermənistan iqtisadi əlaqələri də genişləndirməyə çalışır. İran parlamentinin deputatı Ara Şahverdiyan iki ölkə arasında ticarət dövriyyəsinin illik 3 milyard dollara çatdırılması üçün real potensial olduğunu bildirib. Onun sözlərinə görə, enerji, nəqliyyat və ticarət sahələrində yeni layihələr üzərində iş davam etdirilir və yaxın dövrdə əməkdaşlığın daha da genişlənməsi gözlənilir.
Məlumatlanmaq üçün Facebook səhifəmizi
Digər xəbərlər
Tarix: 08-07-2026 | Saat: 19:44
Bölmə:Özəl | çapa göndər
Yaxın Şərqdə yaşanan proseslər fonunda İranın diqqəti yenidən Cənubi Qafqaza yönəlir. Ekspertlər hesab edirlər ki, Tehran regiondakı təsir imkanlarını qorumaq üçün Ermənistanla siyasi, iqtisadi və təhlükəsizlik sahəsində əməkdaşlığı daha da genişləndirməyə çalışır.
İran üçün Ermənistan təkcə qonşu ölkə deyil, həm də Cənubi Qafqazda strateji dayaqlardan biri hesab olunur. Bu səbəbdən Tehran İrəvan vasitəsilə həm regional nüfuzunu saxlamağa, həm də yeni nəqliyyat və enerji layihələrinə təsir göstərməyə çalışır.
Müşahidəçilərin fikrincə, İranın Ermənistana daha açıq siyasi və iqtisadi dəstəyi regiondakı qüvvələr balansına təsirsiz ötüşməyəcək. Belə bir ssenari Azərbaycan-Ermənistan normallaşma prosesinə, Zəngəzur istiqamətində aparılan müzakirələrə və Ankara-Bakı-Tehran münasibətlərinə də təsir göstərə bilər.
Bununla yanaşı, analitiklər qeyd edirlər ki, İranın bu planlarının qarşısında ciddi geosiyasi maneələr mövcuddur. Azərbaycanın bölgədə artan mövqeyi, Türkiyənin fəal rolu, eləcə də Rusiya, ABŞ və Avropa İttifaqının maraqları Cənubi Qafqazı çoxqütblü rəqabət məkanına çevirib.
Siyasi şərhçi Xəyal Bəşirovun sözlərinə görə, Tehran regiondakı proseslərə təsir göstərmək istəsə də, əvvəlki imkanlarına malik deyil. Onun fikrincə, Ermənistan isə həm Rusiya, həm də İranla eyni vaxtda qarşıdurmaya getmək istəmir və daha çox iqtisadi tərəfdaş axtarışındadır.
Vətəndaş Həmrəyliyi Partiyasının sədr müavini Samir Əsədli isə hesab edir ki, İran Ermənistanı Cənubi Qafqazdakı əsas dayaq nöqtəsi kimi görür və xüsusilə Zəngəzur istiqamətində formalaşan yeni logistika layihələrinə təsir göstərməyə çalışır. Onun fikrincə, Tehran iqtisadi və geosiyasi maraqlarını qorumaq üçün bölgədə fəallığını artırmağa cəhd göstərsə də, mövcud beynəlxalq reallıqlar bu imkanları xeyli məhdudlaşdırır.
Bu arada İran və Ermənistan iqtisadi əlaqələri də genişləndirməyə çalışır. İran parlamentinin deputatı Ara Şahverdiyan iki ölkə arasında ticarət dövriyyəsinin illik 3 milyard dollara çatdırılması üçün real potensial olduğunu bildirib. Onun sözlərinə görə, enerji, nəqliyyat və ticarət sahələrində yeni layihələr üzərində iş davam etdirilir və yaxın dövrdə əməkdaşlığın daha da genişlənməsi gözlənilir.
Məlumatlanmaq üçün Facebook səhifəmizi
Xəbəri paylaş
Digər xəbərlər
