Komitələrin birgə iclasında İnsan alverinə qarşı mübarizə üzrə Milli Koordinatorun illik məlumatı dinlənilib
Tarix: 13-05-2025 | Saat: 17:30
Bölmə:Parlament | çapa göndər
Mayın 13-də Milli Məclisin İnsan hüquqları və Hüquq siyasəti və dövlət quruculuğu komitələrinin birgə iclası keçirilib.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Tədbiri açan Milli Məclisin İnsan hüquqları komitəsinin sədri Zahid Oruc bildirib ki, iclasda İnsan alverinə qarşı mübarizə üzrə Milli Koordinatorun Azərbaycan Respublikasında insan alverinə qarşı mübarizəyə dair illik məlumatı müzakirə ediləcək.
Komitə sədri çıxışında insan alveri ilə mübarizə üzrə beynəlxalq mexanizmlərin təşəkkülündən söz açıb, Azərbaycanda bu cinayət növünə qarşı mübarizə üzrə beynəlxalq hüququn və mexanizmlərin tətbiqindən danışıb. O, insan alverinə qarşı həm milli, həm də qlobal müstəvidə mübarizənin zəruriliyini vurğulayaraq bildirib ki, dövlətimiz həmişə insan alveri ilə mübarizə istiqamətində ciddi siyasi iradə nümayiş etdirib. Komitə sədri Azərbaycanın bu sahədə gördüyü işlərin müxtəlif beynəlxalq təşkilatlar tərəfindən müsbət dəyərləndirildiyini deyib.
Zahid Oruc Azərbaycanı insanların təhlükəsizliyinin yüksək səviyyədə qorunduğu ən sabit ölkələrdən biri kimi dəyərləndirib, bu istiqamətdə Daxili İşlər Nazirliyinin fəaliyyətinə toxunub. O, nazirliyin ictimai təhlükəsizliyin, insan hüquq və azadlıqlarının qorunması, insan alverinə qarşı mübarizə istiqamətlərində həyata keçirdiyi tədbirlərin əhəmiyyətindən bəhs edib. Vurğulayıb ki, daxildə qanunçuluğun keşiyində və cinayətkarlıqla mübarizədə ön cərgədə dayanan milli polisimiz Vətən müharibəsi zamanı da cəbhədə ordumuzla çiyin-çiyinə idi. İkinci Qarabağ müharibəsində Azərbaycan polisinin 66 nəfərinin qəhrəmanlıqla şəhid olması, 346 nəfərin yaralanması, 1400 nəfər hərbi qulluqçuya yüksək mükafatların, 4 nəfərə isə “Vətən Müharibəsi Qəhrəmanı” adının verilməsi həmin şərəfli döyüş yolunun parlaq ifadəsidir.
O, Azərbaycanda insan alveri kimi transmilli mürəkkəb cinayətlə mübarizə sahəsində irəliləyişlərin, müsbət təcrübələrin əldə olunmasını dövlət və hakimiyyət qurumlarının, vətəndaş cəmiyyəti institutlarının koordinasiyalı fəaliyyəti və yeni yanaşmaların tətbiqi ilə bağlayıb.
İnsan alverinə qarşı mübarizə üzrə Milli Koordinatorun Azərbaycan Respublikasında 2024-cü ildə insan alverinə qarşı mübarizəyə dair məlumatını qısa şərh edən komitə sədri bildirib ki, sənəddə insan alveri ilə mübarizə sahəsindəki vəziyyət əhatəli və sistemli şəkildə təqdim olunub.
Verilən statistikaya diqqət çəkən komitə sədri məlumatda yer alan qanunsuz miqrasiya, məcburi əmək, insan alveri cinayəti faktları ilə bağlı fikirlərini bildirib. Komitə sədri vurğulayıb ki, hesabatdan vətəndaşlarımızın təhlükəsiz şəraitdə yaşamasını, cinayət əməllərindən qorunmasını təmin edən güc strukturlarının insan alveri ilə mübarizə sahəsində öz işlərini ildən-ilə təkmilləşdirdiyi müşahidə olunur.
Sonra DİN-in İnsan Alverinə qarşı Mübarizə Baş İdarəsinin rəisi, polis general-mayoru Həzi Aslanov İnsan alverinə qarşı mübarizə üzrə Milli Koordinatorun Azərbaycan Respublikasında insan alverinə qarşı mübarizəyə dair məlumatını təqdim edib.
İdarə rəisi ölkəmizdə insan alverinə qarşı hərtərəfli mübarizə üçün əlverişli mexanizmin yaradıldığını, insan alverinə qarşı mübarizə üzrə tədbirlərin uğurla icra edildiyini söyləyib. O, illik məlumatın dövlət qurumlarının, beynəlxalq təsisatların, qeyri-hökumət təşkilatlarının məlumatları və təhlilləri əsasında hazırlandığını deyib. Qeyd edib ki, məlumatda insan alverinə qarşı mübarizə fəaliyyəti ilə bağlı qanunvericilik, profilaktika, maarifləndirmə, təlim və treninqlər, beynəlxalq əməkdaşlıq, məcburi əməyin qarşısının alınması, cinayət təqibi kimi tədbirlər öz əksini tapıb. Sözügedən istiqamətlərdə görülən işlər barədə məlumat verən Həzi Aslanov bildirib ki, insan alverinə qarşı mübarizədə normativ hüquqi bazanın və institusional mexanizmlərin təkmilləşdirilməsi 2024-cü ildə də davam etdirilərək "Avropa Şurasının İnsan orqanlarının alverinə qarşı Konvensiyası"nın təsdiq edilməsi barədə qanun layihəsi hazırlanıb və aidiyyəti dövlət orqanları ilə razılaşdırılma mərhələsindədir. Habelə “İnsan alverinə qarşı mübarizəyə dair 2025-2030-cu illər üçün Milli Fəaliyyət Planı”nın layihəsi də hazırlanaraq rəy və təkliflərin bildirilməsi məqsədilə dövlət qurumlarına təqdim olunub.
Profilaktika, maarifləndirmə, təlim istiqamətləri üzrə görülən işlərdən danışan idarə rəisi qeyd edib ki, qanunvericiliyin təkmilləşdirilməsi və müvafiq yeniliklər əmək münasibətlərinin şəffaflaşmasını təmin etmiş, bu sahədə elektron nəzarət və monitorinq imkanlarını genişləndirmiş, eləcə də vətəndaşların məcburi əməyin qurbanına çevrilmə riskini xeyli azaltmışdır.
Məruzəçi hesabat ilində beynəlxalq əməkdaşlığın inkişaf etdirilməsi, təcrübə və məlumat mübadiləsi sahəsində görülən işləri nəzərə çatdırıb. O, bildirib ki, hesabat dövründə insan alveri сinayətlərinin aşkarlanması və təqsirkar şəxslərin məhkəmə məsuliyyətinə cəlb olunması sahəsində həyata keçirilmiş əməliyyat-axtarış tədbirləri ilə 161, məcburi əməklə bağlı 1, insan alveri məqsədilə sənədlərlə qanunsuz hərəkətlərlə əlaqədar 44 cinayət qeydə alınıb. İnsan alveri və məcburi əmək cinayətləri ilə bağlı 15 cinayət işi başlanmış və 16 nəfər təqsirləndirilən şəxs qismində cəlb edilmişdir. Bununla yanaşı, informasiya texnologiyalarının tətbiqi ilə törədilmiş 44 müvafiq fakt da aşkarlanaraq Cinayət Məcəlləsinin müvafiq maddələri ilə cinayət işi başlanılıb.
Qeyd edilib ki, insan alverinə qarşı mübarizədə əldə olunmuş müsbət nəticələrin qorunub saxlanılması və inkişaf etdirilməsi, maarifləndirmə işinin daha məqsədyönlü aparılması, hüquqi mexanizmlərin təkmilləşdirilməsi, beynəlxalq münasibətlərin yeni keyfiyyət səviyyəsinə yüksəldilməsi və digər mühüm vəzifələr Azərbaycan Respublikasının qanunlarına, dövlət başçısının fərman və sərəncamlarına, ölkəmizin beynəlxalq öhdəliklərinə uyğun ardıcıllıqla davam etdiriləcək.
Polis general-mayoru Həzi Aslanov çıxışının sonunda bu mühüm sahədə dövlət siyasətinin həyata keçirilməsində verdiyi dəstəyə, səmərəli əməkdaşlığa görə parlamentə, vətəndaş cəmiyyətinə və mediaya təşəkkürünü bildirib.
Sənədin müzakirəsində Milli Məclisin deputatları Azay Quliyev, Razi Nurullayev, Erkin Qədirli, Naqif Həmzəyev, Mübariz Qurbanlı, Azər Allahverənov, habelə “Təmiz Dünya” Qadınlara Yardım İctimai Birliyinin sədri Mehriban Zeynalova, “Konstitusiya" Araşdırmalar Fondunun prezidenti Əliməmməd Nuriyev, “XXI Əsrin Qadınları” İctimai Birliyinin sədri Mahirə Əmirhüseynova, “Demokratik Cəmiyyət və Qadın Hüquqlarının Müdafiəsi” İctimai Birliyinin sədri Mehriban Abdullayeva, “Polisə Dəstək” İctimai Birliyinin sədri Şəmsəddin Əliyev, “İnsan Alverinə Qarşı Mübarizə Təşkilatı” İctimai Birliyinin sədri Ramiz Alıyev çıxış ediblər.
Çıxışlarda daxili işlər orqanlarının ictimai asayişin qorunmasında, qanunun aliliyinin təmin edilməsində rolundan danışılıb. İnsan alverinə qarşı mübarizə sahəsində həyata keçirilən tədbirlər, əldə edilən uğurlu nəticələr təqdirəlayiq hesab edilib. Bu istiqamətdə QHT-lərlə səmərəli əməkdaşlıqdan söhbət açılıb. Müasir rəqəmsal mühitdə və sosial platformalarda insan alveri cinayətlərinin, habelə dələduzluq hallarının qarşısının alınması, bu sahədə qanunvericiliyin təkmilləşdirilməsi ilə bağlı fikirlər səsləndirilib. Müzakirələrdə, habelə insan alveri qurbanlarının qorunması, onların dəstəklənməsi tədbirlərin, maarifləndirmə işinin gücləndirilməsinin vacibliyi qeyd olunub.
Millət vəkilləri və vətəndaş cəmiyyəti institutlarının nümayəndələri insan alverinə qarşı mübarizə üzrə Milli Koordinatorun illik məlumatının mükəmməl hazırlandığını bildiriblər, bəzi təkliflərini səsləndiriblər.
Tədbirdə Daxili İşlər Nazirliyinin İnsan Alverinə Qarşı Mübarizə Baş İdarəsinin rəisi Həzi Aslanov çıxışlarda səsləndirilən fikirlərə, qaldırılan məsələlərə münasibət bildirib, verilən sualları ətraflı cavablandırıb.
İclasa yekun vuran parlamentin İnsan hüquqları komitəsinin sədri Zahid Oruc müzakirələrin səmərəli keçdiyini söyləyib, insan alverinin yayılmasının səbəbləri, onların aradan qaldırılması yolları və digər bəzi məqamlara dair öz fikirlərini bölüşüb.
İclasın sonunda İnsan alverinə qarşı mübarizə üzrə Milli Koordinatorun illik məlumatı Milli Məclisin plenar iclasına tövsiyə olunub.
Tədbirdə Milli Məclisin deputatları, vətəndaş cəmiyyəti institutlarının təmsilçiləri və digər rəsmi şəxslər iştirak ediblər.
Məlumatlanmaq üçün Facebook səhifəmizi
Digər xəbərlər
Tarix: 13-05-2025 | Saat: 17:30
Bölmə:Parlament | çapa göndər
Mayın 13-də Milli Məclisin İnsan hüquqları və Hüquq siyasəti və dövlət quruculuğu komitələrinin birgə iclası keçirilib.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Tədbiri açan Milli Məclisin İnsan hüquqları komitəsinin sədri Zahid Oruc bildirib ki, iclasda İnsan alverinə qarşı mübarizə üzrə Milli Koordinatorun Azərbaycan Respublikasında insan alverinə qarşı mübarizəyə dair illik məlumatı müzakirə ediləcək.
Komitə sədri çıxışında insan alveri ilə mübarizə üzrə beynəlxalq mexanizmlərin təşəkkülündən söz açıb, Azərbaycanda bu cinayət növünə qarşı mübarizə üzrə beynəlxalq hüququn və mexanizmlərin tətbiqindən danışıb. O, insan alverinə qarşı həm milli, həm də qlobal müstəvidə mübarizənin zəruriliyini vurğulayaraq bildirib ki, dövlətimiz həmişə insan alveri ilə mübarizə istiqamətində ciddi siyasi iradə nümayiş etdirib. Komitə sədri Azərbaycanın bu sahədə gördüyü işlərin müxtəlif beynəlxalq təşkilatlar tərəfindən müsbət dəyərləndirildiyini deyib.
Zahid Oruc Azərbaycanı insanların təhlükəsizliyinin yüksək səviyyədə qorunduğu ən sabit ölkələrdən biri kimi dəyərləndirib, bu istiqamətdə Daxili İşlər Nazirliyinin fəaliyyətinə toxunub. O, nazirliyin ictimai təhlükəsizliyin, insan hüquq və azadlıqlarının qorunması, insan alverinə qarşı mübarizə istiqamətlərində həyata keçirdiyi tədbirlərin əhəmiyyətindən bəhs edib. Vurğulayıb ki, daxildə qanunçuluğun keşiyində və cinayətkarlıqla mübarizədə ön cərgədə dayanan milli polisimiz Vətən müharibəsi zamanı da cəbhədə ordumuzla çiyin-çiyinə idi. İkinci Qarabağ müharibəsində Azərbaycan polisinin 66 nəfərinin qəhrəmanlıqla şəhid olması, 346 nəfərin yaralanması, 1400 nəfər hərbi qulluqçuya yüksək mükafatların, 4 nəfərə isə “Vətən Müharibəsi Qəhrəmanı” adının verilməsi həmin şərəfli döyüş yolunun parlaq ifadəsidir.
O, Azərbaycanda insan alveri kimi transmilli mürəkkəb cinayətlə mübarizə sahəsində irəliləyişlərin, müsbət təcrübələrin əldə olunmasını dövlət və hakimiyyət qurumlarının, vətəndaş cəmiyyəti institutlarının koordinasiyalı fəaliyyəti və yeni yanaşmaların tətbiqi ilə bağlayıb.
İnsan alverinə qarşı mübarizə üzrə Milli Koordinatorun Azərbaycan Respublikasında 2024-cü ildə insan alverinə qarşı mübarizəyə dair məlumatını qısa şərh edən komitə sədri bildirib ki, sənəddə insan alveri ilə mübarizə sahəsindəki vəziyyət əhatəli və sistemli şəkildə təqdim olunub.
Verilən statistikaya diqqət çəkən komitə sədri məlumatda yer alan qanunsuz miqrasiya, məcburi əmək, insan alveri cinayəti faktları ilə bağlı fikirlərini bildirib. Komitə sədri vurğulayıb ki, hesabatdan vətəndaşlarımızın təhlükəsiz şəraitdə yaşamasını, cinayət əməllərindən qorunmasını təmin edən güc strukturlarının insan alveri ilə mübarizə sahəsində öz işlərini ildən-ilə təkmilləşdirdiyi müşahidə olunur.
Sonra DİN-in İnsan Alverinə qarşı Mübarizə Baş İdarəsinin rəisi, polis general-mayoru Həzi Aslanov İnsan alverinə qarşı mübarizə üzrə Milli Koordinatorun Azərbaycan Respublikasında insan alverinə qarşı mübarizəyə dair məlumatını təqdim edib.
İdarə rəisi ölkəmizdə insan alverinə qarşı hərtərəfli mübarizə üçün əlverişli mexanizmin yaradıldığını, insan alverinə qarşı mübarizə üzrə tədbirlərin uğurla icra edildiyini söyləyib. O, illik məlumatın dövlət qurumlarının, beynəlxalq təsisatların, qeyri-hökumət təşkilatlarının məlumatları və təhlilləri əsasında hazırlandığını deyib. Qeyd edib ki, məlumatda insan alverinə qarşı mübarizə fəaliyyəti ilə bağlı qanunvericilik, profilaktika, maarifləndirmə, təlim və treninqlər, beynəlxalq əməkdaşlıq, məcburi əməyin qarşısının alınması, cinayət təqibi kimi tədbirlər öz əksini tapıb. Sözügedən istiqamətlərdə görülən işlər barədə məlumat verən Həzi Aslanov bildirib ki, insan alverinə qarşı mübarizədə normativ hüquqi bazanın və institusional mexanizmlərin təkmilləşdirilməsi 2024-cü ildə də davam etdirilərək "Avropa Şurasının İnsan orqanlarının alverinə qarşı Konvensiyası"nın təsdiq edilməsi barədə qanun layihəsi hazırlanıb və aidiyyəti dövlət orqanları ilə razılaşdırılma mərhələsindədir. Habelə “İnsan alverinə qarşı mübarizəyə dair 2025-2030-cu illər üçün Milli Fəaliyyət Planı”nın layihəsi də hazırlanaraq rəy və təkliflərin bildirilməsi məqsədilə dövlət qurumlarına təqdim olunub.
Profilaktika, maarifləndirmə, təlim istiqamətləri üzrə görülən işlərdən danışan idarə rəisi qeyd edib ki, qanunvericiliyin təkmilləşdirilməsi və müvafiq yeniliklər əmək münasibətlərinin şəffaflaşmasını təmin etmiş, bu sahədə elektron nəzarət və monitorinq imkanlarını genişləndirmiş, eləcə də vətəndaşların məcburi əməyin qurbanına çevrilmə riskini xeyli azaltmışdır.
Məruzəçi hesabat ilində beynəlxalq əməkdaşlığın inkişaf etdirilməsi, təcrübə və məlumat mübadiləsi sahəsində görülən işləri nəzərə çatdırıb. O, bildirib ki, hesabat dövründə insan alveri сinayətlərinin aşkarlanması və təqsirkar şəxslərin məhkəmə məsuliyyətinə cəlb olunması sahəsində həyata keçirilmiş əməliyyat-axtarış tədbirləri ilə 161, məcburi əməklə bağlı 1, insan alveri məqsədilə sənədlərlə qanunsuz hərəkətlərlə əlaqədar 44 cinayət qeydə alınıb. İnsan alveri və məcburi əmək cinayətləri ilə bağlı 15 cinayət işi başlanmış və 16 nəfər təqsirləndirilən şəxs qismində cəlb edilmişdir. Bununla yanaşı, informasiya texnologiyalarının tətbiqi ilə törədilmiş 44 müvafiq fakt da aşkarlanaraq Cinayət Məcəlləsinin müvafiq maddələri ilə cinayət işi başlanılıb.
Qeyd edilib ki, insan alverinə qarşı mübarizədə əldə olunmuş müsbət nəticələrin qorunub saxlanılması və inkişaf etdirilməsi, maarifləndirmə işinin daha məqsədyönlü aparılması, hüquqi mexanizmlərin təkmilləşdirilməsi, beynəlxalq münasibətlərin yeni keyfiyyət səviyyəsinə yüksəldilməsi və digər mühüm vəzifələr Azərbaycan Respublikasının qanunlarına, dövlət başçısının fərman və sərəncamlarına, ölkəmizin beynəlxalq öhdəliklərinə uyğun ardıcıllıqla davam etdiriləcək.
Polis general-mayoru Həzi Aslanov çıxışının sonunda bu mühüm sahədə dövlət siyasətinin həyata keçirilməsində verdiyi dəstəyə, səmərəli əməkdaşlığa görə parlamentə, vətəndaş cəmiyyətinə və mediaya təşəkkürünü bildirib.
Sənədin müzakirəsində Milli Məclisin deputatları Azay Quliyev, Razi Nurullayev, Erkin Qədirli, Naqif Həmzəyev, Mübariz Qurbanlı, Azər Allahverənov, habelə “Təmiz Dünya” Qadınlara Yardım İctimai Birliyinin sədri Mehriban Zeynalova, “Konstitusiya" Araşdırmalar Fondunun prezidenti Əliməmməd Nuriyev, “XXI Əsrin Qadınları” İctimai Birliyinin sədri Mahirə Əmirhüseynova, “Demokratik Cəmiyyət və Qadın Hüquqlarının Müdafiəsi” İctimai Birliyinin sədri Mehriban Abdullayeva, “Polisə Dəstək” İctimai Birliyinin sədri Şəmsəddin Əliyev, “İnsan Alverinə Qarşı Mübarizə Təşkilatı” İctimai Birliyinin sədri Ramiz Alıyev çıxış ediblər.
Çıxışlarda daxili işlər orqanlarının ictimai asayişin qorunmasında, qanunun aliliyinin təmin edilməsində rolundan danışılıb. İnsan alverinə qarşı mübarizə sahəsində həyata keçirilən tədbirlər, əldə edilən uğurlu nəticələr təqdirəlayiq hesab edilib. Bu istiqamətdə QHT-lərlə səmərəli əməkdaşlıqdan söhbət açılıb. Müasir rəqəmsal mühitdə və sosial platformalarda insan alveri cinayətlərinin, habelə dələduzluq hallarının qarşısının alınması, bu sahədə qanunvericiliyin təkmilləşdirilməsi ilə bağlı fikirlər səsləndirilib. Müzakirələrdə, habelə insan alveri qurbanlarının qorunması, onların dəstəklənməsi tədbirlərin, maarifləndirmə işinin gücləndirilməsinin vacibliyi qeyd olunub.
Millət vəkilləri və vətəndaş cəmiyyəti institutlarının nümayəndələri insan alverinə qarşı mübarizə üzrə Milli Koordinatorun illik məlumatının mükəmməl hazırlandığını bildiriblər, bəzi təkliflərini səsləndiriblər.
Tədbirdə Daxili İşlər Nazirliyinin İnsan Alverinə Qarşı Mübarizə Baş İdarəsinin rəisi Həzi Aslanov çıxışlarda səsləndirilən fikirlərə, qaldırılan məsələlərə münasibət bildirib, verilən sualları ətraflı cavablandırıb.
İclasa yekun vuran parlamentin İnsan hüquqları komitəsinin sədri Zahid Oruc müzakirələrin səmərəli keçdiyini söyləyib, insan alverinin yayılmasının səbəbləri, onların aradan qaldırılması yolları və digər bəzi məqamlara dair öz fikirlərini bölüşüb.
İclasın sonunda İnsan alverinə qarşı mübarizə üzrə Milli Koordinatorun illik məlumatı Milli Məclisin plenar iclasına tövsiyə olunub.
Tədbirdə Milli Məclisin deputatları, vətəndaş cəmiyyəti institutlarının təmsilçiləri və digər rəsmi şəxslər iştirak ediblər.
Məlumatlanmaq üçün Facebook səhifəmizi
Xəbəri paylaş
Digər xəbərlər
jpg-1747142198.jpg)
jpg-1747139659.jpg)
_1200.webp)
13-05-2025
