Avropanın enerji təhlükəsizliyində Azərbaycan faktoru
Tarix: 30-04-2026 | Saat: 17:26
Bölmə:Siyasət | çapa göndər
İlqar İlyasov
Yeni Azərbaycan Partiyası Laçın rayon təşkilatının sədri
Azərbaycan Respublikası və Çex Respublikası arasında ikitərəfli münasibətlər son illərdə özünün ən dinamik və məhsuldar dövrünü yaşayır. 2026-cı il aprelin 27-də Çexiyanın Baş naziri Andrey Babişin ölkəmizə reallaşan səfəri və Prezident İlham Əliyevlə keçirdiyi görüş bu əlaqələrin strateji mahiyyətini bir daha təsdiq etdi. Dövlət başçısının mətbuata bəyanatında xüsusi vurğuladığı kimi, bizim indi çox fəal siyasi dialoqumuz var və bu dialoq iki ölkə arasındakı etimadın ən yüksək göstəricisidir. Siyasi müstəvidəki bu yaxınlıq iqtisadi platformada da özünü qabarıq büruzə verir. Belə ki, iqtisadi sahədə görüləcək işlərlə bağlı konkret təkliflər var və bu təkliflər həm ticarət dövriyyəsinin artırılmasına, həm də qarşılıqlı investisiya qoyuluşlarının şaxələndirilməsinə xidmət edir. Xüsusilə nəqliyyat, logistika və yüksək texnologiyalar sahəsində əməkdaşlığın dərinləşdirilməsi hər iki tərəf üçün prioritet istiqamətdir. Əməkdaşlığımızın böyük hissəsi energetika sektoruna aiddir və bu sahədə Azərbaycan Çexiyanın ən etibarlı tərəfdaşlarından biri kimi çıxış edir. Çexiyanın neft təchizatının mühüm bir hissəsini təmin edən Azərbaycan indi həm də Avropanın enerji təhlükəsizliyi arxitekturasında həlledici oyunçudur. Prezident İlham Əliyev bəyanatında qeyd etdi ki, Azərbaycan qazı 16 ölkəyə ixrac edilir və onlardan 10 ölkə Avropa İttifaqının üzvüdür. Bu fakt Azərbaycanın Avropanın enerji şaxələndirilməsi prosesindəki əvəzsiz rolunu nümayiş etdirir. Ölkələrimiz arasında digər önəmli əməkdaşlıq sahəsi müdafiə sənayesi ilə bağlıdır. Bu istiqamətdə tərəflər arasında həm texnoloji mübadilə, həm də modernləşdirmə layihələri üzrə ciddi razılaşmalar mövcuddur. Çexiyanın bu sahədəki qabaqcıl təcrübəsi ilə Azərbaycanın hərbi-sənaye potensialının birləşməsi regional təhlükəsizlik baxımından mühüm əhəmiyyət kəsb edir. Bakı və Praqa arasındakı bu sıx tərəfdaşlıq təkcə ikitərəfli maraqlara deyil, həm də regionun sabitliyinə və inkişafına xidmət edən uzunmüddətli strateji bir yoldur. Səfər çərçivəsində aparılan müzakirələr və əldə olunan nəticələr göstərir ki, Azərbaycan və Çexiya arasındakı dostluq münasibətləri gələcəkdə daha böyük layihələrlə zənginləşəcək və hər iki xalqın rifahına töhfə verəcəkdir.
Məlumatlanmaq üçün Facebook səhifəmizi
Digər xəbərlər
Tarix: 30-04-2026 | Saat: 17:26
Bölmə:Siyasət | çapa göndər
İlqar İlyasov
Yeni Azərbaycan Partiyası Laçın rayon təşkilatının sədri
Azərbaycan Respublikası və Çex Respublikası arasında ikitərəfli münasibətlər son illərdə özünün ən dinamik və məhsuldar dövrünü yaşayır. 2026-cı il aprelin 27-də Çexiyanın Baş naziri Andrey Babişin ölkəmizə reallaşan səfəri və Prezident İlham Əliyevlə keçirdiyi görüş bu əlaqələrin strateji mahiyyətini bir daha təsdiq etdi. Dövlət başçısının mətbuata bəyanatında xüsusi vurğuladığı kimi, bizim indi çox fəal siyasi dialoqumuz var və bu dialoq iki ölkə arasındakı etimadın ən yüksək göstəricisidir. Siyasi müstəvidəki bu yaxınlıq iqtisadi platformada da özünü qabarıq büruzə verir. Belə ki, iqtisadi sahədə görüləcək işlərlə bağlı konkret təkliflər var və bu təkliflər həm ticarət dövriyyəsinin artırılmasına, həm də qarşılıqlı investisiya qoyuluşlarının şaxələndirilməsinə xidmət edir. Xüsusilə nəqliyyat, logistika və yüksək texnologiyalar sahəsində əməkdaşlığın dərinləşdirilməsi hər iki tərəf üçün prioritet istiqamətdir. Əməkdaşlığımızın böyük hissəsi energetika sektoruna aiddir və bu sahədə Azərbaycan Çexiyanın ən etibarlı tərəfdaşlarından biri kimi çıxış edir. Çexiyanın neft təchizatının mühüm bir hissəsini təmin edən Azərbaycan indi həm də Avropanın enerji təhlükəsizliyi arxitekturasında həlledici oyunçudur. Prezident İlham Əliyev bəyanatında qeyd etdi ki, Azərbaycan qazı 16 ölkəyə ixrac edilir və onlardan 10 ölkə Avropa İttifaqının üzvüdür. Bu fakt Azərbaycanın Avropanın enerji şaxələndirilməsi prosesindəki əvəzsiz rolunu nümayiş etdirir. Ölkələrimiz arasında digər önəmli əməkdaşlıq sahəsi müdafiə sənayesi ilə bağlıdır. Bu istiqamətdə tərəflər arasında həm texnoloji mübadilə, həm də modernləşdirmə layihələri üzrə ciddi razılaşmalar mövcuddur. Çexiyanın bu sahədəki qabaqcıl təcrübəsi ilə Azərbaycanın hərbi-sənaye potensialının birləşməsi regional təhlükəsizlik baxımından mühüm əhəmiyyət kəsb edir. Bakı və Praqa arasındakı bu sıx tərəfdaşlıq təkcə ikitərəfli maraqlara deyil, həm də regionun sabitliyinə və inkişafına xidmət edən uzunmüddətli strateji bir yoldur. Səfər çərçivəsində aparılan müzakirələr və əldə olunan nəticələr göstərir ki, Azərbaycan və Çexiya arasındakı dostluq münasibətləri gələcəkdə daha böyük layihələrlə zənginləşəcək və hər iki xalqın rifahına töhfə verəcəkdir.
Məlumatlanmaq üçün Facebook səhifəmizi
Xəbəri paylaş
Digər xəbərlər
30-04-2026
