Adəm İsmayıl Bakuvi:"Zəngilanda Böyük Qayıdış və quruculuq prosesi sürətlə davam edir"
Tarix: 16-10-2026 | Saat: 12:55
Bölmə:Manşet / Siyasət | çapa göndər
Zəngilan bu gün Azərbaycanın işğaldan azad olunmuş torpaqlarında həyata keçirilən genişmiqyaslı bərpa və quruculuq işlərinin mühüm nümunələrindən biri kimi diqqət çəkir. Burada görülən işlərin əsas məqsədi təkcə dağıdılmış şəhər və kəndləri yenidən qurmaqdan ibarət deyil. Başlıca hədəf müasir həyat standartlarına uyğun yaşayış şəraiti yaratmaq, əhalinin sosial rifahını yaxşılaşdırmaq, iqtisadi fəaliyyət üçün yeni imkanlar açmaq və regionun gələcək inkişafını davamlı əsaslar üzərində təmin etməkdir. Zəngilanın hazırkı inkişaf mənzərəsi Böyük Qayıdış prosesinin humanitar, iqtisadi və strateji əhəmiyyətini aydın şəkildə ortaya qoyur.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi bildirib.
Partiya sədri qeyd edib ki,Zəngilanın bərpasından bəhs edərkən Ağalı kəndində həyata keçirilən layihələri xüsusi qeyd etmək lazımdır. Burada reallaşdırılan “Ağıllı kənd” layihəsi işğaldan azad edilmiş ərazilərdə müasir yaşayış məskənlərinin yaradılması baxımından əhəmiyyətli təcrübə hesab olunur. 2021-ci il aprelin 26-da təməli qoyulan layihə qabaqcıl beynəlxalq təcrübəyə əsaslanaraq sosial-iqtisadi infrastrukturun qurulmasını, rəqəmsal texnologiyaların tətbiqini və təbii sərvətlərdən səmərəli istifadəni nəzərdə tutur. Ağalı kəndində yaradılan şərait sübut edir ki, müasir kənd anlayışı yalnız yaşayış evlərinin inşası ilə məhdudlaşmır. Burada enerji təchizatı, su və kommunikasiya sistemləri, təhsil və səhiyyə müəssisələri, məşğulluq imkanları, eləcə də sosial xidmətlər vahid yaşayış mühitində birləşdirilir.
Cənab Prezident İlham Əliyevin Zəngilana etdiyi səfərlər zamanı bərpa və quruculuq tədbirlərinin müxtəlif mərhələləri ilə tanış olması dövlətin bu bölgənin inkişafına xüsusi diqqət yetirdiyini göstərir. 2020-ci ilin dekabrında şəhərdə Azərbaycan bayrağının ucaldılmasından sonra həyata keçirilən layihələr ərazi bütövlüyünün bərpası ilə əldə olunan tarixi nailiyyətlərin real inkişaf nəticələri ilə möhkəmləndirilməsinə xidmət edir. Bu istiqamətdə Zəngilan Beynəlxalq Hava Limanı xüsusi əhəmiyyətə malikdir. Hava limanı genişgövdəli ağır yük təyyarələri də daxil olmaqla, müxtəlif növ hava gəmilərini qəbul etmək imkanına sahibdir. Onun funksiyası yalnız sərnişin daşımalarının təşkili ilə bitmir. Bu infrastruktur gələcəkdə yükdaşımaların genişləndirilməsi, iqtisadi əlaqələrin gücləndirilməsi və Zəngilanın regional nəqliyyat mərkəzlərindən birinə çevrilməsi üçün mühüm şərait yaradır. Hava limanı Zəngəzur dəhlizi ilə bağlı nəqliyyat imkanlarının inkişafı baxımından da strateji əhəmiyyət daşıyır. Eyni zamanda, Horadiz–Zəngilan–Ağbənd dəmir yolu xəttinin qurulması azad edilmiş ərazilərin Azərbaycanın vahid nəqliyyat şəbəkəsinə qoşulmasında mühüm rol oynayacaq. Bu xəttin istifadəyə verilməsi sərnişin daşımalarının və yük dövriyyəsinin genişlənməsinə imkan yaradacaq.
Rayonun iqtisadi potensialının reallaşdırılmasında kənd təsərrüfatı mühüm istiqamətlərdən biridir. Zəngilanın əlverişli təbii şəraiti və mövcud əkinçilik ənənələri bu sahənin yenidən inkişaf etdirilməsi üçün geniş imkanlar açır. Müasir texnologiyaların istehsalata tətbiqi, kənd təsərrüfatı məhsullarının həcminin artırılması və emal müəssisələrinin yaradılması mövcud potensialdan daha səmərəli istifadə etməyə şərait yarada bilər. Bu tədbirlər həm yerli iqtisadi fəallığın yüksəlməsinə, həm də əhalinin məşğulluğunun təmin olunmasına töhfə verə bilər.
Zəngilanın gələcək inkişafında tarixi-mədəni irsin mühafizəsi və bərpası da mühüm yer tutur. Məmmədbəyli türbəsi, Şərifan tarixi abidələri, qədim yaşayış məskənləri və digər memarlıq nümunələri rayonun zəngin keçmişini əks etdirən qiymətli irs nümunələridir. Bu abidələrin qorunması tariximizin öyrənilməsi və milli-mədəni dəyərlərimizin gələcək nəsillərə çatdırılması baxımından xüsusi əhəmiyyət daşıyır. Zəngilan şəhər məscidində aparılan bərpa işləri də bu istiqamətdə görülən tədbirlərin mühüm hissəsidir. İşğal dövründə dağıntılara məruz qalan və əvvəlki görkəminin böyük hissəsini itirən XIX əsrə aid məsciddə konservasiya və bərpa tədbirləri həyata keçirilib, onun yaxınlığında isə yeni məscid inşa olunub. Beləliklə, həm tarixi memarlıq nümunəsinin qorunması, həm də müasir dini ehtiyacların qarşılanması nəzərə alınıb.
Böyük Qayıdışın uğurla davam etdirilməsi üçün insanların doğma yurdlarına qayıtması ilə yanaşı, onların normal həyat şəraitinin təmin olunması da vacibdir. Bu baxımdan əhalinin işlə təmin edilməsi, uşaqlar üçün keyfiyyətli təhsil imkanlarının yaradılması, tibbi xidmətlərin əlçatanlığının artırılması, ictimai xidmətlərin təşkili və sağlam sosial mühitin formalaşdırılması əsas vəzifələr sırasındadır. Zəngilanda həyata keçirilən layihələr bu ehtiyacların qarşılanmasına və insanların doğma torpaqlarında dayanıqlı həyat qurmasına yönəlib.
Müsahibimiz sonda qeyd edib ki, hazırda Zəngilanın timsalında Azərbaycanın azad edilmiş ərazilərdə həyata keçirdiyi kompleks inkişaf strategiyasının müxtəlif istiqamətləri öz əksini tapır. Müasir şəhərsalma prinsipləri, rəqəmsal həllər, enerji səmərəliliyi, nəqliyyat infrastrukturu, kənd təsərrüfatı, turizm və sosial xidmətlər vahid inkişaf modelinin əsas elementlərini təşkil edir. Bu siyasətin başlıca əhəmiyyəti ondadır ki, azad olunmuş ərazilərdə görülən işlər yalnız keçmişdə yaranmış dağıntıların aradan qaldırılmasına deyil, həm də gələcək üçün yeni iqtisadi və sosial imkanların yaradılmasına xidmət edir. Zəngilanın coğrafi mövqeyi, təbii sərvətləri və kənd təsərrüfatı imkanları məqsədyönlü şəkildə qiymətləndirildikdə, rayonun uzunmüddətli inkişafına və ölkə iqtisadiyyatına əhəmiyyətli töhfə verə bilər.
Oktyabrın 20-də qeyd olunan Zəngilan Şəhəri Günü həm Azərbaycanın tarixi Zəfərinin, həm də bölgədə başlanan yeni quruculuq mərhələsinin rəmzi məna daşıyır. 2020-ci ildə işğaldan azad edilən şəhərdə bu gün yeni yaşayış məntəqələri və kompleksləri salınır, nəqliyyat infrastrukturu genişləndirilir, iqtisadi layihələr həyata keçirilir və sakinlərin doğma yurdlarına qayıdışı davam edir. Bütün bunlar Zəngilanın yenidən dirçəlməsinin, əhalinin firavan həyatının təmin edilməsinin və regionun gələcək inkişafının möhkəm təməllər üzərində qurulmasının göstəricisidir- deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 16-10-2026 | Saat: 12:55
Bölmə:Manşet / Siyasət | çapa göndər
Zəngilan bu gün Azərbaycanın işğaldan azad olunmuş torpaqlarında həyata keçirilən genişmiqyaslı bərpa və quruculuq işlərinin mühüm nümunələrindən biri kimi diqqət çəkir. Burada görülən işlərin əsas məqsədi təkcə dağıdılmış şəhər və kəndləri yenidən qurmaqdan ibarət deyil. Başlıca hədəf müasir həyat standartlarına uyğun yaşayış şəraiti yaratmaq, əhalinin sosial rifahını yaxşılaşdırmaq, iqtisadi fəaliyyət üçün yeni imkanlar açmaq və regionun gələcək inkişafını davamlı əsaslar üzərində təmin etməkdir. Zəngilanın hazırkı inkişaf mənzərəsi Böyük Qayıdış prosesinin humanitar, iqtisadi və strateji əhəmiyyətini aydın şəkildə ortaya qoyur.
Bu fikirləri aia.az-a verdiyi açıqlamasında Vəhdət Partiyasının sədri, ictimai-siyasi xadim Adəm İsmayıl Bakuvi bildirib.
Partiya sədri qeyd edib ki,Zəngilanın bərpasından bəhs edərkən Ağalı kəndində həyata keçirilən layihələri xüsusi qeyd etmək lazımdır. Burada reallaşdırılan “Ağıllı kənd” layihəsi işğaldan azad edilmiş ərazilərdə müasir yaşayış məskənlərinin yaradılması baxımından əhəmiyyətli təcrübə hesab olunur. 2021-ci il aprelin 26-da təməli qoyulan layihə qabaqcıl beynəlxalq təcrübəyə əsaslanaraq sosial-iqtisadi infrastrukturun qurulmasını, rəqəmsal texnologiyaların tətbiqini və təbii sərvətlərdən səmərəli istifadəni nəzərdə tutur. Ağalı kəndində yaradılan şərait sübut edir ki, müasir kənd anlayışı yalnız yaşayış evlərinin inşası ilə məhdudlaşmır. Burada enerji təchizatı, su və kommunikasiya sistemləri, təhsil və səhiyyə müəssisələri, məşğulluq imkanları, eləcə də sosial xidmətlər vahid yaşayış mühitində birləşdirilir.
Cənab Prezident İlham Əliyevin Zəngilana etdiyi səfərlər zamanı bərpa və quruculuq tədbirlərinin müxtəlif mərhələləri ilə tanış olması dövlətin bu bölgənin inkişafına xüsusi diqqət yetirdiyini göstərir. 2020-ci ilin dekabrında şəhərdə Azərbaycan bayrağının ucaldılmasından sonra həyata keçirilən layihələr ərazi bütövlüyünün bərpası ilə əldə olunan tarixi nailiyyətlərin real inkişaf nəticələri ilə möhkəmləndirilməsinə xidmət edir. Bu istiqamətdə Zəngilan Beynəlxalq Hava Limanı xüsusi əhəmiyyətə malikdir. Hava limanı genişgövdəli ağır yük təyyarələri də daxil olmaqla, müxtəlif növ hava gəmilərini qəbul etmək imkanına sahibdir. Onun funksiyası yalnız sərnişin daşımalarının təşkili ilə bitmir. Bu infrastruktur gələcəkdə yükdaşımaların genişləndirilməsi, iqtisadi əlaqələrin gücləndirilməsi və Zəngilanın regional nəqliyyat mərkəzlərindən birinə çevrilməsi üçün mühüm şərait yaradır. Hava limanı Zəngəzur dəhlizi ilə bağlı nəqliyyat imkanlarının inkişafı baxımından da strateji əhəmiyyət daşıyır. Eyni zamanda, Horadiz–Zəngilan–Ağbənd dəmir yolu xəttinin qurulması azad edilmiş ərazilərin Azərbaycanın vahid nəqliyyat şəbəkəsinə qoşulmasında mühüm rol oynayacaq. Bu xəttin istifadəyə verilməsi sərnişin daşımalarının və yük dövriyyəsinin genişlənməsinə imkan yaradacaq.
Rayonun iqtisadi potensialının reallaşdırılmasında kənd təsərrüfatı mühüm istiqamətlərdən biridir. Zəngilanın əlverişli təbii şəraiti və mövcud əkinçilik ənənələri bu sahənin yenidən inkişaf etdirilməsi üçün geniş imkanlar açır. Müasir texnologiyaların istehsalata tətbiqi, kənd təsərrüfatı məhsullarının həcminin artırılması və emal müəssisələrinin yaradılması mövcud potensialdan daha səmərəli istifadə etməyə şərait yarada bilər. Bu tədbirlər həm yerli iqtisadi fəallığın yüksəlməsinə, həm də əhalinin məşğulluğunun təmin olunmasına töhfə verə bilər.
Zəngilanın gələcək inkişafında tarixi-mədəni irsin mühafizəsi və bərpası da mühüm yer tutur. Məmmədbəyli türbəsi, Şərifan tarixi abidələri, qədim yaşayış məskənləri və digər memarlıq nümunələri rayonun zəngin keçmişini əks etdirən qiymətli irs nümunələridir. Bu abidələrin qorunması tariximizin öyrənilməsi və milli-mədəni dəyərlərimizin gələcək nəsillərə çatdırılması baxımından xüsusi əhəmiyyət daşıyır. Zəngilan şəhər məscidində aparılan bərpa işləri də bu istiqamətdə görülən tədbirlərin mühüm hissəsidir. İşğal dövründə dağıntılara məruz qalan və əvvəlki görkəminin böyük hissəsini itirən XIX əsrə aid məsciddə konservasiya və bərpa tədbirləri həyata keçirilib, onun yaxınlığında isə yeni məscid inşa olunub. Beləliklə, həm tarixi memarlıq nümunəsinin qorunması, həm də müasir dini ehtiyacların qarşılanması nəzərə alınıb.
Böyük Qayıdışın uğurla davam etdirilməsi üçün insanların doğma yurdlarına qayıtması ilə yanaşı, onların normal həyat şəraitinin təmin olunması da vacibdir. Bu baxımdan əhalinin işlə təmin edilməsi, uşaqlar üçün keyfiyyətli təhsil imkanlarının yaradılması, tibbi xidmətlərin əlçatanlığının artırılması, ictimai xidmətlərin təşkili və sağlam sosial mühitin formalaşdırılması əsas vəzifələr sırasındadır. Zəngilanda həyata keçirilən layihələr bu ehtiyacların qarşılanmasına və insanların doğma torpaqlarında dayanıqlı həyat qurmasına yönəlib.
Müsahibimiz sonda qeyd edib ki, hazırda Zəngilanın timsalında Azərbaycanın azad edilmiş ərazilərdə həyata keçirdiyi kompleks inkişaf strategiyasının müxtəlif istiqamətləri öz əksini tapır. Müasir şəhərsalma prinsipləri, rəqəmsal həllər, enerji səmərəliliyi, nəqliyyat infrastrukturu, kənd təsərrüfatı, turizm və sosial xidmətlər vahid inkişaf modelinin əsas elementlərini təşkil edir. Bu siyasətin başlıca əhəmiyyəti ondadır ki, azad olunmuş ərazilərdə görülən işlər yalnız keçmişdə yaranmış dağıntıların aradan qaldırılmasına deyil, həm də gələcək üçün yeni iqtisadi və sosial imkanların yaradılmasına xidmət edir. Zəngilanın coğrafi mövqeyi, təbii sərvətləri və kənd təsərrüfatı imkanları məqsədyönlü şəkildə qiymətləndirildikdə, rayonun uzunmüddətli inkişafına və ölkə iqtisadiyyatına əhəmiyyətli töhfə verə bilər.
Oktyabrın 20-də qeyd olunan Zəngilan Şəhəri Günü həm Azərbaycanın tarixi Zəfərinin, həm də bölgədə başlanan yeni quruculuq mərhələsinin rəmzi məna daşıyır. 2020-ci ildə işğaldan azad edilən şəhərdə bu gün yeni yaşayış məntəqələri və kompleksləri salınır, nəqliyyat infrastrukturu genişləndirilir, iqtisadi layihələr həyata keçirilir və sakinlərin doğma yurdlarına qayıdışı davam edir. Bütün bunlar Zəngilanın yenidən dirçəlməsinin, əhalinin firavan həyatının təmin edilməsinin və regionun gələcək inkişafının möhkəm təməllər üzərində qurulmasının göstəricisidir- deyə, Adəm İsmayıl Bakuvi fikirlərini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
16-10-2026
