Səttar Möhbalıyev: "Qubadlı Zəfərdən doğan möhtəşəm inkişaf salnaməsidir"
Tarix: 19-10-2026 | Saat: 18:23
Bölmə:Manşet / Siyasət | çapa göndər
Bir şəhərin yenidən qurulması yalnız binaların tikilməsi, yolların salınması və infrastrukturun yaradılması demək deyil. Əsl bərpa insanın doğma yurda qayıtması, ailələrin öz evində yaşaması, uşaqların məktəbə getməsi, torpağın yenidən məhsul verməsi və şəhərin gələcəyə inamla addımlaması ilə tamamlanır. Bu gün Qubadlıda həyata keçirilən quruculuq işlərinə məhz belə geniş baxışla yanaşmaq lazımdır. Burada məqsəd keçmişdə qalmış şəhəri sadəcə bərpa etmək deyil, onun təbii imkanlarına və müasir tələblərə uyğun yeni inkişaf mühiti yaratmaqdır.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, cənab Prezident İlham Əliyevin Qubadlı ilə bağlı müəyyənləşdirdiyi vəzifələrin mahiyyəti də bu yanaşmada ifadəsini tapır: azad edilmiş torpaqlarda dayanıqlı həyat qurmaq, insanların doğma yurdlarında rahat yaşamasını təmin etmək və bölgənin iqtisadi potensialını hərəkətə gətirmək. Qubadlı rayonunun gələcək inkişafı üçün zəngin təbii və iqtisadi imkanları mövcuddur. Rayonun 802 kvadratkilometr ərazisi, Həkəri və Bərgüşad çayları, geniş meşə sahələri, məhsuldar düzənlikləri və faydalı qazıntı yataqları bu imkanların əsasını təşkil edir. İşğaldan əvvəl rayonda 13 160 hektar meşə sahəsi olub. Əkinçilik və heyvandarlıq təsərrüfatın başlıca istiqamətləri sayılıb, taxılçılıq, üzümçülük, tütünçülük və bostançılıq əhalinin məşğulluğunda mühüm yer tutub. Bu potensialın yenidən iqtisadi dövriyyəyə cəlb edilməsi Qubadlının gələcəyi üçün böyük əhəmiyyət daşıyır. Torpaqdan səmərəli istifadə, kənd təsərrüfatının bərpası, emal sahələrinin inkişafı, meşələrin və su ehtiyatlarının qorunması rayonun uzunmüddətli inkişafının vacib istiqamətləridir. Təbii sərvətlərin mövcudluğu öz-özlüyündə tərəqqi yaratmır; əsas məsələ həmin sərvətləri düzgün planlaşdırma, müasir texnologiya və insan əməyinin gücü ilə real iqtisadi nəticəyə çevirməkdir. Qubadlıda aparılan bərpa işlərinin mühüm istiqamətlərindən biri enerji və nəqliyyat infrastrukturunun yenilənməsidir. 2021-ci il oktyabrın 25-də 110/35/10 kilovoltluq “Qubadlı” yarımstansiyasının açılışı rayonun dayanıqlı elektrik enerjisi ilə təminatında mühüm addım oldu. Eyni zamanda, 76 kilometr uzunluğunda ikidövrəli yüksəkgərginlikli elektrik verilişi xətlərinin çəkilməsi Qubadlının enerji sisteminə qoşulmasını təmin edən layihələrin tərkib hissəsidir. Fiberoptik kabelin çəkilməsi isə ərazinin müasir rabitə və sürətli internet imkanlarını genişləndirir. Nəqliyyat əlaqələrinin qurulması da bölgənin gələcək inkişafında xüsusi rol oynayır. Qubadlı–Eyvazlı avtomobil yolunun 28,5 kilometr uzunluğunda inşası kəndlərarası əlaqələrin yaxşılaşdırılmasına, yaşayış məntəqələrinin rayon mərkəzi ilə əlaqələndirilməsinə və iqtisadi fəallığın artmasına xidmət edəcək. Yeni Qubadlı–Laçın avtomobil yolunun layihələndirilməsi və tikintisi üçün dövlət büdcəsindən 20 milyon manat ayrılması isə daha geniş regional nəqliyyat əlaqələrinin qurulmasına yönəlmiş addımdır. Bu layihələr bir-birindən ayrı tədbirlər deyil. Enerji, rabitə və yol infrastrukturu yaşayışın, istehsalın, sahibkarlığın, təhsilin və səhiyyənin inkişafı üçün vahid zəmin yaradır.
Millət vəkili onu da deyib ki, Qubadlının gələcəyi şəhərin mərkəzi ilə məhdudlaşmır. Mahruzlu və Zilanlı kəndlərinin yenidən qurulması Böyük Qayıdışın kənd yaşayış məntəqələrini də əhatə etdiyini göstərir. Mahruzlu kəndinin layihələndirilən ərazisi 197 hektardır. Birinci mərhələdə 40 hektar sahədə 190 evin tikintisi və ilkin olaraq 836 sakinin məskunlaşdırılması nəzərdə tutulur. Zilanlı kəndində isə 180 hektarlıq layihə ərazisinin birinci mərhələsində 159 ev tikilməsi və 772 nəfərin yerləşdirilməsi planlaşdırılıb. Gələcəkdə kənddə 630 ailənin, ümumilikdə 2520 nəfərin yaşaması nəzərdə tutulur. Bu rəqəmlərin arxasında yüzlərlə ailənin doğma ocağına qayıtmaq arzusu dayanır. Yeni evlər kənd həyatının dirçəlişi üçün başlanğıcdır. Davamlı nəticə üçün həmin evlərlə yanaşı, iş yerləri, məktəbə və səhiyyə xidmətlərinə çıxış, təsərrüfat fəaliyyəti və gündəlik yaşayış üçün zəruri şərait də təmin olunmalıdır. Qubadlı şəhərinin 2040-cı ilədək inkişafına dair Baş planın 2025-ci il sentyabrın 9-da təsdiqlənməsi də quruculuq prosesinin uzunmüddətli planlaşdırma əsasında aparıldığını göstərir. Qarşıdakı dövrdə Qubadlının inkişafı üçün əsas vəzifələrdən biri tikinti işlərini əhalinin real ehtiyacları ilə uzlaşdırmaq, təbii sərvətləri qorumaq, iqtisadi fəallığı artırmaq və insanların doğma yurdda daimi yaşayışına şərait yaratmaqdır. İnfrastrukturun qurulması bu yolun vacib mərhələsidir; həmin infrastrukturdan səmərəli istifadə etmək, yeni iş yerləri yaratmaq və yerli təşəbbüsləri dəstəkləmək isə inkişafın davamlılığını təmin edəcək. Cənab Prezident İlham Əliyevin azad edilmiş Qubadlıya səfərləri zamanı yaşayış məhəlləsi, məktəb, xəstəxana, inzibati bina və kəndlərin təməlinin qoyulması ilə bağlı tədbirlərdə iştirakı bu prosesin müxtəlif istiqamətlərini birləşdirir. Dövlətin qarşıya qoyduğu məqsəd yalnız dağıntıları aradan qaldırmaq deyil, insanların yaşaya, işləyə və gələcəklərini qura biləcəkləri müasir yaşayış mühiti yaratmaqdır.
Qubadlı şəhəri günü bu baxımdan həm tarixi qayıdışın mənasını, həm də qarşıda duran quruculuq vəzifələrini xatırladır. Dünən azadlıq uğrunda mübarizə aparılan bu torpaqlarda bu gün gələcək üçün möhkəm təməl yaradılır. Qubadlının sabahı onun yollarında, məktəblərində, təsərrüfatlarında, yeni evlərində və ən başlıcası, öz yurduna qayıdan insanların həyatında qurulur. Qubadlının yeni inkişaf tarixi də məhz bu amillərin vəhdətindən, torpağa bağlılıqdan, düşünülmüş planlaşdırmadan, səmərəli iqtisadi fəaliyyətdən və insanların doğma yurdda firavan yaşamaq imkanından başlanır-deyə Səttar Möhbalıyev fikrini tamamlayıb.
Məlumatlanmaq üçün Facebook səhifəmizi
Digər xəbərlər
Tarix: 19-10-2026 | Saat: 18:23
Bölmə:Manşet / Siyasət | çapa göndər
Bir şəhərin yenidən qurulması yalnız binaların tikilməsi, yolların salınması və infrastrukturun yaradılması demək deyil. Əsl bərpa insanın doğma yurda qayıtması, ailələrin öz evində yaşaması, uşaqların məktəbə getməsi, torpağın yenidən məhsul verməsi və şəhərin gələcəyə inamla addımlaması ilə tamamlanır. Bu gün Qubadlıda həyata keçirilən quruculuq işlərinə məhz belə geniş baxışla yanaşmaq lazımdır. Burada məqsəd keçmişdə qalmış şəhəri sadəcə bərpa etmək deyil, onun təbii imkanlarına və müasir tələblərə uyğun yeni inkişaf mühiti yaratmaqdır.
Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.
Fikirlərini davam etdirən millət vəkili bildirib ki, cənab Prezident İlham Əliyevin Qubadlı ilə bağlı müəyyənləşdirdiyi vəzifələrin mahiyyəti də bu yanaşmada ifadəsini tapır: azad edilmiş torpaqlarda dayanıqlı həyat qurmaq, insanların doğma yurdlarında rahat yaşamasını təmin etmək və bölgənin iqtisadi potensialını hərəkətə gətirmək. Qubadlı rayonunun gələcək inkişafı üçün zəngin təbii və iqtisadi imkanları mövcuddur. Rayonun 802 kvadratkilometr ərazisi, Həkəri və Bərgüşad çayları, geniş meşə sahələri, məhsuldar düzənlikləri və faydalı qazıntı yataqları bu imkanların əsasını təşkil edir. İşğaldan əvvəl rayonda 13 160 hektar meşə sahəsi olub. Əkinçilik və heyvandarlıq təsərrüfatın başlıca istiqamətləri sayılıb, taxılçılıq, üzümçülük, tütünçülük və bostançılıq əhalinin məşğulluğunda mühüm yer tutub. Bu potensialın yenidən iqtisadi dövriyyəyə cəlb edilməsi Qubadlının gələcəyi üçün böyük əhəmiyyət daşıyır. Torpaqdan səmərəli istifadə, kənd təsərrüfatının bərpası, emal sahələrinin inkişafı, meşələrin və su ehtiyatlarının qorunması rayonun uzunmüddətli inkişafının vacib istiqamətləridir. Təbii sərvətlərin mövcudluğu öz-özlüyündə tərəqqi yaratmır; əsas məsələ həmin sərvətləri düzgün planlaşdırma, müasir texnologiya və insan əməyinin gücü ilə real iqtisadi nəticəyə çevirməkdir. Qubadlıda aparılan bərpa işlərinin mühüm istiqamətlərindən biri enerji və nəqliyyat infrastrukturunun yenilənməsidir. 2021-ci il oktyabrın 25-də 110/35/10 kilovoltluq “Qubadlı” yarımstansiyasının açılışı rayonun dayanıqlı elektrik enerjisi ilə təminatında mühüm addım oldu. Eyni zamanda, 76 kilometr uzunluğunda ikidövrəli yüksəkgərginlikli elektrik verilişi xətlərinin çəkilməsi Qubadlının enerji sisteminə qoşulmasını təmin edən layihələrin tərkib hissəsidir. Fiberoptik kabelin çəkilməsi isə ərazinin müasir rabitə və sürətli internet imkanlarını genişləndirir. Nəqliyyat əlaqələrinin qurulması da bölgənin gələcək inkişafında xüsusi rol oynayır. Qubadlı–Eyvazlı avtomobil yolunun 28,5 kilometr uzunluğunda inşası kəndlərarası əlaqələrin yaxşılaşdırılmasına, yaşayış məntəqələrinin rayon mərkəzi ilə əlaqələndirilməsinə və iqtisadi fəallığın artmasına xidmət edəcək. Yeni Qubadlı–Laçın avtomobil yolunun layihələndirilməsi və tikintisi üçün dövlət büdcəsindən 20 milyon manat ayrılması isə daha geniş regional nəqliyyat əlaqələrinin qurulmasına yönəlmiş addımdır. Bu layihələr bir-birindən ayrı tədbirlər deyil. Enerji, rabitə və yol infrastrukturu yaşayışın, istehsalın, sahibkarlığın, təhsilin və səhiyyənin inkişafı üçün vahid zəmin yaradır.
Millət vəkili onu da deyib ki, Qubadlının gələcəyi şəhərin mərkəzi ilə məhdudlaşmır. Mahruzlu və Zilanlı kəndlərinin yenidən qurulması Böyük Qayıdışın kənd yaşayış məntəqələrini də əhatə etdiyini göstərir. Mahruzlu kəndinin layihələndirilən ərazisi 197 hektardır. Birinci mərhələdə 40 hektar sahədə 190 evin tikintisi və ilkin olaraq 836 sakinin məskunlaşdırılması nəzərdə tutulur. Zilanlı kəndində isə 180 hektarlıq layihə ərazisinin birinci mərhələsində 159 ev tikilməsi və 772 nəfərin yerləşdirilməsi planlaşdırılıb. Gələcəkdə kənddə 630 ailənin, ümumilikdə 2520 nəfərin yaşaması nəzərdə tutulur. Bu rəqəmlərin arxasında yüzlərlə ailənin doğma ocağına qayıtmaq arzusu dayanır. Yeni evlər kənd həyatının dirçəlişi üçün başlanğıcdır. Davamlı nəticə üçün həmin evlərlə yanaşı, iş yerləri, məktəbə və səhiyyə xidmətlərinə çıxış, təsərrüfat fəaliyyəti və gündəlik yaşayış üçün zəruri şərait də təmin olunmalıdır. Qubadlı şəhərinin 2040-cı ilədək inkişafına dair Baş planın 2025-ci il sentyabrın 9-da təsdiqlənməsi də quruculuq prosesinin uzunmüddətli planlaşdırma əsasında aparıldığını göstərir. Qarşıdakı dövrdə Qubadlının inkişafı üçün əsas vəzifələrdən biri tikinti işlərini əhalinin real ehtiyacları ilə uzlaşdırmaq, təbii sərvətləri qorumaq, iqtisadi fəallığı artırmaq və insanların doğma yurdda daimi yaşayışına şərait yaratmaqdır. İnfrastrukturun qurulması bu yolun vacib mərhələsidir; həmin infrastrukturdan səmərəli istifadə etmək, yeni iş yerləri yaratmaq və yerli təşəbbüsləri dəstəkləmək isə inkişafın davamlılığını təmin edəcək. Cənab Prezident İlham Əliyevin azad edilmiş Qubadlıya səfərləri zamanı yaşayış məhəlləsi, məktəb, xəstəxana, inzibati bina və kəndlərin təməlinin qoyulması ilə bağlı tədbirlərdə iştirakı bu prosesin müxtəlif istiqamətlərini birləşdirir. Dövlətin qarşıya qoyduğu məqsəd yalnız dağıntıları aradan qaldırmaq deyil, insanların yaşaya, işləyə və gələcəklərini qura biləcəkləri müasir yaşayış mühiti yaratmaqdır.
Qubadlı şəhəri günü bu baxımdan həm tarixi qayıdışın mənasını, həm də qarşıda duran quruculuq vəzifələrini xatırladır. Dünən azadlıq uğrunda mübarizə aparılan bu torpaqlarda bu gün gələcək üçün möhkəm təməl yaradılır. Qubadlının sabahı onun yollarında, məktəblərində, təsərrüfatlarında, yeni evlərində və ən başlıcası, öz yurduna qayıdan insanların həyatında qurulur. Qubadlının yeni inkişaf tarixi də məhz bu amillərin vəhdətindən, torpağa bağlılıqdan, düşünülmüş planlaşdırmadan, səmərəli iqtisadi fəaliyyətdən və insanların doğma yurdda firavan yaşamaq imkanından başlanır-deyə Səttar Möhbalıyev fikrini tamamlayıb.
Məlumatlanmaq üçün Facebook səhifəmizi
Xəbəri paylaş
Digər xəbərlər
