Şuşadan Dünyaya Strateji Mesajlar: Prezident İlham Əliyevin Liderliyi və Azərbaycanın Qlobal Mövqeyi
Tarix: 14-07-2026 | Saat: 13:55
Bölmə:Siyasət | çapa göndər
Şuşa şəhəri artıq təkcə Azərbaycanın mədəniyyət paytaxtı deyil, həm də beynəlxalq siyasi, informasiya və diplomatik dialoqun mühüm mərkəzlərindən birinə çevrilib. İşğaldan azad edildikdən sonra burada keçirilən beynəlxalq tədbirlər Azərbaycanın regionda yaratdığı yeni reallıqların, həyata keçirdiyi uğurlu dövlət siyasətinin və artan beynəlxalq nüfuzunun əyani göstəricisidir. Bu baxımdan IV Şuşa Qlobal Media Forumunun keçirilməsi xüsusi əhəmiyyət daşıyır. Forum dünyanın müxtəlif ölkələrindən media rəhbərlərini, ekspertləri, beynəlxalq təşkilatların nümayəndələrini və tanınmış jurnalistləri bir araya gətirməklə yanaşı, Azərbaycan həqiqətlərinin qlobal informasiya məkanına birbaşa çatdırılması üçün mühüm platforma rolunu oynadı.
Forumun əsas məqamlarından biri Azərbaycan Respublikasının Prezidenti İlham Əliyevin jurnalistlərin çoxsaylı suallarını açıq, səmimi və faktlara əsaslanan şəkildə cavablandırması oldu. Dövlətimizin başçısı çıxışında yalnız Azərbaycanın mövqeyini izah etmədi, eyni zamanda Cənubi Qafqazın gələcəyi, beynəlxalq münasibətlər sistemi, enerji təhlükəsizliyi, nəqliyyat dəhlizləri, rəqəmsal transformasiya, informasiya təhlükəsizliyi və qlobal çağırışlar barədə əhatəli təhlillər təqdim etdi. Bu, bir daha nümayiş etdirdi ki, Azərbaycan artıq regional prosesləri izləyən deyil, onları formalaşdıran və istiqamətləndirən dövlətlər sırasındadır.
Prezident İlham Əliyevin çıxışında xüsusi yer tutan məsələlərdən biri Azərbaycanın sülh gündəliyi oldu. Dövlətimizin başçısı vurğuladı ki, ölkəmiz regionda davamlı sülhün bərqərar olması, iqtisadi inteqrasiyanın genişlənməsi və qarşılıqlı etimad mühitinin formalaşması üçün ardıcıl siyasət həyata keçirir. Azərbaycanın heç vaxt qarşıdurma siyasəti yürütmədiyi, əksinə, əməkdaşlıq və dialoq təşəbbüslərinin müəllifi olduğu faktlarla diqqətə çatdırıldı. Ermənistan istiqamətində tətbiq olunan tranzit məhdudiyyətlərinin aradan qaldırılması və müxtəlif ölkələrdən Ermənistana yüklərin Azərbaycan ərazisindən maneəsiz daşınması ölkəmizin konstruktiv mövqeyinin bariz nümunəsidir.
Forum çərçivəsində Prezident İlham Əliyevin toxunduğu digər mühüm mövzu Zəngəzur dəhlizi layihəsi idi. Dövlətimizin başçısı qeyd etdi ki, bu layihə təkcə Azərbaycanın əsas hissəsini Naxçıvan Muxtar Respublikası ilə birləşdirməyəcək, eyni zamanda Avropa, Cənubi Qafqaz və Mərkəzi Asiya arasında iqtisadi və nəqliyyat əlaqələrinin inkişafına yeni imkanlar yaradacaq. Zəngəzur dəhlizi beynəlxalq yükdaşımaların sürətlənməsinə, Orta Dəhlizin imkanlarının genişlənməsinə və regionun logistika mərkəzi kimi mövqeyinin möhkəmlənməsinə mühüm töhfə verəcək.
Prezident İlham Əliyev forumda Azərbaycanın enerji siyasətinə də geniş yer ayırdı. Son illərdə ölkəmizin Avropanın enerji təhlükəsizliyində rolu əhəmiyyətli dərəcədə artıb. Azərbaycan artıq boru kəmərləri vasitəsilə çoxsaylı ölkələrə təbii qaz ixrac edir və yeni bazarlara çıxış imkanlarını genişləndirir. Avstriya və Almaniyaya qaz ixracının başlanması ölkəmizin Avropa enerji bazarında mövqeyini daha da gücləndirən mühüm hadisədir. Bu gün Azərbaycan etibarlı, məsuliyyətli və uzunmüddətli enerji tərəfdaşı kimi beynəlxalq aləmdə böyük etimad qazanıb.
Forum zamanı medianın müasir dünyada rolu da xüsusi diqqət mərkəzində oldu. İnformasiya müharibələrinin geniş vüsət aldığı bir dövrdə həqiqətlərin operativ və obyektiv şəkildə çatdırılması böyük əhəmiyyət daşıyır. Prezident İlham Əliyevin forum çərçivəsində verdiyi cavablar bir daha göstərdi ki, dezinformasiyaya qarşı mübarizənin ən təsirli yolu faktlara əsaslanan açıq dialoq və şəffaf informasiya siyasətidir. Xarici media nümayəndələrinin Azərbaycanın işğaldan azad olunmuş ərazilərinə səfərləri, aparılan bərpa və quruculuq işlərini yerində görmələri beynəlxalq ictimaiyyətin obyektiv məlumatlandırılması baxımından mühüm əhəmiyyət kəsb edir.
Bu gün Şuşa artıq təkcə tarixi-mədəni irsimizin incisi deyil, həm də qlobal fikir mübadiləsinin, media diplomatiyasının və beynəlxalq əməkdaşlığın mühüm ünvanlarından birinə çevrilib. Burada keçirilən beynəlxalq tədbirlər Azərbaycanın siyasi nüfuzunun, təhlükəsiz və sabit dövlət imicinin daha da möhkəmlənməsinə xidmət edir.
Şuşada səsləndirilən fikirlərin əsas məzmununu Azərbaycanın yaratdığı yeni geosiyasi reallıqlar təşkil edir. Məhz Prezident İlham Əliyevin uzaqgörən siyasəti nəticəsində 2020-ci ildə 44 günlük Vətən müharibəsində tarixi Zəfər qazanıldı, ölkəmizin ərazi bütövlüyü bərpa olundu, 2023-cü ilin lokal xarakterli antiterror tədbirləri ilə dövlət suverenliyi tam təmin edildi. Bu Qələbə regionda tamamilə yeni siyasi və iqtisadi mühit formalaşdırdı.
Bu gün Qarabağ və Şərqi Zəngəzur misli görünməmiş inkişaf mərhələsini yaşayır. Azad edilmiş ərazilərdə beynəlxalq standartlara uyğun avtomobil və dəmir yolları çəkilir, hava limanları istifadəyə verilir, "ağıllı şəhər" və "ağıllı kənd" layihələri uğurla icra olunur, yeni yaşayış məntəqələri salınır, keçmiş məcburi köçkünlər doğma yurdlarına qayıdırlar. Böyük Qayıdış Proqramı Azərbaycanın iqtisadi gücünün, siyasi iradəsinin və sosial məsuliyyətinin ən parlaq nümunələrindən biridir.
Prezident İlham Əliyevin Şuşa Qlobal Media Forumunda səsləndirdiyi fikirlər bir daha nümayiş etdirdi ki, Azərbaycan müstəqil xarici siyasət yürüdən, beynəlxalq hüquqa hörmət edən, etibarlı tərəfdaş kimi qəbul olunan və regional əməkdaşlığın inkişafına mühüm töhfələr verən dövlətdir. Ölkəmiz bu gün enerji, nəqliyyat, logistika, humanitar əməkdaşlıq və informasiya təhlükəsizliyi sahələrində qlobal əhəmiyyətə malik layihələrin əsas iştirakçılarından biridir.
IV Şuşa Qlobal Media Forumu həm də göstərdi ki, Azərbaycanın beynəlxalq nüfuzu ildən-ilə artır, Şuşa isə dünyanın diqqət mərkəzində olan siyasi və intellektual platformaya çevrilir. Buradan dünyaya ünvanlanan mesajlar sülhə, əməkdaşlığa, qarşılıqlı hörmətə və etibarlı tərəfdaşlığa əsaslanır. Prezident İlham Əliyevin rəhbərliyi ilə həyata keçirilən ardıcıl siyasət nəticəsində Azərbaycan regionun lider dövləti olmaqla yanaşı, beynəlxalq münasibətlər sistemində söz sahibi olan nüfuzlu ölkələrdən biri kimi mövqeyini daha da möhkəmləndirir.
Bayram Xudayarov
Elm və Təhsil Nazirliyi Fizika İnstitutunun əməkdaşı,
“Heydər Əliyev məktəbinin davamçıları” Feysbuk qrupunun təsisçisi və rəhbəri,
YAP-ın fəal üzvü
Məlumatlanmaq üçün Facebook səhifəmizi
Digər xəbərlər
Tarix: 14-07-2026 | Saat: 13:55
Bölmə:Siyasət | çapa göndər
Şuşa şəhəri artıq təkcə Azərbaycanın mədəniyyət paytaxtı deyil, həm də beynəlxalq siyasi, informasiya və diplomatik dialoqun mühüm mərkəzlərindən birinə çevrilib. İşğaldan azad edildikdən sonra burada keçirilən beynəlxalq tədbirlər Azərbaycanın regionda yaratdığı yeni reallıqların, həyata keçirdiyi uğurlu dövlət siyasətinin və artan beynəlxalq nüfuzunun əyani göstəricisidir. Bu baxımdan IV Şuşa Qlobal Media Forumunun keçirilməsi xüsusi əhəmiyyət daşıyır. Forum dünyanın müxtəlif ölkələrindən media rəhbərlərini, ekspertləri, beynəlxalq təşkilatların nümayəndələrini və tanınmış jurnalistləri bir araya gətirməklə yanaşı, Azərbaycan həqiqətlərinin qlobal informasiya məkanına birbaşa çatdırılması üçün mühüm platforma rolunu oynadı.
Forumun əsas məqamlarından biri Azərbaycan Respublikasının Prezidenti İlham Əliyevin jurnalistlərin çoxsaylı suallarını açıq, səmimi və faktlara əsaslanan şəkildə cavablandırması oldu. Dövlətimizin başçısı çıxışında yalnız Azərbaycanın mövqeyini izah etmədi, eyni zamanda Cənubi Qafqazın gələcəyi, beynəlxalq münasibətlər sistemi, enerji təhlükəsizliyi, nəqliyyat dəhlizləri, rəqəmsal transformasiya, informasiya təhlükəsizliyi və qlobal çağırışlar barədə əhatəli təhlillər təqdim etdi. Bu, bir daha nümayiş etdirdi ki, Azərbaycan artıq regional prosesləri izləyən deyil, onları formalaşdıran və istiqamətləndirən dövlətlər sırasındadır.
Prezident İlham Əliyevin çıxışında xüsusi yer tutan məsələlərdən biri Azərbaycanın sülh gündəliyi oldu. Dövlətimizin başçısı vurğuladı ki, ölkəmiz regionda davamlı sülhün bərqərar olması, iqtisadi inteqrasiyanın genişlənməsi və qarşılıqlı etimad mühitinin formalaşması üçün ardıcıl siyasət həyata keçirir. Azərbaycanın heç vaxt qarşıdurma siyasəti yürütmədiyi, əksinə, əməkdaşlıq və dialoq təşəbbüslərinin müəllifi olduğu faktlarla diqqətə çatdırıldı. Ermənistan istiqamətində tətbiq olunan tranzit məhdudiyyətlərinin aradan qaldırılması və müxtəlif ölkələrdən Ermənistana yüklərin Azərbaycan ərazisindən maneəsiz daşınması ölkəmizin konstruktiv mövqeyinin bariz nümunəsidir.
Forum çərçivəsində Prezident İlham Əliyevin toxunduğu digər mühüm mövzu Zəngəzur dəhlizi layihəsi idi. Dövlətimizin başçısı qeyd etdi ki, bu layihə təkcə Azərbaycanın əsas hissəsini Naxçıvan Muxtar Respublikası ilə birləşdirməyəcək, eyni zamanda Avropa, Cənubi Qafqaz və Mərkəzi Asiya arasında iqtisadi və nəqliyyat əlaqələrinin inkişafına yeni imkanlar yaradacaq. Zəngəzur dəhlizi beynəlxalq yükdaşımaların sürətlənməsinə, Orta Dəhlizin imkanlarının genişlənməsinə və regionun logistika mərkəzi kimi mövqeyinin möhkəmlənməsinə mühüm töhfə verəcək.
Prezident İlham Əliyev forumda Azərbaycanın enerji siyasətinə də geniş yer ayırdı. Son illərdə ölkəmizin Avropanın enerji təhlükəsizliyində rolu əhəmiyyətli dərəcədə artıb. Azərbaycan artıq boru kəmərləri vasitəsilə çoxsaylı ölkələrə təbii qaz ixrac edir və yeni bazarlara çıxış imkanlarını genişləndirir. Avstriya və Almaniyaya qaz ixracının başlanması ölkəmizin Avropa enerji bazarında mövqeyini daha da gücləndirən mühüm hadisədir. Bu gün Azərbaycan etibarlı, məsuliyyətli və uzunmüddətli enerji tərəfdaşı kimi beynəlxalq aləmdə böyük etimad qazanıb.
Forum zamanı medianın müasir dünyada rolu da xüsusi diqqət mərkəzində oldu. İnformasiya müharibələrinin geniş vüsət aldığı bir dövrdə həqiqətlərin operativ və obyektiv şəkildə çatdırılması böyük əhəmiyyət daşıyır. Prezident İlham Əliyevin forum çərçivəsində verdiyi cavablar bir daha göstərdi ki, dezinformasiyaya qarşı mübarizənin ən təsirli yolu faktlara əsaslanan açıq dialoq və şəffaf informasiya siyasətidir. Xarici media nümayəndələrinin Azərbaycanın işğaldan azad olunmuş ərazilərinə səfərləri, aparılan bərpa və quruculuq işlərini yerində görmələri beynəlxalq ictimaiyyətin obyektiv məlumatlandırılması baxımından mühüm əhəmiyyət kəsb edir.
Bu gün Şuşa artıq təkcə tarixi-mədəni irsimizin incisi deyil, həm də qlobal fikir mübadiləsinin, media diplomatiyasının və beynəlxalq əməkdaşlığın mühüm ünvanlarından birinə çevrilib. Burada keçirilən beynəlxalq tədbirlər Azərbaycanın siyasi nüfuzunun, təhlükəsiz və sabit dövlət imicinin daha da möhkəmlənməsinə xidmət edir.
Şuşada səsləndirilən fikirlərin əsas məzmununu Azərbaycanın yaratdığı yeni geosiyasi reallıqlar təşkil edir. Məhz Prezident İlham Əliyevin uzaqgörən siyasəti nəticəsində 2020-ci ildə 44 günlük Vətən müharibəsində tarixi Zəfər qazanıldı, ölkəmizin ərazi bütövlüyü bərpa olundu, 2023-cü ilin lokal xarakterli antiterror tədbirləri ilə dövlət suverenliyi tam təmin edildi. Bu Qələbə regionda tamamilə yeni siyasi və iqtisadi mühit formalaşdırdı.
Bu gün Qarabağ və Şərqi Zəngəzur misli görünməmiş inkişaf mərhələsini yaşayır. Azad edilmiş ərazilərdə beynəlxalq standartlara uyğun avtomobil və dəmir yolları çəkilir, hava limanları istifadəyə verilir, "ağıllı şəhər" və "ağıllı kənd" layihələri uğurla icra olunur, yeni yaşayış məntəqələri salınır, keçmiş məcburi köçkünlər doğma yurdlarına qayıdırlar. Böyük Qayıdış Proqramı Azərbaycanın iqtisadi gücünün, siyasi iradəsinin və sosial məsuliyyətinin ən parlaq nümunələrindən biridir.
Prezident İlham Əliyevin Şuşa Qlobal Media Forumunda səsləndirdiyi fikirlər bir daha nümayiş etdirdi ki, Azərbaycan müstəqil xarici siyasət yürüdən, beynəlxalq hüquqa hörmət edən, etibarlı tərəfdaş kimi qəbul olunan və regional əməkdaşlığın inkişafına mühüm töhfələr verən dövlətdir. Ölkəmiz bu gün enerji, nəqliyyat, logistika, humanitar əməkdaşlıq və informasiya təhlükəsizliyi sahələrində qlobal əhəmiyyətə malik layihələrin əsas iştirakçılarından biridir.
IV Şuşa Qlobal Media Forumu həm də göstərdi ki, Azərbaycanın beynəlxalq nüfuzu ildən-ilə artır, Şuşa isə dünyanın diqqət mərkəzində olan siyasi və intellektual platformaya çevrilir. Buradan dünyaya ünvanlanan mesajlar sülhə, əməkdaşlığa, qarşılıqlı hörmətə və etibarlı tərəfdaşlığa əsaslanır. Prezident İlham Əliyevin rəhbərliyi ilə həyata keçirilən ardıcıl siyasət nəticəsində Azərbaycan regionun lider dövləti olmaqla yanaşı, beynəlxalq münasibətlər sistemində söz sahibi olan nüfuzlu ölkələrdən biri kimi mövqeyini daha da möhkəmləndirir.
Bayram Xudayarov
Elm və Təhsil Nazirliyi Fizika İnstitutunun əməkdaşı,
“Heydər Əliyev məktəbinin davamçıları” Feysbuk qrupunun təsisçisi və rəhbəri,
YAP-ın fəal üzvü
Məlumatlanmaq üçün Facebook səhifəmizi
Xəbəri paylaş
Digər xəbərlər
14-07-2026
